Fréttablaðið - 20.04.2008, Síða 2
2 20. apríl 2008 SUNNUDAGUR
flugfelag.is
Ferðalag er góð
fermingargjöf
Pantaðu gjafabréf
í síma 570 3030
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Eyþór, hefurðu þá efni á að
fara í klippingu?
„Ég er ánægður með þessa
greiðslu.“
Eyþór Ingi Gunnlaugsson bar sigur úr
býtum í þættinum Bandið hans Bubba
og fékk þrjár milljónir í verðlaun.
Þyrlan sótti vélsleðamann
Þyrla Landhelgisgæslunnar sótti vél-
sleðamann sem slasaðist þegar hann
ók fram af hengju nálægt Akureyri
í gær. Talið var að maðurinn hefði
hlotið bakmeiðsl. Þyrlan var stödd
fyrir norðan og sótti manninn og flutti
hann á sjúkrahúsið á Akureyri.
LÖGREGLUFRÉTTIR
HEILBRIGÐISMÁL Tíðni kransæða-
þræðinga er hvað hæst hér á landi
miðað við aðrar þjóðir Evrópu.
Þetta sýna tölur sænskrar gæða-
skrár sem Ísland á aðild að. Í Sví-
þjóð voru á árinu 2007 gerðar 402
kransæðaþræðingar á hverja 100
þúsund íbúa en 544 hér á landi.
Munurinn nemur því 142 aðgerð-
um á hverja 100 þúsund íbúa. Í
nýlegri grein sem Magnús Péturs-
son, fyrrverandi forstjóri Land-
spítalans, ritar bendir hann á að ef
tíðni þessara aðgerða hefði verið
hin sama hér og í Svíþjóð hefðu
kransæðaþræðingar hér verið 426
færri og útgjöld vegna þeirra um
66 til 112 milljónum krónum
lægri.
Þrátt fyrir mikil afköst hjarta-
deildar Landspítalans hefur verið
langur biðlisti eftir því að komast
í þræðingu. Nú bíða um 190 manns
eftir slíkri aðgerð og segir Þórar-
inn Guðnason, hjartalæknir á
Landspítalanum, að þeir sjúkling-
ar sem lengst þurfi að bíða séu í
um sjö mánuði á biðlistanum.
Hann segir þá stöðu alls ekki góða
en bendir á að tekist hafi að stytta
listann en þegar verst var biðu um
250 manns. Auk þess sem þeir sem
þurfi bráðaþræðingu komist ávallt
strax að.
Þórarinn segir að þótt Íslend-
ingar geri flestar kransæðaþræð-
ingar í Evrópu ásamt Þjóðverjum
og Svisslendingum sé alls ekki um
oflækningar að ræða. „Við finnum
meira af alvarlegum og lífshættu-
legum kransæðasjúdómum en Sví-
arnir og þræðum þó ekki fleiri
sjúklinga með eðlilegar krans-
æðar en Svíar,“ segir Þórarinn en
þær upplýsingar telur hann benda
til þess að íslenskir læknar vandi
vel vinnubrögð sín þegar þeir
velja þá sjúklinga sem talið er að
þurfi á þræðingu að halda. Í
nýlegri skýrslu OECD um heil-
brigðismál kemur fram að tíðni
dauðsfalla vegna hjartasjúkdóma
er undir meðaltali á Íslandi miðað
við önnur aðildarríki OECD en
Þjóðverjar, (sem gera álíka marg-
ar aðgerðir og Íslendingar) eru
undir meðaltalinu ásamt Svíum.
Gestur Þorgeirsson, yfirlæknir
á hjartadeild Landspítalans, segir
langa biðlista einkum skapast
vegna skorts á legurýmum en
þeim hafi fækkað mjög frá því
eftir sameiningu spítalanna. „Það
var veruleg fækkun eða úr um það
bil 50 í 30 pláss. Þá voru líka dag-
deildir á spítalanum áður fyrr en
nú hafa þær verið lagðar niður og
því þurfa allir að leggjast inn á
legudeildir og oftar en ekki þurfa
þeir að liggja á göngum,“ segir
Gestur um stöðuna. Þá bendir
hann á að í Svíþjóð sé tíðni þræð-
inga mjög mismunandi eftir hér-
uðum, sums staðar sé tíðnin meiri
en hér gerist en annars staðar
mun minni. karen@frettabladid.is
Einna flestar hjarta-
þræðingar á Íslandi
Um 190 manns bíða nú eftir að komast í hjartaþræðingu á Landspítalanum.
Tekist hefur að stytta biðlistann verulega en í febrúar biðu um 250 manns eftir
aðgerð. Þótt biðlistinn sé langur eru einna flestar aðgerðir gerðar hér í Evrópu.
HJARTADEILD Skortur á legurýmum er helsta ástæða langra biðlista í hjartaþræðingu.
Oftar en ekki þarf fjöldi sjúklinga að liggja á göngum hjartadeildar. FRÉTTABLAÐIÐ/GVA
LÖGREGLUMÁL Ökumaður svarts
pallbíls ók yfir fót á barni við
Breiðholtsbraut í Breiðholti í gær.
Barnið var flutt á slysadeild, en
ökumaðurinn stakk af eftir að
hafa stöðvað bílinn í stutta stund.
Bílnum var ekið niður Breið-
holtsbrautina og inn á afrein, að
því er fram kemur á visir.is.
Barnið var að ganga fyrir götuna
og varð fóturinn undir bílnum.
Vitni að atvikinu náði niður
númerinu á bílnum og lét
lögreglu vita. Að sögn lögreglu
var haft samband við eiganda
bílsins, sem kom aftur á vettvang.
Málið telst upplýst. - bj
Ekið á barn og stungið af:
Vegfarandi
náði bílnúmeri
TEXAS, AP Rúmlega fjögur hundruð
börn sem voru flutt burt af
búgarði í Texas, þar sem sértrúar-
söfnuður sem stundar fjölkvæni
hefur verið starfræktur, verða
áfram í haldi yfirvalda.
Börnin munu á næstunni gang-
ast undir genapróf ásamt full-
orðna fólkinu til að ganga úr
skugga um hvaða fjölskyldu þau
tilheyra. Yfirvöld hafa átt í erfið-
leikum með að greina hvernig
börnin og hinir fullorðnu í söfnuð-
inum tengjast vegna misvísandi
svara.
Eftir tveggja daga vitnisburð
fyrir dómstólum var ákveðið að
efna til genaprófanna. „Þetta er
bara byrjunin,“ sagði dómarinn
Barbara Walther eftir vitnisburð-
inn sem stóð yfir í 21 klukkustund.
Réttarhöld yfir börnunum munu
halda áfram næstu vikurnar.
Börnin verða í haldi þangað til
búið verður að ganga frá prófun-
um og rannsaka ásakanir um að
meðlimir safnaðarins hafi mis-
notað börnin.
Lögreglan réðst inn í búgarðinn
eftir að stúlka sem sagðist vera
sextán ára hringdi í miðstöð vegna
fjölskylduofbeldis og hélt því
fram að fimmtugur eiginmaður
hennar hefði lamið sig og nauðg-
að. Enn hefur ekki tekist að hafa
uppi á stúlkunni. - fb
Fjögur hundruð börn úr sértrúarsöfnuði í Texas áfram í haldi stjórnvalda:
Gangast undir genapróf
BÖRN FLUTT Í BURTU Rúmlega fjögur
hundruð börn voru á sínum tíma flutt í
burtu frá búgarðinum í Texas.
SPÁNN, AP Átta finnskir ferðamenn
fórust, þar af sjö ára gömul stúlka,
þegar rútubifreið þeirra lenti í
hörðum árekstri og valt skammt
frá bænum Benalmadena á
suðurströnd Spánar í gærkvöld.
Sextán manns til viðbótar
slösuðust í árekstrinum, þar af
nokkrir alvarlega. Þeir voru
fluttir á nærliggjandi sjúkrahús
og nokkrir þeirra gengust undir
aðgerð. Allir farþegar rútunnar
voru Finnar. Bílstjóri ökutækisins
sem klessti á rútuna komst lífs af.
Var hann handtekinn eftir slysið
grunaður um að hafa ekið bílnum
undir áhrifum áfengis.
- fb
Bílslys á suðurströnd Spánar:
Átta finnskir
ferðamenn dóu
SVÍÞJÓÐ, AP Sænskir heilbrigðis-
starfsmenn, þar á meðal hjúkrun-
arfræðingar og ljósmæður, efndu
til mótmæla víðs vegar um
Svíþjóð í gær til að knýja á um
bætt launakjör. Um tvö þúsund
manns mótmæltu í Stokkhólmi og
um 1.500 manns söfnuðust saman
í Gautaborg, auk þess sem
mótmæli stóðu yfir í minni
bæjum.
Samningaviðræður hafa staðið
yfir að undanförnu án árangurs.
Gangi yfirvöld ekki að launakröf-
unum ætla hjúkrunarfræðingar í
verkfall á á morgun, en starfs-
mennirnir eru um 3.500 talsins.
- fb
Sænskir hjúkrunarfræðingar:
Hóta að leggja
niður vinnu
Lyklalaus í lífsháska
Slökkvilið höfuðborgarsvæðisins
bjargaði ölvuðum manni úr lífsháska
í gærmorgun. Hann kom ölvaður og
lyklalaus heim og ákvað að klifra inn
um glugga í risi, en komst í sjálfs-
heldu. Honum var bjargað þar sem
hann hékk í um átta metra hæð.
Óttuðust bruna í turninum
Allt tiltækt lið Slökkviliðsins á höfuð-
borgarsvæðinu var sent að turninum
við Smáralind í Kópavogi um hádegi
í gær eftir að reykur sást berast frá
byggingunni. Í ljós kom að verið var
að leggja tjörupappa í húsinu, og
engin hætta á ferðum.
LÖGREGLUFRÉTTIR
MENNING „Þetta gekk bara ofsalega vel og ég fékk
mjög góð viðbrögð,“ segir Víkingur Heiðar
Ólafsson píanóleikari sem hélt lokatónleika í
Juillard-skólanum í New York á föstudagskvöld.
Þar með hefur Víkingur lokið sex ára námi sínu
við skólann sem er einn virtasti tónlistarskóli
heims.
Tónleikarnir fóru fram í tónleikasal skólans og
Víkingur spilaði verk eftir þrjú tónskáld. Tónleik-
arnir hófust á sónötu eftir Beethoven og á eftir
fylgdu tvö verk eftir Brahms. Síðasta verkið á
efnisskránni var Scherzo eftir Chopin.
„Svo tók ég aukalag í lokin, Ave Maríu eftir
Sigvalda Kaldalóns. Ég var alveg búinn eftir
tónleikana og þá er gott að spila eitthvað sem
maður þekkir vel,“ útskýrir Víkingur sem var að
vonum í hálfgerðu spennufalli þegar blaðamaður
heyrði í honum í gær.
„Það má eiginlega segja að þetta hafi verið
endirinn á langri og strangri törn hjá mér. Námið
var mjög krefjandi og nú tekur við tími þar sem
ég þarf að vinna betur úr öllu því sem ég hef lært
í skólanum, spila meira og ná mér í umboðsmann,“
segir Víkingur sem ætlar að flytjast til Bretlands
á næstunni.
Áður en að flutningum kemur ætlar hann þó að
gleðja Íslendinga með nærveru sinni og endurtaka
útskriftartónleikana í Salnum í Kópavogi 30. maí
næstkomandi. - þo
Víkingur Heiðar Ólafsson hélt glæsilega útskriftartónleika í Juillard-skólanum:
Tók Kaldalóns sem aukalag
UPPKLAPPIÐ Víkingur Heiðar tók aukalag í lokin, Ave Maríu
eftir Sigvalda Kaldalóns. MYND/RAGNAR PÁLSSON
NEW YORK, AP Benedikt XVI páfi
hefur hvatt prestastéttina í
Bandaríkjum til takast á við þau
hneykslismál sem hafa komið þar
upp vegna ásakana um kynferðis-
lega misnotkun á ungu fólki.
„Þið getið verið viss um að ég
mun standa við bakið á ykkur á
meðan þig reynið að takast á við
þetta vandamál,“ sagði Benedikt,
sem er staddur í opinberri
heimsókn í Bandaríkjunum. Bætti
hann því við að ómaklega hefði
verið vegið að þeim prestum sem
hefðu ekkert gert af sér.
Yfir fjögur þúsund prestar hafa
verið sakaðir um kynferðislega
misnotkun í Bandaríkjunum frá
árinu 1950. Náði umræðan um
misnotkunina hámarki árið 2002.
- fb
Páfinn í Bandaríkjunum:
Þurfa að takast
á við hneyksli
BENEDIKT XVI PÁFI Hvetur bandaríska
presta til að takast á við hneykslismál.
FR
ÉT
TA
B
LA
Ð
IÐ
/A
P
SPURNING DAGSINS