Fréttablaðið - 23.05.2008, Blaðsíða 42

23. MAÍ 2008 FÖSTUDAGUR6 ● fréttablaðið ● hvataferðir
Gaman saman er hópefli með leikja-
ívafi sem Marta Eiríksdóttir hjá Púlsin-
um hefur sett saman en það er ætlað
öllum sem vilja bregða á leik og njóta
þess að læra eitthvað nýtt.
„Skemmtiprógrammið Gaman saman hefur
verið mjög vinsælt fyrir alls kyns hópa
sem leita skemmtunar. Markmið þess er að
þjappa fólki saman í gegnum gleði og fjör,“
segir Marta Eiríksdóttir hjá Púlsinum, og
bætir við að oft hafi hún farið með hóp-
efli inn á árshátíðir til að hrista allan salinn
saman í dansi.
Marta veit hvað hún syngur þegar kemur
að því að láta vinina, heilu hópana eða vinnu-
staðina hlæja og sprella saman þar sem hún
hefur áralanga reynslu sem leiklistar-, dans-
og jógakennari. Hún leyfir þátttakendum á
hópeflisnámskeiðum að prófa skemmtileg-
ar danshreyfingar í upphafi og blandar svo
við það dansleikjum. „Þegar þátttakend-
um hitnar í hamsi fá þeir að spreyta sig á
leiklistarleikjum sem vekja oft mikla kát-
ínu. Leikirnir verða að samvinnuverkefni
innan hópsins og hjálpa þátttakendum að
sjá hvern annan í skemmtilegu ljósi. Mark-
mið hópeflisins er að þjappa fólki saman í
gegnum gleði og fjör,“ útskýrir Marta.
„Þegar kvennahópar koma í hópefli vilja
þær gjarnan fá á sig slæðu um mjaðmirnar
og dansa magadans. Karlmenn hafa nú líka
viljað prófa magadansinn.
En þegar hópar eru blandaðir konum og
körlum myndast alltaf skemmtileg stemn-
ing, sérstaklega þegar karlarnir sveifla
mjöðmunum framan í kvensurnar. Þegar
kynin henda sér í svokallað danseinvígi
getur færst mikið fjör í leikinn með tilheyr-
andi hlátri. Við slíkar aðstæður sýnir fólk
á sér splunkunýjar hliðar,“ segir Marta og
hlær við tilhugsunina. Marta býður jafn-
framt upp á önnur og spennandi námskeið
sem hægt er að afla sér nánari upplýsingar
um á vefsíðunni www.pulsinn.is. - vg
Hópar hristir
saman með dansi
Leikirnir eiga að hjálpa þátttakendum að sjá hver annan í
skemmtilegu ljósi að sögn Mörtu.

Marta Eiríksdóttir hjá Púlsinum hefur sett saman hópefli ætlað þeim sem vilja njóta lífsins og læra nýja hluti.
Marta hefur áralanga reynslu sem leiklistar-, dans-
og jógakennari og nýtir hana á námskeiðunum.
Þátttakendur fá að prófa danshreyfingar.