Fréttablaðið - 05.06.2008, Síða 37

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Alexandra Helga Ívarsdóttir, sem hreppti titil-
inn Ungfrú Ísland um síðustu helgi, fylgist með
tískunni en leggur þó mest upp úr þægilegum
klæðaburði.
Alexandra, sem er að ljúka sínu þriðja ári í Mennta-
skólanum við Sund, hefur alltaf haft áhuga á fötum
og minnkaði hann ekki við þátttöku í Ungfrú Ísland.
Hún er þó með báða fætur á jörðinni og leyfir sér að
vera þægilega klædd dags daglega.
„Ég er oftast í gallabuxum, íþróttafötum eða
hettupeysu en hef svo gaman af því að fara í kjóla
spari. Í vetur hefur úlpa sem ég keypti í G-star verið
í miklu uppáhaldi en hún er aðsniðin með loðkraga.
Síðan er ég mjög ánægð með svartar Levi‘s-galla-
buxur í augnablikinu. Þær heita 471 slim fit, eru
niður þröngar og háar í mittið, eða alveg upp að
nafla. Við þær er ég yfirleitt í stígvélum sem kær-
astinn minn, Birgir Rafnar Birgisson, gaf mér í
afmælisgjöf úti í Danmörku í fyrra,“ segir Alex-
andra.
Hún og Birgir hafa verið saman í þrjú og hálft ár
en þau kynntust á grunnskólaárunum. „ Hann er úr
Kópavogi og ég úr Grafarvogi en við kynntumst í
gegnum sameiginlega vini,“ útskýrir Alexandra.
Hún er einmitt á leið í frí til Flórída með kærastan-
um og fjölskyldu hans í lok vikunnar og þar hefur
hún hugsað sér að kíkja í nokkrar búðir. Síðan er
stefnan tekin á Ungfrú alheim í Úkraínu í október.
Alexandra útskrifast frá MS næsta vor og þótt
hún sé ekki búin að ákveða framhaldið langar hana
helst að læra sálfræði. „Síðan er líka planið að taka
snyrtifræði í kvöldskóla,“ segir Alexandra, sem
heldur nú út í sumarið eftir að hafa lokið síðasta vor-
prófinu. vera@frettabladid.is
Tískuáhuginn minnkaði
ekki í Ungfrú Ísland
Alexandra hefur notað úlpuna óspart og svörtu Levi‘s-gallabuxurnar, sem eru háar í mittið, eru í sérstöku uppáhaldi. FRÉTTABLAÐIÐ/GVA
STELPUR HLAUPA
Mæður, systur, ömmur og
dætur reima nú á sig hlaupa-
skóna fyrir Kvennahlaupið
sem fram fer á laugardaginn.
HEILSA 6
BLÓMASKRÚÐ
Stjúpur eru alltaf vinsæl
sumarblóm en nýjar teg-
undir bætast líka í hópinn.
HEIMILI 4