Fréttablaðið - 05.06.2008, Qupperneq 41

FIMMTUDAGUR 5. júní 2008 5
Ertu lestrarhestur? Eða vilt
láta líta svo út? Þá er Biblio-
chase-stóllinn það sem vantar
á heimilið.
Stóllinn er í senn þægilegur
lestrarstóll, og í bak og fyrir
innrammaður af rúmgóðum
bókahillum sem taka býsnin öll af
bókmenntum. Hægt er að fá
letilegt skammel í stíl, með enn
fleiri bókahirslum, en litir og
áklæði fara alveg eftir smekk
kaupandans, og úr úrvali lita, taus
og leðurs að velja.
Bibliochase-stóllinn er einstök
hönnun, áberandi flottur og með
drjúgt notagildi, en ef þú vilt að
aðrir telji þig vel gefinn og
víðlesinn er ráð að koma við í
bókabúðinni og kaupa nokkra vel
valda titla í bókahillurnar.
Stóllinn fæst víða á netinu.
- þlg
Stóll fyrir
gáfnaljós
Bibliochase-stóll er frábær lausn á pláss-
lítil heimili.
Baðherbergið – Hreinlætisvörur
Vistvænar hreinlætisvörur eru
til í miklu úrvali og margar
þeirra umhverfisvottaðar. Oft er
hægt að sleppa hreingerningar-
efnum við þrif ef notaðir eru
örtrefjaklútar og náttúruleg efni
eins og edik eða salt. Ofnotkun
hreinsiefna er mikil og dýrkeypt
fyrir umhverfið. Efnin hverfa
ekki þegar þau eru komin í skolp-
leiðslurnar heldur enda þau í
hafinu. Efnin eru áfram virk og
geta skaðað lífríkið. Að efni
brotni niður í umhverfinu segir
ekki allt um hversu fljótt þau
gera það og einnig geta niður-
brotsefnin verið skaðlegri en
upprunalegu efnin. Öruggast er
að forðast notkun óþarfa efna og
skammta rétt þegar efna er þörf.
Yfirleitt er hægt að helminga
ráðlagða skammta hreinsiefna
því vatn á Íslandi er mun mýkra
en víða í Evrópu.
Sjampó og sápur
Sjampó og sápur geta innihaldið
bæði tilbúin og náttúruleg efni.
Stundum koma náttúrulegu efnin
beint úr jurtum, en oft er búið að
einangra þau til að fá nákvæm-
lega þá virkni sem óskað er eftir
í vörunni. Skoðaðu vel innihalds-
efnin sérstaklega ef þú ert með
ofnæmi. Góð regla er að nota
eins lítið af sápu og hægt er enda
getur ofnotkun aðeins leitt til
þess að húðin þornar um of. Sum
sjampó innihalda efni eins og
vax sem erfitt er að ná úr hár-
sverðinum. Ódýr sjampó eru oft
alls ekki góð vara auk þess sem
þau eru ódrjúg. Sjampó í góðum
gæðaflokki er mun virkara og
verðið segir því ekki alla sög-
una.
Sjá meira um hreinlætisvörur á:
http://www.natturan.is/husid/1269/
GÓÐ RÁÐ
fyrir þig og umhverfið
Náttúran.is – vefur með umhverfisvitund
Þegar borðað er úti í blíðskapar-
veðri er alltaf viss hætta á
að óboðnir gestir geri
vart við sig og vilji gera
könnun á veisluföngun-
um. Þar eru geitungarn-
ir hvað óvinsælastir. Oft
eru gestgjafar á nálum og
hafa flugnaspaðana við
höndina til að bægja þeim óvel-
komnu frá. Hlífar yfir föt
og diska ættu að bjarga
málum. Þennan köku-
hjálm fundum við í
Duka í Kringlunni.
Hann gleður augað auk
þess að gera gagn og kost-
ar 1.250 krónur.
Bæði skraut og hlíf
Hlýleg húsgögn og gjafavara!
Standandi gluggahlerar loksins komnir, falleg fuglaböð og fuglahús,
nýjar eldhúsvörur og gullfallegar, fléttaðar gólfmottur í nýjum litum.
Sjón er sögu ríkari!!
Full búð af nýjum og spennandi vörum!
Opið alla virka daga frá kl. 10 - 18
Lokað á laugardögum í sumar.
Hringdu í síma
ef blaðið berst ekki