Fréttablaðið - 05.06.2008, Side 85

FIMMTUDAGUR 5. júní 2008 61
Ævisaga hinnar áhrifamiklu
rokkhljómsveitar Sonic Youth er
nú komin út í bókinni Goodbye
20th
Century
eftir David
Browne. Í
bókinni er
tæplega
þrjátíu ára
ferill
sveitarinnar rakinn og þau áhrif
sem hún hefur haft á samtíma-
menn eins og Beck, Nirvana og
leikstjórann Spike Jonze tíunduð.
Bókin er 422 blaðsíður og er
kafað djúpt í efnið. Fjöldi
ljósmynda prýðir bókina.
Saga Sonic
Youth á bók
SONIC YOUTH
Rokkhljómsveitin System of a
Down liggur enn í salti eftir
plötutvennuna Hypnotized/
Mezmerized sem kom út árið
2005. Söngvarinn Serj Tankian
hefur gert sólóplötu og nú hafa
gítarleikarinn Daron Malakian og
trommarinn John Dolmayan
stofnað hljómsveitina Scars On
Broadway. Plata samnefnd
sveitinni er væntanleg 29. júlí og
sá Daron um hljóðvinnslu á
henni. Hljómsveitin mun koma
fram á tónleikum í sumar og
segja tvímenningarnir að þetta sé
þeirra aðalband í dag. Ekkert
hefur hins vegar heyrst um að
SOAD snúi aftur, þótt dánartil-
kynning hafi heldur ekki verið
gefin út.
Nýtt band
frá SOAD-
mönnum
Í SALTI System of a Down.
Hljómsveitin Dr. Spock hamast
nú í hljóðveri og er langt komin
með nýja plötu. Þetta verður
þriðja plata Spock-ara, fyrir eru
breiðskífa og stuttskífa. Ekki
hefur endanleg ákvörðun verið
tekin um það hvort lagið úr
Eurovision, Hvar ertu nú? verði
með á plötunni.
Styttist í
Spock-plötu
Ljósmyndarinn Charlie Strand sendir frá
sér bókina Project:Iceland á laugardag. Á
þeim tveimur og hálfu árum sem það tók
hann að vinna bókina hefur gengið á ýmsu.
Charlie fluttist hingað til lands frá London, þar sem
hann er fæddur og uppalinn, fyrir um tveimur og
hálfu ári með það fyrir augum að gera ljósmyndabók
um frumkvöðla í íslensku tónlistar- og menningarlífi,
eins og Fréttablaðið sagði frá fyrir um ári síðan. Á
meðal þeirra listamanna sem Charlie myndar og talar
við eru hljómsveitirnar Mínus og Trabant, hönnuðirn-
ir Jón Sæmundur og Helicopter, og listakonan
Hrafnhildur Arnardóttir.
Á ýmsu hefur gengið meðan á vinnslu bókarinnar
stóð. „Fyrir ári var ég að drukkna í skuldum og í
rauninni bara að fara þetta á þrjóskunni,“ segir
Charlie og hlær við. „Ég var eiginlega bara einn í
þessu þangað til það var komið að því að prenta
bókina. Þá átti ég frekar niðurdrepandi tímabil þar
sem ég reyndi að sannfæra hin ýmsu fyrirtæki um að
styðja framtakið, sem gekk ekki sérstaklega vel.“ Svo
fór að lokum að Charlie fékk stuðning frá Novator og
í kjölfarið hafa utanríkisráðuneytið, Útflutningsráð,
Kynningarmiðstöð íslenskrar myndlistar og Reykja-
víkurborg, auk annarra, tekið bókina upp á arma sína,
auk þess sem forseti Íslands, Ólafur Ragnar Gríms-
son, styður hana opinberlega. „Hún verður til dæmis
til í öllum sendiráðum Íslands, og í útibúum Lands-
bankans um allan heim,“ útskýrir Charlie. Aðalútgef-
andi bókarinnar er Booth-Clibborn, sem mun dreifa
henni um Asíu og gjörvalla Evrópu. „Booth-Clibborn
hefur góðan orðstír. Bækur þeirra eru virtar, en samt
beittar, sem er fullkomið. Mér finnst ég hafa þeim
skyldum að gegna gagnvart þeim listamönnum sem
ég fjalla um í bókinni að hún verði tekin alvarlega,“
segir Charlie.
Hann segir það hafa verið nokkra áskorun að halda
innihaldi bókarinnar fersku á svo löngu vinnuferli.
„Ég hafði mínar aðferðir til að ganga úr skugga um
að hún væri ekki úrelt og tók ekki endanlegar
ákvarðanir um innihaldið fyrr en á síðustu mánuðun-
um. Þó að það væru kannski liðin tvö ár frá því að
listamaður féllst á að vera með í bókinni völdum við
myndir af nýjustu verkum þeirra, eins seint og
mögulegt var,“ útskýrir Charlie. „En ég reyndi að
hafa jafnvægi á milli þess að hafa þetta nýtt og ferskt
og að passa upp á listræna þáttinn líka,“ segir hann.
Charlie hefur þegar hafist handa við ný verkefni.
Hann stefnir á að opna listsýningu með eigin verkum
í Reykjavík og London um jólin og vinnur að gerð
nýrrar bókar. „Hún mun líka fókusera á íslenskar
listir, en verður mun meira abstrakt og stærri. Í
henni verður allt frá landslagsmyndum í skringilegri
kantinum til portrettmynda af þekktum og minna
þekktum andlitum í íslensku listalífi,“ útskýrir hann.
Útkomu Project:Iceland verður fagnað í Liborius á
laugardaginn. Einnig verður sett upp sýning í
tengslum við útgáfuna, með verkum Charlie auk lista-
verka frá meðal annars Hrafnhildi Arnardóttir og
Riceboy sleeps. Þá verður geisladiskurinn sem fylgir
bókinni einnig spilaður í fyrsta sinn, en á honum má
finna efni frá þeim hljómsveitum sem Charlie fjallar
um. Fögnuðurinn hefst í Liborius klukkan 19 á
laugardag. sunna@frettabladid.is
Project:Iceland kemur út
TVEGGJA OG HÁLFS ÁRS STREÐ AÐ BAKI Charlie Strand sá á
stundum ekki fram á að geta lokið vinnu sinni við Project:
Iceland. Bókin, sem kemur út á laugardag, nýtur nú stuðnings
Forseta Íslands ásamt stofnana á borð við Útflutningsráð og
Kynningarmiðstöð íslenskrar menningar. FRÉTTABLAÐIÐ/STEFÁN