Fréttablaðið - 20.06.2008, Blaðsíða 13

FÖSTUDAGUR 20. júní 2008 13
„Ég kom heim frá
Líberíu á sunnu-
dagsnóttina,“ segir
Charlotte, sem var
við hjálparstörf í
Afríkuríkinu á vegum
IceAid. Hún segir
ferðalagið hafa tekið 37 klukkustund-
ir og alls náð 14.056 kílómetrum,
fimm flugvöllum og sjö flugvélamál-
tíðum. „Þetta var ógleymanleg ferð,
aðallega þar sem ég hitti yndislegt
fólk sem tók svo vel á móti mér.
Þetta ferðalag mitt minnti mig á að
hversu heppin við erum hér, sér í lagi
hvað varðar ýmis grundvallarréttindi
eins og heilsugæslu og menntun.
Ég vonast þó til að komast innan
skamms aftur til Líberíu.“
Charlotte Ólöf Jónsdóttir Ferrier:
Ógleymanleg
ferð til Líberíu
VIKA 20
DAGBÓK NÝRRA
ÍSLENDINGA
Jónsmessuganga
21. júní með Ingó
H
V
ÍT
A
H
Ú
S
IÐ
/
S
ÍA
–
0
8
-1
1
6
2
Þegar á toppinn er komið mun Ingó skemmta þátttakendum yfir
varðeldi. Gangan endar við Bláa lónið þar sem Ingó mun spila til
miðnættis. Lagt verður af stað frá sundlaug Grindavíkur kl. 20.30.
Ókeypis er í gönguna en þátttakendur greiða aðgang að Bláa lóninu.
Bláa Lónið og Grindavíkurbær bjóða upp á hina árlegu
Jónsmessugöngu á fjallið Þorbjörn laugardagskvöldið 21. júní.
www.bluelagoon.is sími 420 8800
Kynnisferðir verða með sætaferðir til Grindavíkur frá BSÍ kl. 19.30 og SBK fer frá Reykjanesbæ kl. 20.00.
Sætaferðir frá Bláa lóninu verða til Grindavíkur kl. 00.30 og til Reykjanesbæjar og Reykjavíkur kl. 01.00.
Það var ekki laust
við að Filipe væri
nokkuð spenntur
þegar Fréttablaðið
hafði samband við
hann í gær. Ástæðan
er þó augljós en
aðeins voru nokkrar klukkustundir
þangað til portúgalska landsliðið
mætti því þýska í átta liða úrslitum í
Evrópukeppninni.
„Sem betur fer fara margir
snemma úr vinnu til að horfa á
leikina svo að ég hef getað gert það
sama og hef því ekki misst af leik,“
segir hann. „Ég er auðvitað vongóður
fyrir hönd minna manna við vinnum
þetta. Yfirmaður minn sem veðjaði
á Svía í upphafi er nú orðinn sann-
færður um að Portúgalar taki þetta.“
En þegar talið berst að öðru en
fótbolta segir Filipe að heimþráin
sé aðeins farin að segja til sín. „Ef
það er ekki harður vetur né heldur
almennilegt sumar þá leiðist mér
svolítið svo ég bíð spenntur eftir því
að komast heim í sólina.“
Filipe Figueredo:
Portúgalarnir
taka þetta
„Þetta var yndis-
legur dagur,“
segir Rachid, sem
gekk ásamt konu
sinni um miðborg
Reykjavíkur á
þjóðhátíðardag-
inn, 17. júní. Hann segist halda
upp á daginn eins og flestir aðrir
Íslendingar. „Ég bý hér og þetta er
minn dagur líka sem ég deili með
Íslendingum. Ég skemmti mér og
naut dagsins með konunni minni,
vinum okkar og fjölskyldu. Við
hlustuðum á nokkur tónlistaratriði
sem voru ótrúlega fjölbreytt og
skemmtileg. Það var mikið líf í
bænum. Sautjándi júní er alltaf
góður dagur, sérstaklega þegar
það er jafn gott veður og var nú
í ár.“
Rachid Benguella:
Hélt upp á þjóð-
hátíðardaginn
SAMGÖNGUR Breyttir tímar í verslunarháttum á
landsbyggðinni gera það að verkum að for-
svarsmenn birgja sem sjá stærstu matvöru-
verslununum á landinu fyrir vörum telja ólík-
legt að þeirra fyrirtæki myndu nýta sér
strandsiglingar, verði þær teknar upp að nýju.
Strandsiglingar lögðust af árið 2004 þar sem
ekki var næg eftirspurn til þess að það borgaði
sig að halda úti skipi í siglingum. Kristján L.
Möller samgönguráðherra hefur ítrekað lýst
því yfir að hann hafi áhuga á því að taka upp
strandsiglingar á ný, þó að ríkið þyrfti að niður-
greiða þær.
„Kröfur neytenda eru ferskar vörur,“ segir
Lárus Óskarsson, framkvæmdastjóri Aðfanga.
Fyrirtækið sér verslunum Bónuss, Hagkaupa
og 10-11 fyrir vörum.
Lárus segir ferskvörur um sextíu prósent af
matvörum og þær verði ekki sendar með skip-
um nema rýra gæðin. Fólk á landsbyggðinni
sætti sig ekki við minni gæði en íbúar á höfuð-
borgarsvæðinu.
Ættu Aðföng að dreifa þurrvörum með skip-
um þyrfti að setja upp fjögur vöruhús á lands-
byggðinni og segir Lárus það allt of kostnaðar-
samt.
Strandflutningar eru einfaldlega ekki
nútímaleg leið til að flytja vörur, segir Eysteinn
Helgason, framkvæmdastjóri Kaupáss, sem
rekur verslanir Krónunnar, Nóatúns, 11-11 og
Kjarvals, og vísar í sömu ástæður og Lárus.
Hann bendir þó á að kostnaður við flutninga sé
alltaf að aukast og enginn kostur verði sleginn
út af borðinu að óskoðuðu máli.
„Ég sé ekki að strandsiglingar hefðu mikla
þýðingu fyrir okkur,“ segir Steinþór Skúlason,
forstjóri Sláturfélags Suðurlands. Hann segir
að flytja þurfi mikið magn í einu til að strand-
siglingar borgi sig. Þær séu í raun liðin tíð hjá
fyrirtæki sem selji ferskvörur. - bj
Birgjar stærstu matvöruverslanakeðjanna telja litlar líkur á því að ríkisstyrktar strandsiglingar yrðu nýttar:
Neytendur krefjast ferskra matvara
STRANDSIGLINGAR Samgönguráðherra vill kanna leiðir
til að taka upp strandsiglingar að nýju, mögulega með
ríkisstyrkjum. FRÉTTABLAÐIÐ/GVA