Fréttablaðið - 20.06.2008, Blaðsíða 27
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ HELGIN O.FL.
Orri Pétursson einkaþjálfari í World Class
Laugum er mikill kokkur og eldar oftar en ekki
dýrindis máltíðir sem slá í gegn hjá öllum þeim
sem snæða hjá honum. Orri hefur dregið fram
grillið og nýtir hvern einasta sólskinsdag til þess
að grilla eitthvað hollt og gott.
Uppáhaldsrétturinn hans Orra um þessa mundir er
grillaðar lambalundir með bökuðum og sætum
kartöflum með hvítlauks-barbeque sósu. Lundunum
hefur verið mjög vel tekið og allir eru vitlausir í þær.
„Ég grilla um tvisvar til þrisvar í viku núna enda
veðrið svo gott að það er um að gera að nýta það.
Lamba lundirnir er gott að grilla, það er bæði mjög
gott bragð af þeim og svo grillast þær bara svo vel.
Ég hef verið að æfa mig að grilla síðustu sumur og
er orðinn mjög fær, ég hef grillað allt sem hægt er
að grilla,“ útskýrir Orri.
Það er ekki mikil kúnst að grilla lundir og Orri
segist alltaf miða við 200 grömm á mann. „Ég er
duglegur að passa að lundirnar brenni ekki og því
er nauðsynlegt að standa yfir þeim og fylgjast vel
með. Með lundunum hef ég bakaða kartöflu og
maísstöngla og eins og allir vita þarf að henda þeim
á grillið löngu áður en lundirnar fara á það. Svo set
ég líka sætar kartöflur í eldfast mót með rauðlauk
og smá olíu og inn í ofn á meðan ég grilla,“ lýsir
Orri.
Sósan sem Orri hefur með lundunum er Hunt‘s
barbeque-sósa sem hann setur á eftir á. En út í
sósuna kremur hann þrjú hvítlauksrif. „Með þessu
bý ég til salat með vínberjum, ristuðum furuhnet-
um, rauðlauk og papriku,“ segir Orri og bætir við:
„Ég er líka alltaf með hollan eftirrétt sem saman-
stendur af vanilluskyri og blönduðum berjum sem
oftast eru keypt frosin. Berin eru sett í pott og þau
soðin þar til þau bráðna og þegar það gerist er þeim
blandað saman við skyrið. Svo má bæta nokkrum
heilum berjum við til að skreyta.“
mikael@frettabladid.is
Grillið í stöðugri notkun
Orri starfar sem einkaþjálfari hjá World Class Laugum og kann því að elda marga holla rétti. FRÉTTABLAÐIÐ/GVA
SÚPA Á STRÖNDUM
Malarkaffi er nýopnað
veitingahús á Drangsnesi á
Ströndum þar sem hægt
er að fá fisk í ýmsu formi.
Fiski- og humarsúpan
þykir sérlega góð.
MATUR 2
VEISLA Í VIÐEY
Hin árlega Viðeyjarhátíð verður
haldin á sunnudaginn næsta.
Boðið verður upp á flugdreka-
gerð, strandveiði, gam-
aldags víðavangsleiki,
lygasögugöngu og
messu.
HELGIN 3
Veitingahúsið Perlan - Sími 562 0200 - Fax 562 0207
Netfang perlan@perlan.is - Heimasíða www.perlan.is
H
rin
gb
ro
t
6.490 kr.
4ra rétta tilboð
og nýr A la Carte
· Léttreiktur lax með granateplum og wasabi sósu ·
· Kókos- og engifersúpa með grilluðum tígrisrækjum ·
· Lambahryggur með lambaskanka og rósmarínsósu ·
· Banana- og súkkulaðifrauð með vanillusósu ·
Gjafabréf PerlunnarGóð tækifærisgjöf!
Hægt er að panta 4ra rétta seðilinn
með sérvöldu víni með hverjum rétti: 9.990 kr.
Côte Rôtie „La Mouline“ 2003 | Rhône, Frakkland
Opus One 1995 | Napa Valley, Bandaríkin
NÝTT!Glas af eðalvíni
Nú hefur veitingahúsið Perlan bætt við möguleikanum að velja
sér glas af 19 eðalvínum með mat. Verð frá 890-8.900 kr.
Sjá nánar á perlan.is.