Fréttablaðið - 20.06.2008, Blaðsíða 75

FÖSTUDAGUR 20. júní 2008 39
„Ég er aðallega í viðgerðum en
smíða einnig fiðlur og viola da
gamba, sem er gamalt strengja-
hljóðfæri frá 14. öld og önnur
stærri hljóðfæri úr fiðlufjölskyld-
unni,“ segir Jóhann Gunnarsson
fiðlusmiður. Jóhann stundaði nám
við West Dean College í Suður-
Englandi í þrjú ár en sneri aftur til
heimahaganna árið 2006 og rekur
nú lítið verkstæði á horni Lauga-
vegar og Bergstaðastrætis. Hann
segir viðskiptin ganga ágætlega
og að hann hafi iðulega nóg fyrir
stafni þó að bransinn sé oft á tíðum
erfiður. Viðskiptavinir Jóhanns
eru að mestu tónlistarfólk og tón-
listarskólar. „Stundum finnst mér
erfitt að rukka listamennina fyrir
viðgerðirnar, en ég neyðist víst til
þess,“ segir Jóhann.
Spurður út í valið á skólanum
svarar Jóhann: „Ég var að leita
mér að skólum á netinu og rakst
þannig á West Dean College. Ég
hafði heyrt góða hluti bæði um
skólann sjálfan og um kennarana.“
Hann segir að skólabyggingin
sjálf hafi eitt sinn verið sumarhús
Englandsdrottningar.
Jóhann segist hafa selt eitthvað
af hljóðfærum síðan hann lauk
námi. Þegar hann er inntur eftir
því hvort mikill munur sé á hljómi
handsmíðaðs hljóðfæris og verk-
smiðjusmíðaðs segir hann svo
vera. „Það er stór munur og maður
heyrir hann held ég best þegar
atvinnumaður leikur á hljóðfærið.
Það er mjög gaman að verða vitni
að því.“
Jóhann kveðst óviss um fram-
tíðaráform sín: „Það er smá hugur
í mér að fara aftur út, jafnvel í
frekara tónlistarnám. Þangað til
held ég bara áfram því sem ég er
að gera.“ Þeir sem hafa áhuga á
kynna sér vinnu Jóhanns er bent á
síðuna www.myspace.com/johann-
joinskyg. - sm
Lærði fiðlusmíði í gömlum kastala
HLJÓÐFÆRASMIÐUR Jóhann gerir við
gamalt hljóðfæri frá 16. öld á verkstæði
sínu á Laugaveginum.
FRÉTTABLAÐIÐ/DANÍEL
Alla daga
frá10 til 22
800
5555
WWW.COD.IS
TIL HAMINGJU
Fréttablaðið
Morgunblaðið
Monitor
83%
24 stundir
„Frábær frumraun og stórskemmtileg
plata. Bjartasta vonin 2008“
Óli Palli Rás 2.
„Dísa er frábær söngkona og
stútfull af hæfileikum til tónsmíða“
Ívar Guðmundsson Bylgjunni.
„...sannkallaður Dísudraumur -
í guðanna bænum kaupið þessa plötu“
Trausti Kristjánsson 24 Stundum.
„Frumburður Dísu er heilt
yfir afar faglega unninn og
framúrskarandi vel sunginn“
Orri Harðarsson Morgunblaðið.
„Hún hefur greinilega mikla
hæfileika og er hér mætt
með eina af bestu plötum
ársins til þessa“
Trausti Júlíusson Fréttablaðið.
Cod Music
óskar Dísu til hamingju
með þá frábæru dóma sem
hún hefur fengið fyrir fyrstu plötu sína.