Fréttablaðið - 01.07.2008, Side 12

12 1. júlí 2008 ÞRIÐJUDAGUR
Íbúðarhús Samúels Jóns-
sonar í Selárdal í Arnar-
firði verður rifið í sumar
og endurreist í uppruna-
legri mynd en útbúin
verður aðstaða fyrir lista-
og fræðimenn. Lokahönd
verður lögð á listaverkin
í Brautarholti í sumar en
endurbætur á þeim hafa
staðið yfir undanfarin
fjögur sumur.
Þýski myndhöggvarinn Gerhard
König ásamt vinnuflokki snýr
aftur í Selárdal í júlí, fjórða sum-
arið í röð, til að ljúka viðgerðum
á listasafnshúsinu í Brautarholti
og styttum Samúels. „En aðalat-
riðið er að í sumar verður íbúðar-
hús Samúels rifið,“ segir Ólafur
Engilbertsson, forsvarsmaður
félags um endurreisn Brautar-
holts.
Með König í för verða sjálf-
boðaliðar frá Seeds-samtökunum
sem ætla að rífa íbúðarhúsið. Sig-
urður Pálmi Ásbergsson arkitekt
hefur teiknað endurgerð hússins,
sem gert er ráð fyrir að þjóni
sem íbúð og vinnuaðstaða fyrir
lista- og fræðimenn. „Hugmynd-
in er að listamenn geti unnið verk
og sett upp sýningar í listasafns-
húsinu og fræðimenn eða aðrir
geti nýtt aðstöðuna á efri hæð-
inni. Svo er gert ráð fyrir setu-
stofu þar sem hægt er að koma
fyrir lítilli minjagripasölu.“
Samúel flutti í Brautarholt árið
1947 og byggði utan á húsið en
upp úr 1950 fór hann að bæta við
það. Yngstu hlutar hússins eru
því um hálfrar aldar gamlir, en
þeir elstu enn eldri.
Að sögn Ólafs
var athugað
hvort hægt
væri að ráðast í
endurbætur á
húsinu án þess
að rífa það en í
ljós kom að það
var of skemmt.
„Markmiðið er
þó að reyna að
halda í upp-
runalegan steinvegg og skorstein
hússins,“ segir Ólafur.
Eik ehf. á Tálknafirði hefur
gert tilboð í smíði hússins og ráð-
gerir að byggja það í einingum á
Tálknafirði og flytja á staðinn.
Miðað er við að listamenn og
annað áhugafólk geti nýtt sér
aðstöðuna frá og með sumrinu
2010.
Tækniþjónusta Vestfjarða
metur kostnað við að gera húsið
fokhelt á rúmar tíu milljónir
króna. Framkvæmdir hafa að
mestu leyti verið fjármagnaðar
fyrir styrki frá ríkinu – félagið
hefur fengið úthlutun á fjárlög-
um árlega síðan 2004 – auk þess
sem Baugur og Minningarsjóður
Margrétar Björgólfsdóttur hafa
veitt styrki. Enn á þó eftir að
ganga frá fjármögnun á endur-
reisn íbúðarhússins og leitar
félagið eftir stuðningi við að
ljúka henni. Hægt er að leggja
endurreisnarstarfi í Selárdal lið
með því að leggja inn á reikning
félagsins: 512-26-4403, kt. 440398-
2949. bergsteinn@frettabladid.is
nær og fjær
„ORÐRÉTT“
Íbúðarhús Samúels í Selárdal
verður rifið í sumar og endurreist
ÍBÚÐARHÚS SAMÚELS Samúel flutti í Brautarholt árið 1947 og hóf að byggja við það upp úr 1950.
■ Breskum krökk-
um gæti þótt Elísa-
bet Englandsdrottn-
ing heppnasta kona
í heimi. Ástæðan
er að hún á tvo
afmælisdaga. Fyrra
afmælið heldur hún vanalega 21.
apríl en hún fæddist á þeim degi
árið 1926. Hins vegar halda Bretar
ekki afmæli hennar fyrr en nokkr-
um mánuðum seinna. Ástæðan
er sú að opinberi afmælisdagur
krúnuhafa er fyrsti, annar eða
þriðji sunnudagurinn í júní ár
hvert. Sá siður hefur verið frá því
árið 1748 en Játvarður sjöundi
færði afmælisdaginn fram í júní
seint á 19. öld í þeirri von að gott
veður væri alltaf á deginum.
ELÍSABET:
Á TVO AFMÆLISDAGA
„Mér finnst frábært
að vita til þess að
fólk sé að vakna
til vitundar um
umhverfismál,“
segir Ólöf María
Ólafsdóttir vöru-
hönnuður.
Marý segist vera
sífellt að læra meira
um umhverfismál.
„Ég er alltaf að uppgötva eitthvað
nýtt í þessum efnum.“ Hún segir
myndböndin sem voru sýnd á
tónleikum Bjarkar og Sigurrósar
í Laugardalnum hafa vakið sig til
frekari umhugsunar. „Ég vona að
það hafi verið fleiri að fylgjast með
fræðslunni sem fór fram á tónleik-
unum. Ég gerði mér ekki grein fyrir
því hve mikið af náttúruperlum
væri verið að eyðileggja í nafni
erlendra stórfyrirtækja.“
Marý er sannfærð um að til
séu betri leiðir til þess að tryggja
stöðugleika í íslenskum efnahag.
„Það er eins og við nennum ekki
að leita að öðrum hugmyndum en
stóriðju. Við megum ekki gleyma
því að hingað kemur fjöldi manns á
hverju ári til þess eins að sjá landið
okkar sem þykir ennþá bæði hreint
og fallegt.“
SJÓNARHÓLL
VAXANDI ANDSTAÐA VIÐ STÓRIÐJU
Alltaf að læra
eitthvað nýtt
ÓLÖF MARÍA
ÓLAFSDÓTTIR
Vöruhönnuður
Loksins, loksins
„Það var kominn tími til, við
höfum beðið svo lengi.“
SPÁNVERJINN JUAN VALENCIA
PALMERO, SEM BÚIÐ HEFUR
HÉR Á LANDI Í 25 ÁR, FAGNAÐI
SIGRI SPÁNAR Á EM Í FÓTBOLTA
INNILEGA.
Morgunblaðið, 30. júní
Skýrt og skorinort
„Þetta eru fyrst og fremst
gífurleg vonbrigði.“
GUÐLAUG EINARSDÓTTIR, FOR-
MAÐUR LJÓSMÆÐRAFÉLAGSINS,
UM FUND MEÐ SAMNINGANEFND
RÍKISINS.
Fréttablaðið, 30. júní
„Ég var að klára að þýða bókina Rosemary’s
Baby eftir Ira Levine sem Stephen King segir vera
mesta spennutrylli allra tíma,“ segir Helgi Jónsson
rithöfundur og útgefandi. „Þetta er svo þekktur tit-
ill að það er ekki hægt að þýða hann, þannig að
hún mun áfram heita Rosemary’s Baby í íslensku
þýðingunni.“
Helgi hefur nóg að gera því hann starfar á
sjónvarpsstöðinni N4 á Akureyri auk rit- og
útgáfustarfa. „Ég er svo upptekinn að ég hef
ekki tíma fyrir áhugamál.“
„Svo sit ég núna og er að skrifa tvær
Gæsahúðarbækur.“ En Helgi er
líklega þekktastur fyrir bækurnar úr
þeirri seríu sem samtals hafa selst í
tæplega fimmtíu þúsund eintökum
frá upphafi. Í fyrra hóf göngu sína
ný sería sem heitir Gæsahúð fyrir
eldri. „Þær eru dálítið svakalegar
þessar. Sú fyrsta hét Villa vampíra og svo er Eva
engill væntanleg.“
Auk þessarar hryllingsbókaseríu hefur Helgi
getið sér gott orð fyrir unglingabækur á borð við
Allt í sleik, Hjálp í faðmlögum og Sogblettinn að
ógleymdri sögulegu unglingaskáldsögunni Rauðu
augun sem fjallar um unglinga sem
mæta afturgengnum fórnarlömbum
Tyrkjaránsins.
Nú hyggst Helgi sækja á ný mið því
hann er með fullorðinsbók í smíðum.
„Ég er mjög spenntur fyrir þessari bók.
Hún er búin að vera lengi að gerjast í
hausnum á mér en hún verður ekki
tilbúin fyrr en á næsta ári. Ég treysti
mér ekki til að tjá mig mikið um
þessa bók en ég get allavega sagt
að hún á eftir að vekja athygli. Svo
mikið er víst.“
HVAÐ ER AÐ FRÉTTA? HELGI JÓNSSON RITHÖFUNDUR OG ÚTGEFANDI
Of upptekinn fyrir áhugamál
ÓLAFUR
ENGILBERTSSON
Samúel Jónsson (1884-1964), bóndi í Brautarholti í Selárdal, er einn þekktasti
alþýðulistamaður síðari tíma á Íslandi, oft nefndur listamaðurinn með barns-
hjartað. Samúel flutti að Brautarholti árið 1947 og reisti þar mörg verk sem
síðar urðu víðfræg, til dæmis líkan af Ljónagarðinum í Alhambra á Spáni. Við
fráfall Samúels féll Brautarholt í eyði. Ekki var hlúð að verkum hans og undir
lok síðustu aldar lágu þau undir skemmdum.
Árið 1998 var stofnað félag um endurreisn listasafns Samúels Jónssonar
í Selárdal. Þýski myndhöggvarinn Gerhard König var fenginn til að gera
áætlun um viðgerðir á styttum Samúels. Hlé varð á viðgerðum næstu árin
en þær hófust að nýju vorið 2004 og hafa staðið yfir á hverju sumri síðan
og stendur til að leggja lokahönd á listaverkin í ágúst.
LISTAMAÐURINN MEÐ BARNSHJARTAÐ
SAMÚEL JÓNSSON Í SELÁRDAL
Auglýsingasími
– Mest lesið
MARKAÐURINN
með Fréttablaðinu
alla miðvikudaga