Fréttablaðið - 17.07.2008, Qupperneq 32

[ ]
Sæþotueigendur flykkjast út á
sjó yfir sumartímann og þá er
oft gaman að vera í félagsskap
með fleirum.
„Það segir sig sjálft að þegar einn
maður er á sæþotu þorir hann
kannski ekki að fara hvert sem er.
Þú siglir ekkert einn út í buskann,“
segir Óli Þór Harðarson, einn af
stofnendum sæþotuklúbbsins Jet-
vik.is í Reykjavík. „Það er að sjálf-
sögðu mikið öryggi að hafa ein-
hvern annan með sér.“
Óli Þór segir að fólk sem stundi
sæþotusiglingar hafi verið svolít-
ið eitt í sínu horni þótt margar
sæþotur séu á Íslandi og því var
Jetvik.is stofnaður. „Við reynum
að fá fólk saman í íþróttina.“ Að
sögn Óla Þórs var klúbburinn
stofnaður í vor og hann segist
halda að félagsmenn séu orðnir
um tuttugu í dag. „Það er svo sem
ekki búið að gera neitt spennandi í
sumar. Við ætlum að gera það
núna, um leið og við fáum nýju
sæþoturnar okkar,“ segir Óli Þór
spenntur og bætir við að þær muni
koma á næstu dögum.
Óli Þór upplýsir að íþróttin sé
aðallega stunduð á sumrin, frá
apríl og fram í september. „Við
erum voða lengi en það er mis-
jafnt hvað fólk nennir að þrauka í
þessu.“ Á veturna þegar sæþot-
urnar eru faldar frá sjónum fer
Óli á fjórhjól eða vélsleða. „Ég fer
náttúrlega bara í eitthvert annað
sport á veturna.“
Þegar Óli Þór er inntur eftir því
hvernig tilfinning það sé að stýra
sæþotu segir hann að það sé rosa-
legt frelsi. „Það eru orðnar svo
miklar hömlur í öllu sporti á
Íslandi í dag. Ef fólk er á krossara
þá er því skipað að vera uppi í Bol-
öldu og ef fólk er á fjórhjóli þá má
það bara vera þarna en ekki hérna.
Ef fólk fer eitthvað aðeins út fyrir
þá er komin þyrla að elta það,“
segir Óli Þór hlæjandi. „Fólk er
mjög mikið í friði á sæþotunni og
hægt að fara hvert sem er, hve-
nær sem er.“
Frekari upplýsingar er hægt að
nálgast á www.jetvik.is.
martaf@frettabladid.is
Á sæþotu allt sumarið
Sæþotusiglingar eru aðallega stundaðar frá apríl og fram í september.
MYND/PÉTUR RÓBERT SIGURÐSSON
Jetvik.is reynir að ná fólki saman í íþrótt-
inni. MYND/PÉTUR RÓBERT SIGURÐSSON
Óli Þór Harðarson segir að fólk sé í friði
á sæþotunum. FRÉTTABLAÐIÐ/ANTON
Línuskautar eru skemmtilegur fararmáti á sumrin. Línu-
skautar þjálfa allan líkamann og er mjög góð hreyfing. Tilvalið
fyrir vini eða fjölskyldu að skella sér saman á línuskauta.