Fréttablaðið - 24.07.2008, Síða 27

HEIMILI HEILSA HÚS BÖRN SUMAR FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Þórhildur Jónsdóttir snyrtifræðingur hefur lengi
haft mikinn áhuga á snyrtingu og förðun.
„Ég hef alltaf haft áhuga á snyrtingu og förðun
almennt. Bara frá því að ég var unglingur og barn í
rauninni,“ segir Tóta, eins og hún er oftast kölluð. „Ég
fór mjög snemma að hafa áhuga og skoðanir á
augabrúnum. Bæði á fólki almennt og í sjónvarpinu.
Ég hugsaði um hvað ég gæti gert fyrir manneskjuna.“
„Ég farðaði vinkonur mínar mikið þegar ég var
yngri. Ég byrjaði mjög fljótt að lita á mér augabrún-
irnar og fara í litun og plokkun,“ segir Tóta þegar hún
er innt eftir því hvernig áhugi hennar á snyrtingu
hafi birst þegar hún var yngri. „Ég ætlaði alltaf í
hárgreiðsluna. Svo fann ég það að það var ekki alveg
mitt.“ Tóta ákvað að leggja snyrtifræðina fyrir sig
þegar mamma hennar sá auglýsingu um námið.
„Mamma var að hugsa um að fara sjálf. Svo áttuðum
við okkur á því að það átti kannski akkúrat við mig en
ekki hana. Þannig að ég skellti mér í skólann.“
„Stíllinn minn er breytilegur. Hann fer eftir
aðstæðum og skapi. Ég myndi segja að uppáhalds
förðunarlitirnir mínir væru grænn og fjólublár
núna,“ segir Tóta um stílinn sinn.
Tóta, ásamt fimm öðrum snyrtifræðingum, leigir
stól í nýopnaðri snyrtistofu Heilsu og fegurðar í
Turninum í Kópavogi. „Þetta var rosalega spennandi
tækifæri. Það er gaman að fara á stað þar sem svona
margir vinna,“ segir Tóta um Turninn.
martaf@frettabladid.is
Stíll Þórhildar er breytilegur og fer eftir aðstæðum og skapi hennar.
Farðaði vinkonur ung
FR
ÉTTA
B
LA
Ð
IÐ
/A
R
N
ÞÓ
R
ÍSLENSKT Í VETUR
Íslenskir hönnuðir eru
farnir að leggja línurnar fyrir
veturinn en margir þeirra eru
með vinnustofur og verslanir í
miðbænum.
TÍSKA 2
SKIPALAGT ELDHÚS
Í litlum eldhúsum skiptir
skipulagið máli og mikil-
vægt er að öll vinnutæki
séu rétt staðsett svo rýmið
nýtist sem best.
HEIMILI 4