Fréttablaðið - 24.07.2008, Side 58

38 24. júlí 2008 FIMMTUDAGUR
maturogvin@frettabladid.is
Hvaða matar gætirðu síst verið án? Ég myndi
segja indversks matar. Ég borða hann náttúrulega
alltaf þegar ég er stödd á Indlandi og svo þegar
systir mín eldar hann, en ég er ekki nógu dugleg að
elda sjálf vegna tímaleysis.
Besta máltíð sem þú hefur fengið? Ætli það sé
ekki maturinn sem mamma og pabbi elda. Gott
grillað kjöt með kartöflum og fullt af grænmeti.
Er einhver matur sem þér finnst vondur? Mér
finnst ruslmatur yfirleitt mjög vondur. Eitthvað sem
maður kaupir og hitar í örbylgju finnst mér verst.
Leyndarmál úr eldhússkápnum: Safapressan. Hún
er alveg uppáhaldið mitt og ég nota hana eiginlega
á hverjum degi. Þá bý ég oftast til safa úr engifer,
spínati, gulrótum og eplum.
Hvað borðar þú til að láta þér líða betur? Ég er
mikið fyrir góða heita drykki og grauta, til dæmis
hrísgrjónagraut og te með hunangi. Allt sem róar
mann og jarðtengir mann aðeins. Svo er ég voða-
lega mikið fyrir að hafa matinn sætan.
Hvað áttu alltaf til í ísskápnum? Perur, epli, app-
elsínur. Ég hef verið á svo miklu ferðalagi upp á
síðkastið að ég hef ekki komið mér upp miklu safni
í ísskápnum, en það er á stefnuskránni.
Ef þú yrðir föst á eyðieyju, hvað tækirðu
með þér? Heitt kakó með rjóma, það gæfi
mér orku.
Hvað er það skrítnasta sem þú hefur
borðað? Úti í Ísrael borðaði ég tungu
úr annaðhvort svíni eða lambi. Vitn-
eskjan um að þetta væri tunga úr dýri
var eiginlega verst. Þetta var sérstakur
hátíðismatur svo ég vildi klára fyrir
kurteisissakir, en það var mjög erfitt.
MATGÆÐINGURINN STEINUNN GARÐARSDÓTTIR NUDDARI
Notar safapressuna daglega
Lærðu …
… að nota afgangana í stað þess að henda þeim.
Kalt kjöt er gott á samlokur, soðnar kartöflur má
nota í eggjakökur með einhverju skemmtilegu
grænmeti og skrefið frá grilluðum kjúklingi yfir í
girnilegasta salat er örstutt.
Stundum er erfitt að láta sér detta
í hug nýja rétti til að bera á borð
með grillmatnum. Einn slíkur
grænmetisréttur, sem ber heitið
Melanzane alla Parmigiana, á
rætur sínar að rekja til Napólí á
Ítalíu, en í honum mætast eggald-
in, hvítlaukur, tómatar og par-
mesanostur. Svo er auðvitað ekk-
ert því til fyrirstöðu að hafa
gratínið í aðalhlutverki og bera
það fram með brauði og salati.
MELANZANE FYRIR 4
2 eggaldin
500 g tómatar
ólívuolía
salt og pipar
5 hvítlauksgeirar
rifinn börkur af 1 sítrónu
1 dl rifinn parmesanostur
2 kúlur af mozzarellaosti
Skerið eggaldinin á lengdina í um
½ cm þykkar sneiðar. Stráið salti
yfir báðar hliðar og látið liggja í
um 15 mínútur, eða þar til þær
fara að gefa frá sér vökva.
Skerið tómatana í litla bita og
steikið í ólífuolíu í potti. Látið
malla í um 30 mínútur og smakkið
til með salti og pipar.
Steikið eggaldinið í ólívuolíu,
þar til gullinbrúnt.
Skerið hvítlaukinn í þunnar
sneiðar, rífið sítrónubörkinn, par-
mesanostinn og mozzarellaostinn.
Raðið því næst í eldfast mót: fyrst
eggaldinsneiðum, þá tómatsósu,
hvítlauk, sítrónuberki og ostinum.
Látið ost efst. Bakið við 175° C í
um 30 mínútur.
Gott með grillinu
ÍTALSKT GRATÍN Melanzane alla Parmigi-
ana á rætur sínar að rekja til Napólí.
Gratínið má bæði snæða sem meðlæti
og aðalrétt. NORDICPHOTOS/GETTY
Lime á sér ágætis fylgisvein í myntu, eins og fjölmargir aðdáendur
drykkjarins mojito eru eflaust sammála um. Það má þó búa til óáfeng-
an drykk úr þessum bestu vinum, sem verður þá nokkurn veginn eins
og límónaði, með græna ættingja sítrónunnar í aðalhlutverki. Lime-aði
er alveg jafn gott og svalandi á sólríkum sumardegi. Það kemur heldur
ekkert í veg fyrir að fullorðna fólkið missi dálítinn rommdropa út í sín
glös, ef svo ber undir.
LIME-AÐI
Í u.þ.b. fjögur glös
Rifinn börkur af einu lime (um 1 msk.)
1 bolli limesafi
¾-1 bolli sykur
3 bollar vatn
Nokkrir kvistar af ferskri myntu
Blandið saman 1 bolla af vatni, sykri og
limeberki í litlum potti og hitið að suðu. Takið
af hitanum þegar sykurinn hefur leyst upp
og látið kólna í nokkrar mínútur.
Sigtið blönduna ofan í skál svo að börkur-
inn skiljist frá sykursírópinu. Bætið limesaf-
anum og 2 bollum af vatni út í. Smakkið til og
bætið dálitlum limesafa út í ef blandan er of
sæt. Bætið myntunni út í. Kælið eða berið
fram samstundis með nægum klaka.
Öðruvísi límonaði
MOJITOLEGUR SUMARDRYKKUR Lime og mynta, í
einhvers konar samkrulli við sykur, eru uppskrift að
bragðgóðum sumardrykk. Þeir sem vilja geta svo bætt
dálitlum rommslurk út í sín glös. NORDICPHOTOS/GETTY
Þeir eru eflaust margir sem hafa starað tómum
augum á tófúpakkningar í matvöruverslunum. Guðný
Jónsdóttir, kokkur hjá veitingahúsinu Garðinum á
Klapparstíg, kann ýmis ráð sem ættu að koma þeim
vel að notum sem vilja prófa matreiðslu með tófú.
„Tófu er mjög misjafnlega stinnt, frá því að vera
mjúkt yfir í að vera mjög stinnt. Það er líka mismun-
andi ferskt og hefur því mislangan líftíma. Það tófú
sem ég hef mest notað hefur haft frekar stuttan
líftíma, af því að það er ekki niðursoðið eða í krukku,“
útskýrir Guðný.
Tófú er matreitt á mismunandi hátt eftir því hvað
það er stinnt. „Ef maður er með stíft tófú er það tekið
úr vökvanum og mestur vökvinn kreistur úr því. Þá er
hægt að skera það í teninga og láta það marinerast.
Gott er að láta það marinerast í hálftíma í sojasósu,
með hvítlauksrifjum og engiferrót. Á meðan getur
maður soðið hrísgrjón og skorið papriku, púrrulauk,
spergilkál og fleira, allt mjög þunnt. Það er steikt í
wok-pönnu og tekið svo upp úr feitinni. Svo steikir
maður tófúbitana. Þá þarf í raun ekkert að gera meira
nema krydda með salti og hvítum pipar. Mjög einfalt
og gott,“ segir Guðný.
Ef unnið er með mjúkt tófú er sniðugra að bregða á
annað ráð. „Það nota ég helst í tófúbollur eða eitthvað.
Ég set það í matvinnsluvél þangað til það er alveg
orðið að mauki. Svo set ég bara niðurskorið grænmeti
út í og nota svo spelt eða kjúklingabaunamjöl til að
festa það saman og búa til bollur sem ég steiki eða
baka. Stundum tek ég bara einhverja uppskrift með
kjöti og set tófú í staðinn. Þá bæti ég yfirleitt sojasósu
út í tófúið, því það eitt og sér er ekkert bragðmikið.
Ég hef skipt því út fyrir fisk og kjúkling, jafnvel
humar. Það kemur bara mjög vel út.“ - kbs
Tófú í mörgum myndum
EINFALDARA EN ÞÚ HELDUR Guðný Jónsdóttir hjá Garðinum
eldar tófú í stað kjöts á einfaldan hátt. FRÉTTABLAÐIÐ/ARNÞÓR
Sigríður Þóra Ásgeirsdóttir er sælkeri og
eftirréttadrottning. Hún segir íslenskan
heimilismat annars vera í mestu uppáhaldi.
„Ég er mikill sælkeri. Mér finnst rosalega gott að
borða og hef fengið ýmis gælunöfn vegna þess í
gegnum tíðina,“ segir Sigríður Þóra Ásgeirsdóttir
og hlær við, en hún er alla jafna kölluð Þóra.
„Fjölskyldan mín er öll mjög flink að elda, bæði
foreldrar mínir og systkini. Ég er yngsta barnið af
fjórum systkinum og held að ég hafi bara fengið
einhverja afganga af þeim hæfileikum. Það sem ég
elda helst er svona hefðbundinn heimilismatur:
fiskur, eins og soðin ýsa og kartöflur, og kjötbollur
í brúnni sósu,“ segir Þóra.
Henni hefur því gjarnan verið úthlutað því
hlutverki að sjá fyrir eftirréttum í fjölskylduboð-
um, sem hún segir henta sér ansi hreint vel. „Þessi
eftirréttur er einn þeirra sem eru í uppáhaldi hjá
mér. Ég er oft alveg á síðustu stundu og hann er
svo fljótlegur að hann verður oft fyrir valinu. Svo
getur maður eiginlega líka logið því að sjálfum sér
að hann sé bara nokkuð hollur,“ segir Þóra hlæj-
andi. „Það er fullt af ávöxtum í honum, svo hann er
ferskur en samt sætur,“ útskýrir hún.
Þóra, sem hefur starfað sem flugfreyja hjá
Icelandair undanfarin ár, en starfar nú að kynning-
ar- og markaðsmálum, segir heimilismatinn
ofarlega á blaði hvað varðar uppáhaldsmatinn. „Ég
var rosalegur gikkur þegar ég var yngri, en ég er
öll að koma til núna. Mér finnst mjög gott að fara
út að borða og fá einhvern góðan mat, en líka
æðislegt að fara heim til mömmu og pabba í
heimilismat. Ég og maðurinn minn pöntum okkur
oft borð þar,“ segir hún og hlær.
Þetta er mjög einfaldur og fljótlegur eftirréttur
og hefur slegið í gegn hjá mér í hvert skipti!
Rjóminn er þeyttur, marengsbotninn mulinn út í
rjómann, ávextirnir skornir niður og settir út í, allt
hrært saman og sett í mót. Stungið inn í ísskáp í
klukkustund og borið fram.
Fyrir þá sem vilja enn meiri sætindi er líka
mjög gott að brytja niður eitt súkkulaðistykki svo
sem Snickers, eða Nóakropp eða hvað svo sem
fólki finnst best, og strá yfir.
Þá er að sjálfsögðu einnig um að gera að setja þá
ávexti og/eða ber sem hverjum og einum líkar best
í réttinn. sunna@frettabladid.is
Heimilismaturinn bestur
SÆLKERI OG MATGÆÐINGUR Sigríður Þóra Ásgeirsdóttir kveðst
vera mikill sælkeri og er jafnan úthlutað því hlutverki að sjá
um eftirrétti í fjölskylduboðum. MYND/EGILL BJARNASONUPPSKRIFT Í TÖFLU:
Eftirréttur Þóru
2 bananar
1 klasi af vínberjum
1 box af jarðarberjum
1 box af bláberjum
1 epli
1 marengsbotn með kornflexi
1 peli rjómi