Fréttablaðið - 22.08.2008, Blaðsíða 10

10 22. ágúst 2008 FÖSTUDAGUR
REYKJAVÍK Mikið gekk á í Ráðhúsi
Reykjavíkur í gær, þegar fjórði
borgarstjórinn á kjörtímabilinu,
Hanna Birna Kristjánsdóttir, var
kjörinn.
Stjórnarandstaða og fráfarandi
borgarstjóri spöruðu ekki stóru
orðin og ekki heldur Óskar Bergs-
son, borgarfulltrúi Framsóknar og
fyrrum félagi stjórnarandstöðu.
Hanna Birna borgarstjóri viður-
kenndi mistök Sjálfstæðisflokks-
ins á kjörtímabilinu. „Ábyrgðin var
okkar.“ Hún reifaði nauðsyn þess
að mynda nýja meirihlutann. Gagn-
kvæm virðing og málamiðlanir
hefðu ekki verið til staðar milli
sjálfstæðismanna og Ólafs F. Svo
hafi verið komið að „við áttum ekk-
ert val“.
Á fundinum var mikið rætt um
„ruglið“ sem hefði einkennt kjör-
tímabilið og Hanna Birna vildi ekki
lofa því að nú félli allt í ljúfa löð.
Betra væri að lofa sem minnstu.
Hún biðlaði til allra flokka að
auka samstarf í borgarstjórn og
sagðist vilja formgera slíkt starf.
Ólafur F. Magnússon, fyrrum
borgarstjóri, sagðist hafa verið
leiddur til slátrunar af Sjálfstæðis-
flokki í þriðja sinn. Hann ræddi um
„vélráð, óheilindi, svik og pretti“
fyrrum samstarfsflokks síns. „En
ég er ekki búinn, ég kem aftur.“
Dagur B. Eggertsson, Samfylk-
ingu, sagði að þau viðmið og vinnu-
brögð sem hefðu ríkt í Ráðhúsinu
væru ekki til eftirbreytni. „Við
eigum ekki að kenna börnunum
okkar þetta,“ sagði hann. „Við vilj-
um ekki svona samfélag […] þar
sem orð standa ekki“.
Nú hefði ríkt sex mánaða stjórn-
arkreppa í boði Sjálfstæðisflokks,
sem hefði horft í augu kjósenda og
sagt þeim að allt væri í lagi. „Á að
bjóða kjósendum upp á að Sjálf-
stæðisflokkurinn skipti um skoðun
á sex mánaða fresti?“ spurði
Dagur.
Svandís Svavarsdóttir, VG, sagði
smáflokka „auðveld fórnarlömb“
Sjálfstæðisflokksins. Hún reifaði
þá hugmynd að breyta sveitar-
stjórnarlögum, svo „sætir bitling-
ar“ brjóti síður niður lítil framboð.
Hún styddi Hönnu Birnu til
góðra verka, en ekki til að spilla
félagsmálakerfi borgarinnar, né í
því að auka misrétti eða spilla nátt-
úruperlum.
Óskar Bergsson, úr Framsókn,
svaraði fyrrum félögum sínum
fullum hálsi og sagði meirihlutann
myndaðan vegna „ákalls úr sam-
félaginu“. Þetta hefði verið eini
leikurinn í stöðunni.
Hann gerði lítið úr því að minni-
hlutinn þættist nú vammlaus og
sakaði Dag B. Eggertsson um lýð-
skrum. Hann tæki eigin hagsmuni,
eða Samfylkingarinnar, fram yfir
hugsjónir félagshyggjufólks. Póli-
tík Samfylkingar væri „ómerkileg
kjaftapólitík“.
Á fundinn vantaði þau Sigrúnu
Elsu Smáradóttur og Gísla Martein
Baldursson.
klemens@frettabladid.is
GALLERY
TURPENTINE
KARÓLÍNA LÁRUSDÓTTIR
Í LEIT AÐ HIMNARÍKI
OPNUN SÝNINGAR
FÖSTUDAGINN 22. ÁGÚST
FRÁ KL. 17:00 - 19:00
GALLERY TURPENTINE INGÓLFSSTRÆTI 5 101 REYKJAVÍK 5510707 TURPENTINE.IS
Minnihluti gagnrýnir Framsókn
og Sjálfstæðisflokkinn harðlega
Nýr borgarstjóri vill stórauka samstarf flokkanna. „Eini leikurinn í stöðunni,“ segir Óskar Bergsson. „Ljótasti leikurinn,“ segir Dagur
B. Eggertsson. „Framsókn hefur ekkert lært,“ segir Svandís Svavarsdóttir. „Óheilindi, svik og prettir,“ segir fráfarandi borgarstjóri.
FRÁ BORGARSTJÓRNARFUNDI Bekkur var ekki fullskipaður fyrr en ungliðar minnihlut-
ans létu sjá sig. En stuðningsmenn Framsóknar og Sjálfstæðisflokks voru í meirihluta
og klöppuðu fyrir sínu fólki. FRÉTTABLAÐIÐ/GVA
Dagur B. Eggertsson:
„Ég sé að hátt í 30 manns hafa svarað kalli nýs meirihluta [og mætt á
pallana].“
„Óskar Bergsson hafði ekki sterk bein, skynsemi, þolinmæði eða sjálfstraust
til þess að standa á þeim prinsippum sem hann sjálfur lagði niður í janúar.“
Svandís Svavarsdóttir:
„Smáflokkar eru auðveld fórnarlömb […] þeir fá völd ekki í gegnum fylgi,
heldur fylgilag.“
„Nýr meirihluti er myndaður eftir höfði fyrrverandi formanns Sjálfstæðis-
flokksins og ritstjóra Fréttablaðsins, þetta er meirihluti hans; stóriðju- og
virkjanameirihluti Þorsteins Pálssonar.“
Óskar Bergsson:
„[Ólafur F. Magnússon] er einn arfaslappasti guðfaðir sem sögur fara af.“
„Allt tal [Dags] um kosningar er lýðskrum […] það er ekki hægt að vera svo
upptekinn fyrir framan spegilinn að vita ekki hvað er að gerast í kringum sig
[…] fólk sem aðhyllist félagshyggju hefur alltof oft verið óheppið með foringja
[…] Samfylkingin er að koma í veg fyrir að vinstri fólk geti starfað saman.“
Dagur:
„Var ég ekki nógu góður við þig? […] Ég get þó litið í spegilinn án þess að
líta undan.“
Svandís:
„[Óskar] er peð á taflborði Guðna Ágústssonar […] ég vona að hann hafi
fengið útrás fyrir móralinn. Óskar var að tala við samviskuna í sjálfum sér, ég
vona að hann sofi betur í nótt.“
Hann Birna Kristjánsdóttir:
„Ykkur líður ef til vill eins og þið séuð stödd í fjölskylduboði?“
TEKIST Á Í RÆÐUSTÓL
Vilhjálmur Þ. Vilhjálmsson, forseti borgarstjórnar, dæsti í miðri upptalningu sinni
um skipan í nefndir. Honum hefur eflaust verið hugsað til upptökuvéla ríkis-
útvarpsins þegar hann sagði: „Þetta er nú ekki mjög áhugavert útvarpsefni.“
Sjónvarpsfréttamaður hóf upptöku fullum hálsi af palli fjölmiðlanna og
glumdi í salnum, meðan forseti borgarstjórnar las lágróma upp skipan í nefndir.
Hastað var á fréttamann, nokkrum sinnum.
Flestir borgarfulltrúar styttu sér stundir á netinu, meðan á fundi stóð, og ófáir
skoðuðu farsíma sína grannt. Júlíus Vífill blaðaði þó í stórri skruddu upp á gamla
mátann. Kjartan Magnússon var áhugasamur og fylgdist með öllu sem fram fór.
EMBÆTTISSTÖRFIN
Fimm af fimmtán breytast ekki:
Borgarráð: Óskar Bergsson
- Var Vilhjálmur Þ. Vilhjálmsson
Stjórn Framkvæmda- og eigna-
sjóðs: Óskar Bergsson
- Var Jórunn Frímannsdóttir
Menntaráð: Kjartan Magnússon
- Var Júlíus Vífill Ingvarsson
Íþrótta- og tómstundaráð:
Kjartan Magnússon
- Óbreytt (Í fjarveru Bolla Thor-
oddsen)
Skipulagsráð: Júlíus Vífill Ingv-
arsson
- Var Hanna Birna Kristjáns-
dóttir
Umhverfis- og samgönguráð:
Þorbjörg Helga Vigfúsdóttir
- Var Gísli Marteinn Baldursson
Leikskólaráð: Þorbjörg Helga
Vigfúsdóttir
- Óbreytt
Velferðarráð: Jórunn Frímanns-
dóttir
- Óbreytt
Mannréttindaráð: Marta Guð-
jónsdóttir
- Var Sif Sigfúsdóttir
Menningar- og ferðamálaráð:
Áslaug Friðriksdóttir
- Var Þorbjörg Helga
Stjórnkerfisnefnd: Jórunn
Frímannsdóttir
- Var Gísli Marteinn
FULLTRÚAR HJÁ HELSTU
FYRIRTÆKJUM
Formaður stjórnar Faxaflóa-
hafna: Júlíus Vífill Ingvarsson
- Óbreytt
Formaður stjórnar Orkuveitu
Reykjavíkur: Guðlaugur G.
Sverrisson
- Var Kjartan Magnússon
Formaður stjórnar Sorpu:
Vilhjálmur Þ. Vilhjálmsson
- Óbreytt
Fulltrúi í stjórn Strætós: Jórunn
Frímannsdóttir
- var Gísli Marteinn
HELSTU FORMENN RÁÐA
■ Aðgerðaráætlun vegna breytts
efnahagsástands verði lögð fram
fyrir 1. október.
■ Metnaðarfull fjölskyldustefna.
■ Rannsóknir vegna Bitruvirkjunar
hefjist á ný.
■ Lóðaúthlutanir til fólks og fyrir-
tækja til að auðvelda fólki að búa
í borginni.
■ Grænu skrefin stigin áfram. Aukin
endurvinnsla sorps.
■ Viðræður við ríkið vegna Sunda-
brautar og skipulagsvinna vegna
Vatnsmýrarinnar á grundvelli
hugmyndasamkeppninnar.
■ Kröftug uppbygging, samhliða
verndun, í skipulagsákvörðunum.
■ Nýtt aðalskipulag á kjörtímabil-
inu.
■ Sátt um REI með fjárfestinga-
sjóði, öllum opinn.
■ Bætt þjónusta, opnari stjórnsýsla.
MÁLEFNIN
NÝR MEIRIHLUTI Í BORGARSTJÓRN
STJÓRNMÁL „Okkur líkar ekki sú
pólitík sem fram fer í Ráðhúsinu,“
segir Auður Lilja Erlingsdóttir,
formaður Ungra Vinstri grænna en
ungliðahreyfingar Samfylkingar
og Vinstri grænna stóðu í gær fyrir
óvenjulegum mótmælum fyrir
framan Ráðhús Reykjavíkur.
Þar var meirihlutaskiptum í
borgarstjórn mótmælt. Nýr borg-
arstjóri var valinn með stólaleik og
í strætóskýli við Vonarstræti var
fólki boðið að kjósa nýja borgar-
stjórn.
„Við erum svolítið að gera grín
að þeim aðstæðum sem upp eru
komnar,“ segir Auður. Hún segir
meirihlutaskiptin vera lögleg en
siðlaus. „Þetta er pólitík sem snýst
um stóla en ekki hugsjónir eða
borgarbúa.“
Anna Pála Sverrisdóttir, formað-
ur Ungra jafnaðarmanna, segir
hreyfingarnar hafa staðið fyrir
mótmælunum til að minna borgar-
búa á slæm vinnubrögð í Ráðhús-
inu að undanförnu.
Hún segir fólk hafa tilhneigingu
til að finnast þrjár síðustu meiri-
hlutamyndanir allar vera sami
grauturinn en svo sé þó ekki. „Ég
held að fólk nenni þessu kjaftæði
ekki lengur en þá verðum við að
hafa í huga að ef okkur þykir vænt
um borgina okkar þá verðum við
að halda áfram að láta í okkur
heyra,“ segir Anna Pála.
„Við hvetjum borgarbúa til að
muna eftir því sem gerst hefur á
þessu kjörtímabili og kjósa sam-
kvæmt því í næstu kosningum,“
segir Anna Pála. - ovd
Ungliðahreyfingar Samfylkingar og Vinstri grænna mótmæltu við Ráðhúsið:
Krýndu nýjan borgarstjóra
NÝR BORGARSTJÓRI Anna Pála Sverr-
isdóttir krýndi Uglu Egilsdóttur nýjan
borgarstjóra eftir að Ugla hafði unnið
embættið í stólaleik utan við Ráðhúsið.
FRÉTTABLAÐIÐ/GVA