Fréttablaðið - 22.08.2008, Blaðsíða 16
16 22. ágúst 2008 FÖSTUDAGUR
nær og fjær
„ORÐRÉTT“
Klikkuð
hugmynd
„Mér finnst þessi hugmynd alveg
klikkuð. Ég er hrifinn af öllum
svona steiktum hugmyndum,“
segir Vilhelm Anton Jónsson um
hugmyndir Björns Kristinssonar
verkfræðings um að reisa varnargarð
milli Seltjarnarness og Álftaness og
þurrka upp Skerjafjörðinn til að afla
nýs byggingarlands.
„Ég myndi vilja að þessi varnar-
garður yrði þannig úr garði gerður
að hægt væri að virkja sjávarföllin
til að búa til rafmagn handa þessari
nýju byggð. Ef það væri gert finnst
mér þessi hugmynd stórgóð. Þetta
er alveg jafn raunhæft og allar þess-
ar virkjanahugmyndir.“
Loks bætir Vilhelm við að sniðugt
gæti líka verið að setja plexigler yfir
Eyjafjörðinn.
SJÓNARHÓLL
UPPÞURRKUN SKERJAFJARÐARINS
VILHELM ANTON JÓNSSON
Tónlistarmaður.
„Það er allt flott að frétta af mér. Haustið er að
koma og það leggst vel í mig eins og ævinlega.
Lífið og tilveran leggjast yfir höfuð vel í mig,“
segir André Bachmann, tónlistarmaður, stræt-
isvagnabílstjóri og almennur gleðigjafi. André
hefur dvalist töluvert á sjúkrahúsi í sumar en
hefur jafnað sig fullkomlega að eigin sögn. Hann
hefur nóg að gera við vinnu og fleira. „Ég gaf út
disk um áramótin og hef verið að kynna hann
síðan. Diskurinn heitir Með kærri
kveðju og er fyrsti diskurinn
minn í heil tólf ár, eða síðan
ég gaf út plötuna Til þín árið
1996. Reyndar hef ég
komið að útgáfu annarra
diska á þessum tíma,
og þá helst þeirra sem
gefnir eru út til stuðn-
ings góðra málefna,“
segir André. Hann þreytist að eigin sögn seint á
því að láta gott af sér leiða. „Þessa dagana er ég
að undirbúa jólahátíð fatlaðra og er þetta í 27.
sinn sem ég vinn að þeirri hátíð. Ég lofa nokkr-
um góðum nöfnum, en vil ekki tjá mig um þau
strax,“ segir hann og skellir upp úr.
„Svo eru skólarnir að hefjast og þá verður nú
aldeilis nóg að gera í strætisvagnaakstrin-
um, með aukaferðum og hvaðeina. Það
er aldrei að vita nema ég skelli mér í smá
afslöppunarferð til Svíþjóðar fyrir jólin.
Bróðir minn býr þar í smábænum Staff-
anstorp. Þangað reyni ég að fara fjórum
til fimm sinnum á ári. Bærinn er
vinalegur og þangað er alltaf gott að
koma,“ segir André og snýr sér
því næst að daglegu amstri,
enda greinilega nóg um að
vera hjá gleðigjafanum.
HVAÐ ER AÐ FRÉTTA? ANDRÉ BACHMANN, TÓNLISTARMAÐUR OG BÍLSTJÓRI
Er að undirbúa jólahátíð fatlaðraHlemmur er víða
„Hann hefur hingað til verið
eins og húsvörður á biðstöð
þar sem setið er og beðið en
kannski hann sé að átta sig á
að þannig gengur þetta ekki
fyrir sig.“
STEINGRÍMUR J. SIGFÚSSON,
FORMAÐUR VG, UM FORSÆTIS-
RÁÐHERRA
Fréttablaðið 21. ágúst.
Einfalt mál
„Ég tel að ef menn leika á
eðlilegri getu og við náum al-
vöru leik þá óttast ég ekkert.
Ég tel að þá höfum við alla
burði til þess að ná góðum
leik og góðum úrslitum á
móti Norðmönnum.“
ÓLAFUR JÓHANNESSON, LANDS-
LIÐSÞJÁLFARI Í FÓTBOLTA
Fréttablaðið 21. ágúst
■ Embætti borgarstjóra var stofnað
árið 1907 og ári síðar var Páll Ein-
arsson skipaður fyrsti borgarstjóri
Reykjavíkur. Þrátt fyrir að
Reykjavík væri aðeins 10
þúsund manna bær og
yrði ekki formlega borg
fyrr en 1964, reyndar eftir
lögum frá 1962, var emb-
ættið kallað borgarstjóri.
Hanna Birna Kristjánsdóttir
er 20. borgarstjórinn. Þegar Davíð
Oddsson lét af störfum, árið 1991,
höfðu 11, að honum meðtöldum,
menn gegnt embættinu á 83 árum.
Á þeim 17 árum sem liðin eru
síðan Davíð lét af störfum hafa 9
borgarstjórar gegnt embættinu; 4
sjálfstæðismenn, 3 fyrir R-listann,
1 samfylkingarmaður og einn fyrir
F-lista og óháða.
BORGARSTJÓRI
Ólafur Ragnar Grímsson
er fyrsti íslenski forsetinn
sem fer á Ólympíuleika.
Forsetahjónin heilsuðu upp
á íslenska hópinn í gær.
Ólafur segir alla handbolta-
strákana geta lagt sig í for-
setakosningum yrði kosið
eftir mánuð.
Forsetahjónin Ólafur Ragnar
Grímsson og Dorrit Moussaief
komu til Peking á miðvikudaginn.
Þau skelltu sér á leik Íslands og
Póllands fljótlega eftir lendingu
og urðu vitni að frábærum sigri
Íslands.
Í gær heimsóttu þau hjónin
Ólympíuþorpið og virtust hafa
afar gaman af. „Það er mikil upp-
lifun að koma hingað. Bæði fróð-
leg og skemmtileg,“ sagði Ólafur
Ragnar í samtali við Fréttablaðið
en borgarstjóri Ólympíuþorpsins
tók á móti þeim. Þar næst var
haldið í vistarverur íslenska hóps-
ins. Aðstæður kannaðar og spjall-
að við fólkið. Að lokum héldu þau
hjónin í matartjaldið stóra með
íslenska hópnum og snæddu með þeim hádegisverð. Ólafur Ragnar
er fyrstur íslenskra forseta til
þess að fara á Ólympíuleika.
Ákvörðun hans um að koma til
Kína var ekki öllum að skapi en
forsetinn segist ekki skilja þann
hugsunarhátt.
„Mér finnst skrítið að fyrirrenn-
arar mínir og ég sjálfur hafi ekki
fyrr komið á Ólympíuleika. For-
setinn er verndari íþróttahreyf-
ingarinnar og hefur verið það frá
stofnun lýðveldisins. Þetta er
mesta íþróttahátíð heims og það
er hreinlega undarlegt að forseti
Íslands hafi ekki mætt hér áður,“
segir Ólafur Ragnar og bendir á
að allir aðrir þjóðhöfingjar Norð-
urlandanna séu í Peking.
„Það hefði verið undarlegt ef
forseti Íslands hefði ekki mætt.
Það hefðu verið skilaboð um að
íþróttirnar skiptu ekki máli eða
það væri eitthvað rangt af hálfu
Íslands að taka þátt í móti af þessu
tagi. Ef Ísland tekur þátt í heims-
móti íþrótta af þessu tagi þá á for-
setinn auðvitað að geta mætt. Þess
utan þykir mér vænt um þetta
verndarahlutverk. Að sýna íþrótta-
fólkinu þá virðingu að koma hing-
að. Það snart mig þegar ég óskaði
handboltastrákunum til hamingju
með sigurinn að margir þeirra
þökkuðu okkur fyrir að koma,“
sagði Ólafur Ragnar.
Vinsældir handboltastrákanna
eru eðlilega miklar um þessar
mundir. Hvernig heldur Ólafur
Ragnar að forsetakosningar myndu
fara ef það yrði kosið eftir mánuð
og Ólafur Stefánsson myndi bjóða
sig fram gegn honum?
„Ég held að hver sem myndi
bjóða sig fram úr handboltalands-
liðinu myndi örugglega vinna,“
sagði Ólafur léttur og hló dátt.
henry@frettabladid.is
Ólafur Ragnar og Dorrit
heimsóttu Ólympíuþorpið
KLOFAÐ Í VAGNINN Forsetafrúin sýndi fimi sína þegar hún klifraði á milli sæta í þessum forláta vagni sem flutti hjónin á milli
staða í rigningunni. FRÉTTABLAÐIÐ/VILHELM
NAFNARNIR Forsetahjónin ásamt nafna forsetans, Ólafi Stefánssyni. FRÉTTABLAÐIÐ/VILHELM
VISTARVERUR HÓPSINS Ólafur Ragnar ræddi við íslensku Ólympíufarana í Ólympíu-
þorpinu. FRÉTTABLAÐIÐ/VILHELM
Hringdu í síma
ef blaðið berst ekki