Fréttablaðið - 04.09.2008, Page 70

50 4. september 2008 FIMMTUDAGUR
sport@frettabladid.is
FÓTBOLTI Keflavík situr á toppi
Landsbankadeildar karla með 40
stig og 46 mörk skoruð. Þetta er
fimm stigum og átta mörkum
meira en lið FH sem er í öðru sæti
en á reyndar einn leik til góða.
Varamenn Keflavíkur hafa skorað
11 af þessum 46 mörkum og eiga
mikinn þátt í að liðið landaði að
minnsta kosti 19 af þessum 40
stigum sínum. Það má því segja að
meistaraskiptingar þjálfarans
Kristjáns Guðmundssonar eigi
mjög mikið í því að Keflavík situr
í efsta sæti deildarinnar og að
félagið eigi nú frábæra möguleika
á að enda 35 ára bið eftir Íslands-
bikarnum.
Varmenn Keflavíkur eru í
nokkrum sérflokki hvað varðar
markaskorun í Landsbankadeild
karla í sumar því 11 mörk vara-
manna Keflavíkur eru meira en
tvöfalt meira en varamenn FH
hafa skorað en þeir koma næstir á
listanum. Varamenn Keflavíkur
hafa einnig skorað átta mörkum
meira en varamenn mótherja liðs-
ins og tróna þar einnig langefstir.
Það er nærtækt að segja að Kefla-
víkurliðið sé farið að treysta á
góða innkomu manna af bekknum
því varamenn Keflavíkur hafa nú
skorað í síðustu fimm leikjum liðs-
ins.
Það hafa einkum verið þeir
Magnús Þorsteinsson, Þórarinn
Kristjánsson og Jón Gunnar
Eysteinsson sem hafa komið sterk-
ir inn af bekknum í sumar en byrj-
unarliðsmennirnir Patrik Redo og
Hörður Sveinsson hafa einnig
skorað eftir að hafa komið inn á
sem varamenn.
Af nógu er að taka þegar skoð-
aðir eru leikir Keflvíkinga í sumar
þar sem innkoma varamanna
hefur breytt gangi leikja.
Jón Gunnar Eysteinsson kom
inn á sem varamaður í stöðunni 0-
1 fyrir HK á Kópavogsvellinum í
3. umferð 19. maí. Jón Gunnar
jafnaði leikinn á 80. mínútu og
þremur mínútum síðar skoraði
Patrik Redo sigurmarkið.
Magnús Þorsteinsson kom inn á
sem varamaður í stöðunni 0-0 á
móti FH á Keflavíkurvelli í 10.
umferð 6. júlí. Magnús skoraði
síðan sigurmark leiksins á 2. mín-
útu í uppbótartíma og tryggði
Keflavík afar dýrmæt stig í topp-
slagnum.
Þórarinn Kristjánsson kom inn
á sem varamaður í stöðunni 0-0 á
móti Fram á Laugardalsvellinum í
11. umferð. Þórarinn fékk auka-
spyrnu sem hann skoraði sjálfur
úr á 93. mínútu og innsiglaði síðan
sigurinn með öðru marki á loka-
mínútu leiksins.
Hörður Sveinsson kom inn á
sem varamaður á móti HK á Kefla-
víkurvelli í 14. umferð 6. ágúst.
Hörður skoraði síðan sigurmark
leiksins í uppbótartíma eftir stoð-
sendingu frá Patrik Redo sem
hafði einnig komið inn á sem vara-
maður.
Patrik Redo kom inn á sem vara-
maður á móti ÍA á Akranesvelli í
15. umferð 11. ágúst. Redo gerði
síðan út um leikinn með því að
skora tvö mörk á síðustu fjórtán
mínútunum inni á milli stórsókna
Skagamanna.
Jón Gunnar Eysteinsson kom
inn á sem varamaður í stöðunni 0-
1 fyrir KR á KR-velli í 17. umferð
24. ágúst. Tveimur mínútum síðar
jafnaði Guðmundur Steinarsson
metin og Jón Gunnar kom síðan
Keflavík í 2-1 eftir aðrar þrjár
mínútur. KR náði reyndar að jafna
leikinn og tryggja sér eitt stig í
uppbótartíma.
Jón Gunnar Eysteinsson átti
aðra góða innkomu í síðasta leik
ásamt Magnúsi Þorsteinssyni. Jón
Gunnar kom þá inn á 57. mínútu í
stöðunni 0-0 á móti Grindavík á
Keflavíkurvelli. Jón lagði upp
fyrsta markið fyrir Jóhann Birni
Guðmundsson átta mínútum síðar
og Magnús Þorsteinsson kom
síðan inn á á 73. mínútu og skoraði
mark og lagði upp annað áður en
leiknum lauk.
Það er þó ekki eins og byrjunar-
liðsmennirnir séu ekki að standa
sig því í Keflavíkurliðinu er
markahæsti leikmaður Lands-
bankadeildar karla, Guðmundur
Steinarsson, sem hefur skorað
fjórtán mörk í deildinni í sumar.
ooj@frettabladid.is
Meistaraskiptingar hjá Kristjáni
Varamenn Keflavíkur hafa skorað ellefu mörk í Landsbankadeild karla og innkoma varamanna liðsins hef-
ur oft ráðið úrslitum og tryggt liðinu dýrmæt stig í baráttunni við FH um Íslandsmeistaratitilinn.
ÞRJÚ MÖRK Magnús Þorsteinsson hefur
átt flottar innkomur í sumar og kom að
tveimur mörkum í síðasta leik.
FRÉTTABLAÐIÐ/AUÐUNN
TVÖ MÖRK Jón Gunnar Eysteinsson
hefur breytt miklu í síðustu tveimur
leikjum eftir að hafa komið inn á af
bekknum. VÍKURFRÉTTIR
BJARGVÆTTURINN Þórarinn Kristjánsson
hefur skorað þrisvar í sumar eftir að hafa
komið af bekknum. VÍKURFRÉTTIR
MÖRK VARAMANNA:
Keflavík 11
FH 5
Fylkir 4
Þróttur 4
Breiðablik 4
KR 3
Fjölnir 3
Valur 2
HK 2
Grindavík 1
Fram og ÍA 0
MEISTARAÞJÁLF-
ARI Kristján
Guðmundsson,
þjálfari Keflavíkur.
FRÉTTABLAÐIÐ/ARNÞÓR
FLEST MÖRK VARAMANNA
Magnús Þorsteinsson, Keflavík 3
Þórarinn Kristjánsson, Keflavík 3
Jóhann Þórhallsson, Fylki 3
Arnar Gunnlaugsson, FH 3
Magnús Már Lúðvíksson, Þrótti 3
Jón Gunnar Eysteinsson, Keflavík 2
Patrik Ted Redo, Keflavík 2
Pétur Georg Markan, Fjölni 2
Magnús Páll Gunnarsson, Breiðabl. 2
16 leikmenn hafa skorað 1 mark
FÓTBOLTI Knattspyrnustjórinn
Alan Curbishley sagði í gær
starfi sínu lausu hjá enska
úrvalsdeildarfélaginu
West Ham en Björgólfur
Guðmundsson, eigandi
félagsins, samþykkti
að leysa hann undan
samningi.
Salan á vinstri bakverðinum
George McCartney til Sund-
erland á lokadegi félags-
skiptagluggans mun hafa
fyllt mælinn. En nokkrum
dögum áður var miðvörður-
inn Anton Ferdinand einnig
seldur til Sunderland gegn
vilja Curbishley.
„Ákvarðanir varðandi
leikmannamál voru teknar
án þess að ég fengi neitt um
þær að segja og það eru ekki
vinnubrögð sem ég samþykkti
þegar ég skrifaði undir hjá West
Ham. Það er algjört lykilatriði að
ég, sem knattspyrnustjóri, stjórni
hvaða leikmenn spili fyrir liðið,“
sagði Curbishley í yfirlýsingu.
Slaven Bilic, landsliðsþjálfari
Króatíu og fyrrverandi leikmað-
ur West Ham, er efstur á blaði
hjá veðbönkum sem líklegur arf-
taki Curbishley, en þar eru Harry
Redknapp og Stuart Pearc einnig
nefndir til sögunnar. Kevin Keen,
varaliðsþjálfari West Ham, stýr-
ir nú aðalliðinu tímabundið. - óþ
Alan Curbishley hætti hjá West Ham í gær og leit að eftirmanni er þegar hafin:
Bilic efstur hjá veðbönkum
HÆTTUR Curbishley var
ekki sáttur með vinnu-
umhverfi sitt hjá West
Ham og sagði því af sér.
NORDIC PHOTOS/GETTY
> Árni samdi við Akureyri
Eins og Fréttablaðið greindi frá í gær var handknatt-
leikskappinn Árni Þór Sigtryggsson við það að semja við
handboltalið Akureyrar þrátt fyrir mikinn áhuga félaga
sunnan heiða. Það gekk eftir því á þriðjudagskvöldið
skrifaði Árni Þór undir eins árs samn-
ing við Akureyrarliðið. Norðanmenn
eru ekki hættir þar og ku vera von á
útlendingi í herbúðir félagsins á næstu
dögum. Ranghermt var í fréttinni
í gær að Árni væri í skóla fyrir
norðan en hann nemur nám í
verkfræði í Reykjavík og verður
því væntanlega á miklum
þeytingi í vetur.
Landsliðsmaðurinn Ólafur Ingi Skúlason varð að draga sig út
úr íslenska landsliðshópunum sem mætir Noregi og Skotlandi
í undankeppni HM 2010 vegna meiðsla sem hann hlaut í leik
með liði sínu Helsingborg gegn Hammarby í sænsku úrvals-
deildinni. Talið er að krossband í hægra hné sé slitið en það
liggur ekki endanlega fyrir að svo stöddu. Ólafur Ingi fór í
röntgenmyndatöku á hnénu í gær og á von á því að fá
allt á hreint á morgun, föstudag.
„Í þeim skoðunum sem ég er búinn að ganga í
gegnum þá lítur þetta ekkert allt of vel út. Maður
er eiginlega bara að búa sig undir það versta, að
um slitið krossband sé að ræða,“ segir Ólafur
Ingi.
Ólafur Ingi var nýkominn úr meiðslum á sama
hnénu, en í apríl tognaði innra liðband og það
kom rifa í krossbandið og hann var frá keppni
í þrjá mánuði eftir það. Hann var því aðeins
nýbyrjaður að spila aftur með Helsingborg þegar
hann varð fyrir því óláni að meiðast á ný.
„Þetta er akkúrat það sem maður þurfti ekki á að halda. Það
var allt að ganga upp hjá mér eftir að ég komst aftur á ról, ég
spilaði vel og var kominn aftur í landsliðshópinn. En það er
aldrei hægt að reikna með einhverju sem þessu,“ segir Ólafur
Ingi.
Ólafur Ingi hefur verið einstaklega óheppinn með meiðsli,
því þegar hann meiðist þá virðist það alltaf vera alvarlega
meiðsli.
„Ég sleit krossband í vinstra hnénu fyrir þremur árum
síðan þegar ég var að spila með Brentford á Englandi og
það virðist bara vera þannig að þegar ég meiðist ,þá er það
eitthvað alvarlegt. Ég hef lítið sem ekkert verið að eiga við
minni máttar meiðsli á mínum ferli,“ segir Ólafur Ingi.
Ólafur Ingi ætlar að kíkja í stutta heimsókn með fjöl-
skyldu sinni til Íslands áður en endurhæfingin hefst að
fullu ytra en hann lætur meiðslin ekkert slá sig út af
laginu.
„Það er ekkert annað sem kemur til greina en að koma
sterkari til baka,“ segir Ólafur Ingi.
ÓLAFUR INGI SKÚLASON: MEIDDIST ILLA Á HNÉ Í LEIK MEÐ HELSINGBORG OG VERÐUR FRÁ KEPPNI Í NOKKURN TÍMA
Ætla að koma sterkari til baka úr meiðslunum
KÖRFUBOLTI Snæfell hefur ráðið til
sín bandaríska leikstjórnandann
Nate Brown sem hefur leikið hér
á fjórum tímabilum undanfarin
fimm ár.
Nate Brown kom fyrst til Þórs
Þorlákshafnar í ársbyrjun 2004
en hefur síðan spilað með
Snæfelli og svo síðustu tvö
tímabil með ÍR.
Það merkilega við feril hans á
Íslandi er að þetta verður í fyrsta
sinn sem hann byrjar tímabil en í
öll fyrri skiptin hefur hann komið
þegar lið hefur skipt um Banda-
ríkjamann. Nate Brown hefur alls
leikið 60 leiki í úrvalsdeild karla
og er hann með 18,9 stig, 6,5
fráköst og 6,8 stoðsendingar að
meðaltali í þeim.
Nate setti meðal annars met í
úrslitakeppninni í fyrra þegar
hann gaf 18 stoðsendingar í leik á
móti verðandi meisturum í
Keflavík en hann var bæði efstur
í stoðsendingum og stolnum
boltum í deildarkeppninni. - óój
Nate Brown til Snæfells:
Er í fyrsta sinn
með frá byrjun
NÁLÆGT ÞRENNUNNI Nate Brown var
með 17,9 stig, 7,3 fráköst og 7,7 stoð-
sendingar í leik á síðasta tímabili.
FRÉTTABLAÐIÐ/HEIÐA
6. september
á Ljósanótt í Reykjanesbæ
Flögu tímataka
Kort af
hlaupaleið
er á
hlaup.is
Hálfmaraþon (ræsing kl. 10:30)
10 km hlaup (ræsing kl. 11:15)
3,5 km skemmtiskokk (ræsing kl. 11:20)
Verðlauna afhending kl. ca. 13:00
Skráning
er hafin
í Lífsstíl
s: 420 7001