Fréttablaðið - 11.09.2008, Síða 8

8 11. september 2008 FIMMTUDAGUR
SAMGÖNGUMÁL „Það er verið að útvíkka
starfsemi fyrirtækisins verulega, það er rétt.
Það var farið í stefnumótunarvinnu árið 2006
og niðurstaðan var að auka þjónustuna. Eins til
að takast á við afnám einkaréttar sem fram
undan er 2011 og efla fyrirtækið til að takast á
við þá breytingu,“ segir Ingimundur Sigurp-
álsson, forstjóri Íslandspósts.
Spurður um gagnrýni á að hlutafélag í eigu
ríkisins sé að styrkja sig á flutningamarkaði
og hvort það sé réttlætanlegt, segir Ingimund-
ur að stjórnin telji að svo sé.
„Stjórnendur Íslandspósts hafa komist að
þeirri niðurstöðu að þetta sé nauðsynlegt til að
reka þetta fyrirtæki eins og því er ætlað að
starfa. Þetta er eins og hvert annað fyrirtæki
að stjórn ber ábyrgð á því að reka fyrirtækið á
hagkvæman hátt og þjónusta þá aðila sem
skipta við það. Við teljum að með þessum
hætti gerum við það best og þess vegna fórum
við út í þetta.“
Hvort flutningaþjónusta Íslandspósts hamli
ekki starfsemi einkarekinna fyrirtækja á sama
markaði segir Ingimundur að það sé ekki víst.
„Það má halda því fram á hinn veginn að
Íslandspóstur efli samkeppni á ýmsum
sviðum.“
Hann telur að ef velta á fyrir sér hvort
Íslandspóstur eigi að keppa við einkaaðila
megi eins spyrja hvort það sé eðlilegt að ríkið
eigi fyrirtækið. „Eignarhaldið er pólitísk
spurning en við verðum að veita þjónustu eins
og önnur fyrirtæki á markaði, óháð eignar-
haldi.“ Hann segir breytingarnar ekki
undirbúning að sölu fyrirtækisins af hálfu
stjórnar og starfsmanna Íslandspósts. - shá
1 Við hvaða götu á að lyfta
gömlu húsi ofan á þriggja
hæða hús?
2 Forseti hvaða lands þurfti að
segja af sér vegna þess að hann
kom fram í matreiðsluþáttum?
3 Hver leikstýrir næsta ára-
mótaskaupi?
SVÖRIN ERU Á SÍÐU 50
Innbrot í Hafnarfirði
Brotist var inn í tvö fyrirtæki í
Hafnarfirði í fyrrinótt. Brotist var inn
á skemmtistaðinn Sportbarinn og
innbrot í fyrirtæki þar skammt frá.
Ekki liggur fyrir hverju var stolið.
LÖGREGLUFRÉTTIR
VIÐSKIPTI Stjórn Sparisjóðs
Mýrasýslu (SPM) hefur ákveðið að
loka afgreiðslu útibúsins við
Stillholt á Akranesi frá næstu mán-
aðamótum. Þremur starfsmönnum
hefur verið sagt upp.
Fréttavefur Skessuhorns segir
viðskiptavini útibúsins hafa fengið
bréf þessa efnis í fyrradag og þar
sagt að útibúið, sem var opnað
fyrir tveimur árum, hafi átt í
harðri samkeppni við hina bankana
og ekki náð fótfestu. Þá sé einingin
óarðbær og sé lokunin liður í
hagræðingu. Sparisjóður Mýra-
sýslu tapaði 4,6 milljörðum króna á
fyrri hluta árs.
Ekki náðist í Bernhard Þór
Bernhardsson sparisjóðsstjóra í
gær. - jab
SPM lokar útibúi á Akranesi:
Óarðbær eining
Eldur í tauþurrkara
Tilkynnt var um mikinn reyk vegna
elds í tauþurrkara í íbúð við Brekku-
stíg í Reykjanesbæ um klukkan hálf
fjögur aðfaranótt miðvikudagsins. Engir
reykskynjarar voru í íbúðinni en ungbarn
vakti foreldra sína með gráti sem þá
urðu vör við reykinn. Slökkvilið slökkti
eldinn og reykræsti íbúðina. Foreldrarnir
og barnið fengu að fara heim eftir skoð-
un á Heilbrigðisstofnun Suðurnesja.
SAMGÖNGUMÁL Íslandspóstur, sem
er hlutafélag að fullu í eigu ríkis-
ins, hefur breytt skilgreiningu
sinni á hlutverki fyrirtækisins.
Hingað til hefur fyrirtækið ein-
beitt sér að því að veita almenna
og sérhæfða bréfa- pakka- og send-
ingaþjónustu en nú horfir fyrir-
tækið til þjónustu á sviði dreifing-
ar-, samskipta- og flutningalausna.
Fyrirtækið er harðlega gagnrýnt
fyrir að verja almannafé til upp-
byggingar í flutningum og þrengja
að starfsemi einkarekinna fyrir-
tækja. Uppbyggingin mun kosta
rúman milljarð króna.
Íslandspóstur er að ljúka við að
byggja tíu ný pósthús á lands-
byggðinni. Í ársskýrslu fyrirtæk-
isins árið 2007 kemur fram að til-
gangurinn með húsunum sé að
„auka möguleika fyrirtækisins til
muna til sóknar á flutningamark-
aði og öðrum tengdum mörkuðum,
þar sem húsin eru sérhönnuð með
þarfir flutningafyrirtækis í
huga“.
Vilhjálmur Egilsson, fram-
kvæmdastjóri Samtaka atvinnu-
lífsins, segist sjá breytingar innan
Íslandspósts sem þróun í þá átt að
það verði selt einkaaðilum. „Einka-
réttur fyrirtækisins er að falla
niður og því sé ég engin rök fyrir
því að það sé í opinberri eigu yfir-
leitt. Það á að fá nýja hluthafa inn í
fyrirtækið sem fyrst.“
Sigurður Kári Kristjánsson,
þingmaður Sjálfstæðisflokksins,
segir að það hugnist sér ekki að
Íslandspóstur standi í samkeppni
við einkaaðila á markaði. „Og mér
líst alls ekki á það ef fyrirtækið er
nú farið að skilgreina sig á annan
hátt sem gerir það að verkum að
fyrirferð ríkisins á samkeppnis-
markaði aukist enn frekar en nú
er; nóg er þó samt. Ég tel að þessi
breyting, eins og hún horfir við
mér, krefjist skýringar.“
Steingrímur J. Sigfússon, þing-
maður Vinstri grænna, gagnrýnir
breyttar áherslur Íslandspósts
afar hart. „Annars er kannski sér-
staklega gagnrýnivert hvað það
stendur sig illa í að sinna sinni
kjarnastarfsemi.“
Jörundur Jörundsson, fram-
kvæmdastjóri innanlandssviðs
Samskipa, segir það með öllu
ótækt að þurfa að keppa við ríkis-
fyrirtæki sem niðurgreiði þjón-
ustu með einkavörðum póstburð-
argjöldum. „Þetta er ekki flókið,
skattfé landsmanna er nýtt til að
niðurgreiða samkeppni og byggja
upp flutningafyrirtæki á vegum
ríkisins.” svavar@frettabladid.is
Rúmur milljarður í pósthús
Íslandspóstur hefur endurskilgreint hlutverk sitt sem flutningafyrirtæki. Fyrirtækið mun verja rúmum
milljarði til að byggja tíu pósthús sem hönnuð eru fyrir flutningastarfsemi á helstu markaðssvæðum einka-
rekinna fyrirtækja. Framkvæmdastjóri hjá Samskipum segir ótækt að þurfa að keppa við ríkisfyrirtæki.
BREYTT HLUTVERK ÍSLANDSPÓSTS
2007: Hlutverk Íslandspósts er að veita almenna
og sérhæfða bréfa-, pakka- og sendingarþjónustu
fyrir einstaklinga og fyrirtæki. Markaður og þjón-
ustusvæði er fyrst og fremst á Íslandi en félagið
dreifir einnig sendingum til og frá öðrum löndum
í gegnum víðtækt dreifinet póst- og flutningafyrir-
tækja um heim allan.
2008: Hlutverk Íslandspósts er að veita áreiðan-
lega þjónustu fyrir fyrirtæki og einstaklinga á sviði
dreifingar-, samskipta- og flutningalausna, svo og á
öðrum sviðum sem tengjast þeirri starfsemi.
NÝTT PÓSTHÚS Nýju pósthúsin verða tíu og sex verður
breytt til að auðvelda samkeppni á flutningamarkaði.
MYND/SKESSUHORN
STEINGRÍMUR J.
SIGFÚSSON
VILHJÁLMUR
EGILSSON
SIGURÐUR KÁRI
KRISTJÁNSSON
Forstjóri Íslandspósts segir áherslur á flutningastarfsemi ekki þurfa að hamla samkeppni:
Undirbúa afnám einkaréttar árið 2011
Stjórnendur
Íslandspósts
hafa komist að þeirri
niðurstöðu að þetta sé
nauðsynlegt til að reka
þetta fyrirtæki eins og
því er ætlað að starfa.
INGIMUNDUR SIGUR-
PÁLSSON
FORSTJÓRI ÍSLANDSPÓSTS
VEISTU SVARIÐ?