Fréttablaðið - 27.11.2008, Blaðsíða 71

FIMMTUDAGUR 27. nóvember 2008 51
Forsvarsmenn Myndforms, sem gefur söngvamynd-
ina Mamma Mia! út á DVD-mynddiski í dag, vonast
til að selja hana í um 20 til 25 þúsund eintökum.
„Það er hringt endalaust allan daginn til að spyrja
hvenær hún á að koma í verslanir og þannig er það
búið að vera í talsvert langan tíma,“ segir Halldór
Guðjónsson, sölustjóri Myndforms. Standa vonir til
að myndin seljist betur en Lord of the Rings-
myndirnar, en hver þeirra seldist í um tuttugu
þúsund eintökum. „Þetta er það stærsta sem við
höfum verið með,“ segir Halldór.
Bíósýningum á Mamma Mia! lauk um síðustu helgi
og seldust alls um 119 þúsund miðar, sem er aðeins
fimm þúsund minna en seldist á stórmyndina Titanic.
Þar af sáu um 6.500 manns hinar gríðarvinsælu
„singalong“-sýningar þar sem áhorfendur gátu
sungið með af öllu hjarta. Slík útgáfa fylgir einmitt
með DVD-disknum. Mamma Mia! er þar með orðin
næstvinsælasta erlenda mynd allra tíma á Íslandi og
um leið sú tekjuhæsta, enda hefur miðaverð hækkað
töluvert síðan Titanic var og hét. Að sögn Halldórs
stóð aldrei til að reyna að bæta met Titanic þrátt
fyrir að það hafi nálgast óðfluga. „Við vorum ekkert
sérstaklega að horfa á það. Myndin þarf náttúrlega að
koma út fyrir jól á DVD og það hefði þurft dálítið
margar sýningar í það.“ Hann segir að vinsældir
Mamma Mia! hérlendis hafi komið honum á óvart.
„Mér skilst að hún sé stærri hérna en í Svíþjóð, sem
er verulega sérstakt.“ - fb
Metupplag af Mamma Mia!
MAMMA MIA! Söngvamyndin Mamma Mia! hefur notið gríðar-
legra vinsælda síðan hún var frumsýnd hérlendis í sumar.
Megas & Senuþjófarnir blása til
jólatónleika í Salnum í Kópavogi
fimmtudagskvöldið 18. desember.
Meiningin er að leika lög úr
hnausþykkum lagasarpi meistar-
ans og krydda pakkann með
sérstaklega uppæfðum jólalögum,
meðal annars smellinn „Ég sá
mömmu kyssa jólasvein“. Mun sá
jólasveinn væntanlega gera
ýmislegt fleira en að kyssa
mömmuna. Miðasala á þetta
einstaka tækifæri til að láta
sjálfan Megas koma sér endan-
lega í jólafílinginn er hafin á
midi.is.
Megas kyssir
jólasvein
JÓLALEGUR Megas heldur jólatónleika
hinn 18. desember næstkomandi.
FRÉTTABLAÐIÐ/VALLI
Tónlistarhátíðin Rockville er nú
haldin fjórða árið í röð á Paddy’s í
Keflavík. Stuðið hefst í kvöld og
stendur fram á sunnudagsmorg-
un. Mikill fjöldi hljómsveita
kemur fram, þar á meðal Dr.
Spock, Retro Stefson, Mammút,
Agent Fresco, Fm Belfast, Slugs,
Æla, Hellvar, Dark Harvest,
Andrúm, Klaus, Miri, DLX ATX,
Morðingjarnir og Sudden
Weather Change. Miðaverði er
haldið niðri sem kostur er, passi á
kvöldin þrjú kostar 2.300 kr., en
þúsund kall á stök kvöld.
Rockville í
fjórða sinn
SPILA Á ROCKVILLE Hljómsveitin
Mammút verður á Paddy‘s í Keflavík.
FRÉTTABLAÐIÐ/STEFÁN
Brandon Flowers, söngvari hljóm-
sveitarinnar The Killers, rakaði
nýlega af sér yfirvaraskeggið
sem hann hefur skartað síðustu
ár. Ástæðuna segir hann vera að
mottan hafi ekki samræmst nýrri
stefnu sveitarinnar.
„Ég ákvað að sá sem syngi þessi
lög gæti ekki verið með yfirvara-
skegg,“ segir söngvarinn. The
Killers gáfu nýlega út plötuna
Day & Age sem þykir poppaðri en
fyrri verk sveitarinnar.
Við upptökurnar nutu þeir lið-
sinnis Stuarts Price sem unnið
hefur mikið með Madonnu.
Fórnaði mottunni
fyrir nýju plötuna
THE KILLERS Hljómsveitin var að gefa út
nýja plötu sem er poppaðri en sú síð-
asta. Brandon Flowers söngvari er hér
enn með mottuna sem nú hefur fengið
að fjúka. NORDICPHOTOS/GETTY
Komin í verslanir
2999 KR
Gildir til 1. desember eða á meðan birgðir endast.
Með fyrirvara um villur í texta.