Fréttablaðið - 29.11.2008, Qupperneq 11

LAUGARDAGUR 29. nóvember 2008 11
fyrir
Heimilistæki, stór og smá,
ljós, símar, pottar og pönnur
í miklu úrvali. Sjáið jólatilboðin
á www.sminor.is Nóatúni 4 · Sími 520 3000
www.sminor.is
A
T
A
R
N
A
Alþjóðagjaldeyrissjóðurinn (AGS) hefur
breytt um stefnu hvað gjaldeyrishöft varðar,
að mati Eddu Rósar Karlsdóttur, hagfræðings í
Landsbankanum.
Edda Rós segir koma verulega á óvart hvað
gjaldeyrishöftin séu víðtæk og að Seðlabank-
inn skuli fá heimild til að viðhalda þeim allt til
nóvemberloka 2010. „Í þessu felst mikil
stefnubreyting hjá Alþjóðagjaldeyrissjóðnum,
sem hefur hingað til talað fyrir afnámi hafta
og markaðslausnum. Stefnubreyting er því
töluverð tíðindi og vísbending um að vinnu-
brögð sjóðsins hafi breyst töluvert frá því í
Asíukreppunni,“ segir hún, en kveður höftin
þó fyrst og fremst staðfestingu á því hvað
staðan hér heima sé grafalvarleg. „Það, að við
skulum velja jafn íþyngjandi aðgerðir fyrir
atvinnulífið, segir meira en mörg orð. Áhættan
við að fleyta þessum litla gjaldmiðli við jafn
óvissar aðstæður var einfaldlega talin of mikil.
Trúverðugleikinn er ekki fyrir hendi.“
Edda Rós kveðst hins vegar fegin að sjá
hversu undirbúningur aðgerðanna virðist
vandaður hjá Seðlabankanum, þótt kynna hefði
mátt málið miklu betur. Aðkoma AGS sé einnig
afar mikilvæg. „Hún er ákveðinn gæðastimpill
og ætti að tryggja að aðgerðir Seðlabankans
gangi ekki í bága við skuldbindingar Íslands
gagnvart alþjóðasamfélaginu.“
- óká
EDDA RÓS KARLSDÓTTIR Gjaldeyrishöft segir Edda Rós
Karlsdóttir til marks um hve staðan hér sé grafalvarleg.
FRÉTTABLAÐIÐ/GVA
Kemur á óvart hvað gjaldeyrishöft eru víðtæk og heimild Seðlabankans rúm:
Merkileg stefnubreyting hjá AGS
„Þetta bendir til þess að menn telji
sig ekki hafa nógu mikinn
gjaldeyri til þess að fleyta
krónunni alveg,“ segir Sigurjón Þ.
Árnason, fyrverandi bankastjóri
Landsbankans, um ný lög og reglur
um gjaldeyrisviðskipti. Sigurjón
telur að yfirvöld óttist að ráða ekki
við útstreymi gjaldeyris ef höftin
væru engin. „En þetta þýðir
auðvitað að það verða áfram tveir
markaðir með krónuna. Eitt gengi
verður á Íslandi og annað erlendis
þar sem fullkomið frelsi er.“
Sigurjón segir að án skilaskyldu á
gjaldeyri gæti myndast afar
óheppileg staða fyrir þjóðfélagið.
„Þá myndi gjaldeyririnn íslenski
allur liggja úti og markaðurinn á
Íslandi myndi aldrei ná að
byggjast upp aftur.“ - gar
Fyrrverandi Landsbankastjóri:
Ekki til fé fyrir
floti krónunnar
SIGURJÓN Þ. ÁRNASON Segir áfram
verða tvo markaði með krónu.
Miklar skyldur eru lagðar á
herðar útflytjenda með nýjum
lögum og reglum um gjaldeyris-
viðskipti. Útflutningsfyrirtækjum
ber að skila heim til Íslands öllum
gjaldeyri sem þau fá fyrir sölu á
vöru og þjónustu erlendis.
„Maður verður að vona að þetta
sé bráðabirgðaráðstöfun sem er
hugsuð til að róa markaðina en
ekki að það sé verið að hverfa
aftur til fortíðar,“ segir Jón
Ásbergsson, framkvæmdastjóri
Útflutningsráðs, um nýju
reglurnar. - gar
Talsmaður Útflutningsráðs:
Vonandi bara
til bráðabirgða
JÓN ÁSBERGSSON Verið að róa mark-
aðina.
GJALDEYRISHÖFT Á ÍSLANDI
„Þetta eru ótrúleg mistök,“ segir
Vilhjálmur Egilsson, formaður
Samtaka atvinnulífsins (SA), um
ný lög sem takmarka gjaldeyris-
viðskipti. Hann
segir lögin
munu hafa öfug
áhrif, þau muni
halda gjaldeyri
frá því að koma
inn í landið, og
veikja gengi
krónunnar.
Vilhjálmur
segir þessi lög
þýða að erlendar
fjárfestingar hér á landi muni
stöðvast. Þá muni útflytjendur
finna löglegar leiðir framhjá
þeirri kvöð að flytja gjaldeyri
heim í landið, og innflytjendur
finna löglegar leiðir til að byggja
upp eigin gjaldeyrissjóð. Það
muni minnka framboð á gjald-
eyri, auka eftirspurn.
- bj
Segir lögin ótrúleg mistök:
Munu veikja
gengi krónu
VILHJÁLMUR
EGILSSON