Fréttablaðið - 29.11.2008, Side 84

72 29. nóvember 2008 LAUGARDAGUR
Roger Moore segir að Daniel
Craig hafi tekist sérlega vel upp í
hlutverki njósnarans James Bond
og telur að ferskir vindar leiki nú
um persónuna.
Moore, sem lék Bond sjö
sinnum á áttunda og níunda
áratugnum, segir að frammistaða
Craig í myndunum Munich og
Sylvia hafi nýst honum í Bond-
hlutverkinu. „Hann gerði hluti
sem voru allt öðruvísi en fólk
hafði ímyndað sér um Bond. Mér
fannst hann frábær,“ sagði Moore
um leik Craig í Casino Royale.
Sjálfur er hinn 81 árs Moore að
kynna sjálfsævisögu sína My
Word is My Bond sem er að koma
út um þessar mundir.
Roger Moore
ánægður
með Craig
ROGER MOORE Moore er virkilega
ánægður með hinn nýja James Bond,
Daniel Craig.
Noel Gallagher, gítarleikari
Oasis, segir að hljómsveitin sé í
sama klassa og goðsagnirnar í
The Rolling Stones. „Allir vita
hverjir við erum. Við erum
pottþétt komnir í sömu deild og
Stones núna,“ sagði Gallagher.
„Allir hafa heyrt um Stones, allir
vita hvernig þeir hljóma og allir
vita hvað þeir gera.“
Hann hrósaði jafnframt
rokkaranum Ryan Adams sem
hitar upp fyrir Oasis á tónleika-
ferð sveitarinnar um Bandaríkin.
„Ég ber mikla virðingu fyrir
honum. Hann er frábær gítarleik-
ari. Hann er frekar sérvitur en ég
væri ekki á tónleikaferð með
honum ef mér líkaði ekki við
hann.“
Í sömu deild
og Stones
OASIS Rokkararnir í Oasis eru í sömu
deild og Stones að mati Noel Gallagher.
Fyrsta plata Dr. Spock, Dr. Phil,
sem kom út fyrir þremur árum
var að mörgu leyti skemmtileg
og sýndi að þar fór efnileg sveit
sem ætlaði að fara sínar eigin
leiðir. Síðan hefur hljómsveitin
tekið stórstígum framförum og
hefur síðustu tvö ár verið ein af
öflugustu tónleikasveitum lands-
ins.
Í kjölfar Dr. Phil kom hin fjög-
urra laga The Incredible Tooth of
Dr. Zoega. Lagið Skítapakk af
henni náði miklum vinsældum í
fyrra, en platan sjálf fór mjög
leynt. Dr. Zoega var frábær, en á
henni hafði tónlistin þróast úr
frekar einföldu harðhausaskotnu
rokki yfir í villtari og áhugaverð-
ari hluti. Tónlistin var enn hröð
og hörð, en nú voru útsetningarn-
ar orðnar litríkari. Það var komin
meiri sýra í þetta og maður spurði
sig í hvaða átt tónlistin myndi
þróast á næstu plötu. Falcon
Christ er í stíl við Dr. Zoega, en
sveitin er orðin enn þéttari og
hljómurinn er betri. Platan inni-
heldur 12 lög, þar af eru tvö sem
voru á Dr. Zoega – Evangelista og
The Sons of Ecuador.
Falcon Christ byrjar á hinu frá-
bæra Dr. Organ sem hefst á mjög
flottu orgel-riffi. Svo skiptast
orgelleikarinn Tobbi og Franz
gítarleikari á því að fara hamför-
um á hljóðfærin á meðan ryþma-
dúóið Guðni og Addi djöflast
undir. Söngvararnir tveir, Óttarr
og Finni, koma svo inn á vel völd-
um stöðum og syngja og öskra.
Frábært lag. Og næstu lög eru
ævintýralega góð líka, Fálkinn,
fyrri heimsstyrjöldin og seinni
heimsstyrjöldin og hið kómíska
Gömlu dansarnir og nýju dans-
arnir, en í því er rakin saga af
dansfimi fagurlimaðs gamlingja.
Og platan heldur fluginu nokkuð
vel allt til enda. Það er mikið um
kaflaskiptingar í tónlistinni –
hratt rokkið er brotið upp með
hægari köflum og gítarhljómur-
inn sem er ráðandi er litaður með
frábærum hljómborðsleik. Dr.
Spock er skipuð mjög færum
hljóðfæraleikurum sem allir
sýna snilldartakta á plötunni.
Dr. Spock hefur tekið stórstíg-
um framförum á þessum þremur
árum sem liðin eru frá fyrstu
plötunni. Í upphafi var hún að
stæla og fá lánað hér og þar, en er
í dag búin að skapa sér sinn eigin
stíl og á sama tíma er tónlistin
orðin þéttari, kraftmeiri og villt-
ari.
Falcon Christ er tvöföld. Með
hinni eiginlegu plötu fylgir DVD-
diskur sem hefur að geyma tón-
leika Dr. Spock á Iceland Air-
wav es 2007, en þeir tónleikar, sem
fóru fram á Nasa þegar farið var
að líða á sunnudagsmorguninn,
voru einn af hápunktum þeirrar
hátíðar. Mikill fengur í því að fá
þá með hér líka. Trausti Júlíusson
Villtari og þéttari Spock
TÓNLIST
Falcon Christ
Dr. Spock
★★★★
Dr. Spock hefur tekið miklum framför-
um frá fyrstu plötunni og er nú bæði
villtari, þéttari og kraftmeiri. Fyrir vikið
er Falcon Christ ein af skemmtilegri
rokkplötum síðustu ára.
60
Nýtt
í Skífunni!
Nýtt upphaf!
Laugavegi · Kringlunni · Leifsstöð
www.skifan.is
Haukur
Morthens
Með blik í auga
Öll helstu lög Hauks
á veglegri þrefaldri geislaplötu.
66 lög frá einum dáðasta
söngvara Íslandssögunnar
sem gefa heilstæða mynd af
farsælum ferli hans.