Fréttablaðið - 06.12.2008, Qupperneq 106

86 6. desember 2008 LAUGARDAGUR
FORMÚLA 1 Honda hefur ákveðið
að draga lið sitt úr keppni í For-
múlu 1-kappakstrinum. Honda
segir heimskreppunni um að
kenna. Liðið var lengi bjartsýnt á
að hægt yrði að bjarga liðinu en
stór fjárfestir fannst ekki. Öku-
mennirnir Jenson Button og
Rubens Barrichello eru því á göt-
unni, ef svo má segja, og aðeins á
eftir að ráða ökumenn í fá lið í
Formúlunni.
Honda, sem var að eyða rúm-
lega 300 milljónum punda í rekst-
urinn á ársgrundvelli, ætlar ekki
bara að draga lið sitt úr keppni
heldur ætlar það einnig að hætta
að framleiða vélar í formúlubíla.
„Þessi erfiða ákvörðun var
tekin í ljósi þess erfiða umhverf-
is sem bílaframleiðendur búa við
þessa dagana sem og efnahags-
þrenginga í heiminum. Honda
verður að vernda verðmæti sín
og tryggja áframhaldandi rekst-
ur fyrirtækisins,“ sagði í yfirlýs-
ingu frá Honda.
Þessi niðurstaða er mikil von-
brigði fyrir Honda sem ætlaði
sér stóra hluti í Formúlunni og
hafði til að mynda ráðið til sín
Ross Brawn fyrir síðasta tímabil
en hann var aðalmaðurinn á bak
við sjö heimsmeistaratitla
Michael Schumacher.
Honda kom í Formúluna sem
keppnislið árið 2005 eftir að hafa
framleitt vélar fyrir British
American racing team fimm ár
þar á undan. Árangurinn lét aftur
á móti á sér standa og eini sigur
liðsins kom í ungverska kapp-
akstrinum árið 2006 sem Jenson
Button vann. Síðustu tvö ár hefur
svo lítið gengið. - hbg
Jenson Button og Rubens Barrichello án liðs eftir að Honda hætti í F1 í gær:
Heimskreppan kom illa við Honda
Í SKUGGANUM Jenson Button er
atvinnulaus sem stendur.
NORDIC PHOTOS/GETTY IMAGES
BOX Gulldrengurinn Oscar de la
Hoya stígur í hringinn í Las Vegas
í nótt og mætir þar Filippseyingn-
um Manny Pacquiao. Bardaginn
er í veltivigt en það er tveim
þyngdarflokkum hærra en Pacqui-
ao hefur áður barist. Sjálfur hefur
De la Hoya orðið heimsmeistari í
sex þyngdarflokkum.
„Ef maður heldur að andstæð-
ingurinn sé kraftlaus, hafi engan
hraða, sé minni og annað þá getur
allt farið á versta veg. Ég hef
verið að æfa mig líkt og ég sé að
mæta sjálfum King Kong,“ sagði
De la Hoya. „Þessi bardagi kallar
á rothögg. Ég mun boxa en ef hann
nær góðu höggi á mig þá verðir
þetta slagur.“
Þessi bardagi hefur verið kallaður
„Draumabardaginn“ en gagnrýn-
ismenn hafa sagt að bardaginn sé
lítið annað en skrípaleikur.
Hinn 35 ára gamli De la Hoya
hefur ekki keppt í veltivigt síðan
árið 2000 á meðan Pacquiao, sem
er 29 ára, er fyrrum fluguvigtar-
meistari sem hefur aldrei keppt
við þyngri menn en í léttvigt.
Veðmangarar í Las Vegas segja
aftur á móti að hann eigi mögu-
leika þó svo að De la Hoya sé tal-
inn miklu líklegri. Pacquiao hefur
sjálfur tröllatrú á að hann geti lagt
gulldrenginn.
„Ef maður færir fórnir og leyfir
sér að dreyma um bardaga þá
getur maður unnið,“ sagði Pacqui-
ao sem hefur unnið 47 bardaga og
tapað þremur. „Það verður skráð í
sögubækur ef ég ég vinn. Ég hef
trú á því að kraftur minn og hraði
geti unnið þennan bardaga. Þó svo
ég sé léttur er ég mjög kraftmik-
ill. Hraðinn er líka enn til staðar
þó svo að ég búinn að þyngja
mig.“
Bardaginn er í beinni á Stöð 2
Sport og hefst útsending frá Las
Vegas klukkan eitt í nótt en bar-
dagi þeirra félaga hefst líklega
um þrjú leytið.
- hbg
Svakalegur bardagi í nótt þegar Oscar de la Hoya mætir Manny Pacquiao:
De la Hoya æfði eins og hann
væri að fara að mæta King Kong
GULLDRENGURINN Oscar de la Hoya er einhver vinsælasti hnefaleikakappi allra tíma.
Hann hefur ekki gert margt merkilegt síðustu ár en fær kærkomið tækifæri í nótt til
þess að koma ferlinum á ról á nýjan leik. NORDIC PHOTOS/GETTY IMAGES
FÓTBOLTI Ryan Giggs hefur hvatt
John Toshack, landsliðsþjálfara
Wales, til þess að búa til landslið
í kringum hinn 17 ára gamla leik-
mann Arsenal, Aaron Ramsey.
„Aaron Ramsey er frábær
leikmaður og framtíð velska
landsliðsins snýst um að búa til
lið í kringum hann,“ sagði Giggs
sem fer ekki dult með álit sitt á
stráknum. „Ég sá strax að þarna
fór góður leikmaður með mikið
jafnvægi, góða snertingu og
sjálfstraust til þess að halda bolt-
anum. Hann hefur síðan hæfi-
leikann að geta búið eitthvað til.
Þetta eru eiginleikar sem menn
leita að,“ sagði Giggs. - hbg
Ryan Giggs er afar hrifinn af landa sínum:
Ramsey er framtíð Wales
AARON RAMSEY Þykir mikið efni.
NORDIC PHOTOS/GETTY IMAGES
Sun: 12-16