Fréttablaðið - 22.01.2009, Síða 14
14 22. janúar 2009 FIMMTUDAGUR
nær og fjær
„ORÐRÉTT“
Thorkil Sonne kynntist
heimi einhverfra þegar
hann eignaðist einhverfan
son. Hann komst að því að
fá tækifæri í atvinnulífinu
bjóðast einhverfum ein-
staklingum og tók ráðin í
sínar hendur, stofnaði fyrir-
tækið Specialisterne.
„Sonur minn Lars greindist með
einhverfu fyrir níu árum síðan,
þriggja ára gamall. Þegar ég fór
að skoða hvaða möguleika hann
ætti í framtíðinni þá fannst mér
þeir sorglega litlir,“ segir Thorkil
Sonne. Eftir að hafa kynnt sér ein-
hverfu fékk Thorkil þá hugmynd
að stofna fyrirtæki sem nýtti hæfi-
leika einhverfra, sem eru til að
mynda miklir einbeitingarhæfi-
leikar, miklir hæfileikar til að taka
eftir smáatriðum og miklir hæfi-
leikar til þess að hugsa á kerfis-
bundinn hátt.
Niðurstaðan varð fyrirtækið
Specialisterne sem hann stofnaði
fyrir fimm árum. „Segja má að
starfsemi Specialisterne sé tví-
þætt, annars vegar þjálfum við
starfsfólk með einhverfu, kynn-
umst þeim og komumst að hæfi-
leikum þeirra. Hins vegar tökum
við að okkur ýmiss konar verkefni
fyrir fyrirtæki, öryggisprófanir
og hugbúnaðarprófanir svo dæmi
séu tekin.“
Verkefnin sem Specialisterne
taka að sér henta einhverfum ein-
staklingum vel, betur en venju-
legu fólki sem skortir yfirleitt
hæfileikann til þess að einbeita
sér lengi og leita að smáatriðum.
„Einhverfir eiga yfirleitt í erfið-
leikum með félagslegu hliðina og
geta ekki unnið í hópvinnu eins og
mikil áhersla er á í atvinnulífinu,“
segir Thorkil en leggur áherslu á
að hæfileikar einhverfra geti ein-
mitt nýst einkar vel í atvinnulíf-
inu, aðalatriðið snúist um að finna
leið til að virkja þá.
Sjálfur hafði Thorkil unnið í
tölvugeiranum í fimmtán ár áður
en hann sagði starfi sínu lausu til
að stofna Specialisterne. „Þess
vegna vissi ég að í þeim geira væri
að finna verkefni sem myndu henta
einhverfum mjög vel.“
Byrjunin gekk brösuglega enda
segist Thorkil hafa stokkið pen-
ingalaus út í djúpu laugina án
þess að þekkja til fyrirtækjarekst-
urs. Einnig tók tíma að sannfæra
atvinnulífið um að einstaklingar
með „fötlun“ gætu unnið verkefni
jafn vel eða betur en „venjulegt“
fólk. „Fyrirtæki höfðu þá hugmynd
að ekki þyrfti að greiða sömu laun
fyrir verkið,“ segir Thorkil en
Specialisterne er fyrirtæki rekið
á samkeppnisgrundvelli og nýtur
engra styrkja.
Fyrirtækinu gengur vel
55 starfsmenn vinna hjá Specialist-
erne, þar af 40 einhverfir. Þar fyrir
utan eru 25 einhverfir einstakl-
ingar í þjálfun hjá fyrirtækinu.
Thorkil segir lykilatriði við vinn-
una með einhverfum að undirbúa
verkefnin vel og gefa starfsmönn-
unum skýr fyrirmæli. Reyndin
hafi síðan verið að flest verkefnin
eru unnin hjá fyrirtækjunum, sem
hafi komið á óvart vegna lélegrar
félagsfærni einhverfra. „En fólkið
sem við vinnum fyrir er yfirleitt
mjög ánægt með samstarfið og
segjast til dæmis læra af mikilli
vinnugleði okkar starfsmanna.“
Specialisterne hefur vakið mikla
athygli um heim allan og nú þegar
eru í undirbúningi svipuð fyrir-
Sérgáfur einhverfra nýtast í
THORKIL SONNE Ferðast um heiminn og kynnir fyrirtækið Specialisterne.
FRÉTTABLAÐIÐ/VILHELM
„Þetta var alveg hreint frábær helgi,“ segir Bryndís
Gunnlaugsdóttir, formaður Sambands ungra fram-
sóknarmanna, dösuð og sæl að loknu nýafstöðnu
flokksþingi framsóknarmanna sem hún tók ríkan þátt
í. „Undanfarnir tveir mánuðir hafa alfarið snúist um
undirbúning flokksþingsins og hef ég því lítið gert
annað. Núna er bara afslöppun fram undan.“
Bryndís segir ótrúlegan kraft hafa einkennt helgina
þegar hundruð framsóknarmanna komu saman og
er himinlifandi með hvernig allt gekk upp fyrir utan
„þessi tæknilegu mistök“. Á hún þar við þegar Hös-
kuldur Þór Þórhallsson var fyrir mistök fyrst kynntur
sem formaður flokksins í stað Sigmundar Davíðs
Gunnlaugssonar, réttkjörins formanns.
„Þarna náðum við framsóknarmenn að stilla saman
strengi. Við komum okkur saman um stefnu í Evr-
ópumálum og erum með nýja og glæsilega forystu.
Grasrótin sýndi að hún vill breyta til og fá nýja stefnu
í Framsóknarflokkinn, eða öllu heldur fara aftur
í það sem flokkurinn stendur fyrir; ungmenna-
félagshugsun, atvinnusköpun og samvinnu.“
Bryndís segir lífið snúast um Framsóknar-
flokkinn þessa dagana og því lítið annað
sem komist að fyrir utan körfubolta sem
hún æfir með íþróttafélaginu Ármanni.
„Núna ætla ég bara að slappa af og
safna orku. Svo er ég að fara í aðgerð
á föstudaginn vegna íþróttameiðsla og
mun taka mér vikufrí í kjölfarið til að jafna
mig. Það er gott að nýta tímann til að jafna
sig eftir flokksþingið og aðgerðina,“ segir
Bryndís sem gerir helst ráð fyrir því að
horfa á sjónvarpið þessa viku og þá
aðallega bíórásina.
HVAÐ ER AÐ FRÉTTA? BRYNDÍS GUNNLAUGSDÓTTIR, FORMAÐUR SUF:
Lífið snýst um Framsóknarflokkinn
„Ég fagna því að þessi maður skuli
vera að komast í þetta embætti,“
segir Margrét Margeirsdóttir,
formaður Félags eldri borgara, um
embættistöku Baracks Obama, 44.
forseta Bandaríkjanna.
„Hann boðar nýja tíma og fólk virð-
ist fagna mjög að hann skuli vera
á leiðinni í þetta embætti. Þetta
eru gríðarleg viðfangsefni sem bíða
hans. Eins og heimurinn er nú í dag
þá bindur maður vonir við að hann
muni láta gott af sér leiða.“
Um fyrirrennara Obama í embætti,
George W. Bush, segir Margrét hann
tæpast hafa stuðlað að friði í heim-
inum. „Enda sýna skoðanakannanir
í Bandaríkjunum að hann nýtur
lítilla vinsælda. En maður er að
vonast til að þarna verði breytt um
stefnu bæði í Bandaríkjunum og
eins í alþjóðamálum því þetta er nú
eitt valdamesta embætti veraldar.
Sá sem situr í þessu embætti getur
beitt áhrifum sínum og þessi nýi
forseti beitir þeim vonandi til góðs
fyrir mannkynið.“
SJÓNARHÓLL
EMBÆTTISTAKA OBAMA
MARGRÉT MARGEIRSDÓTTIR,
formaður Félags eldri borgara í
Reykjavík.
Forstjórar íslenskra upplýsingatæknifyrir-
tækja eru heillaðir af nálgun Specialisterne
en Thorkil Sonne kynnti fyrirtækið fyrir þeim
þegar hann var staddur hér á landi. Að sögn
Hjartar Grétarssonar, formanns Umsjónarfé-
lags einhverfra, voru fulltrúar Skýrr, Nýherja og
Hugur-x mjög hrifnir af starfsemi Specialist-
erne, sáu að íslensk upplýsingatæknifyrirtæki
gætu nýtt sér þjónustu þannig fyrirtækis og
bætt sína mannauðsstjórnun, bætt þjóðfélag-
ið og síðast en ekki síst fengið góða sérfræði-
vinnu fyrir sín fyrirtæki.
Hjörtur segir stjórn Umsjónarfélags einhverf-
ra hafa ákveðið að vinna að því að stofna
sjálfseignarstofnun eftir hugmyndafræði
Specialisterne. „Markmiðið verður að þjálfa
30 einstaklinga á hverju ári á næstu fjórum til
fimm árum og skapa fimmtán þeirra vinnu á
ári. Þetta eru einstaklingar sem hingað til hafa
verið atvinnulausir og ekki fengið tækifæri,“
segir Hjörtur sem vill fá fleiri aðila með í
samstarf, Vinnumálastofnun og tæknifyrirtæki.
„Við höfum fjármögnun í startið og þá er bara
að hefjast handa með verkefnið.“
ÍSLENSKIR SÉRFRÆÐINGAR Á DÖFINNI
Til góðs fyrir
mannkynið
HJÖRTUR
GRÉTARSSON
EINHVERF BÖRN GETA MÖRG NÝTT SÉR BÆÐI SÉRKENNSLU OG ALMENNA KENNSLU Sonur Thorkils, Lars, er til dæmis í sérskóla fyrir
einhverfa en sækir tíma í stærðfræði og tungumálum í venjulegum skóla. Myndin er úr heimildarmyndinni Sólskinsdrengurinn.
Koma tímar, koma ráð
„Formenn flokksins hafa ekki
verið launaðir fram að þessu,
en þetta er bara eitthvað sem
við þurfum að skoða.“
SIGFÚS I. SIGFÚSSON, FRAM-
KVÆMDASTJÓRI FRAMSÓKNAR-
FLOKKSINS, ER EKKI VISS HVORT
NÝKJÖRINN FORMAÐUR FLOKKSINS
FÁI GREITT FYRIR STARFIÐ.
Fréttablaðið, 21. janúar
Hæfilegar væntingar
„Obama er sá kandídat sem
ég taldi bestan fyrir Banda-
ríkin og veröldina alla.“
GUÐJÓN ARNAR KRISTJÁNSSON,
FORMAÐUR FRJÁLSLYNDRA, ER
SÁTTUR VIÐ BARACK.
Fjármálaráðgjöf fyrir þig
Kynntu þér málin á www.kaupthing.is, hafðu samband
í síma 444-7000 eða komdu við í næsta í útibúi Kaupþings.