Fréttablaðið - 22.01.2009, Side 41

FIMMTUDAGUR 22. janúar 2009 25
UMRÆÐAN
Jóhann J. Ólafsson skrifar um
efnahagsmál
Í því efnahagsástandi, sem þjóð-in býr við er nauðsynlegt að
málin séu tekin föstum tökum og
að stefnan sé markviss til endur-
reisnar efnahagslífsins. Það mætti
gefa þessu verkefni ákveðinn tíma,
t.d. fimm ár. Áætlun Alþjóðagjald-
eyrissjóðsins væri fyrsti þáttur
þessarar áætlunar:
1. Setjum okkur markmið.
2. Sækjum um aðild að ESB.
3. Leitum til Noregs, Svíþjóðar
eða Danmerkur um efnahags-
samvinnu.
4. Endurskipuleggjum stjórnsýslu
Íslands.
5. Gerum fimm ára aðgerðaráætl-
un.
Fyrst þarf að gera úttekt á stærð
efnahagsvandans. Hverjar séu
skuldir þjóðarinnar og tekjur.
Gera spá um ríkisrekstur til næstu
fimm ára. Áætla hve mörg ár við
höfum færst aftur á bak efnahags-
lega. Stilla efnahagslífið inn á það
ár og byrja upp á nýtt.
1. Við þurfum að setja okkur það
markmið sem þjóð að endur-
reisa orðstír Íslands og traust
á Íslendingum svo að það verði
það sama eða betra en þegar það
var best. Það gerist á þann hátt
að við eflum efnahagslíf okkar,
borgum skuldir og byggjum upp
gott traust og siðferði á öllum
sviðum.
2. Sækja þarf um aðild að ESB
til að styrkja stöðu krónunnar
og efnahagslífsins. Skipta svo
um mynt, til evru, til frambúð-
ar. Þetta mál tekur allt að fimm
ár. Það þarf að breyta stjórn-
arskránni og kjósa um málið,
sem allt tekur sinn tíma. Einnig
þarf þjóðin að venjast fastgeng-
isstefnunni, því það er mikið
átak að ná niður verðbólgunni.
Leita ætti eftir samstarfi við
Noreg, Færeyjar og Grænland í
þessu máli. Öll þessi lönd standa
frammi fyrir aðild eða ekki
aðild að ESB og væri það sjálf-
sögð kurteisi af okkar hálfu að
bjóða þeim til samstarfs og lík-
lega mjög gagnlegt. ESB ætlar
að endurskoða fiskveiðistefnu
sína 2012. Þá verður þýðingar-
mikið að þessi lönd legðust öll
á eitt til að hafa góð áhrif á þá
breytingu.
3. Til þess að flýta aðlögun okkar
að fastgengi og gera það trú-
verðugt ættum við að leita eftir
efnahagssamstarfi við Noreg til
fimm ára. Við fengjum að taka
upp norsku krónuna hér á landi
og bæði löndin hefðu sameigin-
legan seðlabanka þessi fimm ár.
Á þennan hátt næðum við verð-
bólgu og vöxt-
um hraðar niður
og gætum betur
einbeitt okkur
að endurreisn
efnahagslífs-
ins. Við hefð-
um betri stöðu
og tíma til að
semja við ESB.
Að fimm árum
liðnum gætum
við gengið í ESB
og tekið upp evru ef samningar
næðust.
4. Þessi fimm ár yrðu notuð til að
breyta ýmsu til betri vegar, end-
urskipuleggja stjórnsýslu lands-
ins og breyta stjórnarskránni.
Mikið er rætt um endurreisn
Alþingis og aðskilnað löggjaf-
arvalds, framkvæmdarvalds og
dómsvalds. Hægt væri án stjórn-
arskrárbreytingar að skilja að
löggjafarvald og framkvæmd-
arvald með því t.d. að ráðherr-
ar færu af þingi og létu vara-
menn taka sæti sín á Alþingi á
meðan. Spurning er hvort for-
menn flokkanna vildu þá frek-
ar vera þingmenn eða ráðherrar.
Einnig gætu núverandi stjórnar-
flokkar myndað utanþingstjórn.
Slík stjórn gæti verið þjóðstjórn.
þ.e.a.s. menn utan stjórnarflokk-
anna og utan þings gætu verið
ráðherrar í stjórninni, en núver-
andi ráðherrar sætu áfram á
Alþingi.
5. Gera þarf fimm ára aðgerðar-
áætlun um það hvernig og hve-
nær á að framkvæma þær
aðgerðir sem nauðsynleg-
ar eru. Áætlun um lækkun
vaxta, greiðslu skulda, minnk-
un atvinnuleysis, auknar gjald-
eyristekjur, lækkun ríkisskulda,
endurreisn fjármálakerfisins,
opinberar framkvæmdir, breyt-
ingar á kosningarlöggjöfinni,
jöfnun kosningarréttar, breyt-
ing stjórnarskrárinnar o.fl.
o.fl. Áætlunin verði birt öllum
landsmönnum og sé alltaf uppi
á borðinu og aðgengileg. For-
sætisráðherra haldi svo blaða-
mannafund einu sinni í mánuði
og skýri þjóðinni frá gangi mála.
Hann útskýri hvort okkur miði
áfram eða aftur á bak. Ef illa
gengur hvetur forsætisráðherra
þjóðina til að herða róðurinn en
samfagnar henni ef vel gengur.
Á þennan hátt fylgist þjóðin vel
með gangi mála og tekur sjálf
þátt í uppbyggingarstarfinu.
Slæm mál eru ekki eins kvíðvæn-
leg ef menn vita um þau og geta
farið að taka á þeim. Miklu verra
er ef menn verða aðeins að giska
á vandann og stærð hans en geta
ekkert gert nema kviðið slæmum
fréttum og beðið. Þjóðin er eins
og farþegar í stórum áætlunar-
bíl. Ef bíllinn festist í snjóskafli
eða aurbleytu verða allir að fara
út og ýta.
Höfundur er stórkaupmaður.
Hvað er til ráða?
JÓHANN J.
ÓLAFSSON
%40
Korputorgi. Opið: mán-fös kl. 11-19, lau kl. 10-18, sun kl. 12-18
af notu
ðum bí
lum
...og jaf
nvel me
ira!
Kíktu til okka
r í dag!
11-19 virka daga
BÍLAOUTLET
NOTAÐIR BÍLAR Á SPOTTPRÍS
KORPUTORGI
GERÐU EI
NSTÖK KA
UPÚTSALA
Fólksbíla
r Jepp
ar Sen
diferðab
ílar Litl
ir bílar
Stórir b
ílar Jep
plingar
Smábíla
r
...ég sá það á visir.is
Blaðberinn
bíður
þín
Þú færð Blaðberann þinn í
Skaftahlíð 24 alla virka daga
frá kl. 8-17.
...góðar fréttir fyrir umhverfið
Blaðberinn...