Réttur - 01.07.1927, Side 70

168
HEIMSPEKI EYMDARINNAR
[Rjettur
á að dafna óhindrað í »plani guðs«. Og þá er alt jafn-
gott, jafnrétt, jafnguðlegt. Eru þetta ekki rökréttar á-
lyktanir ?
Þér sögðuð oss, að guð þyrfti á öllum stjórnmála-
hreyfingum að halda til þess að fullkomna »plan« sitt.'?
Ágætt. Eg staðhæfi þá með sama rétti, að verk ræn-
ingja, þjófa, morðingja og hermanna eigi jafnmikinn
rétt á sér í »plani guðs« eins og siðferðiskenningar
yðar og trúarboðskapur Krishnamurtis. En ef þessu er
þann veg farið, þá er öll breytni vor og viðleitni siðlaus
* Annie Besant hefir reyndar sagt oss, að guð þurfi ekki á kap-
italisma Þjóðverja, að halda, til þess að fullkomna sköpunar-
verk sitt. Á styrjaldarárunum ritar hún grein í anda blind-
ustu þjóðhrokabelgja, sem birtist meðal annars í Bibby's
Annual, um tilgang landa sinna með styrjöldinni. Hana
klígjar ekki við að ljúga því upp í blóðuga ásýnd heimsins, að
Englendingar berjist fyrir friði, jafnrétti og bræðralagi þjóð-
anna. Þjóðverjar segir hún, að heyi styrjöldina af gagnstæð-
um hvötum. Og hún kórónar dómgreindarleysi sitt með því að
skora á öll siðferðis- og vitsmunaöfl mannkynsins að standa
Englendinga megin í styrjaldaræðinu. í það sinn máttu guð-
spekingar taka afstöðu til stórpólitíkur auðvaldsins. En ég
hefi ekki enn þá heyrt þess getið, að jafnréttis- og bræðra-
lagshugsjónir enska auðvaldsins hafi svift yður Indverjana og
verksmiðjuþrælana í Kína þeim náðarmeðulum andlegrar og
efnalegrar eymdar, sem það hefir helt ofan í yður með þjófn-
aði, kúgun og ránum. Og hervaldsæði Breta síðustu árin og
hinar bjánalegu ofsóknir þeirra í garð rússneska jafnaðar-
mannaríkisins sýna deginum ljósar, að Annie Besant var
lélegri spámaður í stríðsvitfirringunni en postular, sem venju-
lega eru taldir að vera af þessum heimi, svo sem MacDonald,
Eugen Debs og Jean Jaurés. Guð og menn vita, að engin
styrjaldarþjóðanna barðist fyrir neinu háleitara en auði og
völdum.