Réttur - 01.02.1942, Qupperneq 36

30 milljón króna verðhækkun á tollskyldum vörum
fyrir opinberar aðgeröir.
Onnui- þingmál.
Helzta stjórnarfrumvarpið er um nýja breytingu
á skattalögunum. Samkvæmt frumvarpinu skal skatt-
urinn nú lagður á tekjurnar áður en tekjuskattur
og útsvar fyrra árs eru dregin frá þeim, og er það
framför. Á síðasta þingi lagði Sósíalistaflokkurinn
til að horfiö yrði að því fyrirkomulagi og var það
þá fellt með öllum atkvæðum gegn atkvæðum þing-
manna flokksins.
Að öðru leyti er frumvarp þetta til mikils hagræðis
fyrir stríðsgróðamennina. Það sem lagt er í varsjóð
skal nú vera með öllu skattfrjálst og er það Vá af
tekjum útgerðarfélaga og Ys af tekjum annarra fé-
laga áður en skattar eru frá dregnir. Með þessu
fyílrkomulagi er félögunum gefnar miklu frjálsari
hendur um arösúthlutun en áður var. Hitt er þó
aðalatriðið að tekjur yfir 200 þúsund krónur skulu
vera með öllu útsvarsfrjálsar. í stað þess fá bæjar-
og hreppsfélögin nokkurn hluta af stríðsgróðaskatt-
inum svokallaða.
Flokkarnir hafa frjálsar hendur um breytingar
við skattafrumvarpið og má því búast við að það
verði enn hagkvæmara fyrir hátekjumpnn, er það
verður afgreitt frá Alþingi.
Sósíalistaflokkurinn flytur tvö tryggingarfrum-
vörp, sem fela í sér tillögur um miklar hagsbætur
og aukið efnahagslegt öryggi fyrir almenning. Ann-
að frumvarpið fjallar um elli- og örorkutryggingar.
Samkvæmt því skal Lífeyrissjóður íslands koma til
fullra framkvæmda nú þegar og öllum öryrkjum og
gamalmennum 67 ára og eldri tryggður lögákveð-
inn árlegur lífeyrir, sem greiðist mánaöarlega, með
36