Réttur - 01.08.1952, Blaðsíða 57

RÉTTUR
249
vörum, þar á meðal nýmjólk, olíu og benzíni, svo og farm-
gjöld, þannig að vísitalan lækkaði um rösk 5 stig. Þá
skyldi kaup verkamanna, lægra en 1830 króna grunnlaun á
mánuði, greiðast með vísitölunni 158 í stað 153 áður, þ. e.
með 5 vísitölustiga álagi. Kaup allt að 2200 kr. á mánuði
greiðist með vísitölunni 153 en á þann hluta launanna
sem er þar fram yfir greiðist sama vísitöluálag og áður.
Fjölskyldubætur skyldu greiðast með 2. og 3. barni, 612 kr.
og 918 kr. miðað við vísitöluna 153. Orlof lengist úr 12
virkum dögum í 15 daga.
Um morguninn samdægurs og samningurinn var undir-
ritaður skýrði Alþýðublaðið frá samningnum og birti hann.
Var það allt annar samningur en sá, sém hafði verið undir-
ritaður í raun og veru. Samkvæmt honum skyldi kaup ekki
hækka vegna aukins vísitöluálags, og munar þetta 1104
krónum á ári fyrir verkamann með Dagsbrúnarkaupi. —
Þennan samning hafði sáttanefnd borið upp kvöldið áður, en
samninganefnd verkalýðsfélaganna hafnað, þrátt fyrir
vonbrigði og taugaóstyrk aðalfulltrúa Alþýðuflokksins í
nefndinni, hins nýkjörna formanns. — Engum blöðum var
um það að fletta, að Alþýðuflokkurinn og ríkisstjórnin
höfðu gert með sér baksamning daginn áður, og svo ör-
uggt var Alþýðublaðið mn, að það tækist að klúfa fylking-
una á þessum forsendum og leiða verkfallið þannig til ósig-
urs, að það birti samninginn orðréttan, eða þann hluta hans,
er tók til kjarasamninga verkamanna.
Verkfall þetta var mikill pólitískur sigur fyrir verkalýðs-
samtökin og mikill ósigur fyrir ríkisstjórnina. Ríkisstjórn-
in neyddist til að setja löggjöf, sem hún áður hafði talið
fráleita og að taka upp á fjárlög milljónaframlög, sem
allt lið hennar hafði áður fellt. Hún var neydd til að láta fé
af hendi, sem hún hafði áður fullyrt að ekki væri til, og
hún var neydd til að framkvæma verðlækkanir, sem hún
hafði áður talið óframkvæmanlegar. Hefði rýtingsstunga
Alþýðuflokksins ekki komið til þegar verst gegndi, hefði