Réttur - 01.05.1937, Síða 41

voði ógnar Danmörku utan að, svo að fá smáríki eru
þar hættara stödd. Þessi voði stafar sunnan frá Þýzka-
landi. Það er alkunna, að hugur nazista. stendur til
Suður-Jótlands og að þeir ætla sér að nota fyrsta tæki-
færi, sem býðst, til að leggja það land un'dir Þýzka-
land á ný. Þá er það og vitað, að þýzka herforingja-
ráðið hefir tilbúna áætlun um skyndiárás á Danmörku
í upphafi væntanlegrar styrjaldar, til þess að ná yfir-
ráðum á siglingaleiðunum um dönsku sundin og þó
líklega fyrst og fremst til þess að komast yfir mat-
vælaauðlegð landsins og gera það að forðabúri þýzka
hersins. Reynsla síðustu styrjaldar sýndi, að Þýzka-
land megnaði ekki til langframa að veita landslýðn-
um viðunanlegt viðurværi og fæða milljónaher, og
þetta hefir ekki breytzt til verulegra muna síðan. Að
vísu hafa Þjóðverjar að undanförnu lagt sérstakt
kapp á framleiðslu uppbótarnæringarefna, með tilliti
til komandi stríðs, en í fyrsta lagi geta þau aldrei
komið að fullu í stað náttúruefnanna, og í öðru lagi
hlýtur hin gífurlega verðmætaeyðsla næstu styrjaldar
að setja matvælaframleiðslu Þjóðverja mjög þröng
takmörk. Það er því lítill vafi á því, að árásin á Dan-
mörk yrði eitt af fyrstu verkefnum þýzka hersins, ef
til átaka kæmi, og að hún yrði framkvæmd í ákafleg-
legasta skyndi og með fyllsta miskunnarleysi, til þess
að allt yrði um garð gengið, áður en til dæmis Eng-
lendingar gætu komið í veg fyrir hernámið.
Með tilliti til þessa alls hlýtur ræða Staunings for-
sætisráðherra að vekja sérstaka athygli, sú er hann
hélt í Lundi fyrir nokkru, þar sem hann sagði, að hug-
myndin um varnarbandalag Norðurlanda gegn fas-
isma væri ekki annað en loftkastalar, sem orðið gætu
til þess að særa fram nýjar hættur fyrir þessi lönd.
Þessi hugmynd hefir nú samt sem áður unnið sér mik-
ið fylgi um öll Norðurlönd, því að auðséð er, að Dan-
mörk væri algerlega ósjálfbjarga gagnvart árás naz-
istahersins, en hinsvegar er það staðreynd. að nazistar
121