Réttur


Réttur - 01.08.1987, Blaðsíða 63

Réttur - 01.08.1987, Blaðsíða 63
MAGNÚS KJARTANSSON: Che Guevara í Rómönsku Aineríku lifa frásagnir og minningar um hetjur og píslarvotta, um byltingarleiðtoga, sem risu gegn ofurefl- inu og féllu í baráttu sinni fyrir fegurra og réttlátara mannífi. í þennan fjölmenna hóp hefur nú beitzt nýtt nafn, ef til vill stærst þeirra allra, Ernesto Che Guevara. Raunar verður minningin um Guevara engin séreign rómönskra Ameríkuþjóða; saga hans er nátengd þeirri baráttu sem skipta mun sköpum á næstu áratugum, baráttu snauðra og fátækra þjóða í Amer- íku, Afríku og Asíu fyrir jafnrétti og frelsi. Ernesto Che Guevara var ekki fulltrúi þeirrar vonlausu hetjubaráttu sem löng- um hefur verið háð í Rómönsku Amer- íku. Hann náði því marki að breyta von- unum úr fjarlægum draumum í nærtæk viðfangsefni. Hann var einn af tólfmenn- ingunum sem lágu í felum á Pico Turq- uino, hæsta tindi Kúbu, í ársbyrjun 1957, í ríki Batista einræðisherra sem hafði yfir að ráða 50.000 manna her, búnum full- komnustu morðtækjum bandarískra her- gagnaverksmiðja. Tveimur árum síðar voru þeir samherjarnir, Ernesto Che Guevara, Fidel Castro og félagar þeirra, orðnir ráðamenn Kúbu; þeir höfðu hrundið voldugum einræðisherra úr sessi og boðið mesta herveldi heims byrginn með fullum árangri. Ernesto Che Gue- vara biðu þar mikil verkefni, hann varð þjóðbankastjóri og síðar iðnaðarmála- ráðherra; raunar var hann árum saman hinn eiginlegi forsætisráðherra Kúbu, sá sem öðrum fremur skipulagði endurreisn- arstarfið. En Ernesto Che Guevara taldi öll rómönsk Ameríkuríki föðurland sitt; hann var Argentínumaður að uppruna; hann hafði tekið þátt í baráttu Guatemala gegn bandarísku valdaráni; hann hafði ferðazt um flest lönd rómönsku Ameríku og þekkti öðrum betur kjör þeirra 200 milljóna manna sem þar búa. Hann taldi byltinguna á Kúbu aðeins áfanga annarr- ar og stærrri byltingar. Hann vann í sí- fellu að þeirri frelsisbaráttu, samdi bók um skæruhernaðinn á Kúbu og lagði á ráðin um það hvernig unnt væri að betia hliðstæðum aðferðum í öðrum ríkjum Ameríku. En hann lét sér ekki nægja að leggja á ráðin. Snemma árs 1965 hvarf hann frá völdum sínum og metorðum og tók upp baráttu með skæruliðum í Andesfjöllum, við hlið „hinna arðrændu og fyrirlitnu þegna Rómönsku Ameríku." Eflaust hrósa bandarískir valdamenn og erindrekar þeirra sigri þegar Che er fallinn. En slíkur maður verður ekki felldur; minning hans og fordæmið blikna ekki. Hann sannaði með lífi sínu að hinir vopnlausu og snauðu geta sigrað ofurefl- ið; hann dó til þess að leggja áherzlu á þau brýnu sannindi að þeir sem sigra mega ekki gleyma félögum sínum. 175
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Réttur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Réttur
https://timarit.is/publication/319

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.