Morgunblaðið - 26.02.2006, Page 32

32 SUNNUDAGUR 26. FEBRÚAR 2006 MORGUNBLAÐIÐ
TÓNLISTARSKÓLINN áAkureyri er 60 ára og afþví tilefni verða tón-leikar í Glerárkirkju ídag, sunnudaginn 26.
febrúar kl. 16 þar sem nemendur
sem langt eru komnir í námi leika
með Sinfóníuhljómsveit Norður-
lands.
Tónlistarskólinn á Akureyri er
stærsti tónlistarskólinn utan höfuð-
borgarsvæðisins og gegnir mikil-
vægu hlutverki í bæjarfélaginu seg-
ir Kaldo Kiis starfandi skólastjóri.
Nemendur eru um 460 talsins og er
starfseminni skipt upp í tvær deild-
ir, áfangadeild þar sem eru 344
nemendur og almenna deild en á
þeirri fyrrnefndu er kennt eftir
námsskrá og meiri kröfur gerðar til
nemenda. Flestir byrja á almennu
brautinni, þar sem þeim gefst kost-
ur á að kynnast tónlistarnámi og fá
að feta sig áfram og leita eftir
hvaða hljóðfæri á best við viðkom-
andi. Kaldo segir að eftir því sem
áhugi nema aukist, þeir sýni fram-
farir, færni og ástundun geti þeir
færst yfir á áfangabrautina þar sem
kröfur til þeirra aukist til muna og
þeim gert að sækja tíma í kjarna-
greinum, samspili og leika í hljóm-
sveitum. „Þá er líka ætlast til þess
að nemendur komi fram á tónleik-
um og lengra komnir nemar fá
tækifæri til að spreyta sig með Sin-
fóníuhljómsveit Norðurlands,“ segir
Kaldo.
Þá er einnig boðið upp á tónlist-
arforskóla í öllum grunnskólum
bæjarins, fyrir nemendur í 1. og 2.
bekk en að auki er gott samstarf við
framhaldsskólana í bænum, Tónlist-
arskólinn starfrækir tónlistarbraut-
ir í samvinnu við þá.
Kennt er á öll hljóðfæri sem eru í
virkri notkun í tónlistarlífi samtím-
ans segir Kaldo en einnig er hægt
að nema allar nauðsynlegar tón-
fræðigreinar. Þá rekur skólinn öfl-
uga söngdeild og nýverið hófst
kennsla í djass- og dægurlagasöng
við skólann. Þá má nefna að við
skólann er alþýðutónlistardeild,
sem er að sögn skólastjóra fremur
fátítt í rekstri tónlistarskóla hér á
landi. Deildin hefur vaxið ört á liðn-
um árum en áhersla er þar lögð á
popptónlist og djass.
Kaldo segir að við skólann starfi
hæfir kennarar, en þó sé oft erfitt
að fá gott fólk til starfa. Með til-
komu Sinfóníuhljómsveitar Norður-
lands skapist fleiri tækifæri til að
takast á við ögrandi verkefni og það
auðveldi að fá færa kennara til
starfa. „Samstarf milli tónlistarskól-
ans og hljómsveitarinnar hefur alla
tíð verið náið og það eflir starfsemi
beggja, kennarar fá gott tækifæri
til að koma fram og spila á vett-
vangi þar sem ríkir metnaður og
vandað er til allra hluta. Það virkar
hvetjandi fyrir hljóðfæraleikarana
og eykur möguleika okkar á að fá
góða kennara norður,“ segir Kaldo.
Menningarmiðstöð á Norðurlandi
Tónlistarskólinn hefur á þeim 60
árum sem liðin eru frá stofnun hans
fóstrað marga meðlimi í bæði Sin-
fóníuhljómsveit Íslands og Sinfón-
íuhljómsveit Norðurlands og fjöl-
marga tónlistarmenn aðra sem
þekktir eru á sínum vettvangi.
Lausleg könnun sem gerð var árið
1998 leiddi í ljós að meira en eitt
hundrað nemendur frá Tónlistar-
skólunum á Akureyri höfðu hljóð-
færaleik eða tónlistarkennslu að að-
alstarfi sínu um lengri eða skemmri
tíma.
„Tónlistarskólinn er menningar-
miðstöð á Norðurlandi, við eigum
samskipti við fjölmarga hér á svæð-
inu og starfsemi er mjög mikilvæg
hér í bæjarfélaginu,“ segir Kaldo.
„Skólinn og starfsemi hans hefur
sett mikinn svip á bæjarlífið í þau
60 ár sem hann hefur verið starf-
andi, kennarar og nemendur hafa
verið bakhjarlar þess öfluga tónlist-
arlífs sem blómstrar í bænum.“
Skólinn hafi í áranna rás breyst
líkt og samfélagið allt en til að hann
nái að vaxa og dafna og blómstra
sem aldrei fyrr sé nauðsynlegt að
allir vinni vel saman, nemendur,
kennarar, stjórnendur og stjórn-
málamenn. Það samstarf megi bæta
að hans mati. „Síðast en ekki síst
þarf skólinn að eiga gott samstarf
við foreldra, það er afar mikilvægt.
Þegar foreldrar sýna áhuga og að-
hald við tónlistarnám barna sinna
næst mun betri árangur en ef þess
nyti ekki við. Þátttaka foreldra og
samtaka þeirra er skólanum gríð-
arlega mikilvæg, þeir eru mjög ötul-
ir m.a. í æfingabúðum, ferðalögum
og öðrum uppákomum sem efnt er
til og skapa skólanum nauðsynleg
og mikilvæg tengsl við samfélagið,“
segir Kaldo.
Hann nefndi sem dæmi að for-
eldrafélag blásaradeildar muni taka
þátt í að skipuleggja Norðurlands-
mót blásarasveita í byrjun apríl, en
slíkt mót var haldið í fyrsta sinn í
fyrra og tókst vel.
Annars nefndi Kaldo að aðsókn
að blásaradeild tónlistarskólans hafi
minnkað, það sé þó ekki bara
vandamál nyrðra, heldur um land
allt. Nú sé í tísku að læra á gítar,
einkum rafmagnsgítar og slagverk,
„þær deildir eru yfirfullar og færri
komast að en vilja,“ segir hann en
nú eru t.d. um 30 nemendur á bið-
lista eftir að komast að til að læra á
gítar. „Það hafa margir áhuga fyrir
að leika í hljómsveit, nú þykir frek-
ar hallærislegt að læra á blásturs-
hljóðfæri, en töff að spila á gítar.
Við verðum að hvetja fleiri krakka
til að læra og spila á blásturshljóð-
færi og sýna þeim fram á að það
getur verið afar skemmtilegt.“
Haldið upp á 60 ára afmæli Tónlistarskólans á Akureyri með tónleikum í Glerárkirkju
Skólinn gegnir mikil-
vægu hlutverki í bænum
Morgunblaðið/Skapti Hallgrímsson
Æft af kappi: Hluti nemenda skólans, sem leika með Sinfóníuhljómsveit Norðurlands á tónleikunum, æfir sig í vikunni.
Kaldo Kiis: Afar mikilvægt að skólinn eigi gott samstarf við foreldra nemenda.
maggath@mbl.is
Tónlistarskólinn á Akureyri
er menningarmiðstöð á
Norðurlandi. Margrét Þóra
Þórsdóttir spjallaði við
Kaldo Kiis, starfandi skóla-
stjóra, í tilefni 60 ára af-
mælis skólans.
HNIGU heilög vötn af him-
infjöllum.“ Þessa tilvitnun í Völs-
ungakviðu notaði Þórarinn Björns-
son, fyrsti formaður skólastjórnar
Tónlistarskólans á Akureyri, í
ávarpi sínu við fyrstu skólasetningu
hans. Kvaðst hann vona að þegar
tímar liðu mætti heimfæra tilvitn-
unina upp á þau áhrif sem skólinn
myndi hafa á tónlistarlíf og menn-
ingu bæjarins. Ljóst er af þeim já-
kvæðu áhrifum sem skólinn hefur
haft á þeim vettvangi að tilvitnunin
átti vel við.
Starfsemi Tónlistarskólans á Ak-
ureyri hófst 20. janúar árið 1946.
Þremur árum fyrr, 1943, var Tón-
listarfélag Akureyrar stofnað en á
stefnuskrá þess var m.a. að stofna
og reka tónlistarskóla. Ef til vill má
rekja upphafið að Tónlistarskól-
anum til ársins 1922, en þá rak Mús-
íkfélag Akureyrar tónlistarskóla í
bænum sem starfaði í eitt og hálft ár
undir leiðsögn og stjórn þýska pí-
anóleikarans Kurt Haser. Árangur
þess starfs hefur eflaust ýtt undir
stofnun núverandi skóla. Tónlistar-
félagið auglýsti eftir kennara og
nemendum fyrir tónlistarskólann
haustið 1945, en einmitt á sama tíma
hafði Karlakórinn Geysir unnið að
stofnun tónlistarskóla í bænum. Ým-
is tónlistarfélög í bænum stofnuðu
sameiginlega rekstrarfélag, Tón-
listarbandalag Akureyrar sem átti
að vera ábyrgt fyrir rekstri og
stjórnun skólans og þannig var skól-
inn rekinn, sem sjálfeignarstofnun,
allt til ársins 1986. Það ár tók Ak-
ureyrarbær alfarið við rekstri og
stjórn Tónlistarskólans á Akureyri
með sérstakri skólanefnd sem skip-
uð var fulltrúum allra flokka í bæj-
arstjórn. Yfirstjórn skólans var svo
flutt til skólanefndar Akureyrar ár-
ið 1998.
Fyrsti skólastjóri Tónlistarskól-
ans á Akureyri var Margrét Eiríks-
dóttir píanókennari, en á fyrsta
starfsárinu var 27 nemendum kennt
á píanó. Margrét gegndi starfinu í
fjögur ár en þá tók Jakob Tryggva-
son við, hann var skólastjóri allt til
ársins 1974. Soffía Guðmundsdóttir
var skólastjóri 1972-73, Jakob fékk
þá starfsleyfi. Jón Hlöðver Áskels-
son var svo skólastjóri frá 1974 til
ársins 1982, Atli Guðlaugsson tók
við næstu tvö ár eða þangað til Jón
Hlöðver sneri aftur til starfa, en
hann lét svo af starfi skólastjóra ár-
ið 1991. Þeir Kristinn Örn Krist-
insson og Roar Kvam leystu Jón af
vegna veikinda hans, en Michael Jón
Clark var settur skólastjóri 1991-92.
Þá um haustið var Guðmundur Óli
Gunnarsson ráðinn skólastjóri og
gegndi stöðunni í fimm ár. Atli Guð-
laugsson var skólastjóri um tveggja
ára skeið en frá árinu 1999 hefur
Helgi Þ. Svavarsson verið við stjórn-
völinn.
Æfingin skapar meistarann. Nemendur í Tónlistarskólanum á Akureyri æfa fyrir afmælistónleikana í dag.
Hnigu heilög vötn
af himinfjöllum