Morgunblaðið - 28.08.2006, Blaðsíða 2

2 MÁNUDAGUR 28. ÁGÚST 2006 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
Yf i r l i t
Í dag
Veður 8 Minningar 30/35
Staksteinar 8 Dagbók 40
Vesturland 17 Myndasögur 40
Erlent 15 Víkverji 44
Daglegt líf 18/23 Staðurstund 42/43
Menning 36/39 Leikhús 38
Forystugrein 24 Bíó 42/45
Umræðan 26/29 Ljósvakar 38
* * *
Innlent

Fangavörður á Litla-Hrauni var
handtekinn sl. laugardag með tals-
vert af fíkniefnum sem hann hugðist
afhenda föngum. Grunur leikur á að
maðurinn hafi farið fleiri en eina ferð
með fíkniefni inn í fangelsið, en hann
hefur starfað sem afleysinga-
fangavörður í sumar. Maðurinn hef-
ur verið úrskurðaður í vikulangt
fangelsi. » 1

Fíkniefnasmygl komst upp á
Keflavíkurflugvelli á fimmtudaginn
var. Þriggja manna fjölskylda, hjón á
fertugsaldri með barn á þriðja ári,
var stöðvuð við komuna til landsins
frá Kaupmannahöfn. Við leit reynd-
ist fjölskyldufaðirinn hafa gleypt
hálft kíló af hassi. Telur lögreglan að
fólkið hafi vonast til að það yrði síður
stöðvað vegna barnsins sem með var
í för. » 56

Banaslys varð þegar eldri kona
varð fyrir bíl í Keflavík síðdegis í
gær. Hún lést á slysadeild Landspít-
ala – háskólasjúkrahúss skömmu eft-
ir komuna þangað. Í ár hafa 18
manns farist í umferðarslysum en
rúmlega þriðjungur banaslysanna
hefur orðið í þessum mánuði. »1

Jarðakaup hafa verið algeng í
Vopnafirði undanfarin ár og eru
bændur almennt á því að hækkandi
verð á jörðum sé til góðs. Bændur
eigi þó erfiðara með að kaupa land til
viðbótar vilji þeir stækka bú sín. »12

Vélhjólamenn voru stöðvaðir um
helgina skammt fyrir ofan Hraun-
eyjar. Voru vélhjólamennirnir hluti
af stórum hópi vélhjólamanna sem
höfðu verið á ferð á hálendinu að
Fjallabaki en kvartanir höfðu borist
um að hópurinn hefði ekið utan vega.
»4

Þrjár sprengingar urðu í Marm-
aris í Tyrklandi í fyrrakvöld. Ein af
sprengjunum sprakk skammt frá
hóteli þar sem 30 Íslendingar búa.
Enginn beið bana en 16 ferðamenn
særðust. »56
Erlent

49 manns fórust þegar flugvél
hrapaði skömmu eftir flugtak í Ken-
tucky í Bandaríkjunum í gærmorg-
un. Aðstoðarflugmaðurinn lifði af en
slasaðist lífshættulega. Yfirvöld
rannsökuðu hvort vélin hefði notað of
stutta flugbraut. »15

Hassan Nasrallah, leiðtogi Hiz-
bollah-hreyfingarinnar í Líbanon,
gaf til kynna í sjónvarpsviðtali í gær
að hann iðraðist þess að hafa fyr-
irskipað liðsmönnum sínum að ræna
ísraelskum hermönnum í áhlaupi
sem varð til þess að Ísraelar hófu 34
daga mannskæðan hernað í Líbanon.
»1

Herskár hópur Palestínumanna
sleppti í gær tveimur starfsmönnum
bandarískrar sjónvarpsstöðvar eftir
að hafa haldið þeim í gíslingu í tæpar
tvær vikur. Mannræningjarnir
neyddu gíslana til að snúast til ísl-
amskrar trúar með því að ógna þeim
með byssum. »15

Súrt regn féll á um þriðjung land-
svæða Kína á síðasta ári, samkvæmt
nýrri skýrslu. Þar kemur einnig fram
að Kínverjum hefur ekki tekist að
draga úr vatns- og loftmengun, held-
ur hefur hún þvert á móti stóraukist
vegna ört vaxandi iðnaðar. »15
GYLFI Arnbjörnsson, framkvæmda-
stjóri ASÍ, segir að nýleg könnun
starfsgreinasambands Danmerkur,
Fagligt, Fælles Forbund (3F), end-
urspegli sömu afstöðu og hann finni
meðal félagasmanna ASÍ. Í könnun-
inni var fólk spurt hvort það vildi
halda aftur af launakröfum sínum
með hagsmuni samfélagsins í huga,
en 54% daglaunafólks svöruðu spurn-
ingunni neitandi.
„Niðurstaðan kemur ekki á óvart.
Það sem við höfum verið að benda á í
umræðunni um ofurlaun undanfarin
ár er að forsenda fyrir stöðugleikan-
um og forsendan fyrir því að launa-
fólk sé reiðubúið til semja á þjóðhags-
lega ábyrgan hátt, er að um það ríki
breið samstaða milli ríkisvaldsins,
verkalýðsfélaganna og atvinnurek-
enda. Við höfum haft áhyggjur af því
að hið sama gerist hér á landi; að al-
menningur missi tiltrú á þessu þrí-
hliða samstarfi og geri hið sama og
stjórnendur. Hugsi bara um sína
hagsmuni til skamms tíma og láti aðra
um að huga að langtímaáhrifunum.
Af umræðunni, og þeim
óánægjuröddum sem við heyrum inn-
an okkar raða, má marka að mjög
svipað er í gangi hjá okkur,“ segir
Gylfi.
Ógnar stöðu fyrirtækjanna
Gylfi segir ennfremur að þessi vax-
andi óánægja sé skiljanleg.
„Þegar stjórnendur hafa ekki þol-
inmæði til að huga að þessari sam-
stöðu til lengri tíma, hvers vegna ætti
almenningur þá að gera það.
Þá er mikil hætta í þessari þróun
fyrir stöðu fyrirtækjanna. Þessi
meinti ofurhagnaður sem fyrirtækin
hafa verið að sýna, og menn segja að
sé tilkominn vegna ótrúlegra stjórn-
unarhæfileika, er fyrst og fremst af-
leiðing stöðugleikans. Ef hann væri
ekki fyrir hendi þá myndi ég ekki
bjóða í hæfileika þessara ofurstjórn-
enda,“ segir Gylfi.
„Verið að grafa undan
stöðugleikanum“
Framkvæmdastjóri ASÍ segir samstöðu um ábyrga samn-
inga stafa ógn af ofurlaunum stjórnenda
TRÉ ársins var kynnt við hátíðlega
athöfn á laugardaginn en útnefningin
tengdist aðalfundi Skógræktarfélags
Íslands sem haldinn var um helgina í
Hafnarborg í Hafnarfirði. Tré ársins
2006 er afar sérstæð 84 ára gömul
gráösp við Austurgötu 12 í Hafn-
arfirði, ein örfárra á Íslandi. Sam-
kvæmt upplýsingum frá Skógrækt-
arfélagi Íslands var tréð afar hætt
komið í óveðri fyrir aldarfjórðungi en
þá lagðist það upp að steyptum vegg
sem það óx upp með og hefur síðan þá
vaxið út frá veggnum.
Magnús Jóhannesson, formaður
Skógræktarfélagsins, afhenti Birnu
Loftsdóttur, forsvarskonu sameign-
arfélags sem á eignina sem tréð
stendur á, viðurkenningarskjal og lék
Lúðrasveit verkalýðsins nokkur lög.
Morgunblaðið/ Jim Smart
Gráösp Tré ársins 2006 er eitt örfárra sinnar tegundar á Íslandi.
Tré ársins 2006 útnefnt TÆPLEGA fimmtugur karlmaður
lést í vinnuslysi á athafnasvæði Ís-
lenska gámafélagsins á Álfsnesi við
Kollafjörð á laugardag.
Að sögn lögreglunnar í Reykja-
vík rann stór flutningabíll sem mað-
urinn ók, svokölluð búkolla, aftur-
ábak fram af bakka þar sem hún
valt og lenti maðurinn undir bif-
reiðinni. Engin vitni voru að slys-
inu. Maðurinn var látinn þegar
vinnufélagar hans komu að honum.
Banaslys
á Álfsnesi
♦♦♦
STEFÁN Karl Stefánsson, leikari
og stofnandi Regnbogabarna, opnaði
formlega nýja heimasíðu samtak-
anna í Kringlubíói í gær. Var opn-
unin í tengslum við sérstaka forsýn-
ingu á myndinni Maurahrellinum
(Ant Bully) en forsvarsmenn Regn-
bogabarna telja boðskapinn í mynd-
inni eiga erindi við bæði börn og full-
orðna. Hann geti orðið til þess að
fleiri átti sig á þeim skelfilegu afleið-
ingum sem einelti getur haft.
Um tvö hundruð börn komu á for-
sýninguna og aðstoðuðu Stefán Karl
við niðurtalningu að opnun síðunnar.
Tilheyrir hluti barnanna hópi fórn-
arlamba eineltis sem Regnbogabörn
hafa unnið náið með undanfarin ár
en einnig voru í hópnum börn sem
unnu til verðlauna í leik á vegum Ey-
mundssonar og fengu að bjóða öllum
bekknum sínum með á myndina.
Morgunblaðið/ Jim Smart
Stefán Karl Regnbogabörn buðu
um tvö hundruð börnum í bíó.
Regnboga-
börn opna
nýjan vef
TENGLAR
..............................................
www.regnbogaborn.is
»Í könnun danska starfsgreina-sambandsins neita 54% dag-
launamanna að slá af launakröfum
sínum þó að það þjóni hagsmunum
samfélagsins.
»Gylfi Arnbjörnsson, fram-kvæmdastjóri ASÍ, segir að
sama viðhorf fari vaxandi meðal fé-
lagsmanna ASÍ.
Í HNOTSKURN