Morgunblaðið - 28.08.2006, Blaðsíða 6

6 MÁNUDAGUR 28. ÁGÚST 2006 MORGUNBLAÐIÐ
FRÉTTIR
STAÐA framkvæmdastjóra Nor-
rænu ráðherranefndarinnar verð-
ur laus frá og með næstu áramót-
um. Íslendingur hefur aldrei
gegnt stöðu framkvæmdastjórans
frá því Norræna ráðherranefndin
var stofnuð árið 1971. Ekki hefur
verið tekin ákvörðun um hvort Ís-
land býður fram umsækjanda um
stöðuna en Snjólaug Ólafsdóttir,
skrifstofustjóri Norðurlandaskrif-
stofu, segir að ef Ísland býður
fram mann eigi það að vera okkur
í hag að Íslendingar hafa aldrei
átt mann í þessari stöðu.
Önnur lönd hafa ákveðið að
bjóða fram mann í stöðuna
Núverandi framkvæmdastjóri,
Per Unckel frá Svíþjóð, hefur
ákveðið að hætta í lok þessa árs
eftir fjögurra ára starf.
Snjólaug segir að Norðurlöndin
skiptist ekki á um að leggja til
framkvæmdastjóra nefndarinnar.
„Starfið er ekki auglýst laust til
umsóknar en ef við ákveðum að
verða með kandidat ætlumst við
til að tekið verði tillit til þess,
ásamt öðru, að við höfum ekki
verið með framkvæmdastjóra. Ég
veit að fleiri lönd verða með
kandidata en okkur finnst að það
eigi að vinna okkur í hag að við
höfum ekki haft mann í þessari
stöðu,“ segir hún.
Starf framkvæmdastjóra Nor-
rænu ráðherranefndarinnar er
umfangsmikið og er það ein af
æðstu stöðum norræns samstarfs.
Hefur hann virkt hlutverk með
höndum við stefnumótun á vegum
nefndarinnar og aðildarlandanna.
Verður kapphlaup um starf framkvæmdastjóra Norrænu ráðherranefndarinnar?
Á að vera okkur í hag að Íslendingur
hefur aldrei gegnt starfinu
Morgunblaðið/Kristinn
Á förum Per Unckel, framkvæmdastjóri Norrænu ráðherranefndarinnar,
lætur af störfum um áramótin. Hann var um árabil þingmaður Hægri-
flokksins í Svíþjóð og menntamálaráðherra 1991–1994.
»Norræna ráðherranefndin varstofnuð 1971. Norðurlöndin
skiptast á um að hafa formennsku í
nefndinni í eitt ár í senn. Íslend-
ingar höfðu formennskuna 2004.
»Fulltrúar norrænu ríkisstjórn-anna eiga sæti í nefndinni, sem
fjallar um hagsmunamál Norð-
urlanda.
»Norræna ráðherranefndin ersamsett úr 19 minni nefndum
fagráðherra sem hittast reglulega.
»Um 90 manns starfa á skrifstofuráðherranefndarinnar, sem er í
Kaupmannahöfn.
Í HNOTSKURNEftir Ómar Friðriksson
omfr@mbl.is
„ÞAÐ er komið upp kapp-
hlaup hjá stjórnarandstöð-
unni um að kreista einhvern
pólitískan ávinning út úr
þessu máli. Það hefur ekk-
ert nýtt komið fram núna
sem kallar á þessa umræðu.
Ég gerði Alþingi grein fyrir
þeirri meðhöndlun sem
greinargerð Gríms Björns-
sonar fékk í apríl í fyrra,“
sagði Valgerður Sverr-
isdóttir, núverandi utanríkisráðherra og fyrr-
um iðnaðarráðherra, í samtali við Morg-
unblaðið í gærkvöldi.
Þegar ummæli Kristins H. Gunnarssonar,
þingmanns Framsóknarflokksins, í Frétta-
blaðinu í gær þess efnis að Valgerður hefði
leynt Alþingi upplýsingum, og að til þess gæti
komið að hún þyrfti að segja af sér vegna
málsins, voru borin undir Valgerði sagðist hún
ekki vilja tjá sig um það og vísaði í framhaldinu
til pistils sem hún setti inn á vef sinn (www.val-
gerdur.is) í gær.
Aðspurð segist Valgerður vísa því á bug að
hún hafi brugðist upplýsingaskyldu sinni sem
þáverandi iðnaðarráðherra eftir að orku-
málastjóri kynnti henni greinargerð Gríms og
vísaði aftur til pistils síns. Þar segir hún að
menn hafi tekið athugasemdir Gríms af fullri
alvöru og að þeim hafi öllum, utan einni, verið
svarað með fullnægjandi hætti. Sú ábendingin
sem út af stóð sneri, að sögn Valgerðar, ekki
að umhverfismálum eða öryggisþáttum heldur
rekstrarhagkvæmni virkjunarinnar, en í um-
ræddri athugasemd benti Grímur á að þungi
miðlunarlónsins gæti valdið landsigi svo næmi
e.t.v. metrum og þar með skertri afkastagetu
lónsins.
Spurð hvort ekki hefði verið rétt að Alþingi
fengi slíkar upplýsingar inn á sitt borð þar sem
Landsvirkjun er fyrirtæki í opinberri eigu seg-
ir Valgerður það ekki á dagskrá Alþingis að
fjalla um tölur sem varða rekstur og rekstrar-
afkomu Kárahnjúkavirkjunar og vísar aftur í
pistil sinn, en þar segir m.a.: „Einstakir kostn-
aðarþættir virkjunarinnar voru ekki á dagskrá
Alþingis þar sem tölur um rekstur og rekstr-
arafkomu virkjunarinnar eru ekki opinber
gögn. Ljóst má vera að ef á umræddum fundi
[fundur Orkustofnunar, þ.m.t. Gríms Björns-
sonar, með fulltrúum Landsvirkjunar 6. mars
2002] hefðu komið fram vísbendingar um að
hönnunarforsendum stíflunnar væri ábótavant
í þeim mæli að það gæti haft afgerandi áhrif á
framkvæmdina alla, hefðu þær að sjálfsögðu
verið kynntar víðar. Af ofangreindu ætti það
einnig að vera ljóst að athugasemdir Gríms
Björnssonar fengu ítarlega og sanngjarna um-
fjöllun.“
Segir iðnaðarráðherra hafa
brugðist upplýsingaskyldu sinni
Í nýlegum pistli Össurar Skarphéðinssonar,
þingmanns Samfylkingarinnar, á vef hans
(http://ossur.hexia.net) segir hann Valgerði
ekki segja rétt frá þegar hún lýsi afskiptum
sínum af skýrslu Gríms. Sakar Össur Valgerði
um að hafa beitt vísvitandi blekkingum í fjöl-
miðlum sl. laugardag þegar hún kvaðst sjálf
hafa greint Alþingi frá athugasemdum Gríms.
Segist Össur hafa látið leita í öllum ummælum
Valgerðar og að hún hafi ekki minnst orði á at-
hugasemdir Gríms, né nefnt hættuna vegna
eldvirkni og sprungna. „Það var ekki fyrr en
röskum þremur árum eftir að Alþingi sam-
þykkti virkjunina að Valgerður upplýsti á Al-
þingi um skýrslu Gríms. Það gerði hún til-
neydd í ræðu 14. apríl 2005. Ráðherrann
komst ekki hjá því þar sem sama dag birtist ít-
arleg úttekt Morgunblaðsins þar sem harka-
legar athugasemdir Gríms voru meðal annars
birtar.“
Að mati Össurar brást ráðherra upplýs-
ingaskyldu sinni gagnvart þinginu og sé ábyrg
fyrir því að alþingismenn höfðu ekki réttar
upplýsingar þegar þeir tóku ákvörðun sína.
Bendir hann á að í skýrslu sem Valgerður
lagði fram um mat á umhverfisáhrifum, og not-
uð var af Alþingi sem grundvöllur ákvörð-
unartöku, hafi komið fram að „að mati tækni-
manna hentar bergið á stíflustæðinu vel sem
grunnur fyrir þær“. Bendir Össur á að ráð-
herra hafi borið skylda til þess að upplýsa
þingmenn um að umrædd fullyrðing „væri í
besta falli vafasöm“.
„Fengu ítarlega og sanngjarna umfjöllun“
Valgerður
Sverrisdóttir
LÖGREGLAN í Kaupmannahöfn
hefur gert mikla leit að manni sem
hrinti 26 ára Íslendingi niður á
lestarteina á Nørreport-brautar-
stöðinni, augnabliki áður en lest
kom að brautarpallinum. Íslend-
ingurinn féll á milli teinanna og
slapp nánast ómeiddur, utan þess
að hann hruflaðist og skrámaðist á
höfði. Atvikið átti sér stað um sjö-
leytið á laugardagskvöldið.
„Hann er mjög heppinn“
„Hann er mjög heppinn. Ein-
hver hefur haldið verndarhendi yf-
ir honum,“ sagði Réne Hansen, að-
stoðaryfirlögregluþjónn hjá
Kaupmannahafnarlögreglunni, í
samtali við Ritzau-fréttastofuna.
Í dönskum fjölmiðlum hefur
komið fram að Íslendingurinn sé
heimilislaus og hið sama á við um
manninn sem hrinti honum fyrir
lestina, sem var svonefnd S-lest.
Íslendingurinn hefur tjáð lögreglu
að hann kannist við árásarmann-
inn en þekki hann ekki með nafni.
Þeir hafi deilt um sígarettur og
hinn hafi brugðist við með þessum
ofsafengna hætti. Íslendingurinn
var útskrifaður af spítala eftir
læknisskoðun, svo léttvægir
reyndust áverkar hans.
Lögregla lét Extra Bladet í té
myndir úr eftirlitsmyndavélum
járnbrautarstöðvarinnar í þeirri
von að borgarbúar myndu bera
kennsl á árásarmanninn. Hann er
eftirlýstur fyrir tilraun til mann-
dráps. Blaðið greinir frá því að eft-
ir að hann hrinti Íslendingnum
niður á lestarteinanan hafi farið af
vettvangi í leigubíl. Hann er sagð-
ur 35-40 ára gamall, 180-185 senti-
metrar að hæð og kraftalega vax-
inn.
Féll á milli lestarteina og slapp lifandi
Ljósmynd/Ekstra bladet
Danska lögreglan
leitar árásar-
manns fyrir mann-
drápstilraun
Úr öryggismyndavél Atvikið á lestarstöðinni, þegar Íslendingnum var hrint á lestarteinana, náðist á öryggismyndavél. Lögreglan birti myndir í dönsku
blöðunum í von um að árásarmaðurinn þekktist. Sjúkralið kom fljótlega á lestarstöðina og flutti Íslendinginn á sjúkrahús til aðgerðar.
BJÖRN Bjarnason dóms-
málaráðherra segir að með um-
mælum sínum um leyniþjónustu
hér á landi hafi hann átt við þjóð-
aröryggisdeild sem fjallað er um
í skýrslu um
hryðjuverka-
varnir hér á
landi og kynnt
var í sumar.
Þessi orð lét
Björn falla á
fundi hjá Rot-
arýklúbbi.
Í skriflegu
svari við fyr-
irspurn Morg-
unblaðsins sagði Björn að í
skýrslunni væri talað um þjóð-
aröryggisdeild og með því orði
væri einnig fjallað um það sem
einnig er kallað leyniþjónusta á
íslensku. Hann hefði búist við að
menn hefðu strax áttað sig á því.
Skýrslan sem Björn vísar til
var unnin af tveimur sérfræð-
ingum ráðherraráðs Evrópusam-
bandsins og var kynnt á blað-
mannafundi í lok júní.
Meðal tilmæla þeirra var að
sett yrði á laggirnar sérstök
þjóðaröryggisdeild innan embætt-
is ríkislögreglustjóra.
Þjóðarörygg-
isdeild er
einnig kölluð
leyniþjónusta
Björn Bjarnason