Morgunblaðið - 08.09.2006, Page 6

6 FÖSTUDAGUR 8. SEPTEMBER 2006 MORGUNBLAÐIÐ
FRÉTTIR
Eftir Örlyg Stein Sigurjónsson
orsi@mbl.is
JÓNMUNDUR Guðmarsson, bæjarstjóri á
Seltjarnarnesi, segist munu beita sér fyrir því
að kaupa strax handrið og sturtustóla fyrir
fatlaða í Seltjarnarneslaug í kjölfar ábendinga
Kristínar Þorsteinsdóttur, móður 14 ára fatl-
aðrar stúlku, um ófullnægjandi aðstöðu fyrir
fatlaða í lauginni. Þrátt fyrir að hún segist hafa
gert margítrekaðar athugasemdir við sund-
laugina og m.a. boðið Seltjarnarnesbæ aðstoð
við að hanna aðstöðu fyrir fatlaða, og jafnvel
komið athugasemdum við teikninguna til bæj-
aryfirvalda og arkitekta, kannast Jónmundur
ekki við neitt slíkt. Hann getur því ekki upp-
lýst hvers vegna ekki var hlustað á sjónarmið
Kristínar. „Hönnunin var í höndunum á arki-
tektum sem bærinn fékk til verksins og sem
fagmönnum er þeim auðvitað treyst til að
hyggja að því sem máli skipti í þessu sam-
bandi,“ segir hann. „Ég held að það sé ánægju-
efni að þessi aðstaða var ekki fyrir hendi í
lauginni en verður fyrir hendi þegar hún er
fullbúin. Hingað til hefur þetta verið leyst með
bráðabirgðahætti í ágætis samráði við sund-
laugarstarfsfólk og foreldra. Ég hef skoðað
þetta mál og falið framkvæmdastjóra íþrótta-
mannvirkja að ráða bót á því til bráðabirgða
þar til framkvæmdum við sundlaugina lýkur.“
Jónmundur segir að nú standi til að funda
með foreldrum fatlaðra barna til að finna
lausnir á málinu. Aðspurður segist hann einnig
ætla að athuga hvort umræddar athugasemdir
Kristínar hafi verið lagðar fram formlega og
nánar aðspurður segist hann telja það ágætt
að velta því fyrir sér í framhaldinu hvers
vegna þeim var þá ekki svarað. Yfir það mál
yrði þá farið með arkitektunum. „Það koma
fram fjölmargar ábendingar um mannvirki
bæjarins og við erum auðvitað með fagfólk á
okkar snærum til að bregðast við athugasemd-
um og hafa fagleg sjónarmið uppi um hvað
gert skuli. En það sem hún [Kristín] telur upp
í [Morgun]blaðinu, um handrið og fleira í þeim
dúr, hlýtur nú að teljast mjög auðvelt að ráða
bót á ef það hefur ekki verið gert ráð fyrir því í
upphafi. Þannig að ég mun beita mér fyrir því
að ráða bót á þessu.“
– Úr því að það á að bregðast vel við ábend-
ingum bæjarbúa núna, þá vaknar sú spurning
hvers vegna það var ekki gert áður en laugin
var gerð, eins og Kristín bendir á. Er það
vegna þess að nú er málið komið í blöðin?
„Nei, þvert á móti. Það er nýbúið að ljúka
framkvæmdum og það er verið að taka út
framkvæmdina. Þar hafa komið fram fjöl-
margir þættir sem þarf að lagfæra og stendur
upp á verktakana að vinna úr. Það er meg-
inskýringin á þessu. Ég geri mér ekki grein
fyrir því í hverju þessar ábendingar voru
fólgnar og ekki heldur hvort yrði tekið tillit til
þeirra. Það er algerlega á valdi hönnuða og
arkitekta byggingarinnar. Við munum bæta úr
þeim vandamálum sem eru fyrir hendi,“ segir
hann.
Sturtustólar og handrið verða keypt
Ábendingar teknar til greina í Seltjarnarneslaug og bæjarstjóri lofar að ráða bót á aðstöðu fatlaðra
»Sundlaug Seltjarnarness var opnuðeftir endurbætur 26. maí sl. Í þeim
áfanga sem þá var tekinn í notkun er eng-
in aðstaða fyrir fatlaða. Stefnt er að því
að taka annan áfanga endurbættrar
sundlaugar í notkun næsta haust og þar
er gert ráð fyrir að verði búnings-
herbergi fyrir fatlaða.
»Foreldrar nokkurra fatlaðra drengjaá Seltjarnarnesi hafa bent á að þeir
geti ekki stundað skólasund í vetur vegna
þess að stuðningsfulltrúar þeirra eru
konur og þær geta ekki farið með drengj-
unum í karlaklefann.
Í HNOTSKURN
ORKUVEITA Reykjavíkur ásamt
sjö háskólum á þjónustusvæði fyr-
irtækisins hefur sett á fót sjálfstæð-
an rannsóknarsjóð sem er ætlað að
vera samstarfsvettvangur um orku-
og umhverfisrannsóknir. Gert er ráð
fyrir að styrkir úr sjóðnum nemi
rúmlega 100 milljónum á ári.
Sjóðurinn verður í eigu OR og
mun fyrirtækið ásamt háskólunum
sjö bera ábyrgð á honum. OR leggur
fram 100 milljóna stofnfjárframlag
og stefnt er að því að árlegt framlag
OR til sjóðsins nemi um hálfu pró-
senti af tekjum fyrirtækisins. Á
þessu ári nema tekjurnar um 17
milljörðum og er hálft prósent af
þeirri fjárhæð 85 milljónir.
Fram að þessu hefur OR átt í
margvíslegu rannsóknarsamstarfi
við háskóla og telur Guðmundur
Þóroddsson, forstjóri OR, að líklega
hafi fjárframlag fyrirtækisins vegna
þeirra numið um 50 milljónum. Með
stofnun sjóðsins sé því verið að tvö-
falda þetta framlag.
Guðlaugur Þór Þórðarson, stjórn-
arformaður OR, sagði við undirritun
samkomulags um stofnun sjóðsins í
gær að með stofnun hans væri verið
að formgera samstarfið við há-
skólana enn frekar. OR væri í
fremstu röð í heiminum í fram-
leiðslu umhverfisvænnar orku og til
þess að viðhalda þeirri stöðu yrði
fyrirtækið að sinna rannsóknum
með myndarlegum hætti. Stofnun
sjóðsins væri liður í því. Það væri
mat stjórnar OR að það myndi skila
betri árangri að vinna að rannsókn-
um í samstarfi við háskólana. Þar að
auki myndi sjóðurinn styrkja há-
skólasamfélagið á svæðinu og sam-
vinnu þess við OR. Guðlaugur Þór
sagði að ávinningurinn af öflugu
rannsóknarstarfi væri mikill og sem
dæmi nefndi hann að varmaskiptar
sem notaðir væru á Nesjavöllum, og
væru að öllu leyti íslensk uppfinn-
ing, hefðu aukið arðsemi virkjunar-
innar um 15% eða sem nemur 1,2
milljörðum.
Annað markmið með stofnun
sjóðsins væri að skapa grundvöll
fyrir stofnun sprotafyrirtækja innan
háskólanna.
Guðlaugur Þór nefndi sérstaklega
þátttöku Listaháskóla Íslands í
sjóðnum og benti á að sífellt meiri
kröfur væru gerðar til þess að virkj-
anamannvirki féllu sem best að um-
hverfinu og því væri hlutverk arki-
tekta, sem sækja sér nám í
Listaháskólanum, afar mikilvægt.
Þorgerður Katrín Gunnarsdóttir,
menntamálaráðherra, lýsti mikilli
ánægju með stofnun sjóðsins og
sagðist vonast til að önnur fyrirtæki
tækju sér OR til fyrirmyndar enda
hefði hún ítrekað bent á nauðsyn
þess að fyrirtæki legðu aukið fjár-
magn til menntamála og rannsókna í
landinu.
Tveir flokkar
Veittir verða styrkir í tveimur
flokkum; annars vegar opnum flokki
þar sem frumkvæði að verkefnum
kemur frá háskólunum og hins veg-
ar lokuðum flokki þar sem OR í
samstarfi við sjóðsstjórn óskar eftir
tilboðum í fyrirfram skilgreind
rannsóknarverkefni.
100 milljóna rann-
sóknarstyrkir á ári
Morgunblaðið/Eyþór
Brosmild Guðmundur Þóroddsson orkuveitustjóri, Guðlaugur Þór Þórðarson, stjórnarformaður OR, Þorgerður
Katrín Gunnarsdóttir menntamálaráðherra og Guðfinna S. Bjarnadóttir skrifa undir samkomulag í gær.
Orkuveita Reykjavíkur og sjö háskólar stofnsetja
sjálfstæðan sjóð til umhverfis- og orkurannsókna
»Háskólarnir sem eiga aðildað sjóðnum eru: Háskóli Ís-
lands, Háskólinn í Reykjavík,
Listaháskóli Íslands, Kenn-
araháskóli Íslands, Landbún-
aðarháskóli Íslands, Háskólinn
á Bifröst og Jarðhitaskóli Há-
skóla Sameinuðu þjóðanna.
»Vísindaráð sjóðsins er skip-að rektorum skólanna og
tekur ráðið til starfa nú í sept-
ember. Auglýst verður eftir
umsóknum í nóvember 2006 og
verður styrkjum úthlutað í
febrúar eða mars 2007.
Í HNOTSKURN
FYRSTA tölublað nýs glanstímarits
Útgáfufélagsins Fögrudyra ehf. mun
koma út í byrjun nóvember, segir
Reynir Traustason, einn eigenda
Fögrudyra. Blaðið verður gefið út
mánaðarlega fyrsta kastið, og verður
til húsa við Laugaveg 24.
Hann vildi í samtali við Morgun-
blaðið í gær ekki staðfesta að nafn
tímaritsins verði Ísafold. „Ég ætla
ekki að staðfesta það, en ég myndi
segja að þú værir fjandi skarpur,“
sagði Reynir. „Við þurfum tilfinninga-
legt svigrúm til að klára þetta mál.
Við erum bara að vinna í þessu á fullu,
að skrúfa saman húsgögn, tengja
tölvur og reyna að afla okkur efnis.“
Kjarni starfsmanna á nýja tímarit-
inu kom með Reyni frá Mannlífi, en
það eru þau Jón Trausti Reynisson og
Ingibjörg Dögg Kjartansdóttir. Má
reikna með að nýja tímaritið stefni á
sama markað og
Mannlíf. Enn hef-
ur ekki verið sam-
ið um hvar tíma-
ritið verður
prentað.
Reynir segir að
til að byrja með
verði tímaritið
gefið út mánaðar-
lega.
Ekki hefur ver-
ið gefið upp hverj-
ir standa á bak við hið nýja félag, að
Reyni undanskildum. Hann vildi í
gær ekki upplýsa hverjir fleiri hefðu
lagt fé í útgáfuna.
„Allt hefur sinn tíma, en það er af
og frá að það verði einhver leynd yfir
því,“ segir Reynir. Hann segir að
eignarhaldið verði upplýst áður en
blaðið kemur út.
Nýtt tímarit kem-
ur út í nóvember
Reynir
Traustason
VILJI er fyrir
því hjá borgaryf-
irvöldum að
tryggja gistiúr-
ræði fyrir heim-
ilislausar konur.
Þetta segir Jór-
unn Frímanns-
dóttir, formaður
velferðarráðs.
Hún tekur fram
að borgin sé að
skoða með hvaða hætti sú þjónusta
verði og segir von á niðurstöðum
áður en tilraunaverkefninu um
Konukot, sem er athvarf heimilis-
lausra kvenna í Eskihlíð, lýkur.
Eins og greint hefur verið frá
hefur Reykjavíkurdeild Rauða
krossins rekið Konukot sem til-
raunaverkefni til tveggja ára frá
því í nóvember 2004.
Að sögn Jórunnar er velferðar-
svið borgarinnar í samvinnu við
framkvæmdasvið að skoða mögu-
leika þess að nýta Gistiskýlið við
Þingholtsstræti betur og bjóða þar
upp á sérdeild fyrir konur sem væri
aðskilin því rými sem núverandi
þjónusta er í.
„Gistiskýlið er raunar opið báð-
um kynjum, en reynslan sýnir okk-
ur að konur nýti það síður og því er
mikilvægt að hafa í boði sérúrræði
fyrir konur. Við vitum af því að það
er ákveðin þörf fyrir hendi um að
heimilislausar konur geti leitað sér
skjóls og slík aðstaða verður að
vera til staðar í borginni,“ segir
Jórunn, en tekur fram að ekki komi
til greina að reka tvö úrræði fyrir
heimilislausar konur á vegum borg-
arinnar, þ.e. að vera bæði með sér-
deild í Gistiskýlinu samhliða því að
reka Konukot, en eins og Jórunn
bendir á þá leggur Reykjavíkur-
borg til núverandi húsnæði Konu-
kots.
„Við erum að skoða rekstur Gisti-
skýlisins á þeim stað þar sem það
er og einnig möguleika þess að
finna þeirri starfsemi stað í hent-
ugra húsnæði annars staðar í borg-
inni. Við erum að skoða með hvaða
hætti hægt væri að reka gistiúr-
ræðin sem tvær aðskildar deildir
fyrir kynin með sérinngangi fyrir
hvort rýmið,“ segir Jórunn og
bendir á að með því móti fengjust
ákveðin samlegðaráhrif í rekstrin-
um.
„Ef hins vegar kemur í ljós að
þessar hugmyndir reynist ekki ger-
legar þá er ekkert því til fyrirstöðu
að við leitum eftir samstarfi við
Reykjavíkurdeild Rauða krossins
um áframhaldandi rekstur Konu-
kots,“ segir Jórunn og bendir á að
rekstur Konukots sé afar hag-
kvæmur.
Niðurstöður um
Konukot fljótlega
Heimilislausum konum á höfuðborgar-
svæðinu verður tryggt gistiúrræði
Jórunn
Frímannsdóttir