Morgunblaðið - 08.09.2006, Page 20

20 FÖSTUDAGUR 8. SEPTEMBER 2006 MORGUNBLAÐIÐ
HÖFUÐBORGARSVÆÐIÐ
SENDUM Í PÓSTKRÖFU
www.simnet.is/heilsuhorn
Glerártorgi, Akureyri, s. 462 1889
fæst m.a. í , Skólavörðustíg 16
Borgartúni 24 - Hæðarsmára 6
Fjarðarkaupum
Lífsinslind í Hagkaupum
Heilsuhúsið Selfossi
Spektro
Multivítamín, steinefnablanda
ásamt spirulinu, Lecthini,
Aloe vera o.fl. fæðubótarefnum
Ein með öllu
Eftir Andra Karl
andri@mbl.is
UM miðjan september á sl. ári gerði Reykja-
víkurborg samninga við Glímufélagið Ármann
og Knattspyrnufélagið Þrótt um uppbyggingu
mannvirkja og samstarf félaganna í Laug-
ardalnum. Samkvæmt samningunum lét Ár-
mann af hendi land og mannvirki við Sóltún,
þar sem fimleikadeild félagsins var til húsa, en
þess í stað féllst borgin á að byggja fimleika-
hús áfast félagshúsi Þróttar.
Tæpu ári síðar er fimleikadeild Ármanns að
búa sig undir að flytja inn í nýja húsið og verð-
ur sjálfur fimleikasalurinn afhentur í fyrra-
málið. Tímamót í starfi Ármanns sem hefst
með æfingum yngstu iðkenda fimleika, svo-
kallaðra krílahópa, en síðar verður táknræn
ganga frá nýjum sal Laugardalshallarinnar
niður að nýju aðstöðunni, þar sem verður farið
í kynningarferð um húsið og stundaskrár af-
hentar. Æfingar hefjast svo nk. mánudag.
Nýi fimleikasalurinn er um 1.700 fermetrar
og verða áhorfendabekkir fyrir um 450 manns.
Mikil uppsveifla í fimleikum
„Þetta verður fullkomnasta og best búna
húsið á landinu,“ segir Jón Þór Ólason, for-
maður fimleikadeildar Ármanns, og bætir við:
„Við erum með eina húsið sem er t.a.m. með öll
áhöld uppsett og ekki er þörf á að hreyfa við
stykki hérna til að hefja æfingar eða mót.“
Hingað til hefur þurft að flytja öll áhöld félags-
ins úr gamla húsinu í Sóltúni yfir í Laugardals-
höll þegar mót voru haldin.
Jón Þór segir að þjálfarar Ármanns hafi
fengið frjálsar hendur þegar að því kom að
velja áhöld og er félagið því búið nýjustu tækj-
um. „Þeir fengu allt sem þeir vildu þannig að
við erum mjög vel búin.“
Jón Þór segir að hjá Ármanni séu ríflega sex
hundruð iðkendur fimleika, að undanförnu
hefur aukningin verið mikil eða um hundrað
börn þrátt fyrir að félagið hafi ekkert auglýst.
Umræðan um nýja húsið hafi hins vegar að öll-
um líkindum skilað sínu. „Það eru allir mjög
ánægðir og margir sem komið hafa að skoða
frá öðrum félögum. Þetta er náttúrlega
draumaaðstaða, við erum með mörg sett af
hverju og hægt verður að nýta svæðið mjög
vel, sem skilar sér í markvissari æfingum.“
Jón Þór segir mikla uppsveiflu í fimleikum
um þessar mundir og hefur hann þær upplýs-
ingar frá starfsmanni Fimleikasambands Ís-
lands að iðkendum hafi fjölgað um þúsund á
milli ára á landsvísu.
Íþróttahús Ármanns verður ekki tekið í
notkun formlega fyrr en í byrjun nóvember
þar sem enn á eftir að vinna að framkvæmdum
við skrifstofur, tengibyggingu og búnings-
klefa. Salur fimleikadeildarinnar er hins vegar
tilbúinn en auk þess verða salir undir bardaga-
íþróttir, júdó, glímu og taekwondo teknir í
notkun fljótlega.
Nýr 1.700 fermetra salur tekinn í notkun
Morgunblaðið/Ómar
Bylting Nýi salurinn mun gjörbylta aðstöðunni fyrir iðkendur félagsins en hann er mun stærri en sá gamli.
Gjörbylting verður á aðstöðu fimleikadeildar Ármanns með tilkomu nýs íþróttahúss í Laugardal sem verður öllum bestu tækjum búið
Morgunblaðið/Ómar
Allir ánægðir „Þetta er náttúrlega draumaaðstaða,“ segir formaðurinn.
AKUREYRI
MINJAVÖRÐUR Norðurlands
eystra telur nauðsynlegt að neyðar-
rannsókn hefjist sem fyrst í einum
elsta kirkjugarði landsins, við bæinn
Glerá í Lögmannshlíð, en hluta
garðsins var fyrir mistök ýtt í burtu
við malarnám fyrir tveimur árum.
„Hér er um sorglegt slys að ræða.
Akureyarbær hefur axlað ábyrgð
sína og mun standa fyrir neyðar-
rannsókn á því sem eftir kann að
vera af grafreitnum, samkvæmt
kröfu minni fyrir hönd Fornleifa-
verndar ríkisins,“ segir Sigurður
Bergsteinsson, minjavörður Norður-
lands eystra við Morgunblaðið.
Sigurður telur slæmt hve rann-
sóknin hefur tafist mikið. „Nú fer
hver að verða síðastur,“ svaraði
hann spurður hvort rannsókn væri
enn möguleg fyrir veturinn.
Það var í október 2004 sem ábú-
endur Glerár I gerðu minjaverði við-
vart um raskið, þegar beinahrúgur
komu í ljós við malarnámið. „Ég
hafði strax samband við leyfishafa
malarnámunnar og stöðvaði fram-
kvæmdir á staðnum.“ Sigurður setti
sig einnig í samband við fulltrúa Ak-
ureyrarbæjar, en bærinn á landið og
hafði veitt leyfi til malarnámsins,
sem slysinu olli. „Það hafði hins veg-
ar láðst að geta þess að þessar forn-
leifar væru á staðnum, þrátt fyrir að
upplýsingar um að forn kirkjugarður
væri á staðnum lægju fyrir í skrá yf-
ir fornleifar innan bæjarmarka, sem
bærinn hafði látið gera fyrir sig. Slík
skrá er gerð til að koma í veg fyrir að
fornleifum verði raskað að ástæðu-
lausu.“
Sigurður segir að þar sem farið
var að halla að vetri þegar raskið
varð uppvíst var ákveðið að fresta
neyðarrannsókn til sumarsins 2005
og var gengið frá svæðinu með yf-
irbreiðslu en seinagangur hjá Akur-
eyrabæ hafi valdið því að neyðar-
rannsókn hafi enn ekki hafist. „Mér
er þó kunnugt um að Akureyrarbær
hefur í sumar verið í sambandi við
fyrirtæki sem taka að sér fornleifa-
rannsóknir, enda hef ég gert bænum
grein fyrir því að frekari töf á rann-
sókn sé ekki ásættanleg. Ekki liggur
þó fyrir nú hvenær rannsókn hefst,“
segir Sigurður.
Hann segir umræddan kirkjugarð
örugglega með þeim elstu hér á landi
en að öllum líkindum ekki hafa verið
mjög lengi í notkun. „Það er líklegt
að hann hafi lagst af mjög snemma á
miðöldum, snemma í kristni, fljót-
lega eftir að Lögmannshlíðarkirkja
var gerð,“ segir Sigurður.
En hvað er hægt að rannsaka á
stað eins og þessum? „Í beinagrind-
unum sjálfum liggja ýmsar upplýs-
ingar um einstaklinga sem uppi voru
á þessum tíma; alls kyns greiningar
á sjúkdómum, lifnaðarháttum, fæðu,
líkamsgerð og ungbarnadauða svo
eitthvað sé nefnt – þversnið af lýð-
fræði þessa tíma,“ segir Sigurður.
Neyðarrannsókn þarf
að hefjast sem allra fyrst
Hluta af einum elsta kirkjugarði landsins var mokað burtu af jarðýtu
Morgunblaðið/Skapti Hallgrímsson
Grafið í grafreit Dúkurinn hylur þann hluta hins forna kirkjugarðar sem enn er fyrir hendi. „Í beinagrindunum …
liggja ýmsar upplýsingar um einstaklinga sem uppi voru á þessum tíma,“ segir minjavörður Norðurlands eystra.
ÁSTRALSKI
myndlistarmað-
urinn Andrew
Rogers flytur í
dag fyrirlestur
um verk sín í Rós-
enborg (gamla
barnaskólanum)
kl. 14.50 en Rog-
ers vinnur nú að
uppsetningu stórra útilistaverka of-
an Akureyrar. Fyrirlesturinn er öll-
um opinn en það er Listnámsbraut
VMA, Listasafnið á Akureyri og
Menningarmiðstöðin í Listagili sem
frumkvæði hafa að honum.
Rogers með
fyrirlestur