Morgunblaðið - 08.09.2006, Síða 24

matur
24 FÖSTUDAGUR 8. SEPTEMBER 2006 MORGUNBLAÐIÐ
Þ
að var nóg að gera hjá Veru Þórð-
ardóttur þegar blaðamaður hafði
samband við hana einn ágústdag
en hún var að undirbúa komu
seinasta stóra hópsins fyrir lokun
hótelsins þetta sumarið. „Við opnuðum 3.
júní og straumurinn var stífur í júní og júlí
en eftir verslunarmannahelgi minnkaði
straumurinn mikið og því lokum við hótelinu
um miðjan ágúst,“ segir hótelstýran. Vera
segir það hálfgerða tilviljun að þau tóku við
hótelrekstrinum. „Fjölskylda mín og frænka
eiga jörðina Núp og ég og Phil vorum hérna í
húsinu okkar í apríl ásamt móður minni og
systur. Staðarhaldarinn kom þá að máli við
mömmu og spurði hvort hún þekkti ekki ein-
hvern kokk sem gæti tekið við hótelinu í
sumar því það virtist vera forsenda fyrir því
að hafa það opið. Mamma benti þá á tengda-
soninn og við ákváðum að slá til. Hótelið stóð
autt síðasta sumar en Hótel Edda var hér
með sumarhótel til 2004.“
Phil er lærður kokkur og hefur unnið sem
slíkur í sjö ár. Vera er með stúdentspróf frá
Verslunarskóla Íslands og hefur mikið unnið
sem þjónn. „Phil er frá norðurhluta Eng-
lands og ég er fædd og uppalin í Reykjavík
en báðir foreldrar mínir eru frá Vestfjörðum.
Við kynntumst í gegnum vin okkar þegar
Phil var að vinna á Nordica hóteli í Reykja-
vík og höfum nú verið saman í um tvö ár.“
Vera og Phil stóðu vaktina á hótelinu í allt
sumar og segja reksturinn hafa gengið vel.
„Þetta var í fyrsta skipti sem við gerðum
eitthvað svona sjálf frá rótum. Phil bjó t.d. til
matseðilinn alveg sjálfur og hafa matargestir
verið einstaklega hrifnir af honum. Okkur
fannst alltaf frá upphafi að það væri skyn-
samlegt að hafa gott verð á gistingu og góðan
en kannski aðeins dýrari veitingastað. Við
lögðum upp með þetta og fengum m.a. fólk í
gistingu bara út af veitingastaðnum, þ.e. það
kom hingað til að borða og gisti í leiðinni,
ekki öfugt eins og er oft,“ segir Vera. Hún og
Phil fengu vini sína til að starfa með sér í
sumar. „Söru og Ben, vinum okkar, leist vel á
hugmyndina og stóðu með okkur í þessu frá
upphafi. Lára, litla systir mín, vann síðan í
gestamóttökunni. Þetta voru algjörir úrvals-
starfsmenn.“
Mikil lífsreynsla
Vera segir að þeim hafi ekkert fundist þau
vera einangruð á Núpi. „Þegar maður hefur
svona mikið að gera er maður ekkert að
hugsa út í hvort maður sé einangraður. Okk-
ur hefur fundist æðislegt að vera hér í sum-
ar, það er t.d. frábært að geta sest út í nátt-
úruna að loknum erfiðum vinnudegi. Þetta
sumar hefur veitt okkur gífulega mikla
reynslu, sérstaklega í mannlegum sam-
skiptum og það eru mikil verðlaun að heyra
hvað fólki hefur líkað vel. Við fórum líka út í
þetta til að fá reynsluna, núna vitum við að
við getum tekist á við svona áskoranir. Það
felst gífurleg naflaskoðun í að vinna fyrir
sjálfan sig, að þurfa að spyrja sjálfan sig á
hverjum degi hvort þetta sé nógu gott hjá
manni eða hvort maður þurfi að gera betur,“
segir Vera og bætir við að það hafi líka reynt
á þolrifin í sambandinu að vera saman alla
daga, stjórna og vinna saman. „Ég og Phil
vitum núna að við getum gert hvað sem er
saman fyrst sambandið þoldi þetta.“
Aðspurð hvort þau ætli að vera á Núpi aft-
ur næsta sumar segir Vera að það sé óvíst.
„Við sjáum til hvað kemur upp í hendurnar á
okkur eða hvort við verðum með Núp aftur.
Phil er búinn að fá tilboð um að fara upp í
frönsku Alpana nú í lok október þegar skíða-
vertíðin byrjar og ég held að við sláum til.
Phil mun vinna þar í eldhúsi en ég mun þjóna
eða jafnvel finna mér eitthvað annað að gera.
Það eru svo mörg tækifæri í heiminum að við
viljum ekki ákveða núna hvar við verðum
næsta sumar.“
Vera og Phil fengu mikið hrós fyrir matinn
sem þau báru á borð fyrir gesti Hótel Núps í
sumar og barst það góða orðspor hratt út svo
margir lögðu leið sína á hótelið til að fá sér í
svanginn. Að sögn Veru slógu andabring-
urnar í gegn, auk saltfisks með miðjarðar-
hafssniði, og svokallaður basilís, en Phil bjó
allan ís til sjálfur frá grunni. „Nýpusúpa var
líka vinsæl. Það kom fólki á óvart hvað við
vorum með óvenjulegan og fjölbreyttan mat-
seðil miðað við svona sumarhótel,“ segir Vera
að lokum og Phil gefur hér lesendum upp-
skrift að tveimur réttum sem slógu í gegn hjá
þeim á Hótel Núpi í sumar.
Vera Þórðardóttir og kærasti hennar, Phil Edward Harrison, ráku Hótel Núp í Dýrafirði í sumar. Það væri kannski ekki í frásögur fær-
andi nema af því að Vera er aðeins 21 árs og Phil 23 ára. Ingveldur Geirsdóttir sló á þráðinn til þeirra til að heyra hvernig reksturinn gekk.
Úr Dýrafirðinum í Alpana
Morgunblaðið/Halldór Sveinbjörnsson
Hótelstjórar Vera og Phil fyrir utan Hótel Núp þar sem þau réðu lögum og lofum í sumar.
ingveldur@mbl.is
Lamb og confiönd með
frönskum baunum
(Fyrir fjóra)
400 g lambafillet með fitu
2 stór andalæri
4 stórar kartöflur
1 pakki af haricot baunum
300 g gulrætur
20 g ferskt rósmarín
25 g ferskt timjan
1 l ólífuolía.
1 heill hvítlaukur
150 g smjör
1 teskeið sykur
salt og pipar
Daginn áður en maturinn er
borinn fram er andalæri, rós-
marín, hvítlaukur og 20 g af timj-
an sett í eldfast mót og hulið með
ólífuolíu. Álpappír laggður yfir
og bakað í ofni við 90°C í 6–8
tíma, eða þar til andalærin eru
meyr. Geymt í kæliskáp yfir nótt.
Kartöflur skrældar og sneidd-
ar, 100 g af bræddu smjöri helt
yfir og saltað og piprað. Kart-
öfluskífunum því næst raðað í
eldfast mót. Aukasmjörinu hellt
af og smjörpappír lagður ofan á
mótið. Farg sem heldur kartöfl-
unum flötum sett ofan á og þær
bakaðar við 175°C í 30–45
mín. Kartöflurnar því næst
skornar niður í hringi sem
eru 7 cm þvermál. Gulræt-
ur skrældar, skornar í bita
og soðnar í 20 mín. og
maukaðar í blandara. Te-
skeið af sykri og pipar sett
saman við. Maukið sigtað.
Andalærin tekin úr kæli
og olíu helt af. Kjötið því
næst tætt af beinunum í
litlar ræmur, timjan bland-
að saman við og blandan
sett í eldfast mót.
Litlir skurðir skornir í fituna á
lambafilletinu. Saltað og piprað.
Lambið steikt í 2 mín. á pönnu á
fituhliðinni og síðan mínútu á
hinni hliðinni. Kjötið er því næst
hitað í ofni við 175°C í 8–9 mín.
Haricot baunir soðnar í mínútu.
Gulrótamaukið hitað á pönnu og
smjörklípu blandað saman við.
Raðið á disk eins og á mynd.
Soðnar ferskjur
með basilís
(Fyrir fjóra)
Undirbúningur ætti að hefjast
degi áður en maturinn er fram-
reiddur.
Ísinn:
9 eggjarauður
200 g sykur
100 ml vatn
300 ml rjómi
450 ml mjólk
Knippi af ferskum basil. Takið
laufin af stilkunum.
Rjómi, mjólk og basil stilkar
hitað að suðu á pönnu. Blandan
er því næst geymd í ísskáp í 10
tíma. Sykur og vatn soðið þar til
sykurlögurinn er orðinn glær.
Sykrinum er því næst þeytt sam-
an við eggjarauður þar til bland-
an verður þykk. Mjólkurblönd-
unni er helt í gegnum sigti út í
eggjarauðurnar svo basilstilk-
arnir skiljast frá. Blandan sett í
kæli. Basillaufin maukuð í bland-
ara og hrært saman við ísblönd-
una. Henni er því næst hellt í
gegnum sigti og ætti að vera fal-
lega græn þegar hún er sett í ís-
vélina.
Ferskjurnar:
2 stórar ferskjur
1 vanillustöng
1 anisstjarna
75 g sykur
500 ml vatn
Ferskjur skornar í helm-
inga og steininn tekinn úr.
Annað hráefni sett á pönnu
og ferskjurnar soðnar í því
í 10 mín. Blandan kæld.
Ferskjurnar teknar úr blöndunni
þegar hún er vel köld, ferskju-
hýðið fjarlægt og vökvinn þerr-
aður af þeim.
Créme patissiere:
250 ml mjólk
65 g sykur
85 g hveiti
3 eggjarauður
1 vanillustöng
örlítið salt
100 g fersk brauðmylsna
Sykur, hveiti og mjólk sett í
pott og vanillufræjunum og salti
bætt út í. Hrært í blöndunni þar
til hún fer að þykkna. Eggja-
rauðunum bætt saman við einni í
einu á meðan hrært er. Soðið í 4
mín. og hrært í allan tímann.
Plastfilma lögð á borð og ofan á
hana settur smjörpappír sem er
aðeins minni. Deigið sett á
smjörpappírinn og plastinu og
pappírnum vafið utan um svo úr
verði e.k. bjúga um 5 cm í þver-
mál. Deigið fryst. Mjólk, hveiti
og brauðmylsna sett í þrjár að-
skildar skálar. Frosið degið
sneitt í 2,5 cm þykkar skífur og
þeim því næst dýft í hveiti, svo
mjólk og loks brauðmylsnu. Því
næst er dýft áfram í mjólk og
brauðmylsnu þar til jöfn húð er
utan á deiginu. Deigkökurnar
settar aftur í frysti. Olía hituð
upp að 180°C á 3 cm djúpri
pönnu og deigkökurnar steiktar í
1–2 mín. eða þar til þær eru fal-
lega brúnar. Þær eru því næst
settar á disk ásamt ísnum og
ferskjunum og rétturinn borinn
fram.
Hverfahátíð
Fyrsta sameiginlega hverfahátíð Miðborgar
og Hlíða fer fram á Miklatúni milli kl. 14.00 og
16.00 á morgun, laugardag. Upplagt er að
bregða sér á Klambratúnið og hlusta m.a. á
Þorleif Finnsson harmonikkuleikara leika
gömul dægurlög. Líka má hlýða á Svavar Knút
söngvaskáld og sjá nemendur úr hverfunum
koma fram með tónlistaratriði. Boðið verður
upp á leiki, dans, andlitsmálun og klifurveggi
svo eitthvað sé nefnt.
Hagamelshátíð
Þá er ekki úr vegi fyrir Vesturbæinga og
aðra velunnara að bregða sér á Hagamelshá-
tíð, sem halda á með pomp og prakt á morgun.
Í ár eru sextíu ár liðin frá því að fyrstu húsin
voru reist við þessa breiðgötu Vesturbæjarins
og ætla núverandi og fyrrverandi íbúar göt-
unnar að halda upp á tímamótin. Auk þess
fagnar Melaskóli 60 ára afmæli í ár og Mela-
búðin 50 ára afmæli. Hátíðin hefst kl. 17.00.
Götunni verður lokað milli Hofsvallagötu og
Furumels frá kl. 15.00. Hæfileikafólk úr göt-
unni skemmtir á hátíðarsviðinu með söng, tón-
list og dansi auk þess sem rifjaðir verða upp
gömlu götuleikirnir. Meðal skemmtikrafta
verður söngkonan Hildur Vala og Rússíban-
arnir. Kaupmenn Melabúðarinnar ætla svo að
grilla pylsur auk þess sem boðið er upp á ís og
drykki.
Grafarvogsdagurinn
Grafarvogsdagurinn verður haldinn hátíð-
legur í níunda sinn á morgun í og við Borgar-
holtsskóla. Sú nýbreytni verður nú að Grafar-
vogsbúum verður boðið frítt í strætó. Meðal
fastra hefða má nefna morgunkaffið í Grafar-
vogslaug, sögugönguna, guðsþjónustu undir
berum himni, grunnskólahlaup, afhendingu
Máttarstólpans, kvöldvöku og flugeldasýn-
ingu.
Fornleifaganga
Skógræktarfélag Reykjavíkur býður í
fræðslugöngu um Þingnes og fornleifar í ná-
grenni Elliðavatnsbæjarins á morgun. Forn-
leifafræðingarnir Anna Lísa Guðmundsdóttir
og Guðmundur Ólafsson ætla að leiða gesti í
allan sannleikann um hinar fjölmörgu forn-
leifar, sem finnast í næsta nágrenni við Elliða-
vatnsbæinn. Ætli menn sér að mæta í göng-
una, sem taka mun um tvo tíma, þarf að mæta
við Elliðavatnsbæinn kl. 11.00.
Fótboltafár
Tvö bestu kvennalið landsins, nýkrýndir Ís-
landsmeistarar Vals og Breiðablik, sem varð
bæði Íslands- og bikarmeistari á síðustu leik-
tíð, leika til úrslita í Visabikarkeppninni í
knattspyrnu á Laugardalsvellinum á laugar-
daginn og hefst leikurinn klukkan 16.30. Í lið-
unum eru margar af bestu knattspyrnukonum
landsins svo það ætti enginn að verða svikinn
af að mæta í Laugardalinn.
mælt með …
Morgunblaðið/Ómar
Morgunblaðið/Jim Smart