Morgunblaðið - 06.10.2006, Side 11

MORGUNBLAÐIÐ FÖSTUDAGUR 6. OKTÓBER 2006 11
FRÉTTIR
„ÞETTA er sambærilegt við niður-
stöðu forsendunefndar kjarasamn-
inga sem setti upp ákveðin viðmið
um að enginn skyldi fá minni
hækkun en 5,5%, það er eðlilegt að
það gangi til þessa fólks einnig,“
sagði Gylfi Arnbjörnsson, fram-
kvæmdastjóri Alþýðusambands Ís-
lands, um 3% hækkun Kjararáðs á
launum til þjóðkjörinna manna,
ráðherra, dómara og annarra ríkis-
starfsmanna sem áður heyrðu und-
ir kjaradóm og kjaranefnd og
semja ekki um laun sín á almenn-
um markaði. Hækkunin er aftur-
virk og er frá og með 1. júlí sl.
Úrskurður Kjararáðs er sá fyrsti
en lög um ráðið tóku gildi 1. júlí sl..
Ekki er kveðið á um það í lögunum
hverjir það eru sem falla undir
Kjararáð heldur er ráðinu sjálfu
ætlað að skera úr um það til hverra
ákvörðun þess um laun og starfs-
kjör nái. Til bráðabirgða eru það
allir sem áður féllu undir úrskurð-
arvald kjaradóms og kjaranefndar.
Í úrskurði Kjararáðs kemur
fram að samkvæmt samkomulagi
forsendunefndar ASÍ og Samtaka
atvinnulífsins um launaþróunar-
tryggingu hinn 22. júní 2006 skyldi
hver launþegi sem í starfi var frá
júní 2005 til júlíbyrjunar 2006 fá
a.m.k. 5,5% launahækkun á því
tímabili. Einnig var litið til þeirra
hópa í þjóðfélaginu sem geta talist
sambærilegir við þá sem heyra
undir Kjararáð, þ.e. stjórnendur
fyrirtækja á almennum vinnu-
markaði.
Gylfi segir nokkra eftirvæntingu
hafa ríkt eftir fyrsta úrskurði Kjar-
aráðs. „Ráðið fer ekki í það að taka
hækkun á lægstu launum sem ein-
hverja sérstaka viðmiðun við
launavísitölu eða eitthvað slíkt. Það
er alveg klárt að í lögunum var ver-
ið að hnykkja á því að Kjararáð
ætti að taka tillit til þess sem er að
gerast á almennum vinnumarkaði,
gæti ekki slitið sig frá þeim veru-
leika sem við búum í og Alþýðu-
sambandið er sammála þessari nið-
urstöðu.“
Næsta hækkun launa á almenn-
um vinnumarkaði verður um næstu
áramót, um 2,9%.
Laun forseta hækka
um fimmtíu þúsund
3% hækkun til
þeirra sem heyra
undir Kjararáð
Í HNOTSKURN
»Laun forseta Íslandshækka úr 1.570 þúsund
kr. í 1.619 þús. kr. og laun
forsætisráðherra úr 938
þús. kr. í 966 þús. kr.
»Kjaradómur úrskurðaðihinn 19. desember 2005
um launahækkun frá 6,15%
til 8,16%
»Hækkunin var numin úrgildi með lögum og
fengu sömu aðilar 2,5%
hækkun launa í febrúar sl.
SIGURRÓS
Þorgrímsdóttir
alþingismaður
og bæjarfulltrúi
hefur gefur kost
á sér í 4. sæti á
framboðslista
Sjálfstæðis-
flokksins í Suð-
vesturkjördæmi.
Hún hefur unnið
trúnaðarstörf
fyrir Sjálfstæðisflokkinn í Kópavogi í
mörg ár, 1. varabæjarfulltrúi 1994–
1998 en bæjarfulltrúi frá 1998.
Hún var formaður leikskólanefnd-
ar frá stofnun hennar til 2002, er for-
maður Lista- og menningarráðs
Kópavogs og formaður skólanefndar
Menntaskólans í Kópavogi.
Sigurrós var fyrsti varaþingmaður
Sjálfstæðisflokksins í Suðvesturkjör-
dæmi frá 2003 og tók sæti Gunnars I.
Birgissonar er hann varð bæjarstjóri
í Kópavogi 2005. Hún á sæti í þremur
þingnefndum. Helstu baráttumál
Sigurrósar eru mennta- og menning-
armál, málefni aldraðra, æskulýðs-
mál, ferðaþjónusta og heilbrigðismál.
Sækist eftir
4. sætinu
Sigurrós
Þorgrímsdóttir
EFTIRFARANDI yfirlýsing hefur borist frá
Magnúsi Ólafssyni, forstjóra Osta- og smjör-
sölunnar sf., og Guðbrandi Sigurðssyni, for-
stjóra MS, vegna viðtals við Ólaf Magnússon,
framkvæmdastjóra Mjólku ehf.
„Í Viðskiptablaði Morgunblaðsins í gær,
fimmtudaginn 5. október, birtist viðtal við Ólaf
Magnússon, framkvæmdastjóra Mjólku. Full
ástæða er til þess að gera athugasemdir við
ýmislegt sem fram kemur í máli Ólafs og ekki
síður við fullyrðingar blaðamannsins sem við-
talið tók. Blaðamaður gengur það langt að tala
um mjólkuriðnaðinn sem „nátttröll sem dagað
hafi uppi“ og segir að keppinautar Mjólku
muni „ekki sýta það þótt Mjólka legði upp
laupana“.
Við höfum alltaf borið virðingu fyrir Morg-
unblaðinu og faglegum vinnubrögðum þess.
Það er leiðinlegt – svo ekki sé fastar að orði
kveðið – að blaðamaður Morgunblaðsins geri
mjólkuriðnaðinum upp þessa skoðun. Það er
greinilegt að þetta sjónarmið á upp á pall-
borðið hjá framkvæmdastjóra Mjólku þegar
hann ber fyrir sig „innanbúðarheimildum um
að það hafi verið tekin ákvörðun um að kné-
setja Mjólku með öllum ráðum“.
Í greininni setja Ólafur og blaðamaður
Morgunblaðsins fram þungar ásakanir í garð
stjórnenda þess hluta mjólkuriðnaðarins sem
er í eigu mjólkurbænda. Í þessum efnum lang-
ar okkur að koma á framfæri nokkrum atriðum
sem eru til þess fallin að veita lesendum blaðs-
ins meiri skilning á þeim málefnum mjólkur-
iðnaðarins sem fjallað er um í áðurnefndu við-
tali.
Í upphafi greinarinnar segir blaðamaður að
Mjólka hafi „náð fótfestu á afar óaðgengilegum
markaði – svo ekki sé fastar að orði kveðið“.
Það er því rétt að upplýsa lesendur Morg-
unblaðsins um að mjólkuriðnaðurinn hefur átt
ákaflega góð samskipti við einkarekin mjólk-
urbú sem og fyrirtæki sem starfa á sviði mót-
töku mjólkur, framleiðslu, sölu og dreifingar á
ýmsum mjólkurvörum, og er þar af mörgum
dæmum að taka.
1. Einkarekna fyrirtækið Bíó-bú, sem hefur
verið rekið til margra ára með góðum árangri,
hefur verið í góðri samvinnu við MS, sem hefur
leitast við að aðstoða búið í starfsemi sinni eins
og kostur er. Það hefur orðið til þess að Bíó-
búinu hefur tekist að byggja hér upp öflugan
markað fyrir lífræna jógúrt, sem er í heilmikilli
samkeppni við okkar eigin framleiðslu.
2. Um árabil annaðist Osta- og smjörsalan sf.
sölu og dreifingu fyrir Ostahúsið í Hafnarfirði
sem framleiddi og seldi vörur í samkeppni við
vörur Osta- og smjörsölunnar. Osta- og smjör-
salan hefur alla tíð stutt við bakið á því ágæta
fólki, sem að eigin frumkvæði stofnaði Osta-
húsið í samkeppni við Osta- og smjörsöluna.
3. MS hefur einnig stutt við bakið á Mjólku
og hjálpað fyrirtækinu þegar þess hefur þurft.
Það er til að mynda ekki langt síðan Mjólka
varð fyrir því óhappi að mjólkurbíll þeirra bil-
aði. MS brást við á þann hátt að lána Mjólku
mjólkurbíl sem ekki var í notkun. Þetta varð til
þess að Mjólka gat sinnt sínum bændum og
komið mjólkinni til framleiðslu í sínu búi. Að
öðrum kosti hefði fyrirtækið getað orðið fyrir
óþægindum og frekari fjárhagslegum skaða.
4. Undanfarnar vikur hefur Mjólka ekki haft
not fyrir alla þá mjólk sem fyrirtækið hefur
keypt af bændum. Þeir sem vilja knésetja fyr-
irtækið hefðu ugglaust staðið hjá og látið það
afskiptalaust þótt Mjólka yrði að hella niður
mjólkinni sem ekki næðist að fullvinna. Það var
hins vegar ekki gert. MS keypti umrædda
mjólk sem Mjólka framleiðir á Grjóteyri í Kjós.
Þessi dæmi, sem hér eru nefnd, eru þess eðl-
is að hvorki er hægt með sanngirni né heið-
arleika að bera það á okkur stjórnendur MS og
Osta- og smjörsölunnar að við reynum að „kné-
setja Mjólku með öllum ráðum“.
F.h. Osta- og smjörsölunnar sf.
Magnús Ólafsson forstjóri og
Guðbrandur Sigurðsson forstjóri f.h. MS.“
Hafa átt góð samskipti við
einkarekin mjólkurbú
BIRGITTA Jónsdóttir
Klasen hefur ákveðið að
bjóða sig fram í prófkjöri
Sjálfstæðisflokksins i
Suðurkjördæmi 11. nóv.
nk. Hún óskar eftir
stuðningi í 5. til 6. sætið.
Birgitta fluttist hing-
að til lands fyrir sex ár-
um frá Þýskalandi, en
hún hefur verið viðloð-
andi og starfandi við
stjórnmál í Þýskalandi síðan árið 1978 og
hefur áhuga á því að halda áfram á þeirri
braut hér á Íslandi.
Stefnir á
5.–6. sætið
Birgitta Jónsdóttir
Klasen
SONJA B. Jónsdóttir
myndlistarkennari og
kvikmyndagerðarmaður
býður sig fram í próf-
kjöri Samfylkingarinnar
í Suðvesturkjördæmi
hinn 4. nóvember nk.
Hún sækist eftir 4.–5.
sæti og vill einkum vinna
að auknum jöfnuði í sam-
félaginu, forvarnamál-
um, bættum hag barna,
unglinga, fatlaðra, öryrkja og aldraðra og
einnig að fræðslu- og menningarmálum.
Sonja hefur starfað sem blaðamaður,
fréttamaður á Sjónvarpinu og ritstýra tíma-
ritsins Veru. Hún rak eigið fyrirtæki, Kvik-
myndafélagið Nýja bíó, um tíu ára skeið og
gerði þá fjölda sjónvarpsþátta, fræðslu- og
heimildamynda. Undanfarin ár hefur Sonja
verið í myndlistarnámi við Listaháskóla Ís-
lands og lauk hún kennsluréttindanámi frá
þeim skóla að loknu BA-prófi í myndlist.
Hún hefur einnig BA-próf í heimspeki og al-
mennri bókmenntafræði.
Sonja hefur setið í stjórnum Alnæmis-
samtakanna, Samtaka um kvennaathvarf
og verið formaður Nýrrar dögunar – sam-
taka um sorg og sorgarviðbrögð.
Sonja er einn af stofnendum Neslistans á
Seltjarnarnesi og hefur tekið þátt í störfum
menningarnefndar Seltjarnarness sem
varamaður undanfarin tvö kjörtímabil. Hún
er í stjórn Samfylkingarinnar á Seltjarn-
arnesi og var í 9. sæti á listanum í Suðvest-
urkjördæmi í síðustu alþingiskosningum.
Sonja telur mikilvægt að í efstu sætum
framboðslistans verði bæði konur og karlar
á öllum aldri og að frambjóðendur komi frá
öllum þéttbýliskjörnum kjördæmisins.
Sækist eftir
4.–5. sæti
Sonja B.
Jónsdóttir
STEINN Kárason um-
hverfishagfræðingur gef-
ur kost á sér í 3.–5. sæti í
prófkjöri á framboðslista
Sjálfstæðisflokksins í
Reykjavík fyrir komandi
kosningar.
„Náttúruvernd og
skynsamleg nýting nátt-
úruauðlinda eru meðal
krefjandi viðfangsefna
sem bíða úrlausnar á næstu árum. Einnig
umhverfismál almennt. Menntamál, nýsköp-
un og rannsóknir eru lykilinn að velmegun og
samkeppnishæfni þjóðarinnar á alþjóðavett-
vangi. En höfum líka hugfast að fjölskyldan
er hornsteinn samfélagsins. Ég tel að Sjálf-
stæðisflokkurinn eigi að hafa forystu í þess-
um málum til farsældar fyrir samfélagið. Ég
vil leggja mitt af mörkum til að svo megi
verða,“ segir í fréttatilkynningu frá Steini.
Steinn lauk M.Sc.-prófi í umhverfisstjórn-
un og alþjóðaviðskiptum frá Álaborgarhá-
skóla 2002 og diplómaprófi í umhverfisfræð-
um 2001 frá Copenhagen Business School,
University of Pietermaritzburg og Durban í
Suður-Afríku. Hann lauk B.Sc.-gráðu í við-
skiptafræði frá Háskólanum á Bifröst árið
2000 og er iðnrekstrarfræðingur frá TÍ og
garðyrkjufræðingur frá Garðyrkjuskólan-
um.
Steinn situr í stjórn Félags sjálfstæðis-
manna í Smáíbúða-, Bústaða- og Fossvogs-
hverfi. Hann er fulltrúi menntamálaráðu-
neytisins í Umhverfisfræðsluráði og
formaður foreldraráðs Fossvogsskóla.
Sækist eftir
3.–5. sætinu
Steinn Kárason
RÓBERT Mars-
hall hefur ákveðið
að gefa kost á sér
í 1.–2. sæti í próf-
kjöri Samfylking-
arinnar í Suður-
kjördæmi sem
fram fer 4. nóv-
ember. Í tilkynn-
ingu um framboð-
ið segist Róbert í
störfum sínum vilja leggja mesta
áherslu á umhverfisvernd, stórbætt-
ar samgöngur á Suðurlandi, upp-
byggingu atvinnulífs í kjördæminu,
jafnréttismál og vernd borgaralegra
réttinda. Róbert hefur víðtæka
reynslu af blaðamennsku og stjórn-
unarstörfum henni tengdum, auk
þess að hafa veitt stéttarfélagi blaða-
manna forystu.
„Margrét Frímannsdóttir hefur
verið öflugur leiðtogi Samfylkingar-
innar í Suðurkjördæmi og skarð
hennar er vandfyllt. Það er fólksins í
Suðurkjördæmi að sækja sér nýjan
forystumann. Ég býð mig fram til
þess hlutverks,“ segir í tilkynningu.
Sækist eftir
1.–2. sæti
Róbert Marshall
ÞVÍ var fagnað í gær að í þessum mánuði eru liðin
20 ár frá því Stöð 2 fór fyrst í loftið, nánar tiltekið
renna tímamótin upp 9. október. Boðað var til veislu
á Kjarvalsstöðum þar sem þrír af stofnendum
Stöðvar 2, þau Jón Óttar Ragnarsson, Valgerður
Matthíasdóttir og Hans Kristján Árnason afhentu
Ara Edwald að gjöf afrit af vélritaðri dagskrá
stöðvarinnar þennan fyrsta dag. .
Morgunblaðið/Golli
Fögnuðu 20 ára afmæli Stöðvar 2