Morgunblaðið - 13.01.2007, Blaðsíða 48

48 LAUGARDAGUR 13. JANÚAR 2007 MORGUNBLAÐIÐ
það var nánast ómögu-
legt fyrir sjúklinga hér
að fá að sjá sjúkra-
skýrslur um þá sjálfa.
Nú er það heimilt en þó
fara læknar fyrst yfir
skýrslurnar til þess að
ganga úr skugga um,
að þar sé ekkert, sem
sjúklingarnir mega
ekki sjá um sjálfa sig.
En auðvitað er sú
þjónusta, sem Danir
hafa nú ákveðið að taka
upp, til fyrirmyndar.
Það á ekki að vera neitt
leyndarmál, sem sagt
er um sjúklinga í
sjúkraskýrslum. Hins
vegar vekur athygli að þar er ekki
einungis verið að ræða um sjúkra-
skýrslur vegna innlagnar á sjúkra-
hús heldur einnig skýrslur, sem
heimilislæknar kunna að taka saman
um sjúklinga sína.
Við eigum að feta í fótspor Dana
og taka upp þá þjónustu, að sjúk-
lingar geti lesið eigin sjúkraskýrslur
á Netinu. Það á að eiga við um
skýrslur, sem teknar eru saman á
sjúkrahúsum, hjá heimilislæknum
og hjá sérfræðingum. Þessar upp-
lýsingar á hver einstaklingur að geta
fundið um sjálfan sig á Netinu með
hjálp aðgangsorðs fyrir hvern og
einn.
Í fyrradag birtist lítilfrétt á erlendri
fréttasíðu Morg-
unblaðsins, sem
ástæða er til að veita
eftirtekt. Þar sagði:
„Danir munu innan
skamms geta lesið
sjúkraskýrslur sínar,
jafnt þær, sem gerðar
eru á sjúkrahúsum og
af hálfu heimilislækna
á Netinu, að því er seg-
ir á heimasíðu danska
útvarpsins. Er það haft
eftir Bent Hansen, for-
manni Landssamtaka
héraðanna í Dan-
mörku, að búið sé að
gera samning þessa efnis við liðs-
menn heilbrigðiskerfisins.
Kaupmannahöfn og Borgund-
arhólmur verða ekki með í kerfinu
að svo komnu máli en ráðamenn á
umræddum stöðum vilja bíða þar til
búið verði að þróa betur tölvukerfin.
Fyrst í stað verða það rúmlega
20.000 manns, sem búa í Viborgamti,
sem áður var stjórnsýslueining, er fá
að skoða skýrslurnar frá sjúkrahús-
unum. Sama munu íbúar annarra
svæða geta þegar líður á árið.
Skýrslur lækna utan sjúkrahúsa
munu bætast við netkerfið síðar.“
Þessi ákvörðun Dana er til mik-
illar fyrirmyndar. Sú var tíðin, að








víkverji skrifar | vikverji@mbl.is
MORGUNBLAÐIÐ, Hádegismóum 2, 110 Reykjavík. SÍMI: 569 1100. SÍMBRÉF:
ritstjórn: 569 1181, auglýsingar 569 1110, skrifstofa 569 1118, gjaldkeri 569 1115.
NETFANG: ritstjorn@mbl.is, / Áskriftargjald 2.800 kr. á mánuði innanlands.
Í lausasölu 220 kr. eintakið mánudaga til laugardaga. Sunnudaga 350 kr.
dagbók
Orð dagsins: Úr fjarlægð birtist Drottinn mér:
„Með ævarandi elsku hef ég elskað þig. Fyrir því
hefi ég látið náð mína haldast við þig.“ (Jer. 31, 3.)
Í dag er laugardagur
13. janúar, 13. dagur
ársins 2007
velvakandi
Svarað í síma 5691100 frá 10–12 og 13–15 | velvakandi@mbl.is
Réttindi foreldra gagnvart
dagforeldrum
UM áramótin var verið að hækka
niðurgreiðslu Reykjavíkur til dag-
foreldra með það að leiðarljósi að
lækka kostnað foreldra vegna vist-
unar barna sinna.
Nú er ég einstæð móðir með barn
mitt í 9 tíma vistun hjá dagmóður.
Hækkun niðurgreiðslunnar hljóðaði
upp á 17.900 kr. til dagmóðurinnar
eða úr um 37.700 kr. í 55.600 kr. mið-
að við einstætt foreldri og 9 tíma
vistun. Samt sem áður var ég rukk-
uð um sama gjald og áður hjá dag-
mömmunni og niðurgreiðslan skilaði
sér ekki til mín. (Ég er að borga
27.300 kr. á móti niðurgreiðslunni
sem er óhemjumikið fyrir einstætt
foreldri með frekar lág laun). Skýr-
ingar dagmóðurinnar eru þær að
hún hafi ekkert vitað af þessu þrátt
fyrir að upplýsingar lægju fyrir á
heimasíðu Reykjavíkur og fé-
lagsfundi Barnavistunar í desember.
Ég afla mér upplýsinga vegna þessa
hjá menntasviði Reykjavíkur, og fæ
þau svör að ekkert sé hægt að gera.
Dagforeldrar eru verktakar og
mega taka til sín niðurgreiðsluna
hvort heldur sem er að hluta til eða
alla ef þeim hentar. Dagforeldrum
er líka heimilt að hækka gjaldskrá
sína með engum fyrirvara ef þeim
hentar, ekkert er hægt að gera, sam-
kvæmt upplýsingum frá leik-
skólasviði Reykjavíkur.
Segjum sem svo að dagforeldrið
ákveði að taka sér frí, þá getur það
gert það og látið foreldra borga ef
það vill. Ég lenti í því og fékk þau
svör að það væri heldur ekkert við
því að gera, dagforeldrar eru verk-
takar og því mismunandi hvað er
innifalið í launum þeirra, þeir geta
því rukkað foreldra um þá þjónustu
sem þeir veita ekki.
Síðan er verið að tala um að gera
dagforeldra að jafnraunhæfum kosti
fyrir foreldra og leikskóla með því
að hækka niðurgreiðsluna og þar
með lækka kostnað foreldra við
greiðslur til dagforeldra. Hvernig
má það vera þegar staðan er eins og
hún er í dag? Ég fékk þau svör frá
leikskólasviði Reykjavíkur að til
stæði að gera samning við dagfor-
eldra vegna frídaga og fyrirhug-
aðrar endurgreiðslu vegna veikinda
o.þ.h. og er gert ráð fyrir að þeir
samningar verði komnir í gagnið á
vormánuðum, en þangað til stöndum
við foreldrar algjörlega réttindalaus
gagnvart dagforeldrum.
Foreldri barns hjá dagforeldri.
Hækkanir á matvörum
ÉG hef tekið eftir því að Bónus-
verslanir hafa hækkað verð á mat-
vörum töluvert undanfarið og tel ég
þetta svik gegn okkur landsmönnum
þar sem lækkanir eru framundan en
verða sáralitlar þegar upp er staðið.
Nú stöndum við saman lands-
menn og látum ekki bjóða okkur
þetta lengur. Ég krefst þess að
rannsókn fari fram strax.
Svikin Reykjavíkurmær.
Valdapot
KARLAR tveir reyna nú að yfirtaka
stjórnmálaflokk sem kvenmaður
stofnaði og ýta henni til hliðar (þeir
voru ekki stofnendur). Ég er kven-
maður og líkar illa við svona karl-
rembuframkomu. Að Magnús og
Guðjón skuli dirfast að valta yfir
kvenstofnanda flokksins lofar ekki
góðu fyrir þá, ekki er þetta beint
gáfuleg framkoma.
Margrét Ásgeirsdóttir.
árnað heilla
ritstjorn@mbl.is
80 ára afmæli.
Petrea Guðný
Pálsdóttir frá
Grundarfirði
verður áttræð á
morgun 14. jan-
úar. Hún tekur
á móti ætt-
ingjum og vin-
um í Góðtempl-
arahúsinu við
Suðurgötu 7, Hafnarfirði, kl. 14–17
sunnudaginn 14. janúar.
Hlutavelta | Þessir krakkar í Garðabæ
gengu í hús í nágrenni við heimili sín
og buðust til að syngja fyrir heim-
ilisfólk „Stóð ég úti í tunglsljósi,“ við
trommuslátt og klingjandi bjölluhljóm.
Í staðinn báðu þau um frjáls framlög
frá áheyrendum til styrktar Rauða
krossi Íslands. Alls söfnuðust 41.503
krónur. Krakkarnir heita: Kristjana
Ósk Kristinsdóttir, Gunnhildur Halla
Ármannsdóttir, Ingunn Anna Krist-
insdóttir, Tryggvi Pétur Ármannsson
og Jökull Nökkvason.
Hlutavelta | Þrjár ungar stúlkur söfn-
uðu rúmlega sex þúsund krónum fyrir
Krabbameinsfélagið með því að ganga
í hús í Kópavogi. Þetta voru þær
Guðný Kristjánsdóttir, Þóranna Dís
Bender og Árný Kristjánsdóttir, 8 ára.