Morgunblaðið - 13.01.2007, Blaðsíða 23

Þ ær sem eru þrjátíu og eitthvað eru enn að jafna sig á síðu, skæru peys-unum með víða hálsmálinu sem beraði axlirnar á níunda áratugnum.Þær sem eru á milli fimmtugs og sextugs muna glöggt eftir hippaár-unum og Karnabæjarstílnum a la Twiggy. Þær sem eru yfir sjötugt hafa
ekki gleymt fágaðari Audrey Hepburn-tískunni og þær sem nálgast nírætt rámar
áreiðanlega í smellueyrnalokkana.
Konur á öllum aldri; setjið ykkur í stellingar – þessar tískubólur eru allar að
springa út í vor. Aftur! En að sjálfsögðu mun árið 2007 setja sitt mark á þær,
nema hvað.
Það yndislega við vorið er litagleðin, bæði pastellitirnir í
bleiku, bláu og grænu, hinn kaffikremaði og svo hinir
sterku; sólgulur, jarðaberjarauður, kóralblár, apríkósu-
gylltur og fjólublár. Grunnlitirnir svart og hvítt verða
samt áfram áberandi í vortískunni þar sem þeim er teflt
saman sem andstæðum í samsetningum. Sá frostgrái og
hinn silfraði verða sterkir á svellinu ásamt áframhald-
andi vinsældum gljáandi efna eins og silkis og pólýes-
ters og glimmers.
Mynstur verða meira áberandi þegar líða tekur á
vorið. Í anda árstíðarinnar eiga blómamynstur af öllu
tagi sviðið en sumarið verður líka doppótt og
röndótt.
Fyrirsæturnar svifu um í sum-
arkjólum og aftur sumarkjólum á
tískusýningum stórborganna en
útgáfurnar voru fjölbreyttar.
Stuttir voru mest áberandi, þar
sem pilssíddin var rétt fyrir ofan
hné eða um mið læri. A-línu-sniðið var vinsælt og
þar mátti sjá svokallaða dúkkukjóla (e. babydoll
dress) með púffermum, einfalda hálferma kjóla í anda
sjöunda áratugarins jafnt sem glansandi, hlýralausa
kjóla með víðu pilsi og mittisbelti, gjarnan við legg-
ings.
Leggings verða einmitt mál málanna í vor og
sumar hjá yngri kynslóðinni. Svartar með glimmeri
jafnt sem mynstraðar og litríkar. Stutt, bein pils
eins og gallapils sem ná rétt niður fyrir rass verða
áfram vinsæl en víð, stutt hringpils banka á dyrn-
ar og stuttbuxurnar eru ekkert á leiðinni út.
Það sama á við um ökklastígvélin, þau halda
velli en fylltu hælarnir og sandalar koma inn
fyrir sumarið. Handtöskurnar minnka dálítið frá því
sem hefur verið en eiga nú að vera litríkar. Sól-
gleraugun eru áfram stór og hringlaga.
Sem sagt geggjað úrval fyrir konur
á öllum aldri. Svo er bara að blanda öllu sam-
an eins og hverja og eina lystir og búa til einstakan
stíl vorið og sumarið 2007 …
MORGUNBLAÐIÐ LAUGARDAGUR 13. JANÚAR 2007 23
Matvöruverslunum á Akranesi fer fjölgandi
og nýir aðilar hafa haslað sér völl með nýjum
verslunum. Fyrir fáeinum misserum voru að-
eins þrír aðilar með matvöruverslanir á Akra-
nesi en í dag eru verslanirnar orðnar fimm og
von er á þeirri sjöttu á vormánuðum. Sam-
keppnin er því mikil í ört vaxandi bæjarfélagi
enda skammt þar til íbúatala bæjarins fer yfir
6.000 – í fyrsta sinn í sögunni. Verslun Einars
Ólafssonar eru sú elsta af þeim verslunum sem
eru í rekstri í dag, Skagaver er einnig í eigu
heimamanna en á síðustu misserum hafa Sam-
kaup/Strax, Kaskó (áður Nettó) og Krónan
sett upp verslanir í bænum. Í maí er áætlað að
nýtt verslunarhúsnæði verði tilbúið rétt utan
við bæinn þar sem Bónus verður með verslun.
Það er því fjör hjá kaupmönnum bæjarins.
  
Bæjarstjórn Akraness hefur falið Gísla S.
Einarssyni bæjarstjóra það verkefni að gera
sérstakar ráðstafanir þegar íbúatalan fer yfir
6.000 en hinn 21. desember voru íbúar á Akra-
nesi 5.980 – og hafa þeir aldrei verið fleiri. Til
samanburðar má nefna að 1. febrúar árið 2005
voru íbúar Akraness 5.793.
  
Unglingar á Akranesi fá hrós í fundargerð
tómstunda- og forvarnanefndar bæjarins fyrir
þátttöku þeirra í þrettándabrennunni á dög-
unum. Þar voru unglingarnir áberandi í dag-
skránni í hlutverkum álfa, trölla, Grýlu,
Leppalúða og annarra kynjavera. Það er
ánægjulegt fyrir unglinga Akraneskaupstaðar
að fá slíkt hrós. Vonandi halda unglingarnir
áfram á sömu braut og sýna að það er mikið í
þá spunnið.
  
Héraðsfréttablaðið Skessuhorn hefur
stóreflt fréttaflutning á fréttavef blaðsins og
er það mikið ánægjuefni fyrir íbúa á Akranesi
og víðar. Héraðsfréttablöðin hafa á und-
anförnum árum átt undir högg að sækja en
fréttavefur Skessuhorns er gott dæmi um að
eftirspurn er eftir vönduðum fréttum af gangi
mála á Vesturlandi sem og víðar.
  
Í gær bárust fréttir af því að ríkisstjórn Ís-
lands hefði ákveðið að verja 60 millj. kr. á
næstu fimm árum til endurgerðar og varð-
veislu kútters Sigurfara, sem staðið hefur við
Byggðasafn Akraness undanfarin ríflega 30
ár. Sigurfara er nú stefnt til Skotlands og á að
gera hann siglingahæfan á ný. Þessar fréttir
eru ánægjuefni fyrir íbúa Akraness og nær-
sveita þar sem skipið hefur verið eitt helsta
kennileiti Akraness á undanförnum árum.
Morgunblaðið/Sigurður Elvar
Sæt Grýla og Leppalúði á þrettándabrennu.
ÚR BÆJARLÍFINU
Sigurður Elvar Þórólfsson blaðamaður
úr bæjarlífinu
Fjólublátt Leð-
ur við barinn,
21.900 kr. Vero
Moda.
Reuters
Bert Takið eftir beru öxlinni.
Reuters
Tíguleg
Ó, þetta
er svo
,,næntís“
Stutt Vægast sagt virkilega
stutt 4.990 kr. Warehouse,
lyklakippa 999 kr. Accessorize.
Leggings Heitir, fylltir hælaskór,
11.990 kr. og glimmerleggings,
2.990 kr. Warehouse.
Morgunblaðið/Ásdís
Litríkar Grá, 4.990 kr. Aldo.
Rauð, 6.490 kr. Friis&Comp-
any, Fjólublá, 2.499 kr. og
gul, 1.399 kr. Accessorize.
Glimmer
Jafnvel á
skónum,
4.990 kr.
Focus.
Lesið í vortískulaufin
Pönkað Víð stutt pils
og svolítið pönkaðir
fylgihlutir.
Dúkkulísa
Sjáið flotta
dúkkukjólinn
minn!
Reuters
Formfagurt Bolirnir eru
margir síðir eins og
peysurnar, 3.950 kr.
Gallabuxnabúðin.
tíska