Morgunblaðið - 18.01.2007, Blaðsíða 21

úr bæjarlífinu
MORGUNBLAÐIÐ FIMMTUDAGUR 18. JANÚAR 2007 21
Örn Ingi Gíslason listamaður fagn-
aði 30 ára „útgönguafmæli“ úr
Landsbankanum í gær, en eins og
kom fram í blaðinu voru þá liðin
nákvæmlega 30 ár síðan hann hætti
þar störfum upp á þá fjárhagslegu
von og óvon sem því fylgir að vera
listamaður. Í tilefni dagsins var
skemmtileg samkoma á Amts-
bókasafninu í hádeginu þar sem
Örn Ingi ræddi m.a. um menning-
armál.
  
Klukkan rúmlega tíu í gærmorgun
heimsótti Örn Ingi gamla starfs-
félaga í bankanum og þar var glatt
á hjalla. Síðan fór hann á Heilsu-
gæslustöðina, bankaði uppá hjá
heimilislækninum sínum og færði
honum rauðvínsflösku að gjöf í til-
efni þess að hann hefur aldrei þurft
að leita til læknisins á þessum þrjá-
tíu árum. Ekki eru ýkjur að Frið-
rik Vagn Guðjónsson var undrandi
þegar gestinn bar að garði! En
Friðrik tók auðvitað við gjöfinni.
  
Ekki varð undrun starfsmanna
Svæðisvinnumiðlunar minni þegar
Örn Ingi stormaði þangað inn með
blómvönd og konfektkassa og færði
fólkinu að gjöf. Tilefnið var að
þrátt fyrir að hafa verið „atvinnu-
laus“ í 30 ár hefur honum aldrei
dottið í hug að nýta sér þjónustu
stofnunarinnar.
  
Ólafur Árnason sem er 102 ára,
elsti íbúi Akureyrar og elsti áskrif-
andi staðarblaðsins Vikudags, setti
formlega í gang nýjan fréttavef
Vikudags – www.vikudagur.is – síð-
degis í gær. Um það bil eitt ár er
liðið síðan nýir eigendur tók við út-
gáfu blaðsins og fréttaþjónusta á
Netinu bætist nú við þjónustuna.
  
Hnútuköst Kristjáns Þórs Júlíus-
sonar, fráfarandi bæjarstjóra, og
Sigfúsar Ólafs Helgasonar, for-
manns og framkvæmdastjóra
Íþróttafélagsins Þórs, hafa vakið
athygli undanfarið. Sigfús lýsti því
yfir á fundi að hann væri mótfallinn
hugmyndum um uppbyggingu
frjálsíþróttaaðstöðu á svæði Þórs
en bærinn hefur stefnt að því fyrir
Landsmót UMFÍ 2009. Í kjölfar
þessara ummæla Sigfúsar sagði
Kristján Þór í Vikudegi að sér virt-
ist sem Sigfus væri að beita bæinn
fjárkúgun. „Ef við ætlum inn á
svæði Þórs, þá verðum við að borga
það fyrir það,“ var haft eftir bæj-
arstjóranum.
  
Framkvæmdastjórn Þórs sendi frá
sér yfirlýsingu þar sem orðum
Kristjáns Þórs var harðlega mót-
mælt, „er hann sakar formann Þórs
um fjárkúgun […] enda á sú stað-
hæfing sér enga stoð í veru-
leikanum. Það er með ólíkindum
hvernig fráfarandi bæjarstjóra
tekst að setja fjárkúgun í samhengi
við innihald ummæla formanns
Þórs sem birtust í Vikudegi hinn 4.
janúar“.
Þórsarar benda einnig á að aðal-
fundur félagsins 2003 hafi sam-
þykkt að veita aðalstjórn þess
heimild til að leita eftir viðræðum
við bæjaryfirvöld um uppbyggingu
frjálsíþróttaaðstöðu á félagssvæði
Þórs, en ekki hafi verið samþykkt
þar að í slíkar framkvæmdir yrði
ráðist eins og sagt var í Vikudegi.
„Formlegar viðræður hafa ekki far-
ið fram milli félagsins og bæjaryf-
irvalda um málið þrátt fyrir ítrek-
aða beiðni félagsins þar um.
Persónuleg skoðun formanns
Íþróttafélagsins Þórs þarf ekki að
endurspegla afstöðu aðalstjórnar
né annarra félagsmanna,“ sagði í
yfirlýsingu Þórs.
  
Eitt lítið orð vantaði í texta með
mynd í blaðinu á þriðjudaginn og
skemmdi frásögnina; myndin var
tekin við vígslu glæsilegrar sund-
laugar á Hrafnagili og þar klipptu
á borða Úlfar Hreiðarsson, fyrrver-
andi húsvörður, og Rósa Árnadóttir
frá Höskuldsstöðum í Eyjafjarð-
arsveit, sem kennt hefur sund í
áratugi. Orðið hún féll niður þannig
að halda mátti að Úlfar hefði bæði
verið húsvörður og kennt sund. Það
skal ítrekað að Rósa hefur kennt
sund í Eyjafjarðarsveit, og raunar
víðar, í áratugi. Hér með er beðist
innilega afsökunar á mistökunum.
Morgunblaðið/Skapti Hallgrímsson
Hestaheilsa Örn Ingi og Friðrik
Vagn Guðjónsson heimilislæknir.
AKUREYRI
Skapti Hallgrímsson
Morgunblaðið/Benjamín Baldursson
Margreynd Rósa Árnadóttir á
Höskuldsstöðum í Eyjafjarðarsveit.
Guðmundur G. Halldórssonhorfði á fréttir í liðinni viku.
Þar var Kristján Þór Júlíusson bæj-
arstjóri kvaddur. Og Guðmundur
orti:
Akureyrar hækkar hagur
hlær við sól hver Eyfirðingur;
Kristján Þór er myndarmaður
meira að segja Dalvíkingur.
Í skoðanakönnun kom fram að
Valgerður Sverrisdóttir næði ein
inn af lista Framsóknar í Norðaust-
urkjördæmi. Guðmundur orti:
Birtist alltaf björt og hrein
baðar vængjum framagjörn;
skyldi hún verða eftir ein
álftin fagra á Lómatjörn?
Loks fylgdist hann með Ingi-
björgu Sólrúnu Gísladóttur lýsa
áhuga á inngöngu í ESB og orti
„kannski ekki alveg eins vinsam-
lega vísu“:
Mörgum finnst hún körg og köld,
kratans fúna rætur
þegar önug Ingibjörg
Össur fjúka lætur.
VÍSNAHORNIÐ
Af fréttum
og pólitík
pebl@mbl.is