Morgunblaðið - 02.04.2007, Blaðsíða 15

MORGUNBLAÐIÐ MÁNUDAGUR 2. APRÍL 2007 15
MENNING
Í DAG er alþjóðlegi barna-
bókadagurinn, fæðingardagur
H.C. Andersens, haldinn há-
tíðlegur í 40. sinn. IBBY-
samtökin alþjóðlegu standa að
deginum. Í tilefni dagsins
verður sögustund í Borg-
arbókasafninu í Grófinni, þar
sem barnabókahöfundar lesa
úr þeim bókum sem þeir höfðu
mest dálæti á í bernsku. Bæk-
urnar verða einnig til sýnis á
safninu. Sögustundin stendur frá 15.30–16.30. Í
Ásmundarsafni stendur yfir sýning á mynd-
skreytingum við munnmælasögur, en listamenn-
irnir eru tólf barnabókateiknarar.
Bókmenntir
Úr bókaskáp
bernskunnar
Bókaormur
NÓVELLAN Umskiptin er,
ásamt skáldsögunni Rétt-
arhöldunum, þekktasta verk
pragverska rithöfundarins
Franz Kafka – og jafnframt
eitt frægasta sagnaverk evr-
ópskra bókmennta á 20. öld.
Þetta er saga sem margir
þekkja, en jafnframt verk sem
enn vefst mjög fyrir þeim sem
leitast við að túlka eða „skýra“
hana – svo mjög raunar, að
rætt hefur verið um „örvæntingu túlkandans“. Í
erindi sínu í stofu 111 í aðalbyggingu Háskólans
kl. 16.30 í dag, spyr Ástráður Eysteinsson hvaða
þröskuldar mæti skilningi lesenda í sögunni.
Fræði
Örvænting
túlkanda Kafka
Ástráður
Eysteinsson
Á HÁDEGISFYRIRLESTRI
Sagnfræðingafélags Íslands í
Þjóðminjasafninu á morgun,
talar Eggert Þór Bernharðs-
son um sögusýningar á Ís-
landi. Talsverð gróska hefur
verið í safna- og sýninga-
málum á undanförnum árum
og á tíu ára tímabili hefur
gestafjöldi að söguminjasöfn-
um nærri þrefaldast. Í erindinu verður meðal
annars rætt um þessa fjölgun, stöðu safna í
samfélaginu og breytt viðmið og viðhorf í sýn-
ingagerð. Jafnframt verður fjallað um áherslur í
efnisvali á sýningum. Fyrirlesturinn hefst kl.
12.05.
Fræði
Söguþyrst þjóð
í ferð til fortíðar
Eftir Bergþóru Jónsdóttur
begga@mbl.is
ÞAÐ er löng hefð fyrir tónleikahaldi í
dymbilviku hér á landi og engin und-
anteknin verður á því í ár. Fyrr á ár-
um voru það helst stórvirki barrokk-
meistaranna sem hljómuðu á þessum
tíma, passíur og óratoríur, Bachs og
samtímana hans og eina slíka getur
að heyra í kyrruviku, ásamt glænýrri
íslenskri passíu.
Kórsöngur og kammermúsík
Í kyrruviku er einnig komin hefð á
fyrstu tónlistarhátíð vorsins á lands-
byggðinni. Það er tónlistarhátíðin
Músík í Mývatnssveit, sem nú verður
haldin í níunda sinni. Í ár verður í
fyrsta skipti boðið upp á kórsöng, en
kammerkórinn Hymnodia ásamt
stjórnandanum Eyþóri Inga Jónssyni
flytur bæði veraldlega og kirkjulega
tónlist. Þá kemur bandaríski píanó-
leikarinn Beth Levin frá New York til
að spila á hátíðinni, en hún mun með-
al annars flytja Goldberg-tilbrigðin
eftir Bach ásamt því að spila með
Laufeyju Sigurðardóttur fiðluleikara
og listrænum stjórnanda hátíð-
arinnar. Tónleikarnir eru sem fyrr
tvennir; píanó og kammertónleikar á
skírdag kl. 20 í Skjólbrekku og kór-
tónleikarnir í Reykjahlíðarkirkju á
föstudaginn langa kl. 21.
Kór Áskirkju ræðst í það stórvirki
að flytja Jóhannesarpassíu Bachs í
Fossvogskirkju kl. 17 skírdag og
föstudaginn langa. Einsöngvarar
verða Ágúst Ólafsson, Bergþór Páls-
son, Eyjólfur Eyjólfsson, Gunnar
Guðbjörnsson, Hallveig Rúnarsdóttir
og Jóhanna Ósk Valsdóttir. Kórinn er
fremur ungur, aðeins sex ára, en var
tilnefndur til Íslensku tónlistarverð-
launanna 2004 fyrir plötu með ís-
lenskum kórlögum. Kári Þormar
kantor í Áskirkju segir að kórnum
hafi fundist verið kominn tími til að
ráðst í eitthvað stórt. „Jóhann-
esarpassían er verk sem fólki finnst
þurfa að hljóma á nokkurra ára fresti,
og nú var lag.“ Áðurfyrr voru passíur
Bachs jafnan fluttar af mjög stórum
kórum. Kór Áskirkju er lítill, telur
um átján manns, og Kári telur það
kost. „Þetta er miklu meðfærilegra
og hljómurinn er allt annar þannig að
hægt er að velja léttara tempó. Það
reynir auðvitað meira á hvern og einn
söngvara, en það er vel skólað söng-
fólk í kórnum. Eftir því sem lengra
hefur liðið á æfingatímann, finnst
mér kórinn nánast vera orðinn háður
því að syngja þetta. Jóhann-
esarpassían og þessi stóru verk
Bachs hafa líka borið höfuð og herðar
yfir aðra slíka tónlist.“
Passíusálmarnir í tónum
Þótt Bach sé góður, þá hafa tón-
skáld á síðari tímum aldrei vílað fyrir
sér að að feta í fótspor hans og semja
tónlist byggða á sögum af Kristi og
lærisveinum hans - jafnvel íslenskum.
Sigurður Sævarsson hefur samið
Hallgrímspassíu, byggða á Pass-
íusálmum Hallgríms Péturssonar.
Flytjendur eru kammerkórinn
Schola cantorum og einsöngvarar úr
hans röðum, sem fara með hlutverk
persóna píslarsögunnar. Jóhann
Smári Sævarsson bassi, og bróðir
tónskáldsins, verður í hlutverki Hall-
gríms Péturssonar, og Caput leikur
með. Frumflutningur Hallgríms-
passíunnar verður í Hallgrímskirkju
föstudaginn langa kl. 22.
Fjölbreytt tónleikahald í dymbilviku, Músík í Mývatnssveit og passíur gamlar og nýjar
Jóhannesarpassía í Fossvogskirkju
Í HNOTSKURN
» Skirdag og föstudaginnlanga verður tónlistarhá-
tíðin Músík í Mývatnssveit
haldin í níunda sinn. Hymnódía
syngur andlega tónlist og
píanóleikarinn Beth Levin og
Laufey Sigurðardóttir fiðlu-
leikari flytja tverk eftir Bach
og fleiri.
» Skírdag og föstudaginnlanga kl. 17 flytur kór Ás-
kikju Jóhannesarpassíuna eftir
Bach í Fossvogskirkju.
» Föstudaginn langa kl. 22.Hallgrímspassía eftir Sig-
urð Sævarsson frumflutt í Hall-
grímskirkju. Schola cantorum,
einsöngvarar og Caput.
Morgunblaðið/Kristinn
Jóhannesarpassían Kári Þormar fremstur með nokkrum kórfélögum.
ÞAÐ er búið að slá Bono söngvara
hljómsveitarinnar U2 til riddara
bresku krúnunnar fyrir störf að
mannúðarmálum. Það er þó ekki allt
fengið með konunglegu tigninni, því
titilinn sem heiðrinum fylgir, fær
Bono ekki að bera, vegna þess að
hann er ekki breskur þegn, heldur
írskur. „Þið megið kalla með hvað
sem er, nema Sir,“ sagði Bono við at-
höfnina í liðinni viku.
Ekki Sir Bono
Eftir Ingveldi Geirsdóttur
ingveldur@mbl.is
BLÚSHÁTÍÐ í Reykjavík hefst á
morgun og lýkur föstudaginn langa.
Þetta er í fjórða sinn sem hátíðin er
haldin og að sögn Halldórs Braga-
sonar stofnanda hennar og skipu-
leggjanda stækkar hún með hverju
árinu. „Nú bætist við hátíðina, við
færðum tónleikana á Nordica hóteli
fram til kl. 20 og verðum með klúbb
Blúshátíðar á Domo í Þingholts-
stræti þegar dagskránni á Nordica
lýkur öll þrjú kvöldin. Þar spila m.a
ungliðasveitir, það verður blús-
djamm og óvæntar uppákomur,“ seg-
ir Halldór um snið hátíðarinnar í ár.
„Það eru oft reknir svona klúbbar á
slíkum hátíðum og okkur fannst til-
valið að hafa einn. Í framtíðinni vilj-
um við síðan sjá alla klúbba og staði í
Reykjavík bjóða upp á blús þegar
Blúshátíð stendur yfir. Þetta á Domo
er fyrsti vísirinn að því og við gætum
verið komnir miklu víðar á næsta ári,
stefnum að því að yfirtaka allan bæ-
inn með blús,“ segir Halldór sem sér
fram á að Blúshátíð haldi áfram að
þenjast út með hverju árinu.
Voru daufustu dagar ársins
Hátíðin hefur alltaf verið haldin í
dymbilvikunni og segir Halldór að
það sé smá púkaskapur í þeirri tíma-
setningu. „Áður fyrr þóttu dymb-
ildagarnir vera daufustu dagar árs-
ins. Að vera í Reykjavík þessa viku
fyrir páska þótti heldur dauft, svo við
ákváðum að breyta þeim í hátíð-
isdaga og það hefur tekist. Nú þurfa
menn ekki að flýja Reykjavík í dymb-
ilvikunni.“
Áherslan á Blúshátíð í ár er á unga
fólkið. „Við fáum til okkar mikið af
ungstirnum. Hátíðina opna 14 ára
drengir úr Hagaskóla, þeir eru
yngstu listamennirnir sem hafa kom-
ið fram hjá okkur og verða í fylgd
með fullorðnum. Klassart er skipuð
ungu fólki, Lay Low spilar og svo
fáum við stórt ungstirni frá Banda-
ríkjunum, Ronnie Baker Brooks. Við
tengjum saman kynslóðir í ár því
auðvitað fá gömlu blúsaranir líka að
spreyta sig. Mér finnst sérstaklega
skemmtilegt að halda upp á 25 ára
spilaafmæli Kentár,“ segir Halldór
og tekur fram að á opnunardegi há-
tíðarinnar sé norrænt þema. En þá
spila KK & Frakkarnir með Andreu
Gylfa og Jolly Jumper & Big Moe frá
Noregi.
Á föstudeginum langa lýkur
Blúshátíð með veglegri sálma og
gospel dagskrá í Fríkirkjunni í
Reykjavík. Þar koma fram: Zora
Young, Andrea Gylfadóttir, KK, Lay
Low, Brynhildur Björnsdóttir og
Goðsagnir Íslands.
Fljótt flýgur fiskisagan
Gestir Blúshátíðar í Reykjavík
hafa ekki farið varhluta af því að
Halldór er einstaklega laginn við að
fá stór nöfn í blúsheiminum á hátíð-
ina.
„Ég nýti mér persónuleg sambönd
til að ná í þessar stjörnur,“ segir
hann og ekki vottar fyrir grobbi.
„Fólk þekkir mig í Chicago og treyst-
ir mér fyrir þessu. Þeir listamenn
sem hafa komið á hátíðina segja ís-
lenska áhorfendur góða og finnst
gaman að koma á þessa blúshátíð
sem er haldin við glæsilegar að-
stæður. Svo þetta spyrst út og fólk
vill koma.“
Skærasta stjarna hátíðinnar í ár er
gítarleikarinn snjalli Ronnie Baker
Brooks. „Ég hitti Ronnie í Chicago
seinasta sumar en hann var að spila á
sömu hátíð og ég og Zora Young.
Hann er frábær og var alveg til í að
koma til Íslands. Ég sá hann spila
þarna út og hann er rosalegur á sviði,
engu lagi líkt hvað þetta er kraftmik-
ill ungur strákur,“ segir Halldór sem
mun sjálfur koma fram með Zoru
Young og Blue Ice band.
Blúshátíð í Reykjavík inniheldur
um 16 til 20 atriði í ár og eru það um
helmingi fleiri atriði en seinustu þrjú
ár. Spurður hvort íslendingar séu
eitthvað að verða blúsaðri svarar
Halldór að þeir hafi alltaf verið
mestu blúsarar í heimi og hlær.
„Íslendingar eru yndislegir áheyr-
endur enda er það bráðskemmtileg
upplifun að fara á blústónleika.“
Blúshátíð í Reykjavík haldin í fjórða sinn í vikunni og hefur aldrei verið umfangsmeiri
Yfirtaka bæ-
inn með blús
Morgunblaðið/Kristinn
Blúshátíð Halldór Bragason mundar gítarinn í stóra salnum á Nordica.
Upplýsingar um Blúshátíð í
Reykjavík má finna á blues.is og
midi.is.