Morgunblaðið - 15.06.2007, Síða 40

40 FÖSTUDAGUR 15. JÚNÍ 2007 MORGUNBLAÐIÐ
Á ÞESSU ári eru liðin 100 ár frá
komu Friðriks konungs VIII en þá
var lokið við gerð Konungsvegarins
um Þingvelli, Laugarvatn, Gullfoss
og Geysi. Konungsvegurinn er
sennilega ein dýrasta vegafram-
kvæmd Íslandssögunnar u.þ.b. 14%
af ársútgjöldum ríkisins á þeim
tíma og kostaði líka ómælt strit og
dugnað vegagerðarmanna við frum-
stæð skilyrði, segir í frétt frá FÍ.
Í tilefni af afmælinu efna Ferða-
félag Íslands og Fornbílaklúbbur-
inn til ferðar í fornbílum frá
Reykjavík um Þingvelli og austur
að Laugarvatni á morgun, laugar-
daginn 16. júní. Í ferðinni verða um
30 fornbílar og um 60 manns. Lagt
verður upp í ferðina frá höfðuð-
stöðvum FÍ Mörkinni 6 kl. 9 að
laugardagsmorgni.
Ekið verður til Þingvalla og
Laugarvatns og stansað á nokkrum
stöðum og heimsóknin rifjuð upp í
sögum og ljóðum. Ólafur Örn Har-
aldsson er fararstjóri í ferðinni og
Sigurður G. Tómasson og Gísli Sig-
urðsson sjá um leiðsögn.
Áætlað er að ferðinni ljúki á
Laugarvatni um klukkan tvö og
heldur þá hver bíll heim eftir henti-
semi og skilar farþegum í Mörkina
6.
Afmælis Konungsvegarins
minnst á fornbílum
HÁSKÓLINN í Reykjavík brautskráði 52 nemendur
með MBA-viðskiptafræðipróf, laugardaginn 2. júní sl.
Þetta er í 6. sinn sem MBA-nemar eru brautskráðir
frá Háskólanum í Reykjavík, og voru rúmlega 300 að-
standendur útskriftarnemanna viðstaddir hátíðlega
athöfn.
Hátíðarræðumaður á útskriftinni var Hannes
Smárason, forstjóri FL Group. Hann lagði í erindi
sínu áherslu á að atvinnulíf hérlendis og fyrirtæki
eins og FL Group ætti mikið undir því að íslenskir há-
skólar efldu, eins og kostur væri, tengsl við erlenda
háskóla og atvinnulíf. Þannig yrði best tryggt að sú
þekking sem nemendur afla sér í námi væri hagnýt
og atvinnulífi til hagsbóta, segir í frétt frá HR.
Þeir 52 nemendur sem útskrifuðust núna með
MBA-viðskiptafræðipróf, eru þar með orðnir meðlimir
í félagsskap um 250 fyrrverandi MBA-nema frá HR,
sem kallast RUMBA.
52 nemendur brautskráðir
með MBA-gráðu frá HR
MENNTASKÓLANUM á Ísafirði
var slitið í 37. sinn á laugardaginn
26. maí sl. Fjörutíu nemendur voru
útskrifaðir; 28 stúdentar, tveir
sjúkraliðar, einn úr rennismíði,
tveir af öðru stigi vélstjórnar og sjö
úr grunnnámi málmiðngreina.
Hæstu einkunn hlaut Edith Guð-
mundsdóttir Hansen, stúdent af
náttúrufræðibraut. Hún hlaut
fyrstu ágætiseinkunn, 9.41. Hlaut
hún verðlaun sem Aldarafmæl-
issjóður Ísafjarðarbæjar gefur
þeim nemanda sem hlýtur hæstu
meðaleinkunn á stúdentsprófi.
Einnig hlaut Edith verðlaun kan-
adíska sendiráðsins fyrir fram-
úrskarandi árangur í frönsku og
ensku, peningaverðlaun, sem
Ragnheiður Hákonardóttir, Guð-
bjartur Ásgeirsson og fjölskylda
gefa til minningar um Guðbjart
Guðbjartsson, fyrir framúrskar-
andi árangur í raungreinum og
verðlaun Stærðfræðifélagsins fyrir
framúrskarandi árangur í stærð-
fræði.
Útskriftin fór fram í Ísafjarð-
arkirkju og fluttu nemendur skól-
ans tónlistaratriði. Anna Birta
Tryggvadóttir, Kristinn Gauti Ein-
arsson, Halldór Smárason og Brynj-
ólfur Óli Árnason fluttu portúgalskt
sambalag. Helga Margrét Marzelí-
usardóttur flutti eigið lag og texta.
Dagný Hermannsdóttir söng við
undirleik Beáta Joó. Hulda Braga-
dóttir lék undir fjöldasöng.
,,Ég mun hverfa aftur til fyrri
starfa við Kvennaskólann í Reykja-
vík í haust. Ég óska Jóni Reyni Sig-
urvinssyni eftirmanni mínum vel-
farnaðar í embætti skólameistara
MÍ. Skólanum, starfsmönnum hans
og nemendum óska ég alls hins
besta um langa framtíð“, sagði
Ingibjörg Guðmundsdóttir fráfar-
andi skólameistari.
,,Mér er ljóst að skólinn er sam-
félaginu hér mjög dýrmætur. Hann
þarf að efla enn frekar, í menntuðu
fólki felast tækifæri framtíð-
arinnar, hinn eftirsótti hagvöxtur.
Skóli eins og MÍ sem einn þjónar
stóru svæði verður að geta boðið
fjölbreytt nám sem höfðar til áhuga
og hæfileika sem flestra, bæði ung-
linga og þeirra sem vilja end-
urmennta sig og leita nýrra tæki-
færa. Mitt mat er að skólinn sé á
góðri siglingu inn í framtíðina hvað
þetta varðar,“ segir í ræðu skóla-
meistara.
Útskrift Fjörutíu nemendur voru útskrifaðir úr Menntaskólanum á Ísafirði 26. maí síðastliðinn. Þar af voru 28
stúdentar, tveir sjúkraliðar, einn úr rennismíði, tveir af öðru stigi vélstjórnar og sjö úr grunnnámi málmiðngreina.
Menntaskóli Ísafjarðar á siglingu
Edith Guðmundsdóttir Hansen var
hæst með einkunnina 9,41.
FRÉTTIR
SOS-barnaþorpunum hafa verið
veitt hin árlegu OFID-verðlaun, sem
eru OPEC-sjóðsverðlaunin fyrir al-
þjóðlega þróun. Þar fengu samtökin
100.000 bandaríkjadollara fyrir
vinnu sína með börnum um heim all-
an og fyrir framtak sitt í þróun-
armálum. Verðlaunaafhendingin fór
fram á Parkhótelinu í Pörtschach í
Austurríki, þar sem OFID hélt ár-
legan fund sinn.
Forseti hina alþjóðlegu samtaka
SOS-barnaþorpanna, Helmut Kutin,
tjáði OFID þakklæti sitt vegna verð-
launanna: „Við tökum við þessum
verðlaunum fyrir hönd barna,
mæðra og samstarfsmanna SOS-
barnaþorpanna. Þetta er sannarlega
viðurkenning á því erfiða starfi sem
okkar fólk hefur verið að vinna í 132
löndum, í þau 58 ár sem við höfum
starfað. Við hjá SOS-barnaþorp-
unum höfum það að markmiði að
bæta líf barna í þróunarríkjum.
Þessi verðlaun eru heiður sem sam-
tökin í heild sinni deila.“
Suleiman J. Al-Herbish, fram-
kvæmdarstjóri OFID, lofaði SOS-
barnaþorpin fyrir skuldbindingu
sína við réttindi barna. „Við vitum af
hinu verðmæta starfi sem þið vinnið
og ykkar nauðsynlega framlagi til
framtíðarmótunar fyrir ungviði
heimsins,“ sagði Al-Herbish. „SOS-
barnaþorpin voru valin til að heiðra
störf þeirra í þágu barna um allan
heim.“
SOS-barnaþorpin eru starfrækt í
tíu löndum Mið-Austurlanda og
Norður-Afríku, ásamt því að hafa
nýlega byrjað með SOS-barnaþorps-
sjóðinn fyrir Araba og starfrækja
barnaþorp í fjórum OPEC lönd-
um.Tvö þeirra verkefna sem SOS-
barnaþorpin eru með á svæðinu eru:
styrktarverkefni fyrir fjölskyldur
sem eiga það í hættu að liðast í sund-
ur og menntunarverkefni.
SOS-barna-
þorpin vinna
OFID-verðlaunin
FYRIR skemmstu fór fram fjöru-
hreinsun í Viðey. Um var að ræða
sameiginlegt átak Reykjavík-
urborgar, Viðeyingafélagsins og
Skátafélagsins Landnema í Reykja-
vík.
Fjöruhreinsunin síðasta laug-
ardag var liður í hreinsunarátaki í
Viðey, því seinna í sumar stendur
til að í Viðey starfi tveir hópar frá
sjálfboðaliðasamtökunum SEEDS
en eitt meginverkefni hópanna
verður fjöruhreinsun í eyjunni.
Viðeyingafélagið er með félags-
heimili sitt í Viðey í gömlum vatns-
tanki frá tíð „Milljónafélagsins“ og
hreinsuðu félagsmenn meðal annars
húsgrunna og plön gamla þorpsins.
Er hreinsunin liður í undirbúningi
að Viðeyjarhátíð þann 25. ágúst þar
sem minnst verður þess að 100 ár
eru liðin frá stofnun „Millj-
ónafélagsins“ sem hét réttu nafni
P. J. Thorsteinsson & Co. En stofn-
un félagsins markaði upphafi að
byggingu þorpsins í Viðey sem varð
miðstöð þessa útgerðarrisa.
Skátafélagið Landnemar í
Reykjavík heldur á Jónsmessunni
Landnemamót sitt í Viðey og hefur
gert í áratugi. Í fjöruhreinsuninni
var tekið til handargagns töluvert
magn timburs sem notað verður í
Sólstöðuvarðeld föstudagskvöldið
22. júní. Varðeldurinn er hluti af
Landnemamótinu en almenningi
gefst tækifæri á að taka þátt og
upplifa sanna skátastemningu í Við-
ey. Á undan verður þreytt Skúla-
skeið, Felix Bergsson leikari
skemmtir og öllum verðurboðið í
grillveislu. Eftir varðeldinn verður
svo miðnætur- og lífsfagn-
aðarmessa.
Skátar Hreinsunin í Viðey er liður í undirbúningi Viðeyjarhátíðar.
Skátar hreinsa
fjöruna í Viðey
RÁÐSTEFNA um íslenskan vinnu-
markað í kjölfar stækkunar Evr-
ópusambandsins verður haldin
föstudaginn 22. júní næstkomandi á
vegum EURES, evrópskrar vinnu-
miðlunar sem rekin er af Vinnu-
málastofnun. Ráðstefnan verður
haldin í Sunnusal Hótel Sögu og er
öllum opin. Ráðstefnan fer fram á
ensku.
Sérfræðingar frá Írlandi, Bret-
landi, Lettlandi og Noregi munu
segja frá stöðu mála í sínum heima-
löndum og innlendir sérfræðingar
munu fjalla um stöðuna hér á landi
út frá ýmsum sjónarhornum og þró-
unina á íslenskum vinnumarkaði
síðustu misseri. Frekari upplýsing-
ar og dagskrá má nálgast á
www.vinnumalastofnun.is
Vinnumarkaður í kjöl-
far stækkunar ESB