Morgunblaðið - 02.07.2007, Blaðsíða 19
MORGUNBLAÐIÐ MÁNUDAGUR 2. JÚLÍ 2007 19
VESTURLAND
FYRSTA plata „íslensku“ stúlkna-
sveitarinnar The Papsmears frá
Gimli í Manitoba (www.myspace.-
com/thepapsmears) kemur út í
Winnipeg á næstu dögum og verða
útgáfutónleikar á Gimli 12. og 13.
júlí og í Winnipeg síðsumars eða í
haust.
Vilja til Íslands
Í sveitinni eru Fiona Axelsson og
tvíburasysturnar Jodi og Jordan
Dunlop, sem allar eru af íslenskum
ættum, auk söngvarans Laurie
Lamb. Fiona er elst, 17 ára, en hin-
ar eru á 17. ári. Stúlkurnar eru all-
ar í djasssveit framhaldsskólans á
Gimli og segir Fiona að einn helsti
draumurinn sé að halda tónleika á
Íslandi. „Við erum að kanna mögu-
leika á Íslandsferð og vonandi get-
ur orðið af henni næsta sumar,“
segir hún og bætir við að fram-
undan séu tónleikar til að kynna
plötuna.
Upptökustjóri plötunnar, Ron O.
Vermeulen, vinnur meðal annars að
gerð plötu með djassistanum Birni
Thoroddsen gítarleikara og djass-
tríói hans, Cold Front, en Vermeu-
len hefur starfað mikið með kan-
adíska söngvaranum og laga-
smiðnum Brian Adams. Trommu-
leikarinn Jodi Dunlop hannaði
plötuumslagið.
Stúlknaband Fiona Axelsson, Jodi
Dunlop, Laurie Lamb og Jordan
Dunlop með upptökustjóra plöt-
unnar, Ron O. Vermeulen.
Gimlistúlkur
með plötu
Eftir Steinþór Guðbjartsson
steinthor@mbl.is
ÁRLEGIR Íslandsdagar í Spanish
Fork í Utah voru haldnir hátíðlegir
um liðna helgi og tókust vel að
vanda, að sögn Davids A. Ashbys,
talsmanns Íslandsfélagsins í Utah,
the Icelandic Association of Utah
(IAU).
Þessi þriggja daga hátíð fór nú
fram í 110. sinn og var boðið upp á
fjölbreytta dagskrá. Markmið IAU
er að halda upp á og varðveita al-
mennan áhuga á íslenskri menn-
ingu og arfleifð með því að bjóða
upp á ýmsa mannfagnaði og
fræðslu, stuðla að auknu sambandi
við Íslendinga og standa vörð um
minningu Íslendinganna sem sett-
ust að í Spanish Fork og byggðu
þar upp fyrsta íslenska samfélagið í
Norður-Ameríku.
Viðamikil dagskrá
Í tilefni hátíðarinnar voru ís-
lenskir fánar settir við grafir Ís-
lendinga í kirkjugarðinum í Span-
ish Fork. Susan Evans McCloud
rithöfundur ræddi um bók sína
Önnu, skáldsögu sem fjallar um
lífsreynslu fjölskyldunnar samfara
því að setjast að á óþekktu svæði í
Spanish Fork. Bókin er uppseld en
höfundurinn gat þess að hún yrði
væntanlega endurprentuð fljótlega.
Boðið var upp á margvíslega
fræðslu, meðal annars innsýn í ætt-
fræði, sýnt hvernig á að spinna á
rokk og baka pönnukökur.
Samúel Bjarnason, Margrét
Gísladóttir, eiginkona hans, og
Helga Jónsdóttir, voru í 16 manna
hópi Íslendinga sem settist fyrst að
í Spanish Fork, komu þangað 1855,
en frá 1855 til 1914 fluttu 410 Ís-
lendingar til Utah. Fyrir um tveim-
ur árum, á 150 ára afmæli land-
námsins, voru um fimm þúsund
manns viðstaddir vígslu nýs minn-
ismerkis um íslensku landnemana í
Spanish Fork og á hátíðinni um
liðna helgi var landnemanna minnst
með ýmsum hætti.
Mikil starfsemi
David Ashby segir að IAU gegni
mikilvægu hlutverki með því að
koma á tengingu ættingja íslensku
landnemanna í Utah við Ísland, Ís-
lendinga og íslenska menningu.
Ættfræðin auðveldi fólki að finna
ættingja á Íslandi og þegar tenging
sé einu sinni komin á sé ekkert því
til fyrirstöðu að viðhalda henni og
treysta. „Margir af mínum bestu
vinum búa á Íslandi,“ segir David
Ashby.
Íslandsdagar í Spanish Fork
Ljósmynd/David Ashby
Íslenski fáninn Í tilefni Íslandsdaganna voru íslenskir fánar settir við grafir Íslendinga í kirkjugarðinum.
Pönnukökur Systurnar Lil Shepherd og Vina Foster bökuðu pönnukökur
og kenndu gestum á hátíðinni í Spanish Fork réttu vinnubrögðin.
Hátíð fólks af ís-
lenskum ættum
haldin í 110. sinn
ÚR VESTURHEIMI
Eftir Helga Bjarnason
helgi@mbl.is
Borgarfjörður | „Það er metnaðar-
fullt starf unnið hér við skólann.
Ég mun fylgja því eftir,“ segir
Ingibjörg Inga
Guðmundsdóttir
sem ráðin hefur
verið skólastjóri
við Varmalands-
skóla í Borgar-
firði. Hún tekur
við starfinu 1.
ágúst næstkom-
andi en hefur
verið að setja sig
inn í málin und-
anfarna daga,
meðal annars hjá fráfarandi skóla-
stjóra, Þórunni Maríu Óðinsdóttur,
sem stýrði skólanum síðastliðinn
vetur.
Ingibjörg Inga er íþróttafræð-
ingur og kennari. Hún er uppalin í
Brekkukoti í Reykholtsdal en var
búsett í rúm tuttugu ár á Tálkna-
firði. Hún er nú kominn í sitt
gamla heimahérað.
Aftur í heimahagana
Ingibjörg Inga er gift manni frá
Tálknafirði, Sigurði Árna Magnús-
syni húsasmíðameistara, og eiga
þau þrjú börn. Eftir að hafa starf-
að í nokkur ár við þjálfun og
kennslu í Borgarfirði, meðal ann-
ars við Reykholtsskóla, fór hún í
barnsburðarleyfi til Tálknafjarðar
1983 og sneri ekki til baka til
heimahaganna fyrr en rúmum
tveimur áratugum síðar. „Það var
ekkert íþróttahús á Tálknafirði svo
ég stofnaði eigin líkamsræktarstöð
og rak í nokkur ár. Ég fór svo að
kenna við grunnskólann 1991. Mér
hefur alltaf liðið vel fyrir vestan.
Þetta er gott samfélag. Svo var
gaman að taka þátt í þróunarstarfi
í skólanum, þar er unnið gott
starf,“ segir Ingibjörg.
Ingibjörg starfaði skólaárið 2005
til 2006 sem aðstoðarskólastjóri
Grunnskóla Borgarfjarðarsveitar í
afleysingum og tók síðan við stöðu
verkefnisstjóra við undirbúning
framhaldsskólanáms ungmenna að
átján ára aldri á sunnanverðum
Vestfjörðum en námið er skipulagt
í samvinnu við Framhaldsskóla
Snæfellinga í Grundarfirði. Því
starfi er að ljúka enda byrjar nám-
ið í haust.
Styttra á þing
Hún segist hafa ílengst í Borg-
arfirðinum nú vegna þess að Sig-
urður Árni hafi tekið að sér verk-
efni syðra. Þau hafa dvalið í
heilsárshúsi sem þau eiga í landi
Brekkukots.
Ingibjörg fór í framboð til Al-
þingis í vor og er nú varaþingmað-
ur Vinstrihreyfingarinnar - Græns
framboðs í Norðvesturkjördæmi.
Hún fór meira að segja nokkra
daga á þing í sumar. Hún neitar
því að hún hafi flutt suður til þess
að eiga styttra á þing og einnig að
hún hafi verið að fylgja börnunum í
framhaldsnám eins og algengt er.
„Þau hafa nú reddað sér sjálf og
standa sig vel. En því er ekki að
neita, að það er gott að vera ná-
lægt þeim og geta fylgst betur með
barnabörnunum,“ segir Ingibjörg.
Ingibjörgu líst vel á nýja starfið
og segir að það sé vissulega krefj-
andi. Hún segir að undirbúningur
vetrarins gangi vel. Enn vanti í
einhver störf en hún segir að útlit-
ið sé gott með kennararáðningar.
Alltaf liðið vel fyrir vestan
Morgunblaðið/Theodór Kr. Þórðarson
Skóli Varmalandsskóli er í hinum gamla Stafholtstungnahreppi sem nú er hluti af Borgarbyggð.
Morgunblaðið/Ásdís Haraldsdóttir
Fjör Nemendur skólans eru ýmist úr þéttbýli eða sveitunum.
Ingibjörg Inga
Guðmundsdóttir
ráðin skólastjóri
Varmalandsskóla
Í HNOTSKURN
»Varmalandsskóli hóf starf-semi 1955, en að rekstri
hans stóðu sveitahrepparnir í
Mýrasýslu, en nú er hann rek-
inn af Borgarbyggð.
»Börn nemenda í Við-skiptaháskólanum á Bif-
röst eru ríflega helmingur
nemenda.
Ingibjörg Inga
Guðmundsdóttir