Morgunblaðið - 02.07.2007, Blaðsíða 33
MORGUNBLAÐIÐ MÁNUDAGUR 2. JÚLÍ 2007 33
árnað heilla
ritstjorn@mbl.is
Félagsstarf
Árskógar 4 | Bað kl. 8-16. Smíði/útskurður kl.
9-16.30. Félagsvist kl. 13.30.
Dalbraut 18-20 | Bridds alla mánudaga í
sumar frá kl. 13 í félagsmiðstöðinni að Dal-
braut 18-20.
Félag eldri borgara í Kópavogi | Skrifstofa
FEBK Gullsmára 9 og Gjábakka verður lokuð
vegna sumarleyfa 1.-31. júní. Hægt er að hafa
samband ef þörf krefur, við Kristjönu í 897-
4566, Guðmund í 848-5426 og Kristmund í
895-0200. Félagsvist er spiluð í Gullsmára á
mánud. kl. 20.30, en í Gjábakka á miðvikud. kl.
13 og á föstud. kl. 20.30.
Félag eldri borgara, Reykjavík | Bridds spilað
kl. 13. Dagsferðir: Landmannalaugar 7. júlí og
Skjaldbreiður og Hagavatn 10. júlí. Skráning
hafin, upplýsingar í s. 588-2111.
Félagsmiðstöðin Gullsmára 13 | Kl. 10 postu-
línsmálun og ganga, kl. 11.40 hádegisverður,
kl. 20.30 félagsvist FEBK. Hárgreiðslustofan
lokuð vegna sumarleyfa frá deginum í dag.
Félagsheimilið Gjábakki | Handavinnustofan
opin og heitt á könnunni til kl. 16. Hádeg-
isverður kl. 11.40. Lomber kl. 13.
Félagsstarf Gerðubergs | Vegna sumarleyfa
starfsfólks fellur starfsemi og þjónusta niður
frá 2. júlí-14. ágúst. „Björnsvöllur“ (nýr pútt-
völlur við Breiðholtslaug) er opinn virka daga
kl. 9-17, leiðsögn frá Vinnuskóla Reykjavíkur
er á þriðjud. kl. 13-15 og fimmtud. kl. 10-12.
Kylfur kúlur og öll aðstaða án endurgjalds.
Hraunsel | Félagsvist kl. 13.30.
Hvassaleiti 56-58 | Frjáls spilamennska kl.
13-16. Böðun fyrir hádegi. Hádegisverður kl.
11.30. Fótaaðgerðir 588-2320. Blöðin liggja
frammi.
Samtök lungnasjúklinga | Samtök lungna-
sjúklinga óskar öllum félagsmönnum gleði-
legs sumars og minnir á að skrifstofa SLS er
lokuð frá 2. júlí-13. ágúst v/sumarfría. Minn-
ingarkort er hægt að nálgast í síma 8474773
á þessum tíma.
Vesturgata 7 | Kl. 9-16 hárgreiðsla og fótaað-
gerðir. Kl. 9.15-15.30 handavinna. Kl. 9-10
boccia, Sigurrós (júní). Kl. 11-12 leikfimi, Janick
(júní-ágúst). Kl. 11.45-12.45 hádegisverður. Kl.
14.30-15.45 kaffiveitingar.
Vitatorg, félagsmiðstöð | Handavinnustofan
opin í dag, hárgreiðslu og fótaaðgerðarstofur
opnar, frjáls spilamennska frá kl. 13-16.
Kirkjustarf
Akureyrarkirkja | Kvöldkirkjan er opin frá kl.
17-22. Sr. Jóna Lísa Þorsteinsdóttir er til við-
tals í kirkjunni og eftir samkomulagi í síma
858-7282. Kvöldbænir kl. 20. Allir velkomnir.
Akureyrarkirkja | Kvöldkirkjan er opin frá kl.
17-22. Sr. Jóna Lísa Þorsteinsdóttir er til við-
tals í kirkjunni og eftir samkomulagi í síma
858-7282. Kvöldbænir kl. 20. Allir velkomnir.
90ára afmæli. Í dag, 2.júlí, er níræð Nikolína
Helgadóttir, Kumbaravogi,
Stokkseyri. Hún er fædd á
Minna-Hofi á Rangárvöllum.
Þaðan fóru þær mæðgur að
Garðsauka, síðan að Höfða-
brekku í Mýrdal. Nikolína var
fimm ára er hún fór ásamt
móður sinni að Suður-Vík og
ólst þar upp til fullorðinsára.
dagbók
Í dag er mánudagur 2. júlí, 183. dagur ársins 2007
Orð dagsins: Varpið allri áhyggju yðar á hann, því að hann ber umhyggju fyrir yður. (1Pt. 5, 7.)
Vefurinn Kvennaslóðir var opn-aður á dögunum í nýrri ogbættri útgáfu. Katrín AnnaGuðmundsdóttir stýrir verk-
efninu: „Rannsóknir hafa sýnt að hlut-
fall kynjanna í fjölmiðlum er ekki í
samræmi við sérþekkingu kvenna og
þátttöku þeirra. Innan við fjórðungur
viðmælenda fjölmiðla er konur þegar
litið er á heildarumfjöllun, og þegar
einstakar greinar eru skoðaðar end-
urspeglar umfjöllun engan veginn hlut-
fall kvenna. Eins og flestir vita end-
urspegla líka kynjahlutföll í flestum
nefndum og stjórnum hér á landi ekki
heldur þann hafsjó reynslu og sér-
þekkingar sem íslenskar konur hafa
fram að færa,“ segir Katrín. „Þegar
vakið er máls á þessu misvægi nota
margir þá afsökun að erfitt sé að hafa
uppi á kvensérfræðingum til álitsgjafar
eða starfa. Margar æskilegar leiðir eru
færar til að bregðast við þessu, og eru
Kvennaslóðir ein af þeim, en vefsíðan
er kvennagagnabanki á Netinu þar
sem hægt er með auðveldum hætti að
komast í samband við reyndar konur
og sérfræðimenntaðar á öllum svið-
um.“
Á Kvennaslóðum má finna ýmsan
fróðleik, en búið er að gera síðuna að-
gengilegri og einfaldari í uppbyggingu:
„Auk þess að búa að ítarlegum gagna-
grunni um íslenska kvensérfræðinga
birtum við á síðunni fréttir tengdar
stöðu kynjanna í samfélaginu. Sér-
stakur liður, Kona í nærmynd, fjallar
ítarlegar um valdar konur í gagna-
grunninum og í liðnum Fyrirtæki í
nærmynd er vakin athygli á áhuga-
verðu starfi valinna fyrirtækja,“ segir
Katrín. „Kvennaslóðir senda einnig
reglulega út rafrænt fréttabréf og geta
áhugasamir skráð sig á póstlista síð-
unnar.“
Skráning í gagnagrunn Kvennaslóða
hefur verið einfölduð og bætt: „Nú er
hægt að setja inn myndir með skrán-
ingu, og hægt með einföldum hætti að
hengja viðbótarupplýsingar í við-
hengjum við hverja skráningu,“ segir
Katrín. „Leit í gagnagrunninum er
einnig mjög einföld: Dugar að skrá inn
t.d. nafn, sérfræðititil eða önnur leit-
arorð, og birtist þá listi yfir konur sem
uppfylla leitarskilyrðin. Í upplýs-
ingaglugga hverrar konu má síðan
finna nánari upplýsingar um störf,
menntun og hvers konar sérþekkingu.“
Sjá nánar á www.kvennaslodir.is.
Jafnrétti | Gagnagrunnur um kvensérfræðinga á nýjum vef Kvennaslóða
Þekking kvenna sýnileg
Katrín Anna
Guðmundsdóttir
fæddist í Reykja-
vík 1970. Hún lauk
M.Sc. í viðskipta-
og markaðfræðum
frá University of
Kansas 1994 og
leggur nú stund á
mastersnám í
kynjafræði við HÍ. Katrín starfaði í
hugbúnaðargeiranum um nokurra ára
skeið. Hún var talskona Femínista-
félagsins í fjögur ár og starfrækir ráð-
gj.fyrirtækið Hugsaðu ehf. Samb.m.
Katrínar er Grétar Rafn Árnason hug-
b.sérfr. og eiga þau engin börn.
VEÐRIÐ lék við austfirska djassara um helgina og þegar Einar Bragi Bragason saxófónleikari var á leið heim blasti við
honum þetta magnaða útsýni í morgunsárið. Strandatindur heilsar skipi í höfninni og ef vel er gáð eru á miðri mynd sjálf
göngin út í heim, raninn sem fer í Norrænu þegar hún kemur að landi.
Morgunsól á Seyðisfirði
FRÉTTIR
ÞRÍR tannsmiðir útskrifuðust frá Tannsmiðaskóla Íslands fimmtu-
daginn 24. maí síðastliðinn. Á myndinni eru frá vinstri Agnes Hilm-
arsdóttir, Ásta Þorgilsdóttir og Ingibjörg Dögg Kristinsdóttir.
Útskrifuðust sem tannsmiðir
UNDIRRITAÐUR hefur verið
samningur um stofnun rann-
sóknastofu í fjölmenning-
arfræðum við Kennarahá-
skóla Íslands. Forstöðumaður
rannsóknastofunnar er Hanna
Ragnarsdóttir, lektor við
Kennaraháskóla Íslands. Í
stjórn rannsóknastofunnar
eru auk Hönnu, Elsa Sigríður
Jónsdóttir, lektor við Kenn-
araháskóla Íslands og Einar
Skúlason, framkvæmdastjóri
Alþjóðahúss.
Í fréttatilkynningu segir að
í rannsóknum á sviði fjöl-
menningarfræða í Kennarahá-
skóla Íslands hafi m.a. verið
fjallað um stöðu og reynslu
einstaklinga og hópa í fjöl-
menningarsamfélagi, ekki síst
minnihluta- og jaðarhópa. Á
sviðinu er einnig hugað að
skólaþróun og skólaumbótum
í samfélagi sem tekur örum
breytingum í átt til aukins
menningarlegs og trúarlegs
fjölbreytileika, auk fjölbreytni
er varðar móðurmál.
Rannsóknastofan mun að
nokkru leyti byggjast á störf-
um rannsóknahóps í fjölmenn-
ingarfræðum við Kenn-
araháskóli Íslands sem hefur
starfað frá árinu 2004. Mark-
mið rannsóknahópsins voru
m.a. að efla svið fjölmenning-
arfræða í kennslu og rann-
sóknum innan Kennarahá-
skólans og í
menntarannsóknum almennt.
Þátttakendur í rann-
sóknahópnum eru starfandi
kennarar og sérfræðingar
innan og utan Kennarahá-
skólans ásamt meist-
aranemum. Flestir þátttak-
endur eru jafnframt í fagráði
í fjölmenningarfræðum, sem
starfað hefur frá apríl 2004.
Tvö stór verkefni eru í
vinnslu á vegum hópsins, sem
munu falla undir verksvið
rannsóknastofunnar, annars
vegar rannsókn á skólaþróun
í fjölmenningarsamfélagi á Ís-
landi, sem tekur til allra
skólastiga, hins vegar útgáfa
handbókar í fjölmenning-
arfræðum, sem áætlað er að
komi út í nóvember 2007.
Fram kemur að með stofn-
un rannsóknastofunnar sé
brugðist við brýnni þörf á að
auka þekkingu og skilning á
ýmsum þáttum í þróun fjöl-
menningarsamfélagsins og
um leið hugað að umbótum á
hinum ýmsu sviðum þess,
ekki síst í skólakerfinu.
Rannsóknastofa
í fjölmenningar-
fræðum við KHÍ
Samstarf Þriggja manna stjórn stýrir rannsóknastofunni. Frá
vinstri Einar Skúlason, framkvæmdastjóri Alþjóðahúss, Hanna
Ragnarsdóttir, lektor við Kennaraháskóla Íslands og for-
stöðumaður stofunnar, og Elsa Sigríður Jónsdóttir, lektor við KHÍ.
Fréttir í tölvupósti