Morgunblaðið - 08.08.2007, Blaðsíða 4
4 MIÐVIKUDAGUR 8. ÁGÚST 2007 MORGUNBLAÐIÐ
FRÉTTIR
ÞAÐ þarf víða að taka til hendinni reglulega fyr-
ir skip og báta að fá andlitslyftingu. Sumarið er
líka sá tími sem flestir nota til að dytta að ýmsu,
hvort sem það er pallurinn, sumarhúsið eða
garðurinn.
Það gætu þó fallið nokkrir dropar á þá sem
ætla sér að vinna úti í dag en spáð er suðaustan
5-10 m/s og súld með köflum suðvestanlands, en
annars hægari og léttskýjað. Hins vegar verður
vindur hvassari og rigningin samfelldari sunn-
an- og vestanlands. Hiti verður 10 til 18 stig að
deginum og hlýjast um landið norðan- og aust-
anvert.
Það ætti þó ekki að koma að sök við höfnina,
þar sem lappað er upp á fljótandi farkosti.
Morgunblaðið/Frikki
Skip í sumarfríi
EKKI hefur enn tekist að yfirheyra
karlmann á sjötugsaldri sem fannst
alvarlega slasaður við Hraunberg í
Breiðholti á laugardagskvöldið.
Hann hefur verið færður á almenna
deild á Landspítala – háskólasjúkra-
húsi. Gert er ráð fyrir að hann verði
yfirheyrður í dag eða á næstu dög-
um, og vonast er til að frásögn hans
varpi ljósi á atburðarásina.
Fjórum mönnum sem færðir voru
til skýrslutöku á mánudag var sleppt
að þeim loknum en ekki fékkst upp-
gefið hjá lögreglu hvort eitthvað nýtt
hefði komið fram.
Að sögn lögreglu er bíll eins
mannanna ennþá í haldi lögreglu og
reiknað er með að rannsókn á honum
ljúki á næstu dögum. Grunur leikur
á að ekið hafi verið á manninn og
ökumaður hafi flúið af vettvangi í
kjölfarið.
Hraunbergs-
málið enn
óupplýst
manna fyrir skoðanaskipti þeirra í
milli. Moggabloggið svonefnda hef-
ur orðið mjög vinsælt á mbl.is, en
þar lýsa bloggarar skoðunum sínum
á atburðum líðandi stundar. Nú
opnar mbl.is fyrir þátttöku almenn-
ings í fréttaþjónustu og gera má
ráð fyrir að helztu fréttir, sem
þannig berast birtist einnig með
einum eða öðrum hætti í Morgun-
blaðinu.
Fyrir neðan fréttir á mbl.is birt-
ist nú tengill, sem vísar á nýjan
glugga á vefnum. Þar er hægt að
skrifa upplýsingar, sem lesendur
búa yfir um viðkomandi frétt, eða
senda myndir, sem fólk hefur tekið
og vill deila með öðrum lesendum.
Þessar upplýsingar eru sendar í
tölvupósti til ritstjórnar mbl.is, sem
vinnur úr þeim. Birtist myndirnar á
vefnum verða þær merktar ljós-
myndara. Ekki er greitt fyrir birt-
ingu efnis eða mynda, sem send eru
með þessum hætti.
FRÁ og með deginum í dag gefst
notendum mbl.is, netútgáfu Morg-
unblaðsins, kostur á að leggja lið
sitt við fréttaöflun og senda rit-
stjórn mbl.is, ýmist viðbótarupplýs-
ingar við fréttir, sem birzt hafa á
fréttavefnum eða nýjar fréttir, sem
sendandi kann að búa yfir. Þessar
fréttir og fréttaupplýsingar verða
yfirfarnar á ritstjórn mbl.is og
sama krafa gerð um áreiðanleika og
gert er á ritstjórnum Morgunblaðs-
ins og mbl.is, áður en þær eru
sendar út.
Slík fréttaþjónusta almennings
ryður sér nú til rúms víða um heim
og kallast á ensku „citizen journ-
alism“ eða fréttaþjónusta almenn-
ings. Tilkoma netmiðla hefur skap-
að nýja möguleika á að
almenningur gerist þátttakandi í
hinni daglegu fjölmiðlun, sem setur
mark sitt á samfélög nútímans.
Morgunblaðið sjálft er fyrir
löngu orðið meginvettvangur lands-
Fréttaþjónusta almennings
á fréttavef Morgunblaðsins
Ný þjónusta Skjámynd af glugga sem opnast notendum mbl.is sem vilja
senda ritstjórn vefjarins fréttir eða viðbótarupplýsingar við fréttir.
TALSVERT hefur gengið á biðlista
eftir hreindýraveiðileyfum. A.m.k.
140 veiðimenn, sem dregnir voru út í
febrúar síðastliðnum úr hópi um
2.700 umsækjenda, ætla ekki á veið-
ar í haust. Samkvæmt upplýsingum
á heimasíðu veiðistjórnunarsviðs
Umhverfisstofnunar (UST) um
hreindýr (www.hreindyr.is) kemur
fram að 2. ágúst var veiðimaður
númer 73 á biðlista eftir kú á svæði 2
næstur inn og veiðimaður númer 69
á biðlista eftir tarfi á sama svæði.
Jóhann G. Gunnarsson, starfs-
maður UST á Egilsstöðum, sagði að
eitthvað meira væri um það í ár að
veiðimenn nýttu ekki leyfi sín en áð-
ur. Líklega sé hlutfallið svipað ef til-
lit er tekið til fjölgunar dýranna sem
leyft er að veiða. Þeir sem dregnir
voru út í febrúar þurftu að greiða
fjórðung veiðileyfisins til staðfest-
ingar og þá þegar hættu talsvert
margir við. Þegar kom að loka-
greiðslu veiðileyfa þynntist enn í
hópnum.
„Þetta er fljótt að fara þegar þrjá-
tíu manns gleyma að borga loka-
greiðsluna,“ sagði Jóhann. „Kannski
gera ekki allir sér grein fyrir því
hvað þetta er þegar þeir sækja um.
Svo geta peningamál spilað inn í eða
menn komast ekki af ýmsum per-
sónulegum ástæðum. Leiðsögu-
mennirnir eru líka orðnir stífari á að
fara eftir öllum settum reglum.“
Nokkuð hefur borið á því að sam-
band sé haft við leiðsögumenn með
hreindýraveiðum og reynt að fá þá
til að fara með aðra til hrein-
dýraveiða en fengið hafa útgefin
veiðileyfi. Orðrómur hefur verið um
að einhver brögð hafi verið að slíkri
„kennitölusöfnun“. Á heimasíðu
UST kemur fram að stofnunin muni
auka eftirlit á veiðisvæðunum í ljósi
þessa. Komist slíkt upp varðar það
starfsleyfismissi leiðsögumannsins.
Ríflega 2.700 veiðimenn sóttu um
leyfi til að veiða hreindýr á yf-
irstandandi veiðitímabili. Leyft er að
veiða 1.137 hreindýr í ár og er það
25% aukning frá því í fyrra. Kvótinn
skiptist á 577 kýr og 560 tarfa. Fylgi
kálfar veiddum kúm á einnig að fella
þá. Hreindýraveiðitímabilinu lýkur
15. september.
Biðlistar eftir hreindýraleyfum styttast
Morgunblaðið/Sigurður Aðalsteinsson
Veiðimenn Margir veiðimenn sem dregnir voru úr hópi um 2.700 umsækj-
enda um hreindýraveiðileyfi fara ekki til veiða í haust.
♦♦♦
PARINU sem setið hefur í gæslu-
varðhaldi í rúma viku vegna tilraun-
ar til innflutnings á 500 g af kókaíni
var sleppt í gærmorgun. Málið fer nú
sína leið í réttarkerfinu.
Félagsmálaráð Kópavogs hefur
með málefni stúlkunnar að gera, en
eins og fram hefur komið í fjölmiðl-
um er hún aðeins sextán ára gömul.
Hjá ráðinu fengust þær upplýsingar
í gærkvöldi að stúlkan hefði ekki
snúið heim til sín eftir dvölina á
Litla-Hrauni og er dvalarstaður
hennar óþekktur.
Samráð er haft við foreldra stúlk-
unnar um hvaða úrræðum er hægt
að beita, og að öllum líkindum verður
reynt að fá hana til meðferðar á einu
af meðferðarheimilum Barnavernd-
arstofu. Fáist hún ekki til þess eða
láti ekki í sér heyra eru ýmis þving-
unarúrræði fyrir hendi, en þeim er
aðeins beitt ef talið er að hagsmunir
stúlkunnar verði ekki tryggðir á
annan hátt.
Samráð haft
við foreldrana
♦♦♦
RANNSÓKNARNEFND flugslysa
var á ferli í Nýjadal á Sprengisands-
leið í gærkvöldi til að meta skemmd-
ir á flugvél sem hlekktist á í flugtaki
á sunnudag. Fjórir erlendir karl-
menn voru um borð í vélinni.
Þorkell Ágústsson, forstöðumaður
nefndarinnar, sagði skemmdir tölu-
verðar og staðfesti einnig við blaða-
mann að mennirnir hefðu úðað rauð-
um lit yfir merkingar flugvélarinnar
– sem er rauð að lit. Ástæðu þess
vissi hann hins vegar ekki.
Lögregla vann einnig að rannsókn
á vettvangi í gærkvöldi en engar
fréttir bárust af framgangi málsins.
Úðuðu yfir
merkingar