Morgunblaðið - 08.08.2007, Side 19

daglegt líf
MORGUNBLAÐIÐ MIÐVIKUDAGUR 8. ÁGÚST 2007 19
Það geta ekki allir leyft sérað búa í 400 m² einbýlis-húsi, en þó að plássið sé af
skornum skammti er þó engu að
síður hægt að láta heimilið njóta
sín. Í breska dagblaðinu Guardian
voru á dögunum birt nokkur ráð
um hvernig mætti láta lítið rými
virka stærra.
 Fjárfestu í glærum og gagn-
sæum húsgögnum. Þegar hægt er
að horfa í gegnum hluti fylla þeir
minna út í sjónsvið ið og skapa
aukna rýmistilfinningu.
 Hafðu sama gólfefni alls
staðar, það skapar samfellu – sem
er alltaf af hinu góða þegar rými
er af skornum skammti. Sé ekki
hægt að hafa sama gólfefni alls
staðar náðu þá fram þessari til-
finningu með því að halda þig við
einn lit.
 Veldu muni sem geta gegnt
fleira en einu hlutverki, t.d. sófa
sem er líka rúm eða eldhúsborð
sem má lækka niður í sófaborð.
 Hugsaðu stórt. Sé lofthæðin
lítil má láta hana virka meiri með
því t.d. að láta hurðir eða gard-
ínur ná alveg upp í loft.
 Hafðu miðlægt geymslurými.
Sé öllum bókum, smáhlutum og
geisladiskum komið fyrir á einum
stað virkar herbergið hreinlegra
en ef þessum hlutum dreift á
margar smáhillur og -geymslur.
Þá virka opnar hillur vel fyrir
snyrtipinnana, hinir ættu hins
vegar frekar að velja sér hillur
með rennihurðum.
 Vertu klár í litavali. Ljósir lit-
ir virka betur á lítil rými en dökk-
ir, en það verður engu að síður
leiðigjarnt að hafa allt í sama lit.
 Vertu stafrænn. Losaðu þig
við alla plássfreku geisladiskana
og myndaalbúmin og geymdu
myndir og tóna á stafrænu formi.
 Notaðu veggina. Með því að
hengja muni upp í stað þess að
láta þá standa á gólfinu má nýta
plássið betur.
 Láttu fletina endurvarpa
birtu. Speglar eru þannig sérlega
hentugir í lítil rými því þeir end-
urkasta bæði birtu og rýminu
sjálfu.
 Minna er meira. Vertu mis-
kunnarlaus er kemur að verald-
legum eigum, eða eins og hönn-
uðurinn Terence Conran segir þá
„hefurðu ekki efni á að eyða rými
undir drasl sem má missa sig.“
Taktu allt út úr herberginu og
færðu aðeins þar inn aftur þá hluti
sem þér þykir vænst um, eða sem
þú nauðsynlega þarft á að halda.
Að gera lítið
rými stærra
Morgunblaðið/Árni Sæberg
Rýmiskennd Með sniðugum lausnum getur fjölskyldan notið sín vel í smærri íbúð ekki síður en stærra húsi.
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni