Morgunblaðið - 08.08.2007, Blaðsíða 14
14 MIÐVIKUDAGUR 8. ÁGÚST 2007 MORGUNBLAÐIÐ
ERLENT
Tblisi. AP, AFP. | Stjórnvöld í Georgíu
sökuðu Rússland í gær um að hafa
gert „ódulda árás“ á landið. Þau full-
yrtu að tvær rússneskar árásarþotur
hefðu komið óboðnar inn í lofthelgi
landsins og skotið eldflaug sem lent
hefði fáum metrum frá byggðu bóli.
Flaugin sprakk þó ekki. Rússar hafa
neitað þessari ásökun.
Innanmálaráðherra Georgíu sagði
í samtali við AP-fréttastofuna að af-
leiðingarnar hefðu orðið skelfilegar
hefði flaugin sprungið. Hann sagði
sprengjusérfræðinga nú vera að
ræða hvernig best yrði að með-
höndla hana, en hún mun vera um
tonn að þyngd.
Sendiherra Rússlands í Georgíu,
sem og talsmaður rússneska flug-
hersins, þvertók fyrir að árásin hefði
átt sér stað.
Ásakanir á víxl
„Þetta er prófraun fyrir Georgíu
og alþjóðasamfélagið, þar sem reynt
er á hversu hörð viðbrögð okkar
verða, áður en skipulagning alvar-
legra tilrauna til að eyðileggja frið-
arferlið hefst. Við verðum að svara af
festu,“ sagði varautanríkisráðherra
Georgíu, Nika Vashakidze í gær. Þar
vísaði hann til þess að flaugin lenti
skammt frá Suður-Ossetíu, en
Georgía hefur löngum sakað Rúss-
land um að styðja sjálfstæðissinna
bæði þar og í Abkhaziu.
Boris Chochiyev, varaforsætisráð-
herra í stjórn aðskilnaðarsinna í
Suður-Ossetíu, segir Georgíumenn
sjálfa hafa sent flaugina til þess að
ögra Rússum. „Rússland er sá aðili
sem tryggt getur stöðugleika á
svæðinu og Rússland vill ekki hvetja
til átaka.“ Yfirmaður rússneska frið-
argæsluliðsins í Suður-Ossetíu tók í
sama streng - hann sagði flaugina
hafa komið frá óþekktri flugvél sem
flogið hefði yfir Suður-Ossetíu og
skotið hefði verið á hana frá jörðu áð-
ur en flauginni var sleppt.
Skotið að Georgíu
frá Rússlandi
Reuters
Sönnunargagna leitað Sérfræðingur rannsakar leifar flaugarinnar sem
lenti í nágrenni Tbilisi í gær, án þess þó að springa.
Í HNOTSKURN
»Samskipti Rússlands ogGeorgíu hafa verið stirð
síðustu ár, en Georgía horfir
æ meira til vesturs og hefur
hug á að ganga í NATO.
»George W. Bush banda-ríkjaforseti studdi núver-
andi stjórn Georgíu þegar hin
svokallaða rósabylting var
gerð árið 2003.
UNICEF, Save
the Children og
fleiri hjálpar-
stofnanir hafa
sett fram kröfur
um að allar aug-
lýsingar á ung-
barnamjólk eigi
að banna. Sam-
tökin segja aug-
lýsingarnar hafa þau áhrif að mæð-
ur hætti fyrr með börn sín á brjósti
og að þær gefi ranglega í skyn að
mjólkin sé sambærileg við brjósta-
mjólkina. Brjóstagjöf er ráðlögð í
sex mánuði eftir fæðingu en aðeins
um 25% kvenna í Bretlandi gefa
barni sínu brjóst þann tíma.
Í Bretlandi er bannað að auglýsa
mjólk fyrir börn undir sex mánaða
aldri en samtökin segja framleið-
endur nota sömu smugur í kerfinu
og tóbaksframleiðendur, sama útlit
sé á mjólkinni fyrir allan aldur.
Vilja banna all-
ar auglýsingar
MILLJÓNIR manna þurfa að þola hungursneyð eftir
verstu flóð sem sést hafa um áratugaskeið í Suður-
Asíu. Flóðin eru talin hafa bein áhrif á líf 28 milljóna
manna í Indlandi, Bangladesh og Nepal, en 1.900 hafa
þegar farist að sögn AFP-fréttastofunnar.
Margir óttast að farsóttir muni taka að gerjast í
vatninu og sýkja þær milljónir manna sem nú eru á ver-
gangi. Hjálparlið reyna nú hvað mest þau mega að
koma matarbirgðum til hungraðs flóttafólksins en víða
eru samgöngur erfiðar.
Reuters
Verstu flóð í S-Asíu í áratugi
Peking. AP, AFP. | Þegar kínversk
stjórnvöld tryggðu sér réttinn til að
halda Ólympíuleikana árið 2008 í
Peking sögðu þau að leikarnir
myndu hafa í för með sér aukin borg-
araleg réttindi í landinu, segir
Amensty International í skýrslu sem
birt var í gær. Samtökin fullyrða í
skýrslunni að Kínverjar hafi brotið
þau loforð sem gefin voru á meðan á
valinu á leikvangi stóð með því að
fangelsa fjölmiðlafólk, stoppa starf-
semi fjölmiðla sem fjalla um fé-
lagslegar breytingar og færa í
aukana eftirlit með, og misnotkun á,
pólitískum og trúarlegum andófs-
mönnum. Að auki hafa hinar lang-
vinnu deilur um Tíbet blandast í mál-
ið, en sex erlendir mótmælendur
voru handteknir í gær í Kína.
Margir mótmæla
Skýrslur á borð við þessa hafa
streymt fram á sjónarsviðið síðustu
daga, vikur og mánuði. Í gær hvöttu
Samtök til varnar blaðamönnum
stjórnvöld í Peking til þess að sleppa
29 blaðamönnum sem eru í haldi, en
á mánudag mótmæltu blaðamenn
höftum á frjálsri fjölmiðlun í Kína og
voru allnokkrir þeirra handteknir í
kjölfarið. Samtökin fóru einnig fram
á það við Alþjóða ólympíunefndina
að hún myndi þrýsta á Kínverja að
rýmka tjáningarfrelsi fjölmiðlafólks.
Jacques Rogge, forseti nefndarinn-
ar, sagði í skeyti til AFP-fréttastof-
unnar að það væri ekki í valdi nefnd-
arinnar að beita slíkum þrýstingi.
40 þjóðkunnir kínverskir andófs-
menn sendu í gær opið bréf til
stjórnvalda. „Okkur er engin fróun í
því að mikilfengleg íþróttamannvirki
rísi, að Peking sé fegruð tímabundið
eða að kínverskir íþróttamenn eygi
möguleika á því að vinna verðlauna-
peninga. Við vitum allt of vel að þessi
dýrð er byggð á rústum lífa al-
mennra borgara,“ sagði í bréfinu.
„Slagorð Ólympíuleikanna ‘einn
heimur, einn draumur’ ætti líka að
eiga við kínversku þjóðina,“ sagði
Bao Tong við AFP-fréttastofuna.
Úlfúð í kringum
Ólympíuleika
Reuters
Kúnstir Ungur íþróttamaður æfir
stíft í íþróttahúsi í Peking.
Ólympíuhugsjónir hunsaðar í Peking
FORELDRAR Madelenie, sem hvarf
af hótelherbergi í Portúgal fyrr á
árinu, neita að trúa því að dóttir
þeirra sé dáin, þrátt fyrir fréttir um
að blóð hafi fundist á hótelherberg-
inu. Þau neituðu að tjá sig um mögu-
legan fund lögreglunnar. Fram hef-
ur komið í Daily Telegraph að blóð
hafi fundist á vegg í herberginu og
tilraun hafi verið gerð til að þurrka
það af. Bíði það nú DNA-rann-
sóknar. Lögreglan í Portúgal hefur
þó ekki staðfest fréttirnar en segir
foreldrana ekki liggja undir grun.
Madeleine talin
hafa verið myrt
London. AP, AFP. | Árið 2001 braust út
gin- og klaufaveikifaraldur í sveitum
Bretlands og talið er að allt að 10
milljónum nautgripa hafi verið farg-
að. Í kjölfarið fylgdu hörð útflutn-
ingsbönn sem höfðu alvarlegar efna-
hagslegar afleiðingar í för með sér.
Í gær var staðfest að sjúkdómur-
inn hefði greinst á öðru kúabúi, í
Surrey, ekki langt frá því þar sem
sjúkdómurinn fannst í síðustu viku.
Samkvæmt fréttavef breska ríkis-
útvarpsins, BBC, telja farsóttar-
fræðingar nú að hugsanlega megi
rekja smitið til flóðanna sem farið
hafa um Bretland í sumar. Roger
Pride, sem rekur býlið þar sem smit-
ið fannst fyrst, telur sennilegt að
flóðin hafi valdið því að holræsi fyllt-
ust og flæddu inn á akrana. Enn hef-
ur ekki verið staðfest hvort rann-
sóknarstofa í grennd við býlið þar
sem smitið fannst fyrst beri ábyrgð á
því að vírusinn barst í gripina.
Ýmis lönd hafa gripið til aðgerða
til þess að hefta útbreiðslu sjúkdóms-
ins. Í Ástralíu er farangur allra sem
koma inn í landið frá Bretlandi skoð-
aður sérstaklega, og skóbúnaður
þeirra sem verið hafa í breskum
sveitum sótthreinsaður. Í Kýpur
þurfa allir sem koma frá Bretlandi að
ganga yfir sótthreinsandi mottur.
Sum lönd hafa með öllu bannað inn-
flutning á kjötvörum frá Bretlandi en
önnur hafa aukið eftirlit með honum.
Bretar óttast annan gin-
og klaufaveikifaraldur
NÝR meirihluti tók við í efri deild
japanska þingsins í gær, en stjórnin
beið afhroð í kosningum í síðasta
mánuði. Nýi meirihlutinn segist
hafa ýmislegt á prjónunum, t.d. að
krefjast þess að Japan hætti stuðn-
ingi við aðgerðir Bandaríkjamanna
í Írak. Þó ber að hafa í huga að í
neðri deildinni eru stjórnarflokk-
arnir með meirihluta og er hún öllu
áhrifameiri en sú efri.
Ný stjórn tekur
við í Japan
NÁMUTÆKI í tonnatali og 134
manns unnu í gær að björgun sex
manna eftir að náma féll saman á
mánudagsmorgun. Mennirnir eru
taldir vera á 0,5 km dýpi og þarf að
grafa um það bil 610 m langa leið til
að ná til þeirra. Í gær var björg-
unarleiðangurinn aðeins kominn 95
metra áleiðis. Ekki er vitað hvort
mennirnir eru á lífi.
Kolanáma
hrundi í Utah
BRETAR hafa farið fram á það að
fimm fyrrum íbúum Bretlands
verði sleppt úr haldi Bandaríkja-
manna í fangabúðunum í Guant-
anamo. Þetta er allnokkur stefnu-
breyting hjá Bretum, því mennirnir
eru ekki breskir ríkisborgarar,
heldur voru þeir einungis búsettir í
Bretlandi fyrir handtökuna. Ýmist
hafði verið tekið við þeim á þeim
forsendum að þeir væru flótta-
menn, hælisleitendur eða að þeir
höfðu fengið dvalarleyfi í landinu.
Stjórnvöld sögðu þetta gert vegna
fyrirætlana Bandaríkjanna um að
fækka föngum í Guantanamo.
Bretar vilja
fanga lausa
MÓÐIR þriggja barna í Espoo í
Finnlandi hefur verið handtekin,
grunuð um að hafa myrt tveggja
ára son sinn og átta ára tvíburadæt-
ur sínar. Lík barnanna fundust í
fjölbýlishúsi í úthverfi Espoo.
Drengurinn bjó hjá móður sinni en
tvíburasysturnar hjá föður sínum
og voru þær í heimsókn hjá móð-
urinni. Grannkona móðurinnar
sagði í viðtali við Iltalehti að hún
hefði heyrt sáran barnsgrát úr
íbúðinni mánudagsnóttina.
Þrjú börn
fundust látin í
íbúð í Finnlandi