Morgunblaðið - 08.08.2007, Blaðsíða 8

8 MIÐVIKUDAGUR 8. ÁGÚST 2007 MORGUNBLAÐIÐ
FRÉTTIR
LANDSPÍTALINN verður reyk-
laust sjúkrahús frá næstu áramót-
um þegar skrefið verður stigið til
fulls og síðasta reykherberginu lok-
að. Ekki verður lengur leyft að
reykja á sjúkrahúsinu eða í næsta
nágrenni þess en nokkur reyk-
herbergi hafa verið opin fyrir sjúk-
linga.
Reykherbergin hafa valdið öðr-
um sjúklingum og starfsfólki ónæði
og oft verið kvartað vegna þeirra,
segir í tilkynningu frá LHS.
Vegna þessa og af heilbrigð-
isástæðum verður reykherbergj-
unum lokað, fyrst í aðalbyggingum
við Hringbraut og í Fossvogi 15.
ágúst nk. og síðan á geðsviði,
Landakoti og á Grensási 1. janúar
2008. Starfshópur á vegum for-
stjóra LSH, sem í sitja fulltrúar frá
læknaráði, hjúkrunarráði, starfs-
mannaráði, siðanefnd og skrifstofu
starfsmannamála, hefur unnið að
stefnu um reykleysi sjúkrahússins
og lagt fram leiðbeiningar fyrir
starfsfólk sem sinnir sjúklingum.
Höfð er að leiðarljósi bætt líðan og
betri heilsa sjúklinga og fjölskyldna
þeirra.
Lögð verður áhersla á að sjúk-
lingar á LSH sem reykja fái fræðslu
og ráðgjöf frá læknum og hjúkr-
unarfræðingum og stuðning við að
takast á við reykleysi meðan þeir
dvelja á sjúkrahúsinu.
Morgunblaðið/Júlíus
Landspítalinn verður reyklaus
frá og með næstu áramótum
ÍSLENSKAR friðarhreyfingar
standa að kertafleytingu á Reykja-
víkurtjörn fimmtudaginn 9. ágúst.
Safnast verður saman við suðvest-
urbakka Tjarnarinnar klukkan
22.30 en þar mun Gunnar Her-
sveinn heimspekingur flytja stutt
ávarp. Fundarstjóri verður Heiða
Eiríksdóttir tónlistarmaður. Að
venju verða flotkerti og frið-
armerki seld á staðnum.
Kertum verður einnig fleytt á
Akureyri við Minjasafnstjörnina á
sama tíma, kl. 22.30. Ávarp flytur
Inga Þöll Þórgnýsdóttir bæj-
arlögmaður. Flotkerti verða seld á
staðnum
Fleytt er kertum í minningu fórn-
arlamba kjarnorkueldanna í jap-
önsku borgunum Hírósíma og
Nagasakí dagana 6. og 9. ágúst
1945.
Þetta er tuttugasta og þriðja
kertafleytingin á Tjörninni af þessu
tilefni. Fyrsta kertafleytingin var í
ágúst 1985 þegar 40 ár voru liðin
frá kjarnorkuárásunum.
Morgunblaðið/Þorkell
Friðarstund Safnast verður saman
við Tjörnina á fimmtudaginn.
Kertum fleytt
á fimmtudag
MÆLINGAR á fjölda svifþörunga í sjósýnum úr Eyja-
firði benda til hættu á þörungaeitrun í kræklingi og öðr-
um skelfiski þar. Er fólk því varað við neyslu skelfisks úr
firðinum sem stendur.
Tvær tegundir eiturþörunga eru þar yfir viðmið-
unarmörkum og er því talin veruleg hætta á að kræk-
lingur og annar skelfiskur sé óhæfur til neyslu. Þessir
eiturþörungar geta annars vegar valdið lömunareitrun
og hins vegar niðurgangseitrun. Fiskistofa tekur viku-
lega sýni í Eyjafirði og Breiðafirði í forvarnaskyni og
Umhverfisstofnun tekur sýni í Hvalfirði, sem er vinsæll kræklingatínslu-
staður meðal fólks á höfuðborgarsvæðinu. Hafrannsóknastofnun sér um að
rannsaka sýnin sem tekin eru. Niðurstöðurnar eru birtar vikulega á heima-
síðu Hafrannsóknastofnunar, www.hafro.is og eru þeir sem ætla sér að
neyta skelfisks af þessum svæðum hvattir til þess að fylgjast með ástandinu
og gæta varúðar.
Varað við neyslu skelfisks
BISKUP Íslands auglýsti í Morg-
unblaðinu á laugardaginn laust til
umsóknar embætti prests við Dóm-
kirkjuna í Reykjavík. Embættið
veitist frá 1. október nk. og er um-
sóknarfrestur til 4. september.
Séra Hjálmar Jónsson gegndi
þessu embætti, en hann var á dög-
unum skipaður sóknarprestur við
Dómkirkjuna. Því embætti gegndi
áður sr. Jakob Ágúst Hjálmarsson,
sem sagði embættinu lausu í sumar.
Laust embætti
Í DAG, miðvikudag klukkan 17.30,
mun Karl Sigurgeirsson biskup
taka skóflustungu að nýrri kirkju í
Grafarholti í Reykjavík. Biskupi til
aðstoðar verða væntanleg ferming-
arbörn sóknarinnar. Allir eru vel-
komnir við athöfnina.
Skóflustunga
YFIRBORÐ Hálslóns, uppistöðu-
lóns Kárahnjúkavirkjunar, er nú í
rúmum 614 metrum yfir sjávar-
máli. Vantar einungis tæpa 11
metra upp á að lónið fyllist. Byrjað
var að láta renna í Hálslón í sept-
ember á síðasta ári og hefur það
hækkað jafnt og þétt. Gert er ráð
fyrir að lónið verði alls um 57 fer-
kílómetrar að stærð.
Hálslón stækkar
Að fyllast Yfirborðið er 614 m y.s.
Eftir Guðna Einarsson
gudni@mbl.is
„Eitt af því sem mig langaði að gera í lífinu var að ná
þessum titli,“ sagði Héðinn Steingrímsson, nýbakaður
stórmeistari í skák. Hann náði titlinum eftir yfirburða-
sigur á stórmeistaramóti í Mladá Boleslav í Tékklandi
sem lauk 5. ágúst sl. Héðinn vill tileinka titilinn minn-
ingu Guðmundar Pálmasonar jarðeðlisfræðings og
landsliðsmanns í skák, sem er nýlega látinn. „Ég heim-
sótti Guðmund oft á árum áður og átti hann einna mest-
an þátt í að móta mig sem skákmann,“ sagði Héðinn.
Héðinn hefur verið einn virkasti skákmaður Íslend-
inga undanfarið. Hann varð í 4. sæti á Reykjavík-
urskákmótinu í ár, var taplaus á Evrópumeistaramóti
taflfélaga 2006 og lenti þar í 5.-12. sæti ásamt félögum
sínum sem er einn besti árangur íslensks liðs á alþjóð-
legum vettvangi í seinni tíð. Þá vann Héðinn sterkt
skákmót á Sardiníu á Ítalíu í vor og varð annar á Ís-
landsmótinu 2006. Héðinn er nú búsettur í Þýskalandi
ásamt konu sinni Steffi Botzelmann og hefur búið þar
undanfarin þrjú ár. Aðspurður sagði Héðinn óljóst hvað
nú tæki við.
„Ég er á leiðinni í frí til Íslands. Við konan mín voru
búin fyrir nokkru að ákveða að ganga þar á fjöll og hitta
fjölskylduna og vini. Ég ætla líka að tala við skákvini
mína en þeir hafa verið mjög duglegir að styðja mig.“
Aftur á sjónarsviðið
Héðinn átti afar glæsilegan skákferil á bernsku- og
æskuárum en hvarf síðan að mestu af sjónarsviðinu í
um áratug. Hvað skýrir þá fjarveru?
„Ég var í mjög ströngu háskólanámi í tölvunarfræði.
Ég tefldi yfirleitt á sumrin og notaði sumarfrí frá námi
fyrir skák. Þegar ég var kominn áleiðis í tölvunarfræð-
inni fór ég að vinna við hugbúnaðargerð á sumrin og þá
var sjálfhætt í skákinni,“ sagði Héðinn. Að lokinni
B.Sc.-gráðu í tölvunarfræði vann Héðinn um þriggja
ára skeið við smíði hugbúnaðar fyrir íslenska flug-
umferðarstjórnunarkerfið og gafst þá ekki mikið tóm til
skákiðkunar. Hann lauk mastersnámi í tölvunarfræði
við Háskóla Íslands og vann að því loknu að rann-
sóknum í taugaeðlisfræði (neuro-physics) við háskólann
í Bremen í Þýskalandi. Í Bremen komst Héðinn í kynni
við öflugan skákklúbb og þar vaknaði skákáhuginn aft-
ur. Héðinn kynntist þar skákþjálfara og mætti til hans
tvisvar í viku. Héðinn gekk til liðs við skákdeild Werder
Bremen og hóf að tefla í þýsku deildarkeppninni, en hún
er sú sterkasta í heimi.
„Fyrstu leiktíðina mína treystu þeir í Bremen mér til
að tefla á fyrsta borði í 2. deildarkeppninni, þótt ég væri
ekki stigahæstur. Það gekk þannig að ég fékk átta vinn-
inga af níu mögulegum,“ sagði Héðinn. Frammistaða
hans var ein sú besta allra skákmanna í þýsku deilda-
keppninni. Liðið hafði fallið um deild árinu áður og var
takmarkið að falla ekki aftur. Eftir að Héðinn gekk til
liðs við Werder Bremen unnu þeir allar viðureignirnar.
„Það var eiginlega erfitt að hætta að tefla eftir það,“
sagði Héðinn. Werder Bremen varð í 1. sæti í þýsku
deildarkeppninni og árið eftir í 2. sæti. Héðinn segir
mikla breidd í skákinni í Þýskalandi og skáklífið þar
fjölbreyttara en hér á landi.
„Skákin hefur gengið mjög vel hjá mér í nokkurn
tíma. Í rauninni hefur verið ákveðin stígandi hjá mér,
jafnvel þó ég hafi ekki alltaf náð áfanga. T.d. á síðasta
Reykjavíkurmóti var ég samt í verðlaunasæti og mjög
nálægt áfanga. Ég hef hækkað mig í ELO-stigum jafnt
og þétt. Það er freistandi að sjá hvort maður kemst ekki
eitthvað lengra. Reyndar segja sumir reyndir skák-
menn að oft sé það þannig að þegar menn hafi náð stór-
meistaratitli sé erfiðara að halda framförum áfram. Ef
ég held mínu striki þá ætti ég að hækka talsvert að stig-
um og gæti einnig stefnt á að komast áfram í heims-
meistaramótinu í skák.“
Vantar fjárhagslegan bakhjarl
Íslenskir stórmeistarar í skák eiga rétt á launum úr
launasjóði stórmeistara. Héðinn taldi líklegt að hann
myndi þiggja þau laun fyrst um sinn, a.m.k. En hyggst
hann þá gerast atvinnumaður í skák?
„Ég var fyrst spurður þessarar spurningar fimmtán
ára gamall, þegar ég varð Íslandsmeistari. Ég sagðist þá
ekki hafa svo mikinn áhuga á því. Það hefur í sjálfu sér
ekki breyst. Annars verður að ráðast hvað gerist, en mér
þykir ólíklegt að ég kembi hærurnar sem skákmaður.“
Héðinn kveðst hafa talsverðan áhuga á að fá öflugan
bakhjarl sér til stuðnings, líkt og t.d. norski stórmeist-
arinn Magnus Carlsen hefur. „Ef ég hefði fyrirtæki á
bakvið mig sem t.d. myndi sjá um að útvega mér þjálfara
þá væri miklu auðveldara að ná lengra.“
Langaði að ná þessum titli
Morgunblaðið/Ómar
Stórmeistari Héðinn Steingrímsson er nú einn af
fremstu skákmönnum landsins og nýorðinn stór-
meistari í skák.
Í HNOTSKURN
»Héðinn Steingrímsson stórmeistari (fæddur1975) á glæsilegan feril sem skákmaður. Hann
varð margoft Norðurlandameistari í sínum ald-
ursflokki, heimsmeistari 12 ára og yngri 1987 og
yngsti Íslandsmeistari sögunnar árið 1990.
»Héðinn er tölvunarfræðingur og lauk M.Sc.-prófi frá Háskóla Íslands. Þá stundaði hann
rannsóknir í taugaeðlisfræði í Þýskalandi.
HÉÐINN Steingrímsson er hinn
þrettándi í hópi íslenskra stór-
meistara í skák, ef með eru taldir
erlendir stórmeistarar karla og
kvenna sem gerst hafa íslenskir
ríkisborgarar. Ártölin í sviga við
nöfn stórmeistaranna sýna hvenær
þeir unnu til titilsins.
Friðrik Ólafsson (1958), Guð-
mundur Sigurjónsson (1975), Helgi
Ólafsson (1985), Jóhann Hjartarson
(1985), Margeir Pétursson (1986),
Jón L. Árnason (1986), Hannes Hlíf-
ar Stefánsson (1993), Helgi Áss
Grétarsson (1994), Þröstur Þór-
hallsson (1996) og Héðinn Stein-
grímsson (2007).
Auk ofantalinna hafa þrír skák-
menn með stórmeistaratitil gerst
íslenskir ríkisborgarar og eru því í
hópi íslenskra stórmeistara í skák.
Þau eru: Bobby Fischer frá Banda-
ríkjunum, sem varð heimsmeistari í
skák í einvígi aldarinnar í Reykja-
vík 1972, og Hendrik Danielsen,
stórmeistari frá Danmörku. Lenka
Ptacnikova frá Tékklandi er stór-
meistari kvenna í skák.
Helgi Ólafsson, stórmeistari í
skák og skólastjóri Skákskóla Ís-
lands, benti á að Stefán Krist-
jánsson hafi náð öllum áföngum til
stórmeistaratitils í fyrrahaust, en
eigi eftir að ná tilskildum fjölda
ELO-stiga. Til að öðlast stórmeist-
aratitil þarf skákmaður að ná
þremur gildum áföngum að stór-
meistaratitli og að hafa komist yfir
2.500 ELO-stig að styrkleika. Héð-
inn Steingrímsson náði 2.505 ELO-
stigum árið 1991, þegar hann var
aðeins 16 ára gamall.
Helgi sagði að í hópi alíslensku
stórmeistaranna væru þeir Hannes
Hlífar og Héðinn virkastir í þátt-
töku á skákmótum nú. Nýverið var
frá því greint að Friðrik Ólafsson
myndi taka þátt í skákmóti í Hol-
landi á næstunni. Hinir stórmeist-
ararnir væru flestir farnir að sinna
öðrum störfum.
Helgi sagði að frammistaða Héð-
ins kæmi sér ekki á óvart. „Hann er
þrælskipulagður. Ég man að ég var
stundum að stúdera með honum
þegar hann var 15 ára. Hann var
ekkert að dunda við þetta heldur
tók skákina mjög föstum tökum,“
sagði Helgi. „Það var ótrúlegt af-
rek hjá Héðni að verða Íslands-
meistari 1990. Mótið sem hann vann
var mjög sterkt. Þar tefldu m.a.
Margeir Pétursson, Jón L. Árnason,
Hannes Hlífar Stefánsson og Þröst-
ur Þórhallsson. Héðinn fékk 9 af 11
vinningum sem var alveg magnað.“
Stórmeistarar Íslendinga
Friðrik Ólafsson Bobby Fischer