Morgunblaðið - 18.08.2007, Side 12

12 LAUGARDAGUR 18. ÁGÚST 2007 MORGUNBLAÐIÐ
FRÉTTIR
„FÓLK, fuglar og fiskur,“ svarar
Sigurgeir Jónasson ljósmyndari
þegar hann er beðinn að lýsa meg-
inmyndefni sínu í stuttu máli. Ljós-
myndasýning með myndum Sig-
urgeirs verður opnuð í dag kl. 12 og
stendur til kl. 16 í sýningarsal
Toyota í Kópavogi. Lofar hann ekta
Eyjastemningu við opnunina í dag,
en meðal veitinga sem í boði verða
er reyktur lundi. Sýningin verður
opin næstu vikurnar.
„Grínlaust þá er ég líklega þekkt-
astur fyrir myndir sem prýða F-in
þrjú,“ segir Sigurgeir en tekur
jafnharðan fram að mun fleiri mótíf
prýði myndirnar á sýningunni.
„Það er gaman að geta sýnt fleiri
hliðar á sjálfum mér sem ljósmynd-
ara en þá hlið sem flestir þekkja
mig fyrir, í gegnum þær frétta-
myndir sem ég hef tekið á vegum
Morgunblaðsins.
Á síðari árum hef ég haft afar
gaman af því að mynda hið einstaka
landslag í Eyjum, búa til fantasíur
úr myndefninu,“ segir Sigurgeir og
bendir í því samhengi á hina óend-
anlegu möguleika sem felist í því
mynda gróðurinn, bergið og fjör-
una. „Í raun er þetta öll sú flóra
sem myndavélin býður manni upp á
að höndla,“ segir Sigurgeir og við-
urkennir að sér finnist enn
skemmtilegast að mynda í svart/
hvítu.
Að sögn Sigurgeirs eru um 170
ljósmyndir á sýningunni teknar á
um fimmtíu ára tímabili, frá 1958
og til dagsins í dag.
Morgunblaðið/Sigurgeir Jónasson
Fjöldi Hátt í tvö hundruð myndir prýða sýningu Sigurgeirs Jónassonar í
sal Toyota í Kópavogi. Aðstandendur lofa sannkallaðri Eyjastemningu.
„Fólk, fuglar og fiskur“
NEYTENDUR þurfa að vera var-
kárir og athuga vel merkingar á
leikföngum fyrir börn að sögn
Nönnu M. Gunnlaugsdóttur, sölu-
stjóra Kaup.is. „Það er of mikið af
leikföngum á Íslandi sem ekki eru
nógu góð og uppfylla ekki gæða-
staðla,“ segir Nanna.
Gæta þurfi sérstaklega að því að
aldursmerkingar séu ekki misvís-
andi og að leikföngin hafi verið
prófuð og samþykkt, sem flest eru
þá merkt svokölluðum CE evr-
ópustaðli. Einnig ættu foreldrar að
huga að því að kaupa sem minnst af
máluðum leikföngum og leita frek-
ar að samsettum vörum úr gegnlit-
uðu plasti, sem verða æ algengari
og eru öruggari fyrir börn að naga.
Gæði Þessi litríki kall er dæmi um
leikfang sem ekki er málað að utan.
Óvönduð leik-
föng algeng
SAMBANDSÞING ungra sjálfstæðismanna verður hald-
ið á Seyðisfirði dagana 14.-16. september næstkomandi í
39. sinn. Núverandi formaður SUS, Borgar Þór Ein-
arsson, hefur ákveðið að gefa ekki kost á sér til endur-
kjörs. Tilkynnti hann um þessa ákvörðun sína á fundi
stjórnar SUS í fyrrakvöld.
Borgar Þór var kjörinn formaður SUS á þingi sam-
bandsins í Stykkishólmi 2. október 2005.
Samkvæmt lögum SUS ber að kjósa 27 menn til stjórn-
ar á þingi sambandsins sem haldið er á tveggja ára
fresti. Formaður er kjörinn sérstaklega í óhlutbundinni
kosningu en aðrir stjórnarmenn í einu lagi. Á SUS-þingi
fer fram málefnastarf þar sem stefna ungra sjálfstæðismanna er mótuð,
auk þess sem þingfulltrúar velja forystu sambandsins.
Rétt til setu á SUS-þinginu á Seyðisfirði eiga um 500 fulltrúar aðild-
arfélaga SUS um allt land.
Hættir sem formaður SUS
Borgar Þór
Einarsson
Í DAG, laugardag, verður haldið í
Reykjavík landsþing Lands-
sambands framsóknarkvenna.
Bryndís Bjarnason, núverandi for-
maður LFK, hyggst hætta for-
mennsku á landsþinginu.
Eygló Harðardóttir hefur til-
kynnt að hún muni bjóða sig fram
til formennsku.
Eygló skipaði 4. sæti á lista fram-
sóknarmanna í Suðurkjördæmi fyr-
ir síðustu tvennar alþingiskosn-
ingar og sat um tíma á Alþingi sem
varaþingmaður.
Gefur kost á sér
FJÖRUTÍU erlend ungmenni
komu í gær til landsins á vegum
skiptinemasamtakanna AFS á Ís-
landi. Ungmennin eru á aldrinum
15-19 ára og koma frá ýmsum
þjóðlöndum, m.a. Gana, Ástralíu,
Grænlandi, Noregi, Ítalíu, Frakk-
landi, Taílandi, Bandaríkjunum
og Venesúela.
Þau munu dvelja hjá íslenskum
fjölskyldum um land allt í vetur,
ganga í íslenska skóla, eignast
vini og kynnast þannig landi og
þjóð.
40 skiptinemar
SAMTÖKIN Betri Nónhæð í Kópa-
vogi afhenda á mánudag yfirvöld-
um í bænum undirskriftalista, þar
sem mótmælt er fyrirhuguðum
breytingum á aðalskipulagi.
Afhenda mótmæli
Eftir Guðna Einarsson
gudni@mbl.is
JÚNÍ og júlí síðastliðnir eru meðal
bestu sölumánaða sem bygginga-
verktakar muna, að sögn Árna Jó-
hannssonar, talsmanns verktaka hjá
Samtökum iðnaðarins. Hann sagði
menn í byggingariðnaði ekki merkja
samdrátt og að nú seldust nýjar
fasteignir á fyrri byggingarstigum
en þeir hafi átt von á.
„Menn láta teikna blokkir, taka
grunna og þegar byrjað er að byggja
eru þeir farnir að selja íbúðir,“ sagði
Árni. Hann nefndi dæmi um mjög
stóran byggingarverktaka sem ekki
á neinar fullbúnar íbúðir óseldar,
hvorki á höfuðborgarsvæðinu né úti
á landi. Þá nefndi Árni einnig nýtt
íbúðahverfi, Vellina í Hafnarfirði,
þar sem mikil uppbygging hefur
verið undanfarin ár. Samkvæmt
upplýsingum stórs söluaðila á því
svæði eru engar fullbyggðar íbúðir
þar óseldar.
„Það ber allt að sama brunni,“
sagði Árni. „Þetta er meiri sala en
menn bjuggust við og engin birgða-
söfnun, þannig að markaðurinn virð-
ist við bestu heilsu.“
Útlendinga vantar íbúðir
Grétar Jónasson, framkvæmda-
stjóri Félags fasteignasala, telur
engin samdráttareinkenni í nýbygg-
ingum íbúðarhúsnæðis. Það markar
hann af samtölum við fasteignasala.
„Það hefur verið mikið líf í fast-
eignamarkaðnum, ólíkt því sem
margir höfðu spáð,“ sagði Grétar.
Aðspurður kvaðst Grétar ekki
þekkja dæmi þess að markaður fyrir
nýbyggt íbúðarhúsnæði væri að
mettast, t.d. á tilteknum stöðum eða
landshlutum. „Við sjáum að bygg-
ingaverktakar eru víða að hefja
framkvæmdir. Þeir væri ekki aðgera
það ef þeir sæju ekki fram á eft-
irspurn á næstu misserum,“ sagði
Grétar. Hann benti á að gjörbreyt-
ing hefði orðið á fasteignamarkaði
þegar bankarnir hófu að veita íbúða-
lán um mitt ár 2004. Í kjölfarið hefðu
nær allar eignir sem voru falar selst
hratt. Hann telur að markaðurinn
hafi aftur náð meira jafnvægi og það
sé nær því að vera hið eðlilega
ástand. Þó sagði Grétar að á mark-
aðinn hefði vantað eignir sem hent-
uðu öllum þeim útlendingum sem
hefðu flutt hingað til lands og vildu
nú festa sér húsnæði. Þessi hópur
væri nú að koma í talsverðum mæli
inn á markaðinn og leita sér að íbúð-
um. Um væri að ræða mikinn fjölda
mögulegra kaupenda fasteigna.
Ekki að slaka á
Arngrímur Blöndahl, sviðsstjóri
þróunar- og tæknisviðs bygginga-
fyrirtækisins Eyktar, sagði Eykt
ekki vera að draga úr byggingu
íbúðarhúsnæðis frá því sem verið
hefur. Þeir hafi ekki merkt það á
sínum viðskiptum að það sé ástæða
til að halda að sér höndum á því
sviði.
„Við erum ekki að slaka á og erum
með frekari byggingar í farvatninu.
Það byggjum við á því að okkur hef-
ur gengið vel að selja það sem við
höfum framleitt,“ sagði Arngrímur.
Hann nefndi til dæmis að Eykt væri
nýbúin að framleiða 74 íbúða fjöl-
býlishús og það væri að mestu leyti
selt.
Enginn samdráttur
Morgunblaðið/Jim Smart
Nýbyggingamarkaðurinn Vel hefur gengið að selja nýbyggt íbúðarhúsnæði
og ekki um birgðasöfnun að ræða hjá stórum byggingaverktökum.
Markaður fyrir nýtt íbúðarhúsnæði sagður við góða heilsu
Eftir Önund Pál Ragnarsson
onundur@mbl.is
„VIÐ erum búnir að minnka umfang
framkvæmdanna umtalsvert, taka út
tvö stíflumannvirki og hætta við að
hafa sérstakt inntakslón við Gúls-
virkjun. Við það eykst fallhæðin á
virkjanirnar nokkuð, svo miðað við
hana væri hægt að hafa örlítið meira
afl á vélunum en ella. Við ætlum okk-
ur hins vegar alls ekki að nýta þann
möguleika vegna þess að virkjana-
leyfi okkar hljóðar upp á 9,8 MW, en
ekki meira. Við ætlum að fylgja þeim
forsendum nákvæmlega. Þess vegna
verður aflgeta þessara véla þegar
þær verða settar niður á Seyðisfirði
nákvæmlega í takt við virkjanaleyf-
ið,“ segir Birkir Þór Guðmundsson,
framkvæmdastjóri Íslenskrar Orku-
virkjunar ehf., sem sér um byggingu
Fjarðarárvirkjana við Seyðisfjörð.
Aðrar tölur hjá framleiðanda
Á vefsíðu þýska fyrirtækisins Glo-
bal Hydro Energy (GHE) sem fram-
leiðir meðal annars túrbínur í vatns-
aflsvirkjanir kemur fram að búið sé
að panta aflvélar í Fjarðarárvirkjan-
ir við Seyðisfjörð. Í yfirliti yfir pant-
aðar túrbínur á vefsíðunni kemur
fram að tvær aflvélar Gúlsvirkjunar
geti samanlagt skilað 4 MW, en tvær
aflvélar Bjólfsvirkjunar geti skilað
7,064 MW. Samanlagt gerir það
11,064 MW framleiðslugetu, en í öðr-
um viðauka við lög um mat á um-
hverfisáhrifum frá árinu 2000 eru
þær virkjanir gerðar sjálfkrafa
skyldar til að sæta umhverfismati
sem framleiða 10 MW afl eða meira.
Þá segir einnig í forsendum mat-
skylduákvörðunar Skipulagsstofn-
unar að vatnsnotkun virkjananna
verði 1,1 rúmmetri á sekúndu fyrir
Gúlsvirkjun en 1,3 fyrir Bjólfsvirkj-
un. Á vefsíðu GHE er hins vegar
miðað við að vatnsþörf hvorrar virkj-
unar um sig sé 2,5 rúmmetrar á sek-
úndu.
Fara ekki yfir 9,8 MW
Aðspurður sagði Karl Ewald,
sölustjóri hjá GHE í Þýskalandi, að
tölurnar á vefsíðunni væru réttar
eftir því sem hann kæmist næst, en
fyrirtækið væri langt komið með að
smíða vélarnar fjórar. Segir Birkir
Þór þetta misskilning sem verði leið-
réttur. Vélarnar séu sérsmíðaðar og
hreinar línur séu að aflgeta þeirra
verði ekki meiri en 9,8 MW.
Aflið fer ekki yfir 9,8 MW
 Framleiðandi véla segir uppsett afl Fjarðarárvirkjana
verða 11 MW  Misskilningur, segir framkvæmdastjóri ÍOV
Í HNOTSKURN
»Fjarðarárvirkjun er einmargra vatnsaflsvirkjana
sem undanþegnar eru um-
hverfismati, eftir ákvörðun
Skipulagsstofnunar, enda
undir 10 MW að uppsettu afli.
»Upplýsingar á vef aflvéla-framleiðandans Global
Hydro Energy gefa til kynna
að aflið verði 11 MW.
»Framkvæmdaraðili segirforsendum virkjanaleyfis
verða fylgt nákvæmlega eftir.