Morgunblaðið - 07.10.2007, Qupperneq 4

4 SUNNUDAGUR 7. OKTÓBER 2007 MORGUNBLAÐIÐ
FRÉTTIR
www.lyfja.is
- Lifið heil
Bólusetning
gegn inflúensu
– engin bið
Lyfja Lágmúla: alla daga kl. 15–19
Lyfja Smáralind: alla daga kl. 13–15
Lyfja Laugavegi: föstudaga kl. 13–17
ÍS
L
E
N
S
K
A
/S
IA
.I
S
L
Y
F
3
93
45
0
9/
07
Eftir Guðmund Sverri Þór
sverrirth@mbl.is
REYKJAVÍK Energy Invest er eitt
þriggja erlendra fyrirtækja sem eiga
möguleika á að kaupa 40% hlut fil-
ippseyska ríkisins í PNOC-EDC,
stærsta jarðvarmafyrirtæki heims.
Félagið er ásamt samstarfsaðilum á
Filippseyjum komið í aðra umferð til-
boðsferlisins og hefur samkvæmt
heimildum Morgunblaðsins hlotið
mjög jákvæð viðbrögð bæði hjá rík-
isstjórn landsins og öðrum hluthöf-
um. Meðal þeirra eru Alþjóðabank-
inn og fjárfestingarsjóður Singapore
en þessir aðilar eru ekki þekktir fyrir
að vera mjög áhættusæknir sem
bendir til þess að fjárfesting í PNOC-
EDC sé ekki mjög áhættusöm.
PNOC-EDC er skráð í kauphöllina
á Filippseyjum en ríkið á, eins og seg-
ir hér að framan, ráðandi hlut í félag-
inu og stendur til að selja hann.
Heildarmarkaðsvirði félagsins er
112,5 milljarðar filippseyskra pesóa,
sem jafngildir tæplega 155 milljörð-
um króna, og er markaðsvirði 40%
hlutar því um 61,9 milljarðar króna.
Eftir því sem Morgunblaðið kemst
næst myndi tæplega helmingur 40%
hlutarins renna til Reykjavík Energy
Invest, eða um 18% af heildarhlutafé
PNOC-EDC.
Félagið sem um ræðir er eins og
áður segir talið það stærsta í heim-
inum í framleiðslu jarðvarmaorku en
orkuframleiðsla þess er um 1.150
MW á ári. Til samanburðar má geta
þess að framleiðslugeta Landsvirkj-
unar er um 2.000 MW á ári og þá er
gott að hafa í huga að PNOC-EDC
framleiðir eingöngu orku úr jarð-
varma.
Filippseyjar eru ekki svo ólíkar Ís-
landi í jarðfræðilegum skilningi, þ.e.
mikla eldvirkni er að finna í iðrum
jarðar og þar af leiðandi er framboð á
jarðvarma mikið. Samkvæmt upplýs-
ingum á vef PNOC-EDC eru í dag
unnin um 1.905 MW af jarðvarma-
orku á ári á Filippseyjum og eftir því
sem Morgunblaðið kemst næst er
hægt að auka þá framleiðslu umtals-
vert. Félagið á jarðhitasvæði sem
ekki er farið að virkja og hefur virkj-
unarleyfi á fleiri svæðum, sem gerir
það mjög áhugaverðan fjárfestingar-
kost. Ennfremur munu miklir mögu-
leikar vera á hagræðingu í rekstri
þess og er það önnur ástæða fyrir því
að fjárfesting í félaginu þykir fýsileg.
Framleiðir 1.150 MW af
orku á ári úr jarðvarma
REI getur keypt í
stærsta jarðvarma-
fyrirtæki heims
Reuters
Sprengigos Filippseyjar eru eldfjallaeyjur líkt og Ísland. Þar er þó hætt-
ara við hamförum vegna eldgosa en hér og fólk þurft að flýja heimili sín.
ÞÓRUNN Sveinbjarnardóttir um-
hverfisráðherra hefur sent Andreas
Carlgren, umhverfisráðherra Sví-
þjóðar, bréf þar
sem hún lýsir yfir
áhyggjum af fyr-
irhuguðum flutn-
ingi á kjarnorku-
úrgangi frá
Svíþjóð til Sella-
field-endur-
vinnslustöðvar-
innar í Englandi.
Í bréfinu segir
að íslensk stjórn-
völd óttist að
þessar aðgerðir sænskra stjórnvalda
grafi undan kröfum Íslendinga og
fleiri þjóða um að endurvinnslustöð-
inni verði lokað, auki hættuna á
mengunarslysi og sendi röng skila-
boð um meðhöndlun kjarnorkuúr-
gangs. Þá segir að íslensk stjórnvöld
telji heppilegra að kjarnorkuúr-
gangurinn verði meðhöndlaður og
grafinn í Svíþjóð. Frá þessu er
greint í frétt frá umhverfisráðuneyt-
inu.
Um er að ræða tæp fimm tonn af
kjarnorkuúrgangi sem féllu til við
rekstur kjarnakljúfs sem var notað-
ur við rannsóknir hjá Tækniháskól-
anum í Stokkhólmi. Rekstrinum var
hætt árið 1970. Öllum öðrum kjarn-
orkuúrgangi sem fellur til við orku-
framleiðslu í Svíþjóð er fargað þar.
Í frétt ráðuneytisins kemur fram
að íslensk stjórnvöld hafa ítrekað
hvatt bresk stjórnvöld til að hætta
rekstri kjarnorkuendurvinnslu-
stöðvarinnar í Sellafield. Fleiri lönd
hafa tekið þátt í þeirri baráttu og í
mars á þessu ári komu umhverfis-
ráðherrar Íslands, Noregs, Austur-
ríkis og Írlands saman til fundar
vegna málsins. Við það tækifæri
sendu þeir frá sér sameiginlega yf-
irlýsingu þar sem bresk stjórnvöld
voru hvött til að opna ekki Thorp-
endurvinnsluverið í Sellafield að
nýju í ljósi ítrekaðra öryggisvanda-
mála, en hefja þess í stað undirbún-
ing að lokun Sellafield-stöðvarinnar.
Óttast að aðgerðir Svía
seinki lokun Sellafield
Þórunn
Sveinbjarnardóttir
Í HNOTSKURN
» Forráðamenn Sellafieldgripu til þess ráðs að
sleppa hluta af geislavirkum
úrgangi í hafið á 7. og 8. ára-
tugnum sem dreifðist um allt
Norður-Atlantshaf.
»Nú er þessi losun hverf-andi miðað við það sem áð-
ur var, en þaðan er nú sleppt
töluverðu af geislavirku
teknetíni-99, sem er mjög
langlíft efni.
„ÞAÐ VAR fyrir
löngu búið að tala
um það við þessa
starfsmenn
Orkuveitunnar að
þeir fengju að
njóta þess sem
þeir voru að búa
til,“ segir Guð-
mundur Þórodds-
son, forstjóri
Reykjavík
Energy Invest, um þá ákvörðun að
einstakir starfsmenn fengu að kaupa
hlutabréf á sérkjörum. Sex starfs-
menn Orkuveitunnar fengu að kaupa
7,8 milljónir hluta á genginu 1,28.
Hann segir starfsmennina hafa
lengi og sérstaklega þó sl. ár, unnið
að því að búa til REI og skapa þau
verkefni sem verið er að selja á yfir
tíu milljarða. „Svo eru þarna fjórir
starfsmenn sem eru nýráðnir til
REI sem fá að kaupa á sama gengi
og FL Group og allir sem komu inn
núna sem er þá gengi dagsins í dag
og ekki sérkjör beinlínis. Við erum
einfaldlega að binda þessa lykil-
starfsmenn við fyrirtækið til að það
sé erfiðara að plokka þá af okkur
vegna þess að þannig gerast kaupin
á eyrinni.“
Binda
lykilstarfs-
menn
Guðmundur
Þóroddsson
UTANRÍKISRÁÐHERRA Íslands
Ingibjörg Sólrún Gísladóttir ávarp-
aði í gær þátttakendur á fundi þing-
mannasamtaka Atlantshafsbanda-
lagsins sem fram fer í Reykjavík og
svaraði síðan fyrirspurnum. Hún
sagði það táknrænt að samtökin
funduðu nú í fyrsta sinn hér á landi
þegar hafinn væri nýr þáttur í sögu
varnarmála landsmanna. Þau væru
nú í deiglu eftir brottför bandaríska
herliðsins í fyrra en um leið færi fram
umbreyting á bandalaginu sjálfu og
áherslum þess.
Ráðherra sagði að aðildin að
NATO hefði verið mikið deiluefni hér
á landi í kalda stríðinu, ekki hefði ríkt
hér sama eindrægnin varðandi varn-
armál og í öðrum norrænum löndum.
Við lok kalda stríðsins hefðu deilurn-
ar minnkað en menn hefðu ekki notað
tækifærið sem þá hefði gefist til að
hugsa upp á nýtt stefnu landsmanna í
öryggis- og varnarmálum. Brottför
hersins hefði hins vegar gert mjög
brýnt að hefja þá umræðu.
„Íslendingar munu taka á sig meiri
ábyrgð og verða virkari í alþjóðamál-
um,“ sagði Ingibjörg Sólrún. „Með
þetta í huga erum við að byggja upp
nýtt samstarf með næstu grönnum
okkar. Við munum verða virkari inn-
an NATO. Og við erum að taka á okk-
ur meiri skyldur innan Sameinuðu
þjóðanna sem kemur fram í því að við
gefum nú í fyrsta sinn kost á okkur til
setu í öryggisráði SÞ.“
Hún sagði að ríkisstjórnin hefði
þegar ákveðið að auka verulega
framlag Íslendinga til friðargæslu
þar sem það hentaði. „Ljóst er að
framlag Íslands verður borgaralegt
að formi og eðli. Sú staðreynd er viss
áskorun í sjálfu sér en fram til þessa
hefur hún ekki reynst óleysanleg. Ís-
lendingar hafa þegar lagt fram skerf
í afmörkuðum verkefnum, t.d. við
rekstur Pristina-flugvallar í Kosovo
og Kabúl-flugvallar í Afganistan.
Aukið samstarf borgaralegra og
hernaðarlegra aðila við friðargæslu
er skilyrði þess að vel takist til eins
og við höfum séð í Afganistan. Ísland
hefur leikið hlutverk á þeim vett-
vangi og mun áfram vinna að upp-
byggingunni.“
Varnarmál Ís-
lands í deiglu
Utanríkisráðherra segir að Ísland taki
áfram þátt í uppbyggingu í Afganistan
INGIBJÖRG Sólrún Gísladóttir utanríkisráðherra
svaraði fyrirspurnum á fundi þings NATO í Reykjavík í
gær, meðal annars var spurt um fyrirhugað varnar-
samstarf við Noreg og afstöðuna til deilnanna við Írana
um kjarnorkutilraunir. Henni á vinstri hönd er fund-
arstjórinn, Markus Meckel, formaður stjórnmála-
nefndar þingsins, og við hlið hans er Steffen Sachs,
framkvæmdastjóri nefndarinnar.
Morgunblaðið/Sverrir
Á fundi með NATO-þingmönnum