Morgunblaðið - 26.10.2007, Page 2

2 FÖSTUDAGUR 26. OKTÓBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv.
Hermannsson fréttastjóri gummi@mbl.is
HÆSTIRÉTTUR þyngdi í gær dóm
yfir þremur mönnum vegna aðildar
þeirra að innflutningi á rúmum 15
kílóum af amfetamíni og rúmum 10
kg af kannabisefnum til landsins á
vormánuðum á síðasta ári. Efnin
voru falin í bensíntanki BMW-bif-
reiðar sem flutt var til landsins frá
Rotterdam í Hollandi.
Dómurinn lengdi refsingu allra
sakborninga um eitt ár. Sá sem
þyngstan dóm hlaut var Ólafur
Ágúst Hraundal Ægisson sem fékk
9½ árs fangelsi, tveir meðákærðir í
málinu, Hörður Eyjólfur Hilmarsson
og Ársæll Snorrason, fengu sjö og
fimm ára fangelsi. Fjórði maðurinn í
málinu, Johan Hendrik Engelsman,
áfrýjaði ekki máli sínu en hlaut sex
ára dóm í Héraðsdómi Reykjavíkur.
Hörður Eyjólfur var sakfelldur
fyrir að hafa staðið að innflutningn-
um en Ólafur Ágúst og Ársæll fyrir
að taka á móti bifreiðinni og hafa
hana í vörslum sínum.
Í dómi Hæstaréttar segir m.a. að
brotin, sem ákærðu áttu hlut að, eigi
sér fáar hliðstæður í dómafram-
kvæmd að því er varðar magn fíkni-
efna og að þeir eigi sér engar máls-
bætur. Styrkur efnisins var einnig til
refsiþyngingar en amfetamínið var
sterkara en í meðalsýni og kannabis-
efnin töluvert sterk.
Við ákvörðun refsingar Ársæls
var m.a. litið til þess að ríkissaksókn-
ari lagði fram í Hæstarétti gögn um
að hann hefði verið dæmdur í fjög-
urra ára fangelsi í janúar 2000 í
Haarlem í Hollandi vegna innflutn-
ings á 15,7 kg af kókaíni. Hafði sá
dómur því ítrekunaráhrif.
Framburður óstöðugur
Þá var litið til þess að Ólafur
Ágúst var dæmdur í júní 2000 til að
sæta fangelsi í níu ár fyrir fíkniefna-
brot. Honum var veitt reynslulausn í
febrúar 2004 og rauf hann hana því
með broti sínu. Í dómi Hæstaréttar
segir að fyrra brot hafi ítrekunar-
áhrif auk þess sem beri að dæma
refsingu í einu lagi, þ.e. einnig eft-
irstöðvar refsingar fyrra brots.
Þá leit Hæstiréttur einnig til for-
sendna héraðsdóms en í niðurstöðu
dómsins í héraði sagði m.a. að skýr-
ingar allra hefðu verið ótrúverðugar
og framburður á reiki og óstöðugur.
Dómar þyngdir vegna
fíkniefnainnflutnings
Þyngsti dómurinn 9½ ár en tveir sakborninga fengu 7 og 5 ár
Í HNOTSKURN
»Málið dæmdu hæstarétt-ardómararnir Gunnlaugur
Claessen, Árni Kolbeinsson,
Garðar Gíslason, Markús Sig-
urbjörnsson og Páll Hreins-
son.
»Verjendur mannanna voruJón Magnússon hrl., Ólaf-
ur Thoroddsen hdl., Björgvin
Þorsteinsson hrl., Jóhann Pét-
ursson hdl. og Sveinn Andri
Sveinsson hrl.
Eftir Gunnar Pál Baldvinsson
gunnarpall@mbl.is
SKIPVERJAR skipa í Reyðarfjarð-
arhöfn brugðust skjótt við í fyrri-
nótt þegar einn þeirra féll niður á
milli skips og bryggju. Ekki var
hann fyrr kominn upp á bryggjuna
en sá þeirra sem lengst hafði reynt
að ná honum upp hneig niður vegna
hjartaáfalls.
„Það kemur bara peyi til okkar
seint um nóttina og kallar að það sé
maður milli skips og bryggju. Þá
fórum við nokkrir þeim til að-
stoðar,“ segir Birgir Þór Sverr-
isson, skipstjóri á Vestmannaey
VE-444. Skipið hafði komið til
Fjarðabyggðar í Reyðarfirði seint
um kvöldið og lá þar ásamt nokkr-
um fleiri skipum frá Vest-
mannaeyjum. Birgir fór ásamt
þremur öðrum skipverjum að þeim
stað þar sem maðurinn hafði dottið
niður á milli skips og bryggju. Þar
hékk maðurinn nokkuð þrekaður í
fríholtum, dekkjum sem hanga ut-
an á bryggjunni, en félagi hans lá á
bryggjukantinum og hélt honum
uppi.
Voru kraftlausir
Sú hætta skapast alltaf þegar
menn lenda í þessum aðstæðum að
skipið þrýstist að bryggjunni í sjó-
gangi með hræðilegum afleiðingum
fyrir þann sem lendir á milli. Á
þessum tíma í fyrrinótt var hins
vegar tiltölulega stillt veður inni í
höfninni. Birgir segir augljóst að
mennirnir tveir hafi verið búnir að
bíða nokkra stund eftir aðstoð. Báð-
ir hafi verið þreyttir að sjá og höfðu
ekki krafta til að koma þeim sem
féll niður í öryggi.
Lítið pláss var milli skipsins og
bryggjunnar og afar þröng aðstaða
fyrir menn að at-
hafna sig.
Skipverjar á
Vestmanna-
eyinni og fleiri
menn, sem dreif
að, ýttu skipinu
frá. Einn skip-
verjanna fór ofan
í sjóinn og lyfti
manninum upp
og menn á
bryggjunni tóku á móti honum og
drógu hann upp.
Ekki var öllu lokið enn því átökin
höfðu reynt verulega á þann sem
haldið hafði manninum uppi í lang-
an tíma. „Hann var orðinn svo
þrekaður að hann hneig bara út af
eftir að við vorum búnir að ná hin-
um upp,“ segir Birgir. „Við fundum
engan púls á honum þannig að við
hófum bara hjartahnoð og hringd-
um á Neyðarlínuna.“ Tókst að
koma hjarta mannsins til að slá að
nýju en stuttu síðar hneig hann aft-
ur út af. Þegar sjúkraflutn-
ingamenn bar að hafði aftur tekist
að koma hjartslætti mannsins af
stað. Voru báðir mennirnir fluttir á
Fjórðungssjúkrahúsið í Neskaup-
stað og heilsast þeim vel, eftir því
sem næst verður komist.
Skipin frá Vestmannaeyjum voru
hins vegar veðurteppt það sem af
var gærdeginum enda mikið hvass-
viðri. Þegar rætt var við Birgi í gær
vildi hann lítið gera úr atburða-
rásinni. Viðbrögð allra þeirra sem
bar að bryggjunni um nóttina hefðu
verið fumlaus og atburðarásin
hefði tekið skamma stund. Frétta-
vefur Morgunblaðsins ræddi við yf-
irlögregluþjóninn á Eskifirði vegna
málsins í gær og sagði hann ljóst að
hætta hefði verið á ferðum og
mannslífi hefði verið bjargað.
Dreginn á land
og úr lífshættu
Skjót viðbrögð þegar einn björgunar-
manna hneig niður vegna hjartaáfalls
Birgir Þór
Sverrisson
RÚMLEGA 80 kindur drápust þeg-
ar fjárflutningabíll valt í Helgafells-
sveit á Snæfellsnesi í gær. Eftir því
sem næst verður komist voru u.þ.b.
230 kindur í vagninum og þurftu
björgunarsveitarmenn að bjarga
þeim sem eftir lifðu af tengivagni
bílsins.
Slysið varð um klukkan tvö í gær
en verið var að safna saman sláturfé í
Helgafellssveit. Hafði bíllinn sótt fé
af fimm bæjum þegar slysið varð og
var þá staddur í heimreiðinni að Arn-
arstöðum. Vegkanturinn gaf sig und-
an bílnum með þeim afleiðingum að
bíllinn og tengivagninn fóru á hlið-
ina. Tveir menn voru í flutningabíln-
um og sluppu þeir án meiðsla.
Björgunarsveitin Berserkir í
Stykkishólmi og Slökkvilið Stykkis-
hólms komu fljótt á slysstað. Að-
koma þar var ófögur en kindurnar,
bæði lifandi og dauðar voru fastar í
einni þvögu á tengivagninum og
þurftu björgunarsveitarmenn að
handlanga kindurnar úr vagninum.
Dýralæknir svæðisins mat síðan
ástand þeirra sem lifðu slysið af.
Morgunblaðið/Gunnlaugur Árnason
Ófögur aðkoma Margar kindur höfðu drepist eða voru í slæmu ásigkomu-
lagi þegar björgunarsveitarmenn og slökkvilið komu á vettvang.
Rúmlega 80 kindur
drápust í bílveltu
HLUTI af þaki svokallaðs Hilm-
ishúss, sem heitir eftir útgerð sem
eitt sinn var umsvifamikil á Fá-
skrúðsfirði, fauk af upp úr hádegi í
gær, en gríðarlegt hvassviðri geis-
aði þá í firðinum. Brakið fauk bein-
ustu leið til hafs og olli engu tjóni.
Mikið vatnsveður var á Suðaust-
urlandi í gær og fram á kvöld. Á Fá-
skrúðsfirði sló vindmælir í 39 metra
á sekúndu um hádegisbilið en þakið
á Hilmishúsi lét undan nokkru síðar
eða nokkru fyrir klukkan 14.
Útihús skemmdist
Á bænum Randversstöðum í
Breiðdal stórskemmdist útihús af
völdum hvassviðris en þar sem
vindurinn stóð af öðrum húsum
varð ekki frekara tjón.
Þá flæddi yfir hringveginn í
Álftafirði við Rannveigarstaði en
vegurinn lokaðist þó ekki af þeim
sökum, samkvæmt upplýsingum frá
Vegagerðinni.
Fauk
til hafs
DORRIT Moussaieff forsetafrú dáðist að listrænum
borðskreytingum úr ávöxtum og grænmeti í veislu sem
boðið var til í nýjum salarkynnum baðstaðarins við
Bláa lónið í gærkvöldi. Forseti Íslands var heið-
ursgestur samkomunnar. Húsnæði baðstaðarins tvö-
faldast með opnun nýbyggingarinnar. | 22
Morgunblaðið/Helgi Bjarnason
Dáðst að borðskreytingum
Salarkynni baðstaðarins við Bláa lónið tvöfaldast