Morgunblaðið - 26.10.2007, Síða 24
|föstudagur|26. 10. 2007| mbl.is
daglegtlíf
Jarðfræðiáhuginn dró Kate
Taylor Smith fyrst til Íslands.
Nú slær hún á heimþrána með
skoskum þjóðarréttum. »26
matur
Það kenndi margra grasa á
tískuvikunni í Mexíkó þar sem
vor- og sumartískan var sýnd á
dögunum. »27
tíska
Eftir Þuríði Magnúsínu Björnsdóttur
thuridur@mbl.is
H
andboltaáhugi er
smitandi og jafnvel
svo bráðsmitandi að
lesandi gæti smitast
við að lesa lengra en
þetta orð (já, þetta!) um líf og
ættir Björgvins Hólmgeirssonar
sem er haldinn bakteríunni á háu
stigi. Þegar blaðamaður slær á
þráðinn til föður hans, ÍR-ingsins
Hólmgeirs Einarssonar, jánkar
hann því stoltur að þrjú börn hans
hafi landsliðsnafnbót í handbolt-
anum, Björgvin, Einar og Guðrún
Drífa.
Hinn tvítugi Björgvin verður í
fyrsta sinn í landsliðshópi karla í
vináttuleikjunum við Ungverja í
kvöld og á morgun og það er aug-
ljóslega spenna í loftinu en fyrstu
viðbrögð nýliðans bera þó vott um
hógværð: „Maður fær tækifæri því
það eru margir meiddir í hópnum
en mér líst mjög vel á þetta. Við
höfum æft tvisvar á dag frá því á
mánudag,“ segir hann og bætir við
að létt sé yfir hópnum. Tækifæri
bræðranna til að spila saman
verður ekki að veruleika, vegna
meiðsla Einars, en það hefði verið
gullið tækifæri því í framtíðinni
gætu þeir myndað stæðilegt par
rétt- og örvhentrar skyttu. „Það
er stefnan, ef engin meiðsli koma
upp.“
Oft fylgja breytingum misviður-
kvæmilegir hlutir og það gildir svo
sannarlega hjá nýjum landsliðs-
mönnum í handbolta: „Ef maður
fær að spila er maður vígður inn í
þetta á viðeigandi hátt … það er
sársaukafullt … og varla prent-
hæft. Það er rassskelling frá öll-
um í liðinu á beran bossann, það
er ekkert flóknara en það,“ fæst
hann loks til að segja. Með góða
spilamennsku að markmiði báða
leikina verði vígslan sennilegast
ekki fyrr en eftir laugardagsleik-
inn. Spurður um hvort hann sé
smeykur við „gömlu landsliðsref-
ina“ segist hann augljóslega halda
að hann verði stressaður „en þeg-
ar á hólminn er komið verður
maður bara að gleyma því“.
Vikureglan stýrir
skemmtanalífinu
Líf Björgvins hverfist um hand-
boltann en hann spilar með úr-
valsdeildarliði Stjörnunnar og
hvað hann gerir um helgar helgast
af þéttskipaðri dagskránni: „Ef
það er leikur á sunnudögum er
maður rólegur og fer kannski í bíó
á laugardagskvöldum en það gef-
ast ekki mörg tækifæri til
skemmtanalífs yfir tímabilið. Við
æfum á föstudögum og laugar-
dagsmorgnum og ef það er leikur
á laugardögum þá er oftast leikur
á þriðjudögum líka.“ Hann segist
þó geta kíkt út á lífið þegar vika
sé í næsta leik, menn verði að
fylgja svokallaðri vikureglu.
En það er líf utan handboltans,
merkilegt nokk. Björgvin stundar
nám í kennslufræði- og lýðheilsu-
deild Háskólans í Reykjavík, í
samstarfi við Íþróttaakademíuna í
Reykjanesbæ, og hann segist
mæta góðum skilningi skólans nú
þegar hann geti ekki mætt vegna
landsliðsæfinganna. Önnur áhuga-
mál unga mannsins koma tæplega
á óvart: „Maður fær ekki nóg af
því að hreyfa sig! Ég hef verið að
„fíflast“ í golfinu á sumrin. Ég
hélt fyrst að þetta væri snobb-
íþrótt en þetta er ótrúlega
skemmtilegt og maður fær auð-
veldlega þessa bakteríu – en það
getur verið svolítið pirrandi að
hitta ekki á kúluna. Svo spila ég
stundum með utandeildarliði í fót-
bolta, það er hægt að sprikla þar,“
segir hann léttur í bragði.
Og hver er svo stemningin fyrir
Evrópukeppninni í Noregi í jan-
úar? „Hún er fín held ég, það er
bara vonandi að Gaui, Einsi og
Logi verði búnir að ná sér eftir
meiðsli. Þá ættu þeir alveg að
geta náð langt, miðað við styrk-
leika liðanna sem leikmenn okkar
spila með.“ Hugsunin „við lands-
liðið“ er sem sagt ekki komin inn
hjá Björgvini en lið Stjörnunnar
er hins vegar örugglega líka hans:
„Við erum efstir – aleinir!“ segir
hann og útskýrir hlæjandi að það
þurfi ekkert að fylgja sögunni að
þrjú lið séu í næsta sæti með einu
stigi minna.
Nú hefur lesandi næstum lesið
alla greinina (!) og er mögulega
kominn með bakteríu Björgvins í
sig – þó ekki væri nema vott af
óskýranlegri hreyfiþörf …
Morgunblaðið/Kristinn
Óstöðvandi Björgvin Hólmgeirsson á landsliðsæfingu í handbolta en hann er einn þriggja nýliða í hópnum. Í
framtíðinni gætu Björgvin og bróðir hans Einar myndað stæðilegt skyttupar á báðum vængjum.
Býst við
rassskellingu
á morgun
Drífðu þig á landsliðsleikina í handbolta í Laugardalshöllinni í kvöld
eða á morgun, ef þú kemst ekki horfðu á þá í sjónvarpinu. Það er samt
sem áður miklu skemmtilegra að fá fleiri áhorfendur.
Maður verður að fara reglulega á American Style, það klikkar aldrei að
fá sér tvöfaldan ostborgara; hrikalega gott!
Á sunnudagskvöldum er skylda að fara í bíó, það er mjög þægilegt.
Fínt að hreyfa sig, t.d. skokka í Elliðaárdalnum. Hefði sagt fólki að fara
léttan golfhring, það er bara alltaf svo vont veður, í góðu veðri er nefni-
lega hægt að vera heilu klukkutímana í golfi.
Farðu út á lífið ef þú hefur tíma til þess. Skemmtu þér um helgar en
ekki gleyma að læra … en maður mælir kannski ekki með því að læra
ef maður þarf þess ekki …
Björgvin mælir með…
Þeir foreldrar sem hafa áhyggjur afof þungum unglingum ættu aðslaka aðeins á því þungar áhyggj-ur geta einmitt gert illt verra. Ný
rannsókn sem vefmiðillinn msnbc.com
greinir frá sýnir sumsé að besta leiðin til að
hjálpa krökkunum að takast á við ofþyngd-
ina er að elda heilsusamlegan mat á sunnu-
dögum og einblína ekki á aukakílóin.
Stríðni yfir vigtinni og eilíft megrunartal
gerir of þungum unglingnum ekkert nema
vont. Foreldrar ættu öllu heldur að leggja
sig í líma við að skapa notalegt andrúmsloft
í kringum mat og að fjölskyldan sameinist
oftar yfir matarborðum, auk þess að stuðla
að því að unglingurinn hreyfi sig meira og
styrkja sjálfsmat hans.
Rannsókn Minnesota-háskóla í Bandaríkj-
unum á heilsu 2.500 unglinga þykir sýna
merkilegar niðurstöður sem mark sé tak-
andi á enda gerð á fimm ára tímabili. Í ljós
kom að 44% stúlkna og 20% stráka voru of
þung, stunduðu ofát eða höfðu lagt mikið á
sig til að grennast, eins og að nota hægða-
lyf og taka inn megrunarpillur. Fjórðungur
af þeim stúlkum sem voru í ofþyngd hafði
farið í stranga kúra og 10% tiltóku bæði
megrunarkúra og ofát en á móti höfðu „ein-
ungis“ 12% of þungra stráka farið á megr-
unarkúr.
Lágt sjálfsmat helsta orsökin
Niðurstöðurnar sýna auk þess fram á að
rót vandans getur verið hin sama hjá þeim
sem glíma við offitu og þeim sem eru of
grannir; lágt sjálfsmat og óánægja með lík-
amann ásamt slæmum matarvenjum. Slá-
andi þykir að hafi unglingi verið strítt á of-
þyngd og hann hvattur til að fara í megrun
er hættan á offitu og ofáti mun meiri fimm
árum síðar. Þannig voru stúlkur sem var
strítt um helmingi líklegri til að vera of
þungar og 1,5 sinnum líklegri til að stunda
ofát og leggja á sig stranga megrun.
Mikil áhersla á offitu barna er sögð hafa
haft neikvæðar afleiðingar í för með sér.
Það framferði leikfimikennara, sem er tí-
undað á vefsíðunni, að vigta nemendur fyr-
ir framan allan hópinn getur a.m.k. ekki
verið til eftirbreytni. Foreldrar eru að síð-
ustu hvattir til að gefa krökkunum sínum
önnur skilaboð en „megrun, megrun …“.
Of mikið látið með ofþyngd unglinga
Reuters
Sjálfsálit Sé unglingum strítt á ofþyngd og
þeir oftsinnis hvattir til að fara í megrun er
miklu meiri hætta á offitu síðar meir.
heilsa