Morgunblaðið - 26.10.2007, Blaðsíða 40

40 FÖSTUDAGUR 26. OKTÓBER 2007 MORGUNBLAÐIÐ
MINNINGAR
✝ Bragi Skarp-héðinsson járn-
smiður fæddist í
Reykjavík 24. nóv-
ember 1933. Hann
lést á Dvalar-og
hjúkrunarheimilinu
Hlíð á Akureyri 20.
október síðastlið-
inn. Foreldrar hans
voru Jórunn Einars-
dóttir, húsmóðir og
iðnverkakona í
Reykjavík, f. 23.2.
1905, d. 23.9. 1978,
og Skarphéðinn Vé-
mundsson, síðast verkamaður í
Reykjavík, f. 19.8. 1911, d. 31.12.
1979. Bræður Braga eru Þráinn, f.
25.9. 1937, og Ómar, f. 20.8. 1949.
Bragi kvæntist árið 1956 Esther
Brittu Vagnsdóttur, f. 10.8. 1936.
Foreldrar hennar voru Laufey
Hólm Sigurgarðsdóttir, húsmóðir
í Reykjavík, f. 21.4. 1911, d. 2.5.
1988, og Vagn Egill Jónsson,
hæstaréttarlögmaður, f. 5.7. 1914,
d. 5.4. 1976. Bragi og Esther
skildu 1982. Börn þeirra eru Egill
Héðinn, f. 8.3. 1957, Skúli Þór, f.
13.5. 1959, og Snorri Ragnar, f.
25.12. 1963. Egill Héðinn og fyrr-
verandi kona hans, Anna Lára
Þorsteinsdóttir, f. 28.7. 1956, eiga
tvö börn, Ástu Laufeyju, f. 1.5.
1978, og Þorstein Marinó, f. 2.6.
Reykjavík, og lauk prófi frá Iðn-
skólanum í Reykjavík. Bragi var
einn af stofnendum Lúðrasveitar
verkalýðsins og lék með lúðra-
sveitinni fyrstu árin sem hún
starfaði. Árið 1964 gerðist hann
verslunarmaður í Hljóðfærahúsi
Reykjavíkur og starfaði þar til
ársins 1970 að hann fór aftur að
stunda járnsmíði og þá hjá Norma
hf. í Reykjavík. Vann hann m.a.
við Þórisós og stækkun álversins í
Straumsvík. Árið 1972 flutti fjöl-
skyldan til Akureyrar. Þar réðst
Bragi til Vélsmiðjunnar Odda hf.,
þar sem hann starfaði árum sam-
an með hléum, en hann réðst tíma-
bundið til Vélsmiðju Steindórs og
til Slippstöðvarinnar hf. á Akur-
eyri. Frá 1975 til 1980 starfaði
hann við vélgæslu á varaaflstöðv-
um á Oddeyri og við Rangárvelli,
við stækkun Laxárvirkjunar og
viðhald togara ÚA svo fátt eitt sé
nefnt. Eftir það var hann hjá Hita-
veitu Akureyrar til árins 1981 að
hann flutti til Suðureyrar við Súg-
andafjörð ásamt sambýliskonu
sinni Ingunni Sveinsdóttur frá
Barðsnesi, f. 20.9. 1942. Þar var
hann um tíma við iðn sína, en 1984
flutti hann til Norðfjarðar og bjó í
Neskaupstað til árins 1996 að
hann fór til Skúla sonar síns á
Sauðárkróki. Árið 1999 flutti
Bragi aftur til Akureyrar og bjó
þar til dauðadags.
Bragi verður jarðsunginn frá
Glerárkirkju í dag og hefst at-
höfnin klukkan 10.30.
1987. Síðari kona
Egils er Wirat Uba-
sen, f. 31.3. 1965, þau
eiga dótturina
Chandraju, f. 19.9.
2005. Skúli er kvænt-
ur Nuanchawee Wij-
annarong, f. 17.1.
1968, börn þeirra eru
Ása María, f. 5.9.
1998, og Jasmín, f.
7.5. 2004. Skúli Þór á
dóttur, Pascale Elísa-
bet, f. 16.11. 1980,
með fyrri konu sinni
Doris David frá
Máritíus, og son, Davíð Braga, f.
19.6. 1992, með Natalie Bragason.
Dóttir Snorra og sambýliskonu
hans Auðbjargar Maríu Ólafs-
dóttur, f. 12.12. 1971, er María El-
ísabet, f. 15. desember 2006.
Snorri Ragnar á tvö börn með
fyrri konu sinni, Margréti Jónínu
Þorsteinsdóttur, f. 25.2. 1967. Það
eru synirnir Daníel Ágúst, f. 25.6.
1989, og Snorri Ágúst, f. 23.12.
1990.
Bragi ólst upp í sveit í Fossvog-
inum þar sem foreldrar hans voru
með búskap og síðar í Reykjavík.
Hann gekk í Laugarnesskóla, en
stundaði almenna verkamanna-
vinnu eftir að skyldunámi lauk.
Hann lærði járnsmíði í Vélsmiðj-
unni Héðni og Landssmiðjunni í
Pabbi ólst upp í Reykjavík á
kreppuárunum þegar allur almenn-
ingur hafði úr litlu að spila. Sá tími
var honum minnisstæður, og eins
tími stríðsáranna. Þessir tímar mót-
uðu hann og lífsviðhorf hans að
ýmsu leyti.
Pabbi var glaðvær og mikill tón-
listarunnandi. Hann lærði ungur að
árum að leika á tenórsaxafón hjá
Vilhjálmi Guðjónssyni og einnig lék
hann vel á harmoniku. Hann var
einn af stofnendum Lúðrasveitar
Verkalýðsins í Reykjavík þar sem
hann lék á franskt horn. Hann var
róttækur sósíalisti, félagi í Samtök-
um hernámsandstæðinga og í
Sósíalistaflokknum, seinna Alþýðu-
bandalaginu. Málefni verkalýðs-
hreyfingarinnar og kjarabarátta
ásamt frelsisbaráttu hinna vinnandi
stétta voru honum hjartans mál.
Hann mátti aldrei heyra á verka-
lýðshreyfinguna hallað einu orði.
Hann var virkur félagi í stéttar-
félagi málmiðnaðarmanna.
Árið 1954 fór hann með vini sínum
Gísla Halldórssyni símvirkja til
Noregs. Í Bergen réðu þeir sig á
fornfálegt gufuskip sem hét Fulton.
Skipið sigldi til Múrmansk að sækja
timbur sem var flutt til Englands.
Annar góður vinur pabba var Þórð-
ur Sigurel Kristjánsson, bifreiða-
stjóri og rennismiður. Ég man eftir-
minnilega ferð sem hann og Þórður
fóru árið 1969 með Björgunarsveit-
inni Ingólfi í Húsafell og Veiðivötn,
en pabbi var veiðimaður á stöng og
hafði yndi af útiveru og veiðiskap.
Pabbi hóf flugnám í Reykjavík um
24 ára að aldri en varð að hætta þar
sem hann stóðst ekki fyllilega kröf-
ur um heyrn. Hann unni þó fluginu
alla ævi og mat þá reynslu mikils að
hafa flogið Piper Cup.
Á þeim árum sem hann starfaði
hjá Hljóðfærahúsi Reykjavíkur
eignaðist hann gott hljómplötusafn.
Hann unni sígildri tónlist en hafði
breiðan tónlistarsmekk. Eftir ára-
löng störf hjá Hljóðfærahúsinu
sneri hann aftur að járniðninni. Á
þessum árum var mikil vinna t.d. við
Búrfellsvirkjun og Þórisós. Árið
1972 var ákveðið að flytja til Akur-
eyrar, nánar tiltekið í Glerárþorp
sem þá var svo nefnt. Þar tók við
áframhaldandi vinna að járnsmíð-
um. Pabbi eignaðist járnsmíðaverk-
færi, vélar og tæki sem hann hafði í
bílskúrnum. Járnið lék í höndum
hans og til urðu fínlegir hlutir með
persónulegu yfirbragði. Fyrir utan
bílskúrinn stóð Willys jeppinn guli,
árgerð 1954, en um þann jeppa sagði
pabbi síðar að hann væri eina öku-
tækið sem sér hefði þótt vænt um.
Árið 1982 ákvað pabbi að flytja
vestur á firði, til Suðureyrar við
Súgandafjörð. Þar bjó hann í nokk-
ur ár, stafaði að járnsmíðum og svo-
lítið að tónlistarkennslu við tónskóla
staðarins. Þá lá leiðin austur á land,
í Neskaupstað. Þar starfaði hann á
vélaverkstæði Síldarvinnslunnar hf.
Heilsan fór að bila rétt þegar
pabbi var um sextugt, hann greind-
ist með Alzheimers sjúkdóm. Sem
betur fer átti hann samt eftir mörg
ágæt ár. Akureyringar tóku fjöl-
skyldunni vel, og veit ég að það var
pabba mikils virði og minntist hann
oft á hversu heppin við hefðum verið
að flytja einmitt þangað.
Af ótal mörgum minningum vil ég
nefna kvöldin sem hann sat við að
hlusta á sígilda tónlist, reykjandi
pípuna sína, með bók eftir Hem-
ingway eða aðra eftirlætishöfunda í
hendi.Af íslenskum rithöfundum
mat hann Halldór Laxnes mest, af
ljóðskáldum Bólu-Hjálmar. Hann
fann sér að ýmsu leyti sálufélaga í
stórbrotnum persónum þeirra.
Ég vil þakka pabba fyrir allt, og
kveðja hann hinstu kveðju.
Egill Héðinn Bragason.
Meira: mbl.is/minningar
Í dag kveðjum við Braga bróður
og mág hinstu kveðju. Nú er lokið
baráttu hans við hinn erfiða sjúk-
dóm Alzheimer sem náði tökum á
honum allt of snemma. Bragi var
einstakt ljúfmenni og brosið hans
bræddi allra hjörtu. Þrátt fyrir
heilsubrest kvartaði hann ekki en
reyndi frekar að gleðja samferða-
fólk sitt, margir muna hann sjálf-
sagt hlæjandi með pípuna í munn-
vikinu. Hann var hrekklaus maður
og sérlega barngóður. Hann var
stóri bróðir minn og ég leit alltaf
upp til hans í æsku enda var hann
mér góður og reyndist mér ávallt
vel. Þegar við hjónin fluttum austur
í Egilsstaði voru heimsóknir hans
eftirminnilegar og börnin okkar löð-
uðust strax að honum og var hann
frændinn sem var svo góður og
skemmtilegur. Í síðustu heimsókn
hans austur kynntist hann barna-
börnunum okkar, en þá var sjúk-
dómurinn byrjaður að segja til sín.
Þau skynjuðu það og fannst að þau
yrðu að passa hann vel, sem þau og
gerðu, og varð mikil vinátta milli
þeirra.
Bragi var tónlistarmaður og mik-
ill hagleikssmiður á járn.
Marga fallega gripi smíðaði hann
úr járni og gaf vinum og vanda-
mönnum, enda lærður járnsmiður
og eldsmíðin heillaði hann.
Hann var einn af stofnendum
Lúðrasveitar verkalýðsins og spilaði
þar á saxófón og tenórhorn í ára-
fjöld, oft var glatt á hjalla á æfingum
og Bragi hrókur alls fagnaðar.
Veiði og útivera voru meðal
áhugamála hans og fórum við marga
veiðiferðina með æskuvinum og fé-
lögum í Reykjavík, var þá oftast
tjaldað á vatns- eða árbakka og
spjallað og grínast langt fram á ljós-
ar sumarnætur svo veiðin gleymdist
jafnvel. Við áttum líka margar eft-
irminnilegar samverustundir við
Eiðavatn um hvítasunnu, þegar
Bragi tíndi upp fisk á pínulítinn
spinner þegar aðrir fengu ekki neitt,
og hló dátt.
Síðustu ár voru erfið bæði fyrir
Braga og aðstandendur því Alz-
heimersjúkdómurinn einangrar fólk
svo það missir smám saman allt
samband við umheiminn og getur
ekki tjáð sig. Vel var hugsað um
Braga á hjúkrunarheimilinu Hlíð á
Akureyri og starfsfólk þar á þakkir
skildar fyrir frábæra umönnun.
Við minnumst Braga með söknuði
en þökkum fyrir að hafa átt hann
sem bróður og mág.
Sonum hans, Agli, Skúla og
Snorra, barnabörnum og öðrum
venslamönnum vottum við okkar
innilegustu samúð. Minningin um
Braga lifir í hjörtum okkar.
Þráinn og Gunnhildur.
Bragi Skarphéðinsson
FRÉTTIR
STYRKJUM úr Jafnréttissjóði var
úthlutað s.l. miðvikudag. Fengu 5
verkefni styrk, samtals að upphæð 9
milljónir króna. Geir H. Haarde for-
sætisráðherra afhenti styrkina.
Þau leiðu mistök urðu við birtingu
fréttar um úthlutunina í blaðinu í
gær, að með birtist listi um þau
verkefni sem styrkt voru árið 2006.
Hér birtist á eftir réttur listi:
1. Fjöldi kvenna á þingi – framboð
eða eftirspurn – umsækjandi og
verkefnisstjóri Indriði H. Indriða-
son, dósent í stjórnmálafræði HÍ –
markmið rannsóknarinnar er að
leggja mat á þær skýringar sem
liggja til grundvallar ástæðum þess
hvað veldur litlum hlut kvenna á al-
þingi Íslendinga. Rannsóknin felur í
sér að skýra árangur kvenna í próf-
kjörum stjórnmálaflokkanna að
teknu tilliti til reynslu, flokksstarfs,
aldurs, menntunar, fjölda kvenna og
karla í framboði auk annarra hugs-
anlegra skýribreytna.
2. Jafnréttisumræða á tímamótum
– kyn og margbreytileiki – umsækj-
andi Þorgerður H. Þorvaldsdóttir,
doktorsnemi og verkefnisstjóri Þor-
gerður Einarsdóttir, dósent í kynja-
fræðum HÍ, markmið rannsóknar-
innar er að fá heildstæða þekkingu á
íslenskri jafnréttisumræðu – skoðað
verður hvernig femínískar kenning-
ar um samspil mismununarbreytna
geta nýst til að sætta ólíkar áherslur
í jafnréttisstarfi og markmiðið er að
þróa jafnréttishugtak þar sem
margbreytileikinn er hafður að leið-
arljósi – án þess að áhersla á kynja-
jafnrétti sé gefin upp á bátinn.
3. Vinna foreldra á heimili og
vinnumarkaði – alþjóðlegur sam-
anburður, umsækjandi og verkefnis-
stjóri er Stefán Ólafsson, prófessor í
félagsfræði HÍ – markmið rann-
sóknarinnar er að meta heildar-
vinnuframlag foreldra, samanlagt á
vinnumarkaði og við heimilisstörf,
hvernig hann skiptist milli kynja og
hvernig hann er háður fjölda barna á
heimilinu. Enn fremur verður verka-
skipting á heimilum rannsökuð.
Þannig fæst heildstæð mynd af
vinnumagni fjölskyldna, karla og
kvenna aðskilið og sameiginlega.
4. Mat á tölfræðilíkönum með
vinnumarkaðskönnunum – þýðing
ómældra breytna – umsækjandi og
verkefnisstjóri Helgi Tómasson,
dósent í hagrannsóknum og tölfræði
HÍ. Markmið rannsóknarinnar er að
safna með rafrænum hætti gögnum
um laun, vinnutíma, starf, kyn, aldur
og ýmsar fleiri breytur. Þetta er
gert til að hægt verði að álykta um
þýðingu þessara breytna fyrir
launamyndun þar sem nauðsynlegt
er að raunhæft tölfræðilegt líkan sé
metið. Svo hægt sé að meta þýðingu
ómældra breytna er nauðsynlegt að
fyrir hendi séu endurteknar mæl-
ingar á sama einstaklingi á mörgum
tímabilum.
5. Staðbundið samfélagslegt
mikilvægi jafnrar kynjaskiptingar –
umsækjandi Vífill Karlsson, dósent
háskólanum Bifröst – verkefnisstjóri
Gylfi Magnússon, dósent í viðskipta-
deild HÍ – Markmið verkefnisins er
að skoða samband milli kynjahalla
og húsnæðisverðs – og hvort þetta
samband endurspegli félagslegt
mikilvægi kvenna. Þar sem eftir-
spurn neytenda mótast af forgangs-
röðun þeirra í heimi takmarkaðra
gæða, endurspeglar landfræðilegur
breytileiki fasteignaverðs virði stað-
setningar til búsetu.
Úthlutun styrkja úr Jafnréttissjóði
Morgunblaðið/Frikki
Afhending Styrkþegar ásamt Geir H. Haarde og Gylfa Aðalsteinssyni.
GRAND Hótel Reykjavík fagnar
stækkun eftir að ný og glæsileg
turnbygging hefur verið tekin í
notkun. Í dag, 26. október, verður
„Grand Opnun“ á hótelinu. Í frétta-
tilkynningu segir að nýr inngangur
frá Kringlumýrarbraut leiði gesti
inn í 800 fermetra glerhýsi, Mið-
garð, með 17 metra lofthæð, sem
hýsir nýja móttöku og bar. Gler-
listaverk Leifs Breiðfjörð prýða
Miðgarð.
209 ný herbergi bættust við hót-
elið í turnbyggingunni þ.m.t. for-
setasvítur. Samtals eru nú 314 her-
bergi á hótelinu eftir stækkun og er
hótelið það stærsta á Íslandi.
Átta funda- og veislusalir bættust
við með stækkun hótelsins og eru þá
14 fundaherbergi og ráðstefnusalir
á hótelinu sem henta vel við hvers
konar tilefni.
Við hinn nýja inngang hótelsins
bættist fjöldi bílastæða og einnig er
nýr bílakjallari undir hótelinu. Sam-
tals eru vel yfir 300 bílastæði við
hótelið.
Glæsileg líkamsræktarstöð og
spa, Grand Spa, verður opnuð eftir
nokkra daga.
Opnun Ný turnbygging tekin í notkun á Grand Hótel Reykjavík.
Ný turnbygging
á Grand Hótel